2025/2026 மதிப்பீட்டு ஆண்டுக்கான வருமான வரி அறிக்கைகளைச் சமர்ப்பிப்பதற்கான இறுதித் திகதி 2026 நவம்பர் 30ஆம் திகதி என உள்நாட்டு இறைவரித் திணைக்களம் (IRD) வரி செலுத்துவோருக்கு நினைவூட்டியுள்ளது.
இது தொடர்பாக வெளியிடப்பட்டுள்ள அறிவிப்பில், வருமான வரி அறிக்கைகளைச் சமர்ப்பிக்க சட்டரீதியாகக் கடமைப்பட்டுள்ள அனைத்து நபர்களும், நிர்ணயிக்கப்பட்ட காலக்கெடு முடிவடைவதற்கு முன்னர் உரிய அறிக்கைகளைச் சமர்ப்பிக்க நடவடிக்கை எடுக்க வேண்டும் எனத் திணைக்களம் தெரிவித்துள்ளது.
வருமான வரி அறிக்கைகளைச் சமர்ப்பிப்பது தொடர்பில் மேலதிக தகவல்கள் அல்லது தெளிவுபடுத்தல்கள் தேவைப்படும் வரி செலுத்துவோர், உள்நாட்டு இறைவரித் திணைக்களத்தின் 1944 என்ற அவசர தொலைபேசி இலக்கத்தின் ஊடாகத் தொடர்புகொண்டு விபரங்களைப் பெற்றுக்கொள்ள முடியும்.
