2027ஆம் கல்வியாண்டை முன்னிட்டு 15 இலட்சம் பாடசாலை மாணவர்களுக்கு தலா ரூ. 6,000 பெறுமதியான பாடசாலை எழுதுபொருட்களுக்கான கொடுப்பனவை வழங்க அமைச்சரவை அங்கீகாரம் வழங்கியுள்ளது.
இதன்படி, அஸ்வெசும நலன்புரி திட்டத்தில் உள்ள குடும்பங்களைச் சேர்ந்த 10 இலட்சம் பாடசாலை மாணவர்களுக்கான கொடுப்பனவு நேரடியாக அவர்களின் வங்கிக் கணக்குகளில் வைப்பிலிடப்படவுள்ளது.
அத்துடன், கல்வி, உயர்கல்வி மற்றும் தொழிற்கல்வி அமைச்சினால் அடையாளம் காணப்பட்ட மேலும் 5 இலட்சம் மாணவர்களுக்கு தலா ரூ. 6,000 பெறுமதியான வவுச்சர்களை வழங்கவும் திட்டமிடப்பட்டுள்ளது.
பாடசாலை எழுதுபொருட்களுக்கான கொடுப்பனவுத் திட்டம் 2025ஆம் ஆண்டு முதல் நடைமுறைப்படுத்தப்பட்டு வருகின்றது.
இந்நிலையில், 2027ஆம் ஆண்டுக்கான இத்திட்டத்தை நடைமுறைப்படுத்துவதற்குத் தேவையான நடவடிக்கைகளை மேற்கொள்ளவுள்ளதாக ஜனாதிபதி அமைச்சரவைக்கு அறிவித்துள்ளார்.
