kumar
சென்னை மீனம்பாக்கம் பன்னாட்டு விமான நிலையத்துக்கு இலங்கை தலைநகர் கொழும்பில் இருந்து விமானம் வந்தது.
அதில் கொழும்பு நகரைச் சேர்ந்த வியாபாரியான முகமது பாருக் (வயது 57) என்பவர் வந்தார்.
சென்னை விமான நிலையத்தில் சோதனைகளை முடித்து கொண்டு வெளியே வந்தார்.
விமான நிலைய வளாகத்தில் வந்தபோது முகமது பாருக் திடீரென மயங்கி விழுந்தார்.
உடனடியாக விமான மருத்துவ குழுவினர் விரைந்து வந்து முகமது பாருக்கை பரிசோதனை செய்தனர்.
அப்போது அவர் மாரடைப்பு காரணமாக உயிரிழந்து விட்டதாக தெரிவித்தனா்.
இதையடுத்து சென்னை விமான நிலைய போலீசார், முகமது பாருக் உடலை பிரேத பரிசோதனைக்காக குரோம்பேட்டை அரசு ஆஸ்பத்திரிக்கு அனுப்பி வைத்தனர்.
இலங்கையில் உள்ள முகமது பாருக் குடும்பத்தினருக்கும் தகவல் தெரிவித்தனர். மேலும் இது பற்றி போலீசாா் வழக்குப்பதிவு செய்து விசாரித்து வருகின்றனர்.
- தினத்தந்தி
கொழும்பு வாழைத்தோட்டம் புனித செபஸ்தியான் வீதியில் இடம்பெற்ற துப்பாக்கிச் சூட்டில் ஒருவர் காயமடைந்து கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவிக்கின்றனர்.
முகமூடி அணிந்த இருவர், சென். செபஸ்டியன் தெருவில் உள்ள வீடொன்றிற்குள் நபர் ஒருவரை இலக்கு வைத்து துப்பாக்கிச் சூடு நடத்தியுள்ளதாக பொலிஸார் தெரிவிக்கின்றனர்.
வாழைத்தோட்டத்தில் வசிக்கும் 40 வயதுடைய ஒருவரே இவ்வாறு துப்பாக்கிச் சூட்டுக்கு இலக்காகியுள்ளதாக பொலிஸார் தெரிவித்துள்ளனர்.
சமூக பாதுகாப்பு பங்களிப்பு வரி தொடர்பான சட்டமூலம் மேலதிக வாக்குகளால் பாராளுமன்றத்தில் இன்று நிறைவேற்றப்பட்டுள்ளது.
சட்டமூலத்திற்கு ஆதரவாக 91 பேரும் எதிராக 10 பேரும் வாக்களித்துள்ளனர்.
லக்ஷ்மன் கிரியெல்ல, அஜித் மான்னப்பெரும, அசோக் அபேசிங்க, அநுர திசாநாயக்க, விஜித ஹேரத், ஹரினி அமரசூரிய, வாசுதேவ நாணயக்கார, வீரசும வீரசிங்க, சரித ஹேரத் மற்றும் டிலான் பெரேரா ஆகியோரே சட்டமூலத்திற்கு எதிராக வாக்களித்துள்ளனர்.
இதேவேளை, 123 பாராளுமன்ற உறுப்பினர்கள் வாக்களிப்பின் போது சபையில் பிரசன்னமாகவில்லை.
தமிழ் தேசியக் கூட்டமைப்பின் பாராளுமன்ற உறுப்பினர்களும் வாக்களிப்பின் போது சபையில் பிரசன்னமாகியிருக்கவில்லை.
இராஜாங்க அமைச்சர்களாக நியமிக்கப்பட்ட ஒருவருக்கும் இராஜாங்க அமைச்சுக்கான வரப்பிரசாதங்கள் வழங்கப்பட போவதில்லை என்று பாராளுமன்ற உறுப்பினர் மஹிந்தானந்த அளுத்கமகே தெரிவித்துள்ளார்.
சமூகப் பாதுகாப்பு உதவுதொகை அறவீட்டுச் சட்டமூலத்தின் இரண்டாம் மதிப்பீடு மீதான விவாதத்தில் கலந்துகொண்டு உரையாற்றும்போதே அவர் இதனை தெரிவித்துள்ளார்.
இராஜாங்க அமைச்சர்கள் நியமிக்கப்பட்டமை தொடர்பில் கருத்துக்கள் முன்வைக்கப்பட்டன. தொலைக்காட்சியில் இரவு நேர செய்தியை பார்க்கும் மக்கள் இவ்விடயத்தை வேறுவிதத்தில் புரிந்துக்கொள்ள கூடும்.
அமைச்சுக்கள் அதிகரிக்கப்பட்டுவிட்டதாக மக்கள் குழப்பமடைவர்.
எனினும் ஒருவிடயத்தை இந்த இடத்தில் தெளிவுப்படுத்த விரும்புகின்றேன்.
இராஜாங்க அமைச்சர்களாக நியமிக்கப்பட்ட ஒருவருக்கும் இராஜாங்க அமைச்சுக்கான வரப்பிரசாதங்கள் வழங்கப்பட போவதில்லை. அவர்கள் அனைவரும் பாராளுமன்ற உறுப்பினர்கள் பெற்றுக்கொள்ளும் சம்பளத்துக்கு அமைவாகவே பணியாற்ற வேண்டும்.
இதன் அடிப்படை விடயத்தை எடுத்துக்கொண்டால் உதாரணமாக அமைச்சர் பிரசன்ன ரணதுங்கவின் அமைச்சின் கீழ் 40 திணைக்களங்கள் உள்ளன. இவை அனைத்தையும் அமைச்சரவை அமைச்சினால் கண்காணிக்க முடியாது.
அதேபோன்று அமைச்சர் ரமேஸ் பத்திரணவின் அமைச்சின் கீழ் 72 திணைக்களங்கள் உள்ளன.
இந்த திணைக்களங்களின் அனைத்துப் பணிகளும் ஸ்தம்பிதம் அடைந்து 18 அமைச்சுக்;கள் மட்டுமே இருந்தன.
எனவே இவ்விடயம் தொடர்பில் அவதானம் செலுத்தியன் பின்னரே அரசாங்கமானது இராஜாங்க அமைச்சர்களை நியமித்தது.
இந்தத் திணைக்களங்களின் பணிகள் சிறந்த முறையில் முன்னெடுக்கப்பட வேண்டும் என்பதே இந்த நியமனங்களின் நோக்கமாகும்.
எனவே இராஜாங்க அமைச்சர்களாக நியமிக்கப்பட்டவர்களுக்கு எந்தவித வரப்பிரசாதங்களும் கிடைக்கப்போவதில்லை என்பதை தெளிவுப்படுத்திக்கொள்ள விரும்புகின்றேன்.
நல்லாட்சி அரசாங்கத்தின் ஆட்சியின் கீழ் பாராளுமன்ற உறுப்பினர்களுக்கு 4 இலட்சம் ரூபாய் கொடுப்பனவு வழங்கப்பட்டதை இந்த இடத்தில் நான் நினைவுபடுத்த விரும்புகின்றேன். இதனை மறந்துவிடக்கூடாது.
கட்டுமானத் தொழில் துறையில் ஏற்பட்டுள்ள பொருட்களின் விலை உயர்வுகளை அடுத்து, சீமெந்து மற்றும் கம்பி போன்ற முக்கிய பொருட்களுக்கு அதிகபட்ச சில்லறை விலையை நிர்ணயிப்பது தொடர்பான பரிசீலனையை நுகர்வோர் விவகார அதிகாரசபை மேற்கொண்டு வருவதாக அறியமுடிகிறது.
பொருளாதார ஸ்திரமின்மைக்கு மத்தியில் வாழ்க்கைச் செலவைக் குறைப்பதற்கான வழிகளைக் கண்டறிந்து உடனடி நடவடிக்கைகளை எடுக்குமாறு வர்த்தக அமைச்சருக்கு ஜனாதிபதி விடுத்த பணிப்புரைக்கு அமையவே இந்த நடவடிக்கை மேற்கொள்ளப்பட்டு வருகிறது.
சந்தையில் விலைகள் வேகமாக அதிகரித்து வருவதால் கட்டுமானத் துறையில் பல பொருட்களுக்கு அதிகபட்ச சில்லறை விலையை நிர்ணயிப்பதற்கும் அதிகாரசபை ஆராய்ந்து வருகிறது.
2021ஆம் ஆண்டு ஜூன் மாதம் முதல் 2022 ஜூன் வரை அரச மற்றும் தனியார் விநியோகஸ்தர்களால் விற்பனை செய்யப்படும் 50 கிலோகிராம் சிமெந்து மூடையின் சராசரி விலை 187 சதவீதம் அதிகரித்துள்ளது.
இந்த வருடம் ஜனவரி மாதம் முதல் ஜூன் மாதம் வரை 98 சதவீதம் அதிகரித்துள்ளதாக கட்டுமான கைத்தொழில் அபிவிருத்தி அதிகாரசபையின் தரவுகள் தெரிவிக்கின்றன.
உடல் நலக்குறைவால் பாதிக்கப்பட்டிருந்த இங்கிலாந்து மகாராணி இரண்டாம் எலிசபெத் காலமானார்.
இங்கிலாந்து ராணியாக 70 ஆண்டுகாலம் இருந்து வந்த இரண்டாம் எலிசபெத் தனது 96 வயதில் ஸ்காட்லாந்தின் பால்மோரல் கோட்டையில் மருத்துவர்களின் பராமரிப்பில் இருந்த நிலையில் காலமானார்.
இன்று (08) பதவியேற்ற 37 இராஜாங்க அமைச்சர்களில் ராஜபக்ச குடும்பத்தின் ஒரேயொரு அமைச்சராக இருந்த ஷசீந்திர ராஜபக்ஷவுக்கு ஜனாதிபதி ரணில் விக்கிரமசிங்க எச்சரிக்கை அல்லது ஆலோசனை வழங்கியுள்ளார்.
நீர்ப்பாசன இராஜாங்க அமைச்சராகப் பதவிப் பிரமாணம் செய்துகொண்டிருந்த சமயத்தில் இது நடந்துள்ளது.
இராஜாங்க அமைச்சராக ஷசீந்திர ராஜபக்ச பதவிப் பிரமாணம் செய்து கொண்டதன் பின்னர் ஜனாதிபதி அவருக்கு இராஜாங்க அமைச்சராக நியமனக் கடிதத்தை வழங்கி சில ஆலோசனைகளை வழங்கியதைக் காண முடிந்தது.
அங்கு ஜனாதிபதியின் உரைக்கு இராஜாங்க அமைச்சர் ஷசீந்திர ராஜபக்ஷ சம்மதம் தெரிவித்து “சரி சார் நன்றி” என்று கூறிவிட்டு நியமனக் கடிதத்தைப் பெற்றுக் கொண்டு அங்கிருந்து புறப்பட்டார்.
புதிய இராஜாங்க அமைச்சர்கள் பதவிப்பிரமாணம் செய்துகொண்டுள்ளனர்.
ஜனாதிபதி செயலகத்தில் இந்த நிகழ்வு நடைபெற்றது. அந்த வகையில்,
ஜகத் புஸ்பகுமார – வெளிநாட்டு வேலைவாய்ப்பு இராஜாங்க அமைச்சர்
ரஞ்சித் சியம்பலாபிட்டிய – நிதி இராஜாங்க அமைச்சர்
லசந்த அழகியவண்ண – போக்குவரத்து இராஜாங்க அமைச்சர்
திலும் அமுனுகம – முதலீட்டு ஊக்குவிப்பு இராஜாங்க அமைச்சர்
கனக ஹேரத் – தொழில்நுட்ப இராஜாங்க அமைச்சர்
ஜானக வக்கும்புர – மாகாண சபைகள் மற்றும் உள்ளூராட்சி இராஜாங்க அமைச்சர்
ஷெஹான் சேமசிங்க – நிதி இராஜாங்க அமைச்சர்
மொஹான் பிரியதர்ஷன டி சில்வா – விவசாய இராஜாங்க அமைச்சர்
தேனுக விதானகமகே – நகர அபிவிருத்தி மற்றும் வீடமைப்பு இராஜாங்க அமைச்சர்
பிரமித பண்டார தென்னகோன் – பாதுகாப்பு இராஜாங்க அமைச்சர்
ரோஹன திஸாநாயக்க – விளையாட்டு மற்றும் இளைஞர் விவகார இராஜாங்க அமைச்சர்
அருந்திகா பெர்னாண்டோ – நகர அபிவிருத்தி மற்றும் வீடமைப்பு இராஜாங்க அமைச்சர்
விஜித பேருகொட – பிரிவேன் கல்வி இராஜாங்க அமைச்சர்
லொஹான் ரத்வத்த - பெருந்தோட்ட கைத்தொழில் இராஜாங்க அமைச்சர்
தாரக பாலசூரிய – வெளிவிவகார இராஜாங்க அமைச்சர்
சனத் நிஷாந்த - நீர் வழங்கல் இராஜாங்க அமைச்சர்
இந்திக்க அனுருத்த – மின்சக்தி மற்றும் எரிசக்தி இராஜாங்க அமைச்சர்
சிறிபால கம்லத் – நெடுஞ்சாலைகள் இராஜாங்க அமைச்சர்
சாந்த பண்டார – ஊடக இராஜாங்க அமைச்சர்
அனுராத ஜயரத்ன – நீதி மற்றும் சிறைச்சாலை விவகார இராஜாங்க அமைச்சர்
எஸ்.வியாளேந்திரன் – வர்த்தக இராஜாங்க அமைச்சர்
சிசிர ஜயக்கொடி – சுதேச மருத்துவ இராஜாங்க அமைச்சர்
பியால் நிஷாந்த டி சில்வா – மீன்பிடி இராஜாங்க அமைச்சர்
பிரசன்ன ரணவீர – சிறு மற்றும் நடுத்தர கைத்தொழில் அபிவிருத்தி இராஜாங்க அமைச்சர்
டி.வி.சானக – வனவிலங்கு மற்றும் வனப் பாதுகாப்பு இராஜாங்க அமைச்சர்
டி.பி. ஹேரத் – கால்நடை அபிவிருத்தி இராஜாங்க அமைச்சர்
சஷீந்திர ராஜபக்ஷ – நீர்ப்பாசன இராஜாங்க அமைச்சர்
டாக்டர். சீதா அரம்பேபொல – சுகாதார இராஜாங்க அமைச்சர்
காதர் மஸ்தான் - மாநில ஊரக விவகார அமைச்சர்
அசோக பிரியந்த – உள்நாட்டலுவல்கள் இராஜாங்க அமைச்சர்
அரவிந்த் குமார் - மாநில கல்வி அமைச்சர்
கீதா குமாரசிங்க – பெண்கள் மற்றும் குழந்தைகள் விவகார இராஜாங்க அமைச்சர்
சிவநேசதுரை சந்திரகாந்தன் – கிராமிய வீதிகள் அபிவிருத்தி இராஜாங்க அமைச்சர்
கலாநிதி சுரேன் ராகவன் - மாநில உயர்கல்வி அமைச்சர்
டயானா கமகே – சுற்றுலா இராஜாங்க அமைச்சர்
சாமர சம்பத் தசநாயக்க – ஆரம்ப கைத்தொழில் இராஜாங்க அமைச்சர்
அனுர பெஷ்கோல் – சமூக வலுவூட்டல் இராஜாங்க அமைச்சர்
அரச வேலை பெற்றுத் தருவதாக் கூறி, பெண்ணொருவரிடம் பாலியல் இலஞ்சம் மற்றும் 50 ஆயிரம் ரூபாய் பணம் கோரிய இருவரை எதிர்வரும் 21ஆம் திகதி வரை விளக்கமறியலில் வைக்குமாறு, கொழும்பு பிரதான நீதவான் ஹர்ஷண கெகுணவெல, உத்தரவிட்டார்.
அரசியற் கட்சியொன்றின் யாழ். மாவட்ட அமைப்பாளர் உள்ளிட்ட இருவர், இலஞ்சம் மற்றும் ஊழல் பற்றிய சாத்துதல்களைப் புலனாய்வு செய்யும் ஆணைக்குழுவால் கைது செய்யப்பட்டு நீதிமன்றத்தில் ஆஜர்படுத்தப்பட்ட போதே இந்த உத்தரவு பிறப்பிக்கப்பட்டது.
குறித்த பெண்ணை 50 ஆயிரம் ரூபாய் பணத்துடன் வருமாறு அறிவிக்கப்பட்டதாக ஆணைக்குழுவில் அந்தப் பெண் முறைப்பாடு அளித்துள்ளார்.
புறக்கோட்டையிலுள்ள உணவகம் ஒன்றில் வைத்து பணத்தைப் பெற முயன்றபோது, குறித்த இருவரும் கைது செய்யப்பட்டதாக ஆணைக்குழு மன்றுக்கு அறிவித்தது.
தாம் உட்பட தனது குடும்ப உறுப்பினர்களுக்கு உயிருக்கு அச்சுறுத்தல் உள்ளதாக ஸ்ரீலங்கா பொதுஜன பெரமுனவின் நாடாளுமன்ற உறுப்பினர் வசந்த யாப்பா பண்டார தெரிவித்துள்ளார்.
இணைய சேனலில் நடந்த விவாதத்தின் போது, இனந்தெரியாத ஒருவர் தொலைபேசியில் கொலை மிரட்டல் விடுத்த ஆடியோ பதிவையும் அவர் வெளிப்படுத்தினார்.
அரசாங்கத்திற்கு எதிராகப் பேசக் கூடாது எனக்கூறி அரசாங்கத்தின் பலமான ஒருவர் பாராளுமன்றத்தில் தன்னை சுவரில் சாய்ந்து கழுத்தை இறுக்கி மிரட்டியதாகவும் எம்.பி குறிப்பிடுகிறார்.