தற்போதைய அரசாங்கம் சட்டத்தை முறையாக அமுல்படுத்தி வருவதாக முன்னாள் நாடாளுமன்ற உறுப்பினரும் பீல்ட் மார்ஷலுமான சரத் பொன்சேகா தெரிவித்துள்ளார்.
நாட்டிற்கு நீதியை நிலைநாட்டுவதற்கான அரசாங்கத்தின் முயற்சியை பாராட்ட வேண்டும் எனக் குறிப்பிட்ட அவர், ராஜபக்ஷ குடும்பத்தின் அனைத்து தலைமுறையினரையும் சட்டத்தின் முன் நிறுத்த வேண்டும் என்றும் தெரிவித்துள்ளார்.
ஊடகங்களுக்கு கருத்து தெரிவிக்கும்போது சரத் பொன்சேகா மேலும் கூறியதாவது:
“அரசாங்கம் சட்டத்தை முறையாக அமுல்படுத்த முயற்சித்து வருகிறது. இதுவரை சரியான பாதையில் சென்றுகொண்டிருக்கிறது என்பது எனது கருத்து. எஞ்சிய நடவடிக்கைகளையும் நாம் பொறுத்திருந்து பார்க்க வேண்டும்.
இதற்காக அரசாங்கம் ஆர்வத்துடன் செயற்பட்டு, மக்களுக்கும் நாட்டிற்கும் நீதியை நிலைநாட்ட முயற்சிப்பதை நாம் பாராட்ட வேண்டும். ராஜபக்ஷ குடும்பத்தின் அனைத்து தலைமுறையினரையும் நிச்சயமாக சட்டத்தின் முன் நிறுத்த வேண்டும்.”
என முன்னாள் நாடாளுமன்ற உறுப்பினரும் பீல்ட் மார்ஷலுமான சரத் பொன்சேகா தெரிவித்துள்ளார்.
