kumar
பாடசாலை தொடங்கும் வேளையில் மாணவர்களுக்கு சுவாச நோய் பரவும் அபாயம் உள்ளதாக சுகாதாரத்துறையினர் தெரிவிக்கின்றனர்.
இவ்வாறு பல்வேறு வைரஸ் வகைகளைச் சேர்ந்த சுவாச நோய்கள் பரவுவதுடன் மாணவர்களின் சுகாதார நிலை தொடர்பில் விசேட கவனம் செலுத்தப்பட வேண்டுமென ரிட்ஜ்வே ஆர்யா சிறுவர் வைத்தியசாலையின் சிறுவர் சுவாச நோய்களுக்கான விசேட வைத்திய நிபுணர் டொக்டர் சாந்த டி சில்வா தெரிவித்தார்.
கல்பிட்டி பத்தலங்குண்டுவ கடற்பரப்பில் 28 கோடி ரூபாவுக்கும் அதிகமான பெறுமதியான 11 கிலோ 300 கிராம் தங்கத்தை எடுத்துச் சென்ற மீன்பிடிக் கப்பலுடன் மூவர் இன்று (4) கைது செய்யப்பட்டதாக கடற்படையினர் தெரிவித்தனர்.
கைது செய்யப்பட்ட சந்தேகநபர்கள் 40 மற்றும் 45 வயதுடைய கல்பிட்டி பிரதேசத்தை சேர்ந்த மூவர்.
சந்தேகநபர்கள் பயணித்த மீன்பிடி படகும் கடற்படையினரால் கைப்பற்றப்பட்டுள்ளது.
சந்தேகநபர்கள் இந்த தங்கத்தை இந்தியாவிற்கு கொண்டு செல்ல முயற்சித்திருக்கலாம் என விசாரணை அதிகாரிகள் சந்தேகிக்கின்றனர்.
கைப்பற்றப்பட்ட தங்கம் மற்றும் சந்தேகநபர்கள் சுங்க அதிகாரிகளிடம் ஒப்படைக்கப்பட உள்ளனர்.
ஸ்ரீலங்கா பொதுஜன பெரமுன (SLPP) உடன் இணைந்த முன்னாள் மில்லனிய பிரதேச சபை (PS) உறுப்பினர் ரவீந்திர ரம்முனி, தேசிய மக்கள் சக்தி எம்பிக்கு எதிராக பாலின பாரபட்சமான கருத்துக்களை வெளியிட்டதற்காக குற்றப் புலனாய்வுத் திணைக்களத்தினால் (CID) கைது செய்யப்பட்ட பின்னர் கொழும்பு நீதவான் நீதிமன்றத்தால் பிணையில் விடுவிக்கப்பட்டார்.
சமூக ஊடகங்களில் (NPP) பாராளுமன்ற உறுப்பினர் நிலாந்தி கோட்டஹச்சி தொடர்பில் அவர் கருத்து வெளியிட்டிருந்தார்.
பாராளுமன்ற உறுப்பினர் கோட்டஹச்சியால் செய்யப்பட்ட முறைப்பாட்டின் பேரில் ரம்முனி ஜனவரி 3 ஆம் திகதி அங்குருவத்தோட்டையில் உள்ள அவரது இல்லத்தில் வைத்து கைது செய்யப்பட்டார்.
எம்பியை குறிவைத்து பாலின பாரபட்சமான கருத்துகள் அடங்கிய ராம்முனியின் முகநூல் பதிவு தொடர்பான புகார் இதுவாகும். இந்த இடுகை பின்னர் நீக்கப்பட்டாலும், அது ஏற்கனவே குறிப்பிடத்தக்க கவனத்தை ஈர்த்தது.
லிட்ரோ எரிவாயு விலைச் சூத்திரத்தின் பிரகாரம் லிட்ரோ உள்நாட்டு எரிவாயு விலை இம்மாதம் (ஜனவரி) திருத்தப்படாது என, லிட்ரோ எரிவாயு நிறுவனத்தின் தலைவர் சன்ன குணவர்தன, இன்று (4) தெரிவித்தார்.
இதன்படி, கடந்த டிசெம்பர் மாதம் நிர்ணயிக்கப்பட்ட லிட்ரோ எரிவாயுவின் விலையே தற்போதும் செல்லுபடியாகும் எனவும் குணவர்தன குறிப்பிட்டார்.
12.5 கிலோகிராம் லிட்ரோ உள்நாட்டு எரிவாயு சிலிண்டரின் விலை ரூ.3,690 ஆகவும், 5 கிலோகிராம் சிலிண்டரின் விலை ரூ.1,482 ஆகவும், 2.3 கிலோ சிலிண்டரின் விலை ரூ.694 ஆகவும் உள்ளது என, அவர் மேலும் தெரிவித்தார்.
சீனாவில் பரவி வரும் வைரஸ் தொடர்பான செய்திகளை அடுத்து, நிலைமையை உன்னிப்பாகக் கண்காணித்து வருவதாக சுகாதார அமைச்சகம் அறிவித்துள்ளது.
அமைச்சு வெளியிடப்பட்ட அறிக்கையில், தொற்றுநோயியல் பிரிவு தமக்கு வைரஸ் தொடர்பான தகவல்கள் கிடைத்துள்ளதை உறுதிப்படுத்தியதுடன், நிலைமையை முழுமையாக ஆய்வு செய்து பகுப்பாய்வு செய்த பின்னர் மேலதிக விவரங்கள் பொதுமக்களுடன் பகிர்ந்து கொள்ளப்படும் என்று வலியுறுத்தியுள்ளது.
கோவிட்-19 தொற்றுநோய்க்கு ஐந்து ஆண்டுகளுக்குப் பிறகு, மனித மெட்டாப்நியூமோவைரஸின் (HMPV) தாக்கதத்தை சீனா கையாள்வதாகக் கூறப்படுகிறது.
வங்குரோத்து நிலையில் இருந்த நாட்டை சில மாதங்களில் இவ்வாறானதொரு நிலைக்கு கொண்டு வர முடிந்ததையிட்டு மகிழ்ச்சியடைய வேண்டும் என கைத்தொழில் அமைச்சர் சுனில் ஹந்துன்நெத்தி குறிப்பிடுகின்றார்.
கடனுதவி திறக்க முடியாமல் துறைமுகத்திற்கு வந்த எரிபொருள் கப்பலுக்கு பணம் செலுத்த முடியாமல் தவித்த நாடு இன்று நாடாக மூச்சு விடுவதாகவும் அவர் தெரிவித்தார்.
தேசிய தொலைக்காட்சியில் இடம்பெற்ற நிகழ்ச்சி ஒன்றில் கலந்து கொண்டு கருத்து தெரிவிக்கும் போதே அவர் இவ்வாறு தெரிவித்துள்ளார்.
சர்வதேச நாணய நிதியத்துடனான தனது அரசாங்கத்தின் பேச்சுவார்த்தைகள் பத்து நாட்களில் முடிவடைந்ததாகவும், டிசம்பர் 31 க்கு முன்னர் அவற்றை முடிக்க வேண்டும் என்ற நோக்கத்தில் தான் அவ்வாறு செய்ததாகவும் அவர் கூறுகிறார்.
சர்வதேச நாணய நிதியக் குழு கூட தமது குழுவின் தலையீட்டை தியாகம் செய்தமை ஆச்சரியத்தை ஏற்படுத்தியுள்ளதாக அமைச்சர் கூறினார்.
2024 ஆம் ஆண்டிற்கான இலங்கை மின்சார சபை ஊழியர்களுக்கு போனஸ் தொகையை விரைவில் வழங்குமாறு தேசிய ஊழியர் சங்கம் கோரிக்கை விடுத்துள்ளது.
2024ஆம் ஆண்டுடன் தொடர்புடைய பல அரச நிறுவனங்களுக்கு போனஸ் வழங்கப்பட்டுள்ளதால், மின்சார ஊழியர்களும் அதனைப் பெற வேண்டுமென அவர்கள் சுட்டிக்காட்டியுள்ளனர்.
எரிசக்தி அமைச்சர் குமார ஜயக்கொடிக்கு கடிதம் ஒன்றை அனுப்பி வைத்து இந்த கோரிக்கை முன்வைக்கப்பாட்டுள்ளது.
எவ்வாறாயினும், மக்களுக்கு மின்சார கட்டண நிவாரணம் கிடைக்காததன் பின்னணியில், மின்சார சபை ஊழியர்களுக்கு போனஸ் வழங்கப்படுவதில்லை என அரசாங்கம் தற்போது தீர்மானித்துள்ளது.
ஐக்கிய தேசியக் கட்சியின் தலைவர் முன்னாள் ஜனாதிபதி ரணில் விக்கிரமசிங்க இன்று (3) ஐக்கிய தேசியக் கட்சியின் தலைமையகமான சிறிகொத்த, பிட்டகோட்டையிலும், கொழும்பு மால் வீதியில் அமைந்துள்ள புதிய ஜனநாயக முன்னணி அலுவலகத்திலும் புத்தாண்டை ஆரம்பித்து வைத்தார்.
இந்நிகழ்வில் ஐக்கிய தேசியக் கட்சியின் பிரதித் தலைவர் ருவன் விஜயவர்தன, வஜிர அபேவர்தன, ஐக்கிய தேசியக் கட்சியின் முக்கியஸ்தர்கள், முன்னாள் மற்றும் தற்போதைய அரச அதிகாரிகள் மற்றும் கட்சி உறுப்பினர்கள் கலந்துகொண்டனர்.
இங்கு பாரம்பரிய விளக்குகளை ஏற்றி வைத்த முன்னாள் ஜனாதிபதி கேக் மற்றும் பால் சாதம் விருந்திலும் கலந்து கொண்டார்.
முன்னாள் ஜனாதிபதி ரணில் விக்ரமசிங்க இந்தியாவிற்கான இரண்டு வார விஜயத்தின் பின்னர் நேற்று இரவு நாடு திரும்பினார்.
பாராளுமன்ற ஊழியர்களுக்கான விடுமுறை கொடுப்பனவை வழங்குவதில்லை என தீர்மானம் எடுக்கப்பட்டுள்ளது.
நிலவும் பொருளாதார நிலையை கருத்தில் கொண்டு இந்த முடிவு எடுக்கப்பட்டுள்ளதாக அரசு வட்டாரங்கள் தெரிவித்தன.
பாராளுமன்ற ஊழியர்களுக்கு மாத்திரம் இந்த கொடுப்பனவு வழங்கப்படுமானால் அது மோசமான முன்னுதாரணமாக அமையும் என பொருளாதார ஆலோசகர்கள் சுட்டிக்காட்டியதன் அடிப்படையில் இந்த நடவடிக்கை எடுக்கப்பட்டுள்ளது.
பாராளுமன்றத்தில் பணியாற்றும் சுமார் 1200 பணியாளர்கள் இந்த கொடுப்பனவைப் பெறுவதற்கு தகுதியுடையவர்கள்.
பாராளுமன்ற ஊழியர் குழுவொன்றும் அரசாங்கத் தலைவர்களைச் சந்தித்த பின்னர் இந்த கொடுப்பனவை வழங்குமாறு கடந்த நாட்களில் கோரிக்கை விடுத்திருந்தது.
பாதியில் நிர்மாணிக்கப்பட்ட கொழும்பு கிரிஷ் கட்டிடத்தில் 5 வீடுகளை கொள்வனவு செய்துள்ள வர்த்தகர் ஒருவர் குற்றப் புலனாய்வு திணைக்களத்தில் நேற்று முறைப்பாடு செய்துள்ளார்.
கடந்த நல்லாட்சி அரசாங்கத்தின் போது பொலிஸ் நிதிக் குற்றப் புலனாய்வுப் பிரிவின் (FCID) தலைவராக இருந்த அப்போதைய சிரேஷ்ட பிரதி பொலிஸ் மா அதிபர் ரவி வித்யாலங்காரவுக்கு எதிராகவே அது இடம்பெற்றது.
ரவி வித்யாலங்கார தன்னிடம் இருந்து 750 இலட்சம் ரூபாவை பெற்றுக்கொண்டு பணத்தை மோசடி செய்ததாக இந்த வர்த்தகர் இது தொடர்பான முறைப்பாட்டை சமர்ப்பித்துள்ளார்.
அதுமட்டுமின்றி, முன்னாள் விளையாட்டுத்துறை அமைச்சர் நாமல் ராஜபக்ஷ, ஜானகி, பியூமாலி உள்ளிட்டோரும் இந்த பிரச்சனையில் ஈடுபட்டுள்ளதாகவும் வர்த்தகர் ஊடகங்களுக்கு தெரிவித்துள்ளார்.
இது தொடர்பில் தாம் இதற்கு முன்னர் 7 வழக்குகளை தாக்கல் செய்துள்ளதாகவும் குற்றப் புலனாய்வு திணைக்களத்தில் 15 தடவைகள் முறைப்பாடு செய்துள்ளதாகவும் அவர் மேலும் குறிப்பிட்டுள்ளார்.