அடுத்த ஜனாதிபதித் தேர்தலில் பொது வேட்பாளராக முன்வைக்கக்கூடிய ராஜபக்ச எவரும் இல்லை என ஆளும் கட்சியின் பிரதான அமைப்பாளரான அமைச்சர் பிரசன்ன ரணதுங்க தெரிவித்துள்ளார்.

பொதுஜன பெரமுனவின் அடுத்த ஜனாதிபதி வேட்பாளர் தொடர்பில் வார இறுதி நாளிதழ் ஒன்று நடத்திய செவ்வியின் போதே அவர் இதனைத் தெரிவித்துள்ளார்.

இந்த நேரத்தில் அப்படிப்பட்ட ராஜபக்சே இல்லை. மேலும் இது ஒரு கட்சியாக எடுக்க வேண்டிய முடிவு. அப்போதுதான் பார்க்க முடியும்.

கட்சியின் ஆசீர்வாதத்துடன் முன் வரும் பொது வேட்பாளர் இந்த நாட்டின் அடுத்த ஜனாதிபதியாக வருவார்.

பொது வேட்பாளராக வெற்றி பெறக்கூடிய ஒருவருக்கு நாங்கள் உதவுகிறோம். ஐக்கிய தேசியக் கட்சியில் இருந்து ரணில் விக்கிரமசிங்க வெற்றிபெற முடியும் என நான் நினைக்கவில்லை. எங்களுடன் இணைந்து செல்பவர் மட்டுமே வெற்றி பெற முடியும். 

மின் கட்டண உயர்வுடன் நீர் சுத்திகரிப்பு செலவை ஈடுகட்ட நீர் வழங்கல் மற்றும் வடிகால் வாரியம் ஆலோசித்து வருவதாக வாரிய வட்டாரங்கள் தெரிவிக்கின்றன.

மின்கட்டண உயர்வால் குடிநீர் உற்பத்திக்கு கூடுதல் செலவு ஏற்படுவதாகவும், அதனால் அதை வாரியத்தால் தாங்க முடியாது என்றும் வாரியம் குறிப்பிடுகிறது.

எவ்வாறாயினும், இது தொடர்பில் ஜனாதிபதியுடன் கலந்துரையாடி விடயத்திற்குப் பொறுப்பான அமைச்சர் தீர்மானம் எடுக்க உள்ளார்.

உத்தேச அமைச்சரவை மாற்றம் காலவரையின்றி ஒத்திவைக்கப்பட்டுள்ளதாக அரசியல் வட்டாரங்கள் தெரிவிக்கின்றன.

இதனால் மொட்டு கட்சியின் பல உறுப்பினர்கள் பெரும் ஏமாற்றத்தில் இருப்பதாகவும் அதே வட்டாரங்களில் இருந்து கூறப்படுகிறது.

திகதிகள் மற்றும் பெயர்களுடன் கூடிய அமைச்சரவை மாற்றம் தொடர்பில் பல்வேறு வதந்திகள் வெளியாகியிருந்ததோடு, மொட்டுவில் உள்ள பாராளுமன்ற உறுப்பினர்களும் இது தொடர்பில் மிகுந்த நம்பிக்கையுடன் இருந்தனர்.

இதேவேளை மொட்டு உறுப்பினர்களுக்கு அமைச்சுப் பதவி வழங்கப்பட வேண்டியவர்களின் பட்டியலும் அக்கட்சியின் தலைவர்களினால் ஜனாதிபதி ரணில் விக்கிரமசிங்கவிற்கு பல மாதங்களுக்கு முன்னர் அனுப்பி வைக்கப்பட்டது.

தமிழ் மொழி வளர்ச்சியை ஊக்குவிக்கும் வகையில் சிறந்த தமிழ் நூல்களுக்கு விருது வழங்கப்பட்ட உள்ளது. 

போட்டியில் ஒவ்வொரு பிரிவிலும் ஒரு நூல் மட்டும் தேர்ந்தெடுக்கப்பட்டு நூலாசிரியருக்கு ரூ.30 ஆயிரமும், அந்நூலை பதிப்பித்த பதிப்பகத்தாருக்கு ரூ.10 ஆயிரமும் பரிசு வழங்கப்பட உள்ளது.

சென்னை தமிழ் வளர்ச்சி துறை இயக்குனர் வெளியிட்டுள்ள செய்தி குறிப்பில் கூறியிருப்பதாவது:-

2022-ம் ஆண்டு ஜனவரி முதல் டிசம்பர் வரை தமிழில் வெளியிடப்பட்ட நூல்கள் 33 பிரிவுகளின் கீழ் போட்டிக்கு வரவேற்கப்படுகின்றன. போட்டியில் ஒவ்வொரு பிரிவிலும் ஒரு நூல் மட்டும் தேர்ந்தெடுக்கப்பட்டு நூலாசிரியருக்கு ரூ.30 ஆயிரமும், அந்நூலை பதிப்பித்த பதிப்பகத்தாருக்கு ரூ.10 ஆயிரமும் பரிசு வழங்கப்பட உள்ளது.

மரபுக்கவிதை, புதுக்கவிதை, புதினம், சிறுகதை, நாடகம் (உரைநடை, கவிதை), சிறுவர் இலக்கியம், திறனாய்வு, மொழி வரலாறு, மொழியியல், மொழி வளர்ச்சி, இலக்கணம், நுண் கலைகள் (இசை, ஓவியம், நடனம், சிற்பம்), அகராதி கலைக் களஞ்சியம், கலைச் சொல்லாக்கம், ஆட்சித் தமிழ் பயண இலக்கியம், வாழ்க்கை வரலாறு, தன் வரலாறு, நாட்டு வரலாறு, கல்வெட்டு, தொல்லியல், கடலியலும் வணிக வழிகளும், அகழாய்வு கணிதவியல், வானியல், இயற்பியல், வேதியியல், பொறியியல், தொழில் நுட்பவியல், மானிடவியல், சமூகவியல், புவியியல், சட்டவியல், அரசியல், பொருளியல், வணிகவியல், மேலாண்மையியல், மருந்தியல், விளையாட்டு, மகளிர் இலக்கியம், தமிழர் வாழ்வியல் உள்ளிட்ட ஒவ்வொரு பிரிவுகளிலும் ஒரு புத்தகம் தேர்ந்தெடுக்கப்படும்.

போட்டிக்குரிய விண்ணப்பத்தை பதிவிறக்கம் செய்து கொள்ளலாம்.

போட்டிக்கான விண்ணப்பத்துடன் 10 நூற்படிகளும் போட்டிக் கட்டணம் ரூ.100-ம் "தமிழ் வளர்ச்சி இயக்குனர், சென்னை" என்ற பெயரில் வங்கி கேட்புக் காசோலையாக அளிக்க வேண்டும். பூர்த்தி செய்யப்பட்ட விண்ணப்பங்களை ஜூன் 30-ந் தேதிக்குள் "தமிழ் வளர்ச்சி இயக்குனர், தமிழ் வளர்ச்சி வளாகம் முதல் தளம், எழும்பூர்" என்ற முகவரிக்கு அனுப்பி வைக்கவும். மேலும் விவரங்களுக்கு 044-28190412, 28190413 என்ற எண்களில் தொடர்பு கொள்ளலாம். இவ்வாறு அவர் கூறி உள்ளார்.

பாதாள உலகக் குழுத் தலைவரும் போதைப்பொருள் கடத்தல்காரருமான அமல் சமிந்த சில்வா என்ற 39 வயதான ரத்மலானே அஞ்சு பிரான்சில் கைது செய்யப்பட்டுள்ளார்.

சர்வதேச பொலிஸாருக்கு இந்த நாட்டின் பாதுகாப்பு படையினர் விடுத்த அறிவித்தலின் பிரகாரம் சர்வதேச பொலிஸார் அவரை கைது செய்துள்ளனர்.

இந்நாட்டில் இடம்பெற்ற பல குற்றச் செயல்கள் தொடர்பில் தேடப்பட்டு வந்த இவர், கடந்த காலத்தில் நாட்டை விட்டுத் தப்பிச் சென்றிருந்தார். 

மாகாண ஆளுநர்களாக பதவி வகிக்கும் நான்கு பேர் விரைவில் அந்தப் பதவிகளில் இருந்து நீக்கப்படவுள்ளதாக அரசாங்கத் தகவல்கள் தெரிவிக்கின்றன.

நீக்கப்படும் நான்கு ஆளுநர்களில் ஒருவர் வேறு மாகாண ஆளுநராக இடமாற்றம் செய்யப்படுவார் என தகவல்கள் தெரிவிக்கின்றன.

மற்றொரு ஆளுநர் பெரிய அரசு நிறுவனத்தில் உயர் பதவிக்கு நியமிக்கப்படலாம் என கூறப்படுகிறது.

இடமாற்றம் செய்யப்படவுள்ள ஆளுநருக்கு அவர் தற்போது பதவி வகிக்கும் பிரதேசத்தைச் சேர்ந்த பெரும்பான்மையான அமைச்சர்களின் கடும் எதிர்ப்பு கிளம்பியுள்ளது. எனவே அவருக்கு இடமாற்றம் வழங்கப்படும்.

இந்நிலையில், இடமாற்றம் செய்யப்படும் ஆளுநரை தவிர, மற்ற இடங்களுக்கு, மூன்று புதிய ஆளுனர்கள் நியமிக்கப்பட உள்ளதாக, வட்டாரங்கள் தெரிவித்தன.

அதற்கு மூன்று முன்னாள் அமைச்சர்களின் பெயர்கள் பரிந்துரைக்கப்பட்டுள்ளன. 

கொழும்பில் உள்ள ஜனாதிபதி ரணில் விக்ரமசிங்கவின் தனிப்பட்ட இல்லத்திற்கு தீ வைத்த சம்பவம் தொடர்பான விசாரணைகளில் முன்னாள் நாடாளுமன்ற உறுப்பினர் ஜே.ஸ்ரீ ரங்கா சந்தேக நபராக குற்றப் புலனாய்வு திணைக்களம் (CID)  பெயரிட்டுள்ளது.

இதன்படி, ஜே.ஸ்ரீரங்காவை எதிர்வரும் மே மாதம் 3ஆம் திகதி நீதிமன்றில் முன்னிலைப்படுத்துமாறு சிறைச்சாலை அதிகாரிகளுக்கு கொழும்பு கோட்டை நீதவான் திலின கமகே உத்தரவு பிறப்பித்துள்ளார்.

2011 ஆம் ஆண்டு வவுனியாவில் இடம்பெற்ற வாகன விபத்தில் சாட்சிகளிடம் செல்வாக்கு செலுத்திய குற்றச்சாட்டின் பேரில் முன்னாள் பாராளுமன்ற உறுப்பினர் ஜே.ஸ்ரீ ரங்கா தற்போது விளக்கமறியலில் வைக்கப்பட்டுள்ளார்.

கடந்த ஆண்டு ஜூலை மாதம் 9 ஆம் திகதி ஜனாதிபதி ரணில் விக்கிரமசிங்கவின் தனிப்பட்ட இல்லத்தை ஆர்ப்பாட்டக்காரர்கள் குழுவொன்று தீயிட்டு கொழுத்தியதுடன், சொத்துக்களுக்கு பாரிய சேதம் ஏற்பட்டது.