– லக்ஷ்மன் நிபுணஆரச்சி
ஜனாதிபதி மன்னிப்பு இரத்து செய்யப்பட்டு கைது செய்யப்பட்ட கலகொடஅத்தே ஞானசார தேரருக்கு மீண்டும் ஜனாதிபதி மன்னிப்பு வழங்கப்பட்டால், ஜனாதிபதி சர்வாதிகாரியாக செயற்படுகிறார் என குற்றச்சாட்டுகள் முன்வைக்கப்படும் என தேசிய மக்கள் சக்தியின் நாடாளுமன்ற உறுப்பினர் லக்ஷ்மன் நிபுணஆரச்சி தெரிவித்துள்ளார்.
தவறு செய்த ஒருவருக்கு நீதிமன்றம் வழங்கிய தீர்ப்பை அவ்வாறு பின்னோக்கி மாற்ற முடியாது எனவும் அவர் வலியுறுத்தியுள்ளார்.
ஜனாதிபதி மன்னிப்பு வழங்குவதற்கான ஒரு நடைமுறை இருப்பதாகவும், அந்த நடைமுறைக்கு அமைவாக விண்ணப்பம் சமர்ப்பிக்கப்பட்டால் அது குறித்து பரிசீலிக்க முடியும் எனவும் லக்ஷ்மன் நிபுணஆரச்சி தெரிவித்துள்ளார்.
அவ்வாறு இல்லாமல் ஜனாதிபதியால் தன்னிச்சையாக செயற்பட முடியாது எனவும், தற்போது பிரச்சினையாக மாறியிருப்பது அவ்வாறு தன்னிச்சையாக எடுக்கப்பட்ட தீர்மானங்களே எனவும் அவர் மேலும் குறிப்பிட்டுள்ளார்.
