எதிர்வரும் ஜனாதிபதித் தேர்தலில் சுயேட்சை வேட்பாளராகப் போட்டியிட்டு ரணில் விக்கிரமசிங்க தனது வெற்றிச் சின்னமாக கேஸ் சிலிண்டரை தெரிவு செய்துள்ளார். 

2024ஆம் ஆண்டு ஜனாதிபதித் தேர்தலுக்காக கட்டுப்பணம் செலுத்திய வேட்பாளர்களின் வேட்புமனுக்கள் ஏற்றுக்கொள்ளும் பணி இன்று (14) காலை 09.00 மணி முதல் 11.00 மணி வரை ராஜகிரியில் உள்ள தேர்தல் ஆணைக்குழு கேட்போர் கூடத்தில் நடைபெறவுள்ளது.

வேட்புமனுவுக்கு ஆட்சேபனை தெரிவிக்க காலை 09.00 மணி முதல் 11.30 மணி வரை அவகாசம் வழங்கப்பட்டுள்ளதுடன், எதிரணி வேட்பாளரின் வேட்பு மனுவில் கையெழுத்திட்ட நபர் மட்டுமே எழுத்துப்பூர்வமாக ஆட்சேபனை தெரிவிக்க முடியும்.

ஆட்சேபனைகள் பரிசீலிக்கப்பட்ட பிறகு, அங்கீகரிக்கப்பட்ட வேட்பாளர்களின் பெயர்கள் அறிவிக்கப்பட்டு, சுயேட்சை வேட்பாளர்களாகப் போட்டியிடுபவர்கள் தங்கள் சின்னங்களை தேர்வு செய்ய வாய்ப்பு வழங்கப்படும்.

இவ்வருட ஜனாதிபதித் தேர்தலின் முடிவை தீர்மானிக்கும் அதி முக்கியத்துவமான சுமார் 20 இலட்சம் வாக்குகள் இதுவரை பதிவாகியுள்ளதாக கொழும்பு பல்கலைக்கழகம் நடத்திய ஆய்வு தேடுதலில் தெரியவந்துள்ளது.

கொழும்பு பல்கலைக்கழகத்தின் முன்னாள் பத்திரிகைத் துறைத் தலைவர் பேராசிரியர் அஜந்தா ஹப்புஆராச்சி நடத்திய ஆய்வின்படி பெரும்பான்மையான மக்கள் வாக்களிக்கும் வேட்பாளரை முடிவு செய்துள்ள நிலையில் 20 லட்சம் வாக்காளர்கள் இன்னும் முடிவு செய்யவில்லை.

இம்முறை எந்தவொரு வேட்பாளரும் 50% வீதத்தில் தேர்ச்சி பெறமாட்டார்கள் எனவும், தீர்மானகரமான இருபது இலட்சம் வாக்குகளின் நடத்தைக்கேற்ப ஜனாதிபதி தெரிவு செய்யப்படுவார் எனவும் பேராசிரியர் மேலும் தெரிவித்தார்.

எதிர்வரும் ஜனாதிபதித் தேர்தலுக்கான வேட்புமனுக்கள் ஏற்றுக்கொள்ளப்படும் ஆகஸ்ட் 15ஆம் திகதி தேர்தல்கள் ஆணைக்குழு அலுவலகம் அமைந்துள்ள சரண மாவத்தையைச் சுற்றியுள்ள பகுதி விசேட பாதுகாப்பு வலயமாக அறிவிக்கப்பட்டுள்ளது.

எனவே, அன்றைய தினம் மக்கள் வேலைக்காகவோ அல்லது வேறு நடவடிக்கைகளுக்காக அந்தப் பகுதிக்கு வருவதைத் தவிர்க்குமாறும் தேர்தல்கள் ஆணைக்குழுவின் தலைவர் ஆர்.எம்.ஏ.எல். ரத்நாயக்க குறிப்பிட்டார்.

தேர்தலுக்கான வேட்புமனுக்கள் ஏற்கும் பணி இம்மாதம் 15ஆம் திகதி காலை 9 மணி முதல் 11 மணி வரை நடைபெறும். அன்றைய தினம் காலை 9 மணி முதல் 11.30 மணி வரை வேட்புமனு தாக்கலுக்கு எதிர்ப்பு தெரிவிக்க நேரம் ஒதுக்கப்பட்டுள்ளது. குறிப்பாக தேர்தல் வேட்பாளர்களுக்கு, சுயேச்சை வேட்பாளர்கள் மற்றும் பிற கட்சிகளின் வேட்பாளர்களுக்கான சின்னங்கள் ஒதுக்கீடு, அதன் பின்னரே நடைபெறுகிறது. இதன் போது தேர்தல்கள் ஆணைக்குழு அலுவலகம் அமைந்துள்ள சரண மாவத்தையை சூழவுள்ள பகுதி விசேட பாதுகாப்பு வலயமாக பிரகடனப்படுத்தப்பட்டுள்ளது.

அங்கீகரிக்கப்பட்ட நபர்கள் மற்றும் அங்கீகரிக்கப்பட்ட வாகனங்கள் மட்டுமே அந்த இடத்திற்கு செல்ல முடியும். எனவே சரண மாவத்தையை சுற்றியுள்ள அரச அலுவலகங்கள் மற்றும் வைத்தியசாலைகள் எதிர்வரும் 15ஆம் திகதி மூடப்படவுள்ளதால் பொது வியாபாரம் அல்லது ஏனைய நடவடிக்கைகளுக்காக மக்கள் வருவதை தவிர்க்குமாறு கேட்டுக்கொள்ளப்படுகிறார்கள். வேட்புமனு தாக்கல் செய்த பிறகு ஆர்ப்பாட்டம் நடத்த முடியாது. வேட்புமனுக்கள் ஏற்கப்பட்டதும், வாக்குச் சீட்டு அச்சடிக்கும் பணியை தொடங்க உள்ளோம்.

இதேவேளை, நுவரெலியாவில் நேற்று இடம்பெற்ற நிகழ்ச்சி ஒன்றில் கலந்து கொண்ட பின்னர் தேர்தல் ஆணையாளர் நாயகம் சமன் ஸ்ரீ ரத்நாயக்க, ஜனாதிபதித் தேர்தல் தொடர்பில் இதுவரை 320 முறைப்பாடுகள் கிடைக்கப்பெற்றுள்ளதாக தெரிவித்தார்.

சமகி ஜன பலவேக களுத்துறை மாவட்ட பாராளுமன்ற உறுப்பினர் ராஜித சேனாரத்ன நாளை காலை ஜனாதிபதிக்கு ஆதரவாக ஆளும் கட்சியில் இணைந்து கொள்ள உள்ளார்.

ஹுனுபிட்டிய கங்காராம விகாரையில் இதற்கான ஏற்பாடுகள் ஏற்கனவே மேற்கொள்ளப்பட்டு வருவதாகத் தெரிவிக்கப்படுகிறது.

களுத்துறை மாவட்டத்திலுள்ள தனது ஆதரவாளர்களை அழைத்து இது தொடர்பில் பாராளுமன்ற உறுப்பினர் ஆலோசனை நடத்தியதுடன் ஜனாதிபதிக்கு ஆதரவளிப்பதே பொருத்தமானது என கட்சி உறுப்பினர்கள் தெரிவித்துள்ளனர்.

ஜனாதிபதி எவ்வாறு பொருளாதாரத்தை கட்டியெழுப்பினார் என்றும் பாராளுமன்ற உறுப்பினர் விளக்கமளித்துள்ளார்.