கடந்த வாரம், 255 சிபெட்கோ எரிபொருள் நிலையங்கள் தேவையான குறைந்தபட்ச இருப்பை பராமரிக்கவில்லை என்பது தெரியவந்துள்ளது.

கடந்த ஒரு வாரமாக சில பகுதிகளில் பெட்ரோல் நிலையங்களின் அருகே வரிசைகள் ஏற்பட இதுவே காரணம் என தெரியவந்துள்ளது.

எனவே எரிபொருள் நிரப்பு நிலைய உரிமையாளர்களுக்கு எதிராக தேவையான சட்ட நடவடிக்கை எடுக்குமாறு இலங்கை பெற்றோலிய கூட்டுத்தாபனத்திற்கு பணிப்புரை விடுத்துள்ளதாக அமைச்சர் காஞ்சன விஜேசேகர டுவிட்டரில் தெரிவித்துள்ளார்.

தென்னிந்திய சினிமாவின் பிரபல நடிகரும் மக்கள் நீதி மையம் கட்சியின் தலைவருமாகிய கமல்ஹாசனை இலங்கைக்கு விஜயம் செய்யுமாறு கிழக்கு மாகாண ஆளுநர் செந்தில் தொண்டமான் அழைப்பு விடுத்துள்ளார். 

கிழக்கு மாகாணத்தின் புதிய ஆளுநராக நியமனம் பெற்றுள்ள இலங்கை தொழிலாளர் காங்கிரஸ் தலைவர் செந்தில் தொண்டமானை மக்கள் நீதி மய்யம் கட்சித் தலைவர் கமல்ஹாசன் தொலைபேசியில் தொடர்பு கொண்டு வாழ்த்து தெரிவித்துள்ளார்.

வாழ்த்துக்கு நன்றி தெரிவித்த செந்தில் தொண்டமான் இந்த அழைப்பை விடுத்துள்ளார். 

அதன்படி கமல்ஹாசன் விரைவில் இலங்கை வருவார் என எதிர்பார்க்கப்படுகிறது. 

சுமார் 300 வகையான பொருட்களுக்கான இறக்குமதி தடைகள் இந்த வார இறுதிக்குள் நீக்கப்படும் என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

தடை செய்யப்பட்ட பொருட்களின் எண்ணிக்கை 1216 ஆக குறைக்கப்பட்டுள்ளதாகவும் அவர் குறிப்பிட்டுள்ளார்.

பாராளுமன்றத்தில் உரையாற்றும் போதே  அவர் இதனை தெரிவித்தார்.

இன்று (07) காலை கைது செய்யப்பட்ட தமிழ் தேசிய மக்கள் முன்னணியின் தலைவரும் பாராளுமன்ற உறுப்பினருமான கஜேந்திரகுமார் பொன்னம்பலம் கிளிநொச்சி நீதிமன்றத்தில் ஆஜர்படுத்தப்பட்ட பின்னர் பிணையில் விடுவிக்கப்பட்டுள்ளார்.

யாழ். மருதங்கேணியில் பொலிஸாரின் கடமைகளுக்கு இடையூறு விளைவித்த குற்றச்சாட்டில் பாராளுமன்ற உறுப்பினரை கைது செய்யததாக பொலிஸார் தெரிவித்தனர்.

கொள்ளுப்பிட்டியில் உள்ள தனது வீட்டில் வைத்து பாராளுமன்ற உறுப்பினர் கஜேந்திரகுமார் பொன்னம்பலம் இன்று காலை கைது செய்யப்பட்டார். 

அவரை கைது செய்ய கிளிநொச்சியில் இருந்து விசேட பொலிஸ் குழுவொன்று சென்றிருந்தது. 

இதன்போது, தன்னைக் கைது செய்வது சட்டவிரோதமானது என தெரிவித்த பாராளுமன்ற உறுப்பினர் கஜேந்திரகுமார் பொன்னம்பலம், சபாநாயகரை தொடர்பு கொண்டு விடயத்தை தௌிவுபடுத்தினார்.

எனினும், பொலிஸார் அவரை கைது செய்து, கொள்ளுப்பிட்டி பொலிஸ் நிலையத்திற்கு அழைத்துச்சென்ற பின்னர் நீதிமன்றத்தில் ஆஜர்படுத்துவதற்காக கிளிநொச்சிக்கு அழைத்துச்சென்றனர். 

இதேவேளை, மருதங்கேணி சம்பவம் தொடர்பில் பாராளுமன்ற உறுப்பினர் கஜேந்திரகுமார் பொன்னம்பலம் இலங்கை மனித உரிமைகள் ஆணைக்குழுவின் யாழ்ப்பாண அலுவலகத்தில் செய்திருந்த முறைப்பாட்டிற்கு அமைய, சம்பவத்துடன் தொடர்புடைய பொலிஸ் உத்தியோகத்தர்கள் இருவர் இன்றைய தினம் வாக்குமூலம் பெறுவதற்காக அழைக்கப்பட்டிருந்தனர். 

இன்று காலை 9.30 முதல் பிற்பகல் 1.30 மணி வரை 4 மணித்தியாலங்கள் அவர்களிடம் வாக்குமூலம் பெற்றுக்கொண்டதாக

யாழ். மாவட்ட மனித உரிமைகள் ஆணைக்குழுவின் இணைப்பாளர் த.கணகராஜ் குறிப்பிட்டார்.

சம்பவம் இடம்பெற்ற இடத்திலிருந்த மேலும் இரண்டு பொலிஸ் உத்தியோகத்தர்களை எதிர்வரும் 9 ஆம் திகதி வாக்குமூலம் பெறுவதற்காக யாழ். மாவட்ட மனித உரிமைகள் ஆணைக்குழுவிற்கு அழைத்துள்ளதாகவும் அவர் குறிப்பிட்டார்.

இதேவேளை, மருதங்கேணியில் பாராளுமன்ற உறுப்பினர் கஜேந்திரகுமார் பொன்னம்பலம் தலைமையில் நடைபெற்ற மக்கள் சந்திப்பின் போது பொலிஸாரின் கடமைக்கு இடையூறு விளைவித்த குற்றச்சாட்டின் பேரில் கைது செய்யப்பட்ட இரண்டு சந்தேகநபர்களும் இன்று பிணையில் விடுவிக்கப்பட்டனர்.

கிளிநொச்சி மாவட்ட நீதவான் நீதிமன்றில் இன்று விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டுள்ளது. 

தலா 5 இலட்சம் ரூபா பெறுமதியான சரீரப் பிணைகளில் குறித்த இருவரும் விடுவிக்கப்பட்டுள்ளனர். 

தமிழ் தேசிய மக்கள் முன்னணியின் மகளிர் அணித்தலைவி ஜெ.சற்குணதேவி, எஸ்.உதய சிவம் ஆகிய இருவருமே பிணையில் விடுவிக்கப்பட்டுள்ளனர்.  

இராஜாங்க அமைச்சர் டயானா கமகே, சமகி ஜன பலவேகய (SJB) கட்சியின் துணை செயலாளர் பதவியில் இருந்து தன்னை நீக்கும் முயற்சியில் தான் ராஜினாமா செய்ததாக குற்றம் சாட்டினார்.

எஸ்.ஜே.பி.யால் ராஜினாமா செய்ததாக போலி ஆவணம் ஒன்று கொழும்பு மாவட்ட நீதிமன்றத்தில் சமர்ப்பிக்கப்பட்டுள்ளதாக கமகே கூறினார்.

எனது இராஜினாமாவை சுட்டிக்காட்டும் இந்த போலி ஆவணம் மாவட்ட நீதிமன்றில் சமர்ப்பிக்கப்பட்டுள்ளது. போலி ஆவணங்களைத் தயாரித்து நீதித்துறையுடன் இவர்கள் என்ன விளையாட்டு விளையாடுகிறார்கள் என்பது எனக்குத் தெரியவில்லை என கமகே கூறினார்.

இது போன்ற ஒரு கடிதத்தை தாம் ஒருபோதும் அனுப்பவில்லை என இராஜாங்க அமைச்சர் கூறினார். துணை செயலாளர் பதவியில் இருந்து நான் ராஜினாமா செய்யவில்லை, அப்படி இருந்தால் முதலில் என்னை செயற்குழுவில் இருந்து நீக்க வேண்டும்,'' என்றார்.

எவரேனும் தேர்தல்கள் ஆணையாளரிடம் கட்சி விவரங்களை சரிபார்த்தால், SJB இன் பிரதிச் செயலாளராக அவரது பெயர் பட்டியலிடப்படும் என்று கமகே கூறினார்.

போலி ஆவணத்தில் இரண்டு சட்டத்தரணிகளும் கையெழுத்திட்டுள்ளதாக தெரிவித்த இராஜாங்க அமைச்சர், பதவியை இராஜினாமா செய்யும் எண்ணம் தனக்கு இல்லை எனவும் தெரிவித்தார். இந்த போலிச் செயல் குறித்து காவல்துறையில் புகார் அளிக்கப்பட்டுள்ளது என்றும் அவர் மேலும் கூறினார்.

"ரஞ்சித் மத்தும பண்டார, உங்களை இந்தக் கட்சியின் பொதுச் செயலாளர் என்று அழைப்பது வெட்கக் கேடானது. உங்கள் அனைவரையும் நினைத்து நான் வருத்தப்படுகிறேன். சஜித் பிரேமதாச உள்ளிட்ட இந்தக் குழு நன்றியற்றவர்கள் மற்றும் நீக்கப்படுவதற்கு தகுதியானவர்கள்," என்று அவர் கூறினார்.

போலிச் செயலுக்கு எதிராக சட்ட நடவடிக்கை எடுப்பதற்கான தனது நோக்கங்களை இராஜாங்க அமைச்சர் விவரித்தார். "இனி நான் பொறுமையாக இருக்க மாட்டேன், நான் அவர்களுக்கு சொல்ல வேண்டியது எல்லாம் தயாராக இருங்கள்," என்று அவர் மேலும் கூறினார்.

இரவு 11 மணியளவில் தோட்டக் கிணற்றில் இருந்து குளித்துவிட்டு வீட்டுக்கு வந்து கொண்டிருந்த பாடசாலை மாணவியை யாரோ ஒருவர் பிடித்து துஷ்பிரயோகம் செய்ய முயன்றதாக நிட்டம்புவ  பொலிஸார் தெரிவித்தனர்.

மாணவி டவல் அணிந்து வீட்டுக்கு வந்து கொண்டிருந்த போது இருட்டில் மறைந்திருந்த ஒருவர் திடீரென அவரை கட்டிப்பிடித்து, அவர் அணிந்திருந்த டவலை கழற்றி தரையில் வீசி பாலியல் வன்கொடுமைக்கு முயன்றதாக பொலீஸ் தரப்பில் இருந்து தெரியவந்துள்ளது

மகளின் அலறல் சத்தம் கேட்ட தாய் ஓடிவரவே உடனடியாக மாணவியை கைவிட்டு சந்தேகநபர் ஓடியதாக அப்பகுதியின் உயர் பொலிஸ் அதிகாரி ஒருவர் தெரிவித்தார்.

தாயும் மகளும் சந்தேக நபரை அடையாளம் கண்டு பொலிஸில் புகார் அளித்தனர்.

சந்தேக நபரை கைது செய்வதற்கான விசாரணைகளை நிட்டம்புவ  பொலிஸ் பிரிவின் சிறுவர் மற்றும் மகளிர் பணியகம் மேற்கொண்டு வருகின்றது.