தற்போதைய அரசாங்கம் ஆட்சிக்கு வந்த காலப்பகுதியுடன் ஒப்பிடுகையில், தற்போது அரசாங்கத்தின் மீதான மக்களின் ஆதரவும் நன்மதிப்பும் அதிகரித்துள்ளதாக அமைச்சர் கே.டி. லால்காந்த தெரிவித்துள்ளார்.
தேர்தல்களை உரிய காலத்தில், உரிய நேரத்தில் நடத்துவது அரசாங்கத்தின் கொள்கையாகும் எனக் குறிப்பிட்ட அவர், அதற்குத் தடையாக உள்ள காரணிகளை நீக்கி, மாகாண சபைத் தேர்தல்களை விரைவாக நடத்த நடவடிக்கை எடுக்க வேண்டும் என்றும் தெரிவித்துள்ளார்.
மேலும், அரசாங்கம் ஆட்சிக்கு வந்த ஆரம்பகாலத்தை விட தற்போது மக்கள் மத்தியில் அதிக ஆதரவு காணப்படுவதாகவும், மக்களுக்கு வழங்கிய வாக்குறுதிகளை நிறைவேற்றி அரசாங்கம் முன்னோக்கிச் செல்வதை மக்கள் அவதானித்து வருவதாகவும் அவர் குறிப்பிட்டுள்ளார்.
மக்களுக்கு வழங்கப்பட்ட வாக்குறுதிகளின் அடிப்படையிலேயே அரசாங்கத்தின் செயற்பாடுகளையும் மக்கள் ஆதரவையும் மதிப்பீடு செய்ய வேண்டும் என்றும் அமைச்சர் கே.டி. லால்காந்த மேலும் தெரிவித்துள்ளார்.
