பெருந்தோட்டத் தொழிலாளர்களின் நாளாந்த சம்பளமாக 1200 ரூபாவை வழங்குவதற்கு பெருந்தோட்ட நிறுவனங்கள் இணக்கம் தெரிவித்துள்ளதாக தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார பாராளுமன்றத்தில் தெரிவித்தார். 

1200 ரூபா வரை சம்பளத்தை அதிகரிப்பதற்கு தயார் எனவும் எனினும், அதனை உற்பத்திக்கு அமைவான சம்பளமாக அமையாத, அடிப்படை சம்பளமாக வழங்குவதற்கு பெருந்தோட்ட நிறுவனங்கள் இணங்கவில்லை எனவும் அமைச்சர் மனுஷ நாணயக்கார குறிப்பிட்டார். 

எவ்வாறாயினும், சம்பள அதிகரிப்பு தொடர்பில் எதிர்ப்பு தெரிவிப்பதற்கு மே மாதம் 15 ஆம் திகதி வரை பெருந்தோட்ட நிறுவனங்களுக்கு கால அவகாசம் இருப்பதாக அவர் சுட்டிக்காட்டினார். 

அவர்களின் எதிர்ப்பிற்கு அமைய, 15 ஆம் திகதியின் பின்னர் மீண்டுமொரு வர்த்தமானியை வெளியிட அரசாங்கத்திற்கு நேரிடும் எனும் அமைச்சர் தெரிவித்தார். 

1200 ரூபா வரை அடிப்படை சம்பளத்தை அதிகரிப்பதற்கும் மேலதிகமாக பறிக்கும் கொழுந்திற்கு விலையை நிர்ணயிப்பது தொடர்பிலும் பேச்சுவார்த்தை முன்னெடுக்கப்படுவதாகவும் அவர் கூறினார். 

இந்த நிலையில், பெருந்தோட்டத் தொழிலாளர்களின் சம்பள விவகாரத்தில் அரசாங்கமும் அமைச்சரும் தோல்வியடைந்துள்ளதாக எதிர்க்கட்சிகள் குற்றஞ்சாட்டின. 

தோட்டத் தொழிலாளர்களை அரசாங்கம் ஏமாற்றியுள்ளதாகவும் எதிர்க்கட்சியினர் சுட்டிக்காட்டினர். 

இவ்வருடம் வெசாக் பண்டிகையை முன்னிட்டு நாடளாவிய ரீதியில் ஏற்பாடு செய்யப்பட்டுள்ள தன்சல்களுக்குத் தேவையான அறிவுறுத்தல்களை வழங்கத் தயார் என பொதுச் சுகாதார பரிசோதகர்கள் சங்கம் தெரிவித்துள்ளது.

சுகாதார வைத்திய அதிகாரி அலுவலகத்திற்குச் சென்று காட்சிகளைப் பதிவு செய்து அது தொடர்பான அறிவுறுத்தல்களைப் பெற்றுக்கொள்ள முடியும் என அதன் தலைவர் உபுல் ரோஹன தெரிவித்தார்.

மேலும், வெசாக் போயாவை முன்னிட்டு தன்சல்களை ஏற்பாடு செய்யும் போது உணவு தயாரித்தல் மற்றும் பரிமாறுதல் ஆகியவை முறையான சுகாதார தரத்திற்கு அமைய மேற்கொள்ளப்பட வேண்டும் என சங்கம் கூறுகிறது.

நியமங்களுக்கு அமையாத தன்சல்கள் உடனடியாக நிறுத்தப்பட்டு இது தொடர்பில் சட்ட நடவடிக்கை எடுக்கப்படும் என நம்புவதாக தலைவர் மேலும் தெரிவித்தார்.

வெசாக் வாரத்தில் நடத்தப்படும் தன்சல் கொண்டாட்டங்களுக்காக விசேட வேலைத்திட்டம் ஒன்றும் தயாரிக்கப்பட்டுள்ளதாக அவர் மேலும் குறிப்பிட்டார்.

அஹுங்கல்ல - போகஹபிட்டிய பிரசேத்தில் நேற்றிரவு (08) நடத்தப்பட்ட துப்பாக்கிச்சூட்டில் ஒருவர் உயிரிழந்துள்ளார்.

மோட்டார் சைக்கிளில் வந்த அடையாளந்தெரியாத இருவர், துப்பாக்கிச்சூட்டை நடத்திவிட்டுத் தப்பிச் சென்றுள்ளதாக பொலிஸார் தெரிவித்தனர்.

54 வயதான ஒருவரே சம்பவத்தில் உயிரிழந்துள்ளார்.

கொலைக்கான காரணம் இதுவரை கண்டறியப்படவில்லை என்பதுடன், துப்பாக்கிதாரிகளை கைது செய்வதற்கான விசாரணைகளை முன்னெடுத்துள்ளதாக அஹுங்கல்ல பொலிஸார் தெரிவித்துள்ளனர்.

டுபாயில் இருக்கும் பாதாள உலகக் குழு முக்கியஸ்தர் ஒருவரின் தந்தையே இவ்வாறு சுட்டுக் கொல்லப்பட்டதாக தெரிவிக்கப்படுகிறது. 

இன்று (09) நாட்டில் பல பிரதேசங்களில் மழை பெய்யும் என்று எதிர்பார்க்கப்படுவதாக வானிலை ஆய்வு மையம் அறிவித்துள்ளது.

நாட்டில் பல மாகாணங்களில் மாலை 2.00 க்கு பின்னர் மழை அல்லது இடியுடன் கூடிய மழை பெய்யும் என்று குறிப்பிடப்பட்டுள்ளது.

வடக்கு, மத்திய, சபரகமுவ மாகாணம் மற்றும் தெற்கு மாகாணங்களில் 75 மில்லிமீட்டர் அளவுக்கு கடுமையான மழை பெய்யும்.

சமகி ஜன பலவேகவின் தேசியப் பட்டியல் நாடாளுமன்ற உறுப்பினராக முஜிபுர் ரஹ்மான் நியமிக்கப்படுவதற்கான சாத்தியக்கூறுகள் அதிகம் உள்ளதாகத் தெரிவிக்கப்படுகிறது.

டயானா கமகேவின் நாடாளுமன்ற உறுப்பினர் பதவியை உச்ச நீதிமன்றம் இரத்துச் செய்ததன் மூலம், பாராளுமன்ற உறுப்பினர் பதவியொன்று வெற்றிடமாகியுள்ளது.

முஜிபர் ரஹ்மான் கடந்த தேர்தலில் கொழும்பு மாவட்டத்தில் போட்டியிட்டு பாராளுமன்றத்திற்கு தெரிவு செய்யப்பட்டார்.

உள்ளூராட்சி மன்றத் தேர்தலில் கொழும்பு மேயர் வேட்பாளராகப் போட்டியிடுவதற்காக அந்த பதவியை ராஜினாமா செய்தார். 

தற்போதைய வெப்பமான காலநிலையில் செயற்கை இனிப்பு கலந்த பானங்களை குடிப்பதனால் பாதகமான விளைவுகள் ஏற்படும் என அரச வைத்திய அதிகாரிகள் சங்கத்தின் செயலாளர் ஹரித அலுத்கே தெரிவித்துள்ளார்.

செயற்கை இனிப்பு பானங்களை குடிப்பதால் அதிக தண்ணீர் குடிக்க வேண்டிய தேவை அதிகரிக்கும்.

செயற்கை இனிப்பு பானங்களில் அதிக அளவு சர்க்கரை இருப்பதே இதற்குக் காரணம்.

வெப்பமான காலநிலையில் வெளிப்புற நடவடிக்கைகளைக் குறைப்பது மிகவும் முக்கியம்.

கடினமான செயல்களை முடிந்தவரை தவிர்ப்பது மிகவும் அவசியம் என செயலாளர் தெரிவித்தார்.

தற்போதைய சூழ்நிலையில், இயற்கை திரவங்களை அதிகம் குடிப்பது மிகவும் அவசியம்.

முடிந்தவரை குளிர்ந்த நீர், பல்வேறு வகையான பழச்சாறுகள், ஆரஞ்சு நீர் மற்றும் இயற்கை பானங்கள் அருந்துவது மிகவும் அவசியம்.

நாளொன்றுக்கு பல தடவைகள் குளிர்ந்த நீரால் உடலை நனைப்பது மிகவும் அவசியமானது எனவும், ஆரோக்கியமான குழந்தைகளை முடிந்தவரை தண்ணீரில் வைத்திருப்பது அவசியம் எனவும் செயலாளர் மேலும் தெரிவித்தார்.