2026 ஆம் ஆண்டின் முதல் ஐந்து மாதங்களில் (ஜனவரி–மே) இலங்கைக்கு இறக்குமதி செய்யப்பட்ட சீனியின் அளவு 270,173 மெட்ரிக் டொன்னாக குறைந்துள்ளதாக இலங்கை மத்திய வங்கி வெளியிட்டுள்ள அறிக்கையில் தெரிவிக்கப்பட்டுள்ளது.
2025 ஆம் ஆண்டின் இதே காலப்பகுதியில் நாட்டிற்கு 305,229 டொட்ரிக் தொன் சீனி இறக்குமதி செய்யப்பட்டிருந்தது.
இதன்படி, 2025 ஆம் ஆண்டின் முதல் ஐந்து மாதங்களுடன் ஒப்பிடுகையில், 2026 ஆம் ஆண்டின் முதல் ஐந்து மாதங்களில் சீனி இறக்குமதி 35,056 மெட்ரிக் டொன்னால் குறைந்துள்ளது.
இதேவேளை, 2026 ஆம் ஆண்டின் முதல் ஐந்து மாதங்களில் நாட்டின் சீனி உற்பத்தி 8,976 மெட்ரிக் டொன்னாக அதிகரித்துள்ளது. 2025 ஆம் ஆண்டின் இதே காலப்பகுதியில் உள்நாட்டு சீனி உற்பத்தி 5,894 மெட்ரிக் தொன்னாக காணப்பட்டது.
மேலும், 2026 ஆம் ஆண்டு ஜனவரி முதல் ஜூலை வரையிலான காலப்பகுதியில் சீனி இறக்குமதிக்காக செலவிடப்பட்ட தொகை அமெரிக்க டொலர் 182.4 மில்லியனாக பதிவாகியுள்ளதுடன், இது கடந்த ஆண்டின் இதே காலப்பகுதியுடன் ஒப்பிடுகையில் 20.2 சதவீதம் குறைவாகும் என மத்திய வங்கி அறிக்கையில் குறிப்பிடப்பட்டுள்ளது.
