– அமைச்சர் லால் காந்த
கொழும்பை நோக்கி பாதயாத்திரையாகச் செல்லும் பிக்குகள் முன்வைத்துள்ள கோரிக்கையை நிறைவேற்ற முடியாது என அமைச்சர் கே.டி. லால் காந்த தெரிவித்துள்ளார்.
அந்தக் கோரிக்கையை நிறைவேற்றுவது தமக்குக் கிடைத்த மக்கள் ஆணைக்கு எதிராகச் செயற்படுவதாக அமையும் என்றும், அரசாங்கம் எப்போதும் மக்கள் ஆணைக்கு இணங்கவே செயற்படுவதாகவும் அவர் வலியுறுத்தியுள்ளார்.
எனவே, நீதிமன்றத் தீர்ப்புக்கு அப்பாற்பட்டு ஜனாதிபதி எந்தவொரு தீர்மானத்தையும் எடுக்கமாட்டார் என்பது உறுதியானது என்றும், இது தொடர்பில் எவரும் சந்தேகம் கொள்ளத் தேவையில்லை என்றும் அமைச்சர் தெரிவித்துள்ளார்.
கலகொடஅத்தே ஞானசார தேரருக்கு ஜனாதிபதி மன்னிப்பு வழங்க வேண்டும் என முன்வைக்கப்படும் கோரிக்கைகள் தொடர்பாக நேற்று (16) ஊடகங்களுக்குக் கருத்துத் தெரிவிக்கும்போதே அமைச்சர் லால் காந்த இதனைக் குறிப்பிட்டுள்ளார்.
