உலக சந்தையில் எரிபொருள் விலைகள் மீண்டும் அதிகரித்து வருவதைக் கருத்தில் கொண்டு, செப்டம்பர் மாத இறுதியில் எரிபொருள் விலையில் திருத்தம் மேற்கொள்ளப்படலாம் என எரிசக்தி அமைச்சர் அனுர கருணாதிலக்க தெரிவித்துள்ளார்.
தற்போது எரிபொருள் விலை ஏற்கனவே உயர்ந்த மட்டத்தில் காணப்படுவதால், மேலும் விலை அதிகரிப்பு ஏற்பட்டால் அதனை பொதுமக்களால் தாங்கிக்கொள்ள முடியுமா என்பது தொடர்பில் அரசாங்கத்திற்குள் கலந்துரையாடல்கள் இடம்பெற்று வருவதாகவும் அமைச்சர் குறிப்பிட்டுள்ளார்.
காலியில் நடைபெற்ற நிகழ்வொன்றில் கருத்து தெரிவிக்கும்போதே அமைச்சர் இதனைத் தெரிவித்துள்ளார்.
