வெளிநாட்டுக் கடவுச்சீட்டுகளைப் பெற்றுக்கொள்வது தொடர்பாக குடிவரவு மற்றும் குடியகல்வுத் திணைக்களம் விசேட அறிவிப்பொன்றை வெளியிட்டுள்ளது.
இதன்படி, பொதுமக்கள் தமது பிராந்திய அலுவலகங்கள் ஊடாகக் கடவுச்சீட்டுகளைப் பெற்றுக்கொள்வதற்காக இணையவழியில் நேரத்தை ஒதுக்கிக்கொள்ளும் வசதியை அறிமுகப்படுத்த நடவடிக்கை எடுக்கப்பட்டுள்ளது.
இந்த நடைமுறையின் கீழ், எதிர்வரும் 29ஆம் திகதி முதல் பொதுமக்கள் பிராந்திய அலுவலகங்களில் கடவுச்சீட்டுகளைப் பெற்றுக்கொள்வதற்கான திகதி மற்றும் நேரத்தை இணையவழியில் முன்பதிவு செய்துகொள்ள முடியும்.
இதற்காக விண்ணப்பதாரர்கள் குடிவரவு மற்றும் குடியகல்வுத் திணைக்களத்தின் உத்தியோகபூர்வ இணையத்தளத்திற்குச் சென்று தமக்கான திகதி மற்றும் நேரத்தை ஒதுக்கிக்கொள்ளலாம்.
இந்தச் சேவை கண்டி, யாழ்ப்பாணம், குருநாகல், வவுனியா மற்றும் மாத்தறை ஆகிய பிராந்திய அலுவலகங்களில் நடைமுறைப்படுத்தப்படவுள்ளது.
எனினும், பத்தரமுல்லையிலுள்ள தலைமை அலுவலகத்தில் கடவுச்சீட்டுகளைப் பெற்றுக்கொள்வதற்கு இந்த இணையவழி நேர ஒதுக்கீட்டு முறை பொருந்தாது எனவும் அத்திணைக்களம் மேலும் அறிவித்துள்ளது.
