கனடாவில் இருந்து இறக்குமதி செய்யப்படும் அனைத்து மோட்டார் வாகனங்கள், லொறிகள், வாகன உதிரிப் பாகங்கள் மற்றும் இரும்பு ஆகியவற்றுக்கு 50 சதவீதம் அதிக வரி விதிக்கப்படும் என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
அமெரிக்காவுக்கும் கனடாவுக்கும் இடையில் இடம்பெற்ற இருதரப்பு வர்த்தக பேச்சுவார்த்தைகள் தோல்வியடைந்ததைத் தொடர்ந்து ஜனாதிபதி இந்த முடிவை எடுத்துள்ளதாக தெரிவிக்கப்படுகிறது. குறித்த வரி விதிப்பு 2027 ஜனவரி 1ஆம் திகதி முதல் அமுலுக்கு வரவுள்ளது.
எனினும், குறித்த பொருட்கள் அமெரிக்காவிலேயே உற்பத்தி செய்யப்பட்டால் அவற்றுக்கு எந்தவித இறக்குமதி வரியும் விதிக்கப்படாது எனவும் ட்ரம்ப் வலியுறுத்தியுள்ளார்.
வர்த்தக நடவடிக்கைகளில் கனடா மிகவும் அநியாயமான முறையில் செயற்படுவதாக குற்றம்சாட்டிய ட்ரம்ப், அமெரிக்காவுக்கு கனடா தேவையில்லை என்ற போதிலும், கனடாவின் இருப்புக்கு அமெரிக்கா அத்தியாவசியமானது எனவும் மேலும் தெரிவித்துள்ளார்.
