முதலாம் தரத்திற்கு பாடசாலைகளில் மாணவர்களைச் சேர்ப்பது ஆண்டுதோறும் சுமார் 40,000ஆல் குறைவடைந்துள்ளதாக ஆய்வொன்றின் மூலம் தெரியவந்துள்ளதாக கல்வி மற்றும் உயர் கல்வி பிரதி அமைச்சர் வைத்தியர் மதுர செனவிரத்ன தெரிவித்துள்ளார்.
ஆண்டுதோறும் பிறக்கும் குழந்தைகளின் எண்ணிக்கை குறைவடைந்து வருவதே முதலாம் தரத்திற்கான மாணவர் சேர்க்கை வீழ்ச்சியடைவதற்கான பிரதான காரணம் என்றும் அவர் குறிப்பிட்டுள்ளார்.
மேலும், புதிதாக 309 ஆரம்பப் பாடசாலைகள் நிறுவப்படவுள்ளதாகவும், அந்தப் பாடசாலைகளுக்காக எதிர்கால உலகிற்கு ஏற்ற வகையிலான நவீன கழிப்பறை கட்டமைப்புகள் அறிமுகப்படுத்தப்படவுள்ளதாகவும் பிரதி அமைச்சர் வைத்தியர் மதுர செனவிரத்ன தெரிவித்துள்ளார்.




