மக்களின் பணத்தை கொள்ளையடித்து நாட்டை அழித்ததாக குற்றம்சாட்டப்படும் அரசியல் தரப்பினருக்கு மீண்டும் அரசியல் களத்தில் பிரவேசித்து ஆட்சி அமைக்க மக்கள் ஒருபோதும் இடமளிக்கமாட்டார்கள் என கடுவெல மாநகர சபை மேயர் ரஞ்சன் ஜயலால் தெரிவித்துள்ளார்.
ஊடகங்களுக்கு கருத்து தெரிவிக்கும்போது அவர், கடந்த தேர்தலில் மக்கள் அந்த அரசியல் கலாசாரத்திற்கு தெளிவான முற்றுப்புள்ளி வைத்துள்ளதாகக் குறிப்பிட்டார்.
அதிகாரத்தை இழந்த அரசியல் குழுக்கள் மீண்டும் அரசியல் களத்திற்கு வர மேற்கொள்ளும் முயற்சிகள் வெற்றியடையாது என தெரிவித்த அவர், கடந்த காலத்தில் இடம்பெற்றதாகக் கூறப்படும் தவறுகளுக்காக தற்போது சட்டரீதியான நடவடிக்கைகள் முன்னெடுக்கப்பட்டு வருவதாகவும் கூறினார்.
பழைய அரசியல் சக்திகள் ஒரே மேடையில் ஒன்றிணைய முயற்சிப்பது தொடர்பிலும் அவர் விமர்சனம் முன்வைத்தார்.
மேலும், தமது அரசியல் எதிரிகளை கடுமையாக விமர்சித்த அவர், அவர்களின் தற்போதைய அரசியல் முயற்சிகள் தோல்வியடையும் எனக் கூறியதுடன், அவர்களுக்கு எதிர்காலத்தில் கடுமையான விளைவுகள் ஏற்படும் எனவும் தெரிவித்தார்.
