"விசுவாவசு"எனும் நாமத்துடன் புதுவருடம் இன்று அதிகாலை மலர்ந்தது.

வாக்கிய பஞ்சாங்கத்திற்கமைய இன்று அதிகாலை 2.29 க்கும், திருக்கணித பஞ்சாங்கத்திற்கமைய அதிகாலை 3.21 க்கும் புதுவருடம் மலர்ந்தது.

சூரிய பகவான் மீன ராசியில் இருந்து மேஷ இராசிக்கு பிரவேசிக்கும் நாள் சித்திரை வருடப்பிறப்பாக கொண்டாடப்படுகிறது.

தமிழ் வருடங்களை எமது முன்னோர்கள் அறுபதாக வகுத்துள்ளதுடன் பிரபவ ஆண்டில் தொடங்கி அட்சய வரையில் அந்த அறுபது ஆண்டு பட்டியல் நீள்கிறது.

படைத்தற் கடவுளான பிரம்மா இந்த அண்டத்தை சித்திரை மாதம் முதல் நாளில் படைத்ததாக புராணங்கள் பறைசாற்றுகின்றது.

சித்திரைப் புத்தாண்டு அனைவருக்கும் இன்பம் பொங்கும் வருடமாக அமைய நல்வாழ்த்துகள்.

சப்புகஸ்கந்த எண்ணெய் சுத்திகரிப்பு நிலையம் தாக்கப்படும் என்ற சந்தேகமே படலந்த முகாமை நிறுவுவதற்கான முக்கிய காரணம் என்று ஐக்கிய தேசியக் கட்சியின் பிரதி தலைவர் ருவான் விஜேவர்தன கூறுகிறார்.

கம்பஹா பகுதியில் ஊடகங்களுக்குப் பேட்டியளித்த அவர், படலந்தா ஆணைக்குழு அறிக்கையில் ரணில் விக்ரமசிங்கே மீது சுமத்தப்பட்டுள்ள ஒரே குற்றச்சாட்டு, படலந்தாவில் பல வீடுகளை இராணுவத்திற்கு வழங்கியது மட்டுமே என்று கூறினார்.

அந்த நேரத்தில் படலந்த பிரதேசம் எதிர்கொண்ட அச்சுறுத்தல்கள் காரணமாக அங்கு ஒரு இராணுவ முகாம் கொண்டுவரப்பட்டதாகவும், ரணில் விக்ரமசிங்க மீது வேறு எந்த குற்றச்சாட்டுகளும் இல்லாததால், அதற்கு அவர் பயப்படவில்லை என்றும் ருவான் விஜேவர்தன மேலும் கூறினார்.

"சபுகஸ்கந்த காவல்துறையின் OIC கொல்லப்பட்டார், NIB-யைச் சேர்ந்த ஒருவர் கொல்லப்பட்டார்... இதுபோன்ற பல கொலைகள் பதிவாகிய நேரத்தில்தான், ஒரு அமைப்பாளராகவும் அமைச்சராகவும் இருந்த ரணில், அந்தப் பகுதிக்கு பாதுகாப்பை வழங்குவதற்காகவும், குறிப்பாக எண்ணெய் சுத்திகரிப்பு நிலையம் மீதான தாக்குதல் பிரச்சினைக்காகவும் படலந்தாவிற்கு ஒரு இராணுவ முகாமைக் கொண்டு வந்தார்."

அமெரிக்கா இலங்கை மீது விதித்த 44% வரி தொடர்ந்து செயல்படுத்தப்பட்டால், அந்நாட்டுடம் செய்யப்பட்ட ஓடர்களை இரத்து செய்யும் அபாயம் உள்ளது என்றும், கொள்வனவாளர்கள் குறைந்த வரிகளைக் கொண்ட நாடுகளுக்குச் செல்லக்கூடும் என்றும் ஆசிய அபிவிருத்தி வங்கி கூறுகிறது.

அமெரிக்கா குறைந்த வரிகளை விதித்துள்ள மெக்சிகோ, இந்தியா மற்றும் பிரேசில் போன்ற நாடுகளை நோக்கி கொள்வனவு திரும்புவதற்கான வாய்ப்பு இருப்பதாகவும் சுட்டிக்காட்டுகிறது.

44 சதவீத வரி அமுலில் இருந்தால், நாட்டின் ஏற்றுமதி, குறிப்பாக ஆடை மற்றும் றப்பர் ஏற்றுமதி குறையும் என்றும், உற்பத்தி திறன் குறைவதால் ஏற்றுமதி சார்ந்த உற்பத்தித் துறை மந்தமடையும்.

இது இலங்கை மீதான முதலீட்டாளர்களின் நம்பிக்கையைக் குறைக்கும் என்று எதிர்பார்ப்பதாகவும், இது நாட்டிற்குள் அந்நிய நேரடி முதலீடு குறைவதற்கும் உள்ளூர் தொழிற்சாலைகளில் வேலை இழப்புகளுக்கும் வழிவகுக்கும் என்றும் ஆசிய அபிவிருத்தி வங்கி தெரிவித்துள்ளது.

அப்போது அரசாங்கம் சமூகப் பாதுகாப்புக்கான செலவினங்களை அதிகரிக்க வேண்டியிருக்கும் என்றும் அரசாங்கத்தின் ஏற்றுமதி வருமானம் குறையும் என்றும் ஆசிய அபிவிருத்தி வங்கி கூறுகிறது.

போக்குவரத்து விதிமீறல்களுக்கான அபராதங்களை GOV PAY செயலியூடாக ஒன்லைனில் செலுத்தும் முன்னோடி திட்டம் இன்று ஆரம்பமாகியது.

இலங்கை பொலிஸை டிஜிட்டல் மயமாக்கும் முன்னோடி திட்டமாக இந்த திட்டம் செயற்படுத்தப்படுவதாக பொலிஸ் தலைமையகம் வெளியிட்டுள்ள அறிக்கையில் தெரிவிக்கப்பட்டுள்ளது.

​​போக்குவரத்து விதிமீறல்களுக்காக பொலிஸாரால் விதிக்கப்படும் அபராதத் தொகை தபால் அலுவலகத்திலேயே தற்போது செலுத்தப்படுகின்றது.

அபராதத்தை செலுத்தியதற்கான பற்றுச்சீட்டை பொலிஸ் நிலையத்தில் சமர்ப்பித்ததன் பின்னரே சாரதி அனுமதிப்பத்திரத்தை மீளப்பெற்றுக் கொள்ள முடியும்.

இந்த முன்னோடித்திட்டம் குருணாகல், தொரட்டியாவ, மெல்சிறிபுர, கொக்கரெல்ல, கலேவெல,தம்புள்ளை, மரதன்கடவல, கெக்கிராவ, அநுராதபுரம் ஆகிய பகுதிகளின் வீதிகளை உள்ளடக்கிய வகையில் இம்மாதம் 30 ஆம் திகதி வரை முன்னெடுக்கப்படவுள்ளதாக பொலிஸார் தெரிவித்தனர்.