ஜனாதிபதி செயலக வளாகத்தில் தங்குவதற்கு தேரர்களுக்கு தடை உத்தரவு

கொழும்பு ஜனாதிபதி செயலக வளாகத்தில் உலபனே சுமங்கல தேரர் உள்ளிட்ட 55 பேர் தங்கியிருப்பதைத் தடுத்து, கொழும்பு கோட்டை நீதவான் பசன் அமரசேன இன்று (ஒக்டோபர் 16) வெள்ளிக்கிழமை நீதிமன்ற உத்தரவு பிறப்பித்துள்ளார்.

வண. கலகொடஅத்தே ஞானசார தேரரை விடுதலை செய்யுமாறு கோரி, பௌத்த பிக்குகள் குழுவொன்று ஜனாதிபதி செயலகத்திற்கு வெளியே தொடர்ந்து போராட்டத்தில் ஈடுபட்டு வருகின்றது.

இந்தப் போராட்டம் வியாழக்கிழமை மாலை ஆரம்பமானதுடன், பல பிக்குகள் இரவு முழுவதும் அப்பகுதியில் தங்கியிருந்தனர்.

தற்போது, போராட்டத்தில் ஈடுபட்டுள்ளவர்கள் ஜனாதிபதி செயலகத்திற்கு எதிர்ப்புறத்தில், காலி வீதியின் நடைபாதையில் தங்கியிருந்து போராட்டத்தை முன்னெடுத்து வருகின்றனர்.