பிபா உலகக் கிண்ண கால்பந்து தொடரின் விறுவிறுப்பான ‘சுற்று 16’ஆட்டத்தில், ஸ்பெயின் அணியிடம் 1-0 என்ற கணக்கில் தோல்வியடைந்து போர்த்துக்கல் அணி தொடரிலிருந்து வெளியேறியுள்ளது.
இப்போட்டியுடன் கால்பந்து ஜாம்பவான் கிறிஸ்டியானோ ரொனால்டோவின் உலகக் கிண்ண பயணமும் நிறைவுக்கு வந்துள்ளது.
இதையடுத்து, இந்திய கிரிக்கெட் அணியின் வேகப்பந்து வீச்சாளர் முகமது சிராஜ், ரொனால்டோவுக்காக தனது சமூக வலைதள பக்கத்தில் உருக்கமான பதிவு ஒன்றை பகிர்ந்துள்ளார்.
“ஒரு போட்டி ஒரு வீரரின் மகத்துவத்தை ஒருபோதும் தீர்மானிக்க முடியாது. மில்லியன் கணக்கான மக்கள் கனவு காண்பதற்கு நீங்கள் கற்றுக்கொடுத்துள்ளீர்கள். நீங்கள் வெறும் ஒரு வீரர் மட்டுமல்ல, கடின உழைப்பு, ஒழுக்கம் மற்றும் ஒருபோதும் விட்டுக்கொடுக்காத மனப்பான்மையின் அடையாளம்” என்று சிராஜ் குறிப்பிட்டுள்ளார்.
போர்த்துக்கல் அணியின் ஏமாற்றமளிக்கும் தோல்விக்கு மத்தியிலும், ரொனால்டோவுக்கு ஆதரவாக நின்ற சிராஜின் இந்த நெகிழ்ச்சியான பதிவு தற்போது இணையத்தில் வைரலாகி வருகிறது.
