கொழும்பு மாவட்டத்தில் திறந்த சந்தையின் வாராந்திர சராசரி விலைகள், கூடுதல் தரவுகள் மற்றும் மக்கள் தொகை கணக்கெடுப்பு மற்றும் புள்ளியியல் துறையின் ஆதாரங்களின் அடிப்படையில் வெரிட் ரிசர்ச் ஒரு கணக்கெடுப்பை நடத்தியது.

அதன்படி, இந்த ஆண்டு புத்தாண்டு இரவு உணவின் விலை 2024 உடன் ஒப்பிடும்போது 7% அதிகரித்துள்ளது என்று வெரிட் ஆராய்ச்சி கூறுகிறது.

இந்த கணக்கெடுப்பு 10 பால் சோறு , 1 கிலோ வாழைப்பழம், 15 அலுவாவின் துண்டுகள், 1 கிலோ கேக், 1 கிலோ தோதல், 20 கொண்ட கவ்வும், 15 முங்காகெவும் மற்றும் 20 கோகிஸ் துண்டுகளின் விலைகள் குறித்து நடத்தப்பட்டது.

2019 ஈஸ்டர் ஞாயிறு பயங்கரவாதத் தாக்குதல்களுடன் பிள்ளையான் எனப்படும் சிவநேசதுரை சந்திரகாந்தனை தொடர்புபடுத்தும் பல நம்பகமான தகவல்கள் வெளியாகியுள்ளதாக பொதுப் பாதுகாப்பு அமைச்சர் ஆனந்த விஜேபால நாடாளுமன்றத்தில் தெரிவித்தார்.

கிழக்கு மாகாணத்தின் முன்னாள் முதலமைச்சரான பிள்ளையான், 2006 ஆம் ஆண்டு ஒரு கடத்திய வழக்கில் தற்போது பயங்கரவாத புலனாய்வுப் பிரிவின் (TID) காவலில் வைக்கப்பட்டுள்ளார்.

உள்ளாட்சித் தேர்தலுக்கான வாக்குச் சீட்டுகள் இதுவரை ஒரு கோடிக்கும் அதிகமாக அச்சிடப்பட்டுள்ளதாக அரச அச்சு அலுவலகம் தெரிவித்துள்ளது.

வாக்குச் சீட்டுகளை அச்சிடும் பணிகள் எதிர்வரும் 28 ஆம் திகதிக்குள் நிறைவடையும் என்று அச்சக இயக்குநர் பிரதீப் புஷ்ப குமார தெரிவித்தார்.

அதிவேக வீதிகளில் பயணிப்பவர்களுக்கு அட்டை மூலம் பணம் செலுத்த அனுமதிக்கும் ஒரு முன்னோடித் திட்டம் இந்த வாரம் தொடங்க திட்டமிடப்பட்டுள்ளது.

போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சின் கூற்றுப்படி, இந்த முன்னோடித் திட்டம் கொட்டாவ மற்றும் கடவத்தை சந்திப்புகளில் தொடங்க திட்டமிடப்பட்டுள்ளது.

அதன்படி, அதிவேக நெடுஞ்சாலைகளில் பயணிக்க டெபிட் மற்றும் கிரெடிட் கார்டுகள் மற்றும் QR குறியீடுகளைப் பயன்படுத்தி பணம் செலுத்த முடியும்.

இந்த முன்னோடித் திட்டத்தைத் தொடர்ந்து, மே 2025 முதல் நாட்டிலுள்ள அனைத்துஅதிவேக வீதிகளிலும் அட்டைப் பணம் செலுத்துதல்கள் செய்யப்படும் என்று எதிர்பார்க்கப்படுவதாக போக்குவரத்து, நெடுஞ்சாலைகள், துறைமுகங்கள் மற்றும் சிவில் விமானப் போக்குவரத்து அமைச்சகம் தெரிவித்துள்ளது.

"நிராகரிக்கப்பட்ட மஸ்கெலியா பிரதேச சபைக்கான தீர்வு இதுவரையில் எட்டப்படாத நிலையில், மேன்முறையீட்டு நீதிமன்ற தீர்பிற்கு அமைய இது தொடர்பாக கலந்தாலோசிக்கப்பட்டு விரைவில் இ.தொ.கா சார்பான நிலைபாட்டை அறிவிப்பதாக " கட்சியின் பொதுச்செயலாளர் ஜீவன் தொண்டமான் தெரிவித்துள்ளார்.

2025 உள்ளூராட்சி மன்றத் தேர்தலுக்கான வேட்புமனு தாக்கல் கடந்த மாதம் 20ஆம் இடம்பெற்றிருந்தது.

இதில் நுவரெலியா மாவட்டத்தில்  இலங்கை தொழிலாளர் காங்கிரஸ் சார்பில் உள்ளூராட்சி மன்றத் தேர்தலில் போட்டியிடும் வேட்பாளர்களின் வேட்பு மனுக்கள் அந்தந்த உள்ளூராட்சி மன்றங்களுக்காக நுவரெலியா மாவட்ட செயலகத்தில், நுவரெலியா மாவட்ட தேர்தல் தெரிவத்தாச்சி அதிகாரியிடம் இ.தொ.கா பொதுச்செயலாளர் ஜீவன் தொண்டமான் அவர்களாலும், கண்டி மாவட்டத்திற்கான வேட்புமனுக்களை குறித்த உள்ளூராட்சி மன்றங்களுக்கு பொறுப்பான முகவர்களினாலும் சமர்பிக்கப்பட்டிருந்தது.

இதனை தொடர்ந்து  ஆட்சேபனைக்காக வழங்கப்பட்ட காலப்பகுதிக்குள் வேட்புமனுக்கள் சரிபார்க்கப்பட்டதன் பின்னர், நுவரெலியா மாவட்டத்தில் கொத்மலை மற்றும் மஸ்கெலியா ஆகிய உள்ளூராட்சி மன்றங்களிலும், கண்டி மாவட்டத்தில் பன்வில, உடபலாத்த, பாத்தஹேவாஹெட்ட ஆகிய வேட்புமனுக்களில் இடம்பெற்றிருந்த சில முறனான தரவுகளுக்கு அமைவாக இவ்விரண்டு உள்ளூராட்சி மன்றங்களின் வேட்புமனுக்களையும் நிராகரிப்பதாக நுவரெலியா மற்றும் கண்டி மாவட்ட தேர்தல் தெரிவத்தாச்சி அதிகாரிகள் அறிவித்திருந்தார்கள்.

மேலும் கடந்த மார்ச் மாதம் 28ஆம் திகதி  நிராகரிக்கப்பட்ட வேட்புமனுக்களை எதிர்த்து இ.தொ.கா வினால் மேன்முறையீட்டு நீதிமன்றத்தில்  மனுத்தாக்கல் செய்யப்பட்டிருந்தது.

இதனை தொடர்ந்து வியாழக்கிழமை (10)மேன்முறையீட்டு நீதிமன்றத்தின் பதில் நீதிபதி முகமது லபார் தாஹிர் மற்றும் பிரியந்த பெர்னாண்டோ ஆகியோர் அடங்கிய நீதிபதிகள் அமர்வு, தொடர்புடைய வேட்புமனுக்கள் நிராகரிக்கப்பட்டதற்கு எதிராக அரசியல் கட்சிகள் மற்றும் சுயாதீனக் குழுக்கள் தாக்கல் செய்த மனுக்களை விசாரணைக்கு உட்படுத்தி இருந்தது.

ஆகவேதான் இன்றைய தினம்(10) மேன்முறையீட்டு நீதிமன்றத்தால் கொத்மலை, பன்வில, உடபலாத்த, பாத்த ஹேவாஹெட்ட ஆகிய உள்ளூராட்சி மன்றங்களுக்கான வேட்பு மனுக்களை மீண்டும்  ஏற்றுக்கொள்ளுமாறு நுவரெலியா மற்றும் கண்டி மாவட்ட தேர்தல் தெரிவத்தாச்சி அதிகாரிகளுக்கு அறிவித்திருந்தார்கள்.

ஏற்றுக்கொள்ளப்பட்ட குறித்த உள்ளூராட்சி மன்றங்களில் இ.தொ.கா சேவல் சின்னத்தில் போட்டியிடுகின்றமை  குறிப்பிடத்தக்கதாகும்.

இதேவேளை மேன்முறையீட்டு நீதிமன்றம் வழங்கிய தீர்ப்பை தாம் வரவேற்பதாகவும், இ.தொ.கா விற்கு கிடைத்த வெற்றியாக பார்ப்பதாக தெரிவித்ததுடன், நுவரெலியா மாவட்டத்தில் நிராகரிக்கப்பட்ட மஸ்கெலியா பிரதேச சபைக்கான தீர்வு இதுவரைக்கும் எட்டப்படாத நிலையில், மேன்முறையீட்டு நீதிமன்ற தீர்ப்பிற்கு அமைய இது தொடர்பாக கலந்தாலோசிக்கப்பட்டு விரைவில் இ.தொ.கா சார்பான நிலைபாட்டை அறிவிப்பதாக கட்சியின் பொதுச்செயலாளர் ஜீவன் தொண்டமான் தெரிவித்துள்ளார்.

மேல் மற்றும் தென் மாகாணங்களிலும் புத்தளம் மாவட்டத்திலும் அவ்வப்போது மழை பெய்யக்கூடுமென வளிமண்டலவியல் திணைக்களம் எதிர்வு கூறியுள்ளது. 

சப்ரகமுவ, மத்திய மற்றும் ஊவா மாகாணங்களிலும், அம்பாறை, மட்டக்களப்பு மற்றும் பொலன்னறுவை மாவட்டங்களிலும் மாலை அல்லது இரவு வேளைகளில் மழை அல்லது இடியுடன் கூடிய மழை பெய்யக்கூடுமெனவும் வளிமண்டலவியல் திணைக்களம் வௌியிட்டுள்ள அறிக்கையில் குறிப்பிடப்பட்டுள்ளது. 

தெற்கு, சப்ரகமுவ, ஊவா மற்றும் மத்திய மாகாணங்களிலும் அம்பாறை மாவட்டத்திலும் சில இடங்களில் 50 மில்லிமீற்றருக்கும் அதிகமான கனமழை பெய்ய வாய்ப்புள்ளது. 

சப்ரகமுவ, மத்திய மற்றும் ஊவா மாகாணங்களில் சில இடங்களில் காலை வேளையில் பனிமூட்டமான நிலை காணப்படும் என எதிர்பார்க்கப்படுகின்றது. 

இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள பொதுமக்கள் தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு வளிமண்டலவியல் திணைக்களம் கேட்டுக்கொண்டுள்ளது. 

சூரியனின் தொடர்பான வடதிசை நோக்கிய இயக்கத்தின் காரணமாக, இவ் வருடம் ஏப்ரல் மாதம் 5ஆம் திகதியிலிருந்து 14ஆம் திகதி வரை இலங்கையின் அகலாங்குகளுக்கு நேராக உச்சம் கொடுக்கவுள்ளது. அதற்கிணங்க இன்று (10ஆம் திகதி) நண்பகல் 12.11 அளவில் ஹத்திகுச்சி, கலங்குட்டிய, ஹல்மில்லேவ, இபலோகம, பலுகஸ்வெவ மற்றும் ஹபரன ஆகிய பிரதேசங்களுக்கு மேலாக சூரியன் உச்சம் கொடுக்கவுள்ளது.