பொலிஸ் நிலையங்களுக்கு கையடக்கத் தொலைபேசிகளைக் கொண்டு செல்வதற்குத் தடை விதிக்கப்படவில்லை என பொதுமக்கள் பாதுகாப்பு பிரதி அமைச்சர் சுனில் வட்டகல தெரிவித்துள்ளார்.
எனினும், அவ்வாறு கொண்டு செல்லப்படும் தொலைபேசிகள் பொலிஸ் நிலையங்களுக்குள் முறையற்ற வகையில் பயன்படுத்தப்படுவதாகத் தகவல்கள் கிடைத்துள்ளதாகவும், அதற்கு அனுமதிக்க முடியாது என்றும் அவர் வலியுறுத்தியுள்ளார்.
பொலிஸ் நிலையங்களுக்கு வருகை தரும் சிலர், அங்குள்ள தடுப்புக் காவல் அறைகளை காணொளியாகப் பதிவு செய்வதாகவும், பொலிஸ் நிலையங்களுக்குள் இடம்பெறும் உரையாடல்களை ஒலிப்பதிவு செய்வதாகவும் அவர் சுட்டிக்காட்டியுள்ளார்.
இவ்வாறான செயற்பாடுகள் சட்டத்திற்கு முரணானவை என்றும் பிரதி அமைச்சர் சுனில் வட்டகல தெரிவித்துள்ளார்.
தேசிய தொலைக்காட்சியில் இடம்பெற்ற அரசியல் கலந்துரையாடல் நிகழ்ச்சியில் கலந்துகொண்டபோதே அவர் இதனைத் தெரிவித்தார்.
