கோயம்புத்தூர் மாவட்டம், மேட்டுப்பாளையம் அருகிலுள்ள புஞ்சை புளியம்பட்டியை பூர்வீகமாகக் கொண்டவர் வெள்ளை சுப்பையா.

சிவாஜி, எம்ஜிஆர் தொடங்கி கமல்ஹாசன், ரஜினிகாந்த், விஜய் என மூன்று தலைமுறை நடிகர்களுடன் குணசித்திர வேடங்களில் நடித்துள்ளார். வைதேகி காத்திருந்தாள், கரகாட்டக்காரன் உள்ளிட்ட 200-க்கும் மேற்பட்ட படங்களில் குணச்சித்திர வேடங்களில் நடித்துள்ளார்.

சமீப காலமாக சினிமா வாய்ப்புகள் இல்லாத காரணத்தால் தனது சொந்த ஊரான புஞ்சை புளியம்பட்டியில் வீட்டில் வசித்து வந்தார்.

இந்நிலையில் உடல்நலக்குறைவால் நேற்று அவர் காலமானார். அவருடைய மறைவிற்கு திரையுலகினர் அஞ்சலி செலுத்தி வருகிறார்கள்