பாராளுமன்ற உறுப்பினர் விமல் வீரவங்ச, வாசுதேவ நாணயக்கார மற்றும் அரசில் இருந்து விலகிய அரசியல்வாதிகள் கலந்து கொண்ட உத்தர சபை அரசியல் கூட்டம் கண்டியில் நிறைவடைந்ததை அடுத்து கண்டியில் இளைஞர்கள் குழு ஒன்று இதற்கு கடும் எதிர்ப்பை வெளியிட்டது.

கண்டி மாவட்ட உத்தர சபையின் அரசியல் கூட்டம் நேற்று (13) கண்டி புஷ்பதன மண்டபத்தில் இடம்பெற்றதுடன், கூட்டம் நிறைவடைந்த பின்னர், அவ்விடத்திற்கு வந்த இளைஞர்கள் குழுவொன்று அவர்களை மிகவும் கடுமையாக திட்டியுள்ளனர். என ஏசியன் மிரர் செய்தியாளர் குறிப்பிட்டுள்ளார்.

இந்த எதிர்ப்புக்கு மத்தியில் விமல் வீரவங்ச தனது மெய்ப்பாதுகாவலர்களுடன் தனது வாகனத்தில் நிகழ்வு மண்டபத்தை விட்டு வெளியேறிய போதிலும், வாசுதேவ நாணயக்கார, திஸ்ஸ விதாரண உள்ளிட்டோர் கடும் பதற்றம் காரணமாக மண்டபத்தை விட்டு வெளியே வரமுடியவில்லை என தெரிவிக்கப்படுகிறது.

பலத்த எதிர்ப்புகளுக்கு மத்தியில் இரு தரப்பினருக்கும் இடையில் சூடான மற்றும் பதட்டமான சூழ்நிலை தொடர்ந்த போது வாசுதேவ நாணயக்கார மற்றும் திஸ்ஸ விதாரண ஆகியோர் பொலிஸ் பாதுகாப்புக்கு மத்தியில் தங்கள் வாகனங்களில் ஏறினர்.

சுமார் 15 நிமிடம் இரு தரப்பினருக்கும் இடையே கடும் வாக்குவாதம் ஏற்பட்டதையடுத்து, அப்போது அங்கிருந்த காவல் துறையினர் ஒதுங்கி நின்று அமைதியாக பார்த்துக் கொண்டிருந்தனர்.

விமல் வீரவன்ச, உதய கம்மன்பில, வாசுதேவ நாணயக்கார, திஸ்ஸ விதாரண போன்றவர்கள் முன்முயற்சி எடுத்து மகிந்த காற்று வீசியதும் அதே அரசாங்கத்தை நிறுவி அமைச்சர் பதவிகளை வகித்து பாராளுமன்றத்திற்கு வர முயற்சித்தால் தாங்கள் பதவி வகித்ததாக ஆர்ப்பாட்டத்தில் கலந்து கொண்டவர்கள் குறிப்பிட்டுள்ளனர். 

எந்த அரசாங்கம் வந்தாலும் அந்த அரசாங்கத்தின் அமைச்சர் பதவிகளை பெற்று சுகபோகங்களை அனுபவிக்கும் விமல் வீரவன்ச உள்ளிட்ட குழுவினர் இம்முறையும் இந்த முயற்சியை மேற்கொள்வது அந்த மகிழ்ச்சியான கருத்துகளுக்காகவே அன்றி அன்பினால் அல்ல என போராட்டத்தில் ஈடுபட்டவர்கள் தெரிவித்தனர். 

அரசியல்வாதிகள் வெளியேறியதையடுத்து, அப்பகுதியில் பதற்றம் தணிந்தது, அதன்பின்னர் காவல் துறையினர் வந்து போராட்டத்தில் ஈடுபட்டவர்களை அங்கிருந்து அப்புறப்படுத்த நடவடிக்கை எடுத்தனர்.

ரி20 உலக கிண்ண தொடரின் இறுதிப் போட்டியில் பாகிஸ்தான் அணியை வீழ்த்தி இங்கிலாந்து அணி அபார வெற்றிபெற்றுள்ளது.

இன்றைய இறுதி போட்டியில் இங்கிலாந்து மற்றும் பாகிஸ்தான் அணிகள் மோதிக் கொண்டன.

நாணய சுழற்சியை வென்ற இங்கிலாந்து அணி முதலில் பந்துவீச தீர்மானித்துள்ளது.

அதனடிப்படையில் முதலில் துடுப்பெடுத்தாடிய பாகிஸ்தான் அணி நிர்ணயிக்கப்பட்ட 20 ஓவர்கள் நிறைவில் 8 விக்கெட்களை இழந்து 137 ஓட்டங்களை பெற்றுக் கொண்டது.

பாகிஸ்தான் அணி சார்ப்பில் ஷான் மசூட் அதிகபட்சமாக 38 ஓட்டங்களை பெற்றுக் கொண்டார்.

பந்து வீச்சில் சாம் கரண் 12 ஓட்டங்களுக்கு 3 விக்கெட்களை வீழ்த்தியிருந்தார்.

அதனடிப்படையில் இங்கிலாந்து அணிக்கு 138 ஓட்டங்கள் வெற்றியிலக்காக நிர்ணயிக்கப்பட்டுள்ளது.

பதிலுக்கு துடுப்பெடுத்தாடிய இங்கிலாந்து அணி 19 ஓவர்கள் நிறைவில் 5 விக்கெட்களை இழந்து 138 ஓட்டங்களை பெற்று போட்டியில் வெற்றி பெற்றுள்ளது.

இங்கிலாந்து அணி சார்ப்பில் பென் ஸ்டேக்ஸ் ஆட்டமிழக்காமல் 51 ஓட்டங்களைபெற்றுக் கொண்டார்.

அதனடிப்படையில் இங்கிலாந்து அணி 5 விக்கெட்கள் வித்தியாசத்தில் பாகிஸ்தான் அணியை வீழ்த்தி 2022 ஆம் ஆண்டின் உலக கிண்ணத்தை வெற்றுள்ளது.

டலஸ் அழகப்பெரும தலைமையிலான தேசிய சுதந்திர சபையில் கருத்து முரண்பாடு ஏற்பட்டுள்ளதாக தெரிவிக்கப்படுகின்றது.

வரும் தேர்தலில் எந்த கட்சியுடன் கூட்டணி வைப்பது என்ற விடயத்தில் இந்த பிரச்சினை எழுந்துள்ளது.

எதிர்வரும் தேர்தலில் சமகி ஜன பலவேகவுடன் டலஸ் அணி கூட்டணி அமைக்க வேண்டும் என ஒரு எம்பிக்கள் குழு தெரிவித்துள்ளது.

இந்த குழுவிற்கு கலாநிதி நாலக கொடஹேவா மற்றும் பாராளுமன்ற உறுப்பினர்கள் சிலர் ஆதரவளித்து வருவதாக தெரிவிக்கப்படுகிறது.

டலஸ் அணி விமல் மற்றும் உதய அணியினரின் உத்தர லங்கா கூட்டமைப்புடன் கூட்டணி அமைக்க வேண்டுமென பேராசிரியர் சன்ன ஜயசுமண உள்ளிட்ட  உறுப்பினர்கள் குழு குறிப்பிடுவதாக தெரிவிக்கப்படுகிறது.

இதன் காரணமாக எதிர்காலத்தில் எந்தக் கட்சியுடன் கூட்டணி வைப்பது என்பது குறித்து இறுதி முடிவு எடுப்பதில் டலஸ் அணி தாமதம் செய்து வருவதாக தகவல்கள் தெரிவிக்கின்றன.

பல்கலைக்கழகங்க மாணவர் ஒன்றியத்தின்  பிக்கு அழைப்பாளர் கல்வெவ சிறிதம்ம தேரர் மற்றும் பல்கலைக்கழக மாணவர் ஒன்றியத்தின் அழைப்பாளர் வசந்த முதலிகே ஆகியோரை விடுவிக்குமாறு அரசாங்கத்திடம் கோரியமைக்காக ஐந்து பெண்கள் கைது செய்யப்பட்டுள்ளதாக பாணந்துறை தெற்கு பொலிஸார் தெரிவித்தனர்.

சந்தேகநபர்களிடம் தொடர்ந்து விசாரணைகள் இடம்பெற்று வருவதாக பொலிஸார் தெரிவித்தனர்.

இன்று காலை 9.30 மணியளவில் களுத்துறை போதியை  வழிபட்ட பின்னர் தடுத்து வைக்கப்பட்டிருந்த சிறிதம்ம தேரர் மற்றும் வசந்த முதலி ஆகியோரின் உருவங்கள் அடங்கிய இரண்டு பதாதைகளை ஏந்தியவாறு குறித்த இரு பெண்களும் ஆர்ப்பாட்டத்தில் ஈடுபட்டனர்.

பின்னர் காலி வீதியூடாக பேருந்தில் கொழும்பு நோக்கி வந்த இரு பெண்கள் உள்ளிட்ட குழுவினர் களுத்துறை வடக்கு பகுதியில் இருந்து இறங்கி மீண்டும் பேரணியாக செல்ல ஆரம்பித்துள்ளனர்.

அதனையடுத்து வாத்துவ பின்வத்தை மற்றும் பாணந்துறை தெற்கு பொலிஸ் அதிகாரிகள் பல தடவைகள் அவர்களை திசை திருப்ப முற்பட்டதையடுத்து, அந்த நேரத்தில் ஆர்ப்பாட்ட பேரணிக்கு வந்த மக்களுக்கும் பொலிஸ் அதிகாரிகளுக்கும் இடையில் கடும் வாக்குவாதம் ஏற்பட்டது.

கம்பஹாவின் பல பகுதிகளில் நாளை (13) எட்டரை மணித்தியால நீர் வெட்டு அமுல்படுத்தப்படும் என தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.

குறித்த பிரதேசங்களுக்கு நாளை காலை 08.30 மணி முதல் மாலை 05.00 மணி வரை நீர் விநியோகம் தடைப்படும் என அந்த சபை குறிப்பிட்டுள்ளது.

இதன்படி, பேலியகொட தோட்டம், ஜா-எல, கட்டுநாயக்க - சீதுவை நகரசபை பகுதிகளுக்கும் களனி, வத்தளை, பியகம, மஹர, தொம்பே, கட்டான, மினுவாங்கொட பிரதேச சபை பகுதிகளுக்கும் கம்பஹா பிரதேச சபை பகுதிக்கும் குறித்த காலப்பகுதியில் நீர் வெட்டு அமுல்ப்படுத்தப்படவுள்ளது.

கந்தகாடு புனர்வாழ்வு நிலையத்தில் இருந்து தப்பியோடிய நிலையில், மீண்டும் கைது செய்யப்பட்டு வைத்தியசாலையில் அனுமதிக்கப்பட்ட கைதி ஒருவர் நேற்று இரவு உயிரிழந்துள்ளார்.

இவர் காணாமல் போயிருந்த நிலையில், 10ஆம் திகதி வெலிகந்த திரிகோண கந்த காட்டில் மீட்கப்பட்டதாக பொலிஸார் தெரிவித்தனர்.

பல நாட்களாக உணவருந்தாமல் இருந்த அவர், பொலன்னறுவை வைத்தியசாலையில் அனுமதிக்கப்பட்ட பின்னர் நேற்று (11) இரவு உயிரிழந்துள்ளார்.

கடுவெல நீதவான் நீதிமன்றத்தினால் புனர்வாழ்விற்காக கந்தகாடு புனர்வாழ்வு நிலையத்திற்கு அனுப்பி வைக்கப்பட்ட 31 வயதுடைய நபரே உயிரிழந்துள்ளார். 

ஸ்ரீலங்கா பொதுஜன பெரமுனவினால் ஆரம்பிக்கப்பட்ட 'சாம்பலுடன் எழுவோம்' கூட்டத் தொடர் தற்காலிகமாக இடைநிறுத்தப்பட்டுள்ளது.

அக்கட்சியின் மறுசீரமைப்பு நடவடிக்கைகளின் கீழ் அக்கட்சியின் தலைவர் முன்னாள் ஜனாதிபதி மஹிந்த ராஜபக்ஷ தலைமையில் இந்தக் கூட்டத் தொடர் ஆரம்பமாகியிருந்தது.

இவற்றில் மூன்று கூட்டங்கள் அண்மையில் களுத்துறை நாவலப்பிட்டி மற்றும் புத்தளத்தில் நடைபெற்றன.

தற்போதைய சூழ்நிலையில் அரசியல் கூட்டங்களை நடத்துவது மிகவும் பொருத்தமானதல்ல என கட்சியின் அமைச்சர்கள் குழு சுட்டிக்காட்டியதையடுத்து இந்த கூட்டத் தொடரை தற்காலிகமாக நிறுத்த தீர்மானிக்கப்பட்டுள்ளது.

முதலில் கட்சிகளை கவனித்து பின்னர் கூட்டத்தை நடத்தி கட்சியை அமைப்பதே சிறந்தது என மக்கள் பிரதிநிதிகள் சுட்டிக்காட்டியுள்ளனர். 

நாட்டில் உள்ள அனைத்து அரச மற்றும் தனியார் வங்கிகளும் தங்கள் கடன் வட்டி விகிதத்தை மேலும் 4% உயர்த்தியுள்ளன.

அதனுடன், சில வங்கிகளின் கடன் வட்டி விகிதம் 32% ஆக உயர்ந்துள்ளது.

இருப்பினும், அரச வங்கிகளுடன் ஒப்பிடுகையில் சில தனியார் வங்கிகளின் கடன் வட்டி விகிதம் குறைவாக உள்ளது, ஆனால் கடன் பெறுவதற்கான நிபந்தனைகள் கடுமையாக்கப்பட்டுள்ளன.

வங்கி வட்டி அதிகரிப்புடன், முழு வங்கி முறையிலும் திருப்பிச் செலுத்த முடியாத கடன்களின் அளவு வேகமாக அதிகரித்து வருவதாக மத்திய வங்கி அறிக்கைகள் சுட்டிக்காட்டுகின்றன.