இலங்கை பெற்றோலியக் கூட்டுத்தாபனம் (CPC) எரிபொருள் விலைகளை நேற்று (செப்டம்பர் 30) நள்ளிரவு முதல் அதிகரிப்பதாக அறிவித்துள்ளது.
இதன்படி, 92 ஒக்டேன் பெற்றோலின் விலை லிட்டருக்கு 15 ரூபாவால் அதிகரிக்கப்பட்டு 414 ரூபாவாக நிர்ணயிக்கப்பட்டுள்ளது. ஆட்டோ டீசலின் விலை 10 ரூபாவால் அதிகரிக்கப்பட்டு 392 ரூபாவாக நிர்ணயிக்கப்பட்டுள்ளது.
சூப்பர் டீசலின் விலை லிட்டருக்கு 50 ரூபாவால் அதிகரிக்கப்பட்டு 528 ரூபாவாக உயர்த்தப்பட்டுள்ளது.
எனினும், 95 ஒக்டேன் பெற்றோல் மற்றும் மண்ணெண்ணெய் விலைகளில் எந்தவித மாற்றமும் மேற்கொள்ளப்படவில்லை.
