தற்போது 8 சதவீதமாக உள்ள பணவீக்கம், இந்த ஆண்டு முழுவதும் மற்றும் அடுத்த ஆண்டு ஆரம்ப காலப்பகுதியிலும் உயர்ந்த மட்டத்தில் தொடரும் என எதிர்பார்ப்பதாக இலங்கை மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.
2027ஆம் ஆண்டின் இரண்டாம் காலாண்டுக்குப் பின்னர், பணவீக்கம் மத்திய வங்கியின் 5 சதவீத இலக்கை நோக்கி நெருங்கும் என எதிர்பார்ப்பதாகவும் அவர் குறிப்பிட்டுள்ளார்.
பணவீக்கம் அதிகரிப்பதால் ஏற்படும் பாதிப்புகளை குறைப்பதற்காக, தற்போது பணவியல் கொள்கை மற்றும் அரச நிதிக் கொள்கை உள்ளிட்ட கொள்கை கருவிகளைப் பயன்படுத்தி நடவடிக்கைகள் மேற்கொள்ளப்பட்டு வருவதாகவும் மத்திய வங்கி ஆளுநர் தெரிவித்துள்ளார்.
எதிர்காலத்திலும் இதுபோன்ற நிச்சயமற்ற சூழ்நிலைகள் ஏற்படும் பட்சத்தில், பொருளாதாரத்தின் மீதான தாக்கத்தை குறைப்பதற்காக மத்திய வங்கியின் பணவியல் கொள்கையும், அரசாங்கத்தின் அரச நிதிக் கொள்கையும் தேவைக்கேற்ப பயன்படுத்தப்படும் என அவர் மேலும் தெரிவித்துள்ளார்.
