காலி கராப்பிட்டிய போதனா வைத்தியசாலையில் கடமையாற்றிய சுமார் 80 வைத்தியர்களும் 15 விசேட வைத்தியர்களும் கடந்த வருடம் (2023) முதல் தற்போது வரை வெளிநாடு சென்றுள்ளதாக கராப்பிட்டிய போதனா வைத்தியசாலையின் பணிப்பாளர் டொக்டர் எஸ்.பி.யு.எம். ரங்கா கூறுகிறார்.

சம்பள பிரச்சினை மற்றும் பல்வேறு பிரச்சினைகள் காரணமாக இந்த வைத்தியர்கள் மற்றும் விசேட வைத்தியர்கள் வெளிநாட்டில் இருப்பதாகவும் வைத்தியசாலை பணிப்பாளர் ஊடகங்களுக்கு வெளிப்படுத்தியுள்ளார்.

யாழ். பலாலி வீதி – வயாவிளான் சந்தி – தோலகட்டி சந்தி வரையிலான வீதி 34 வருடங்களுக்கு பின்னர் மக்கள் போக்குவரத்திற்காக இன்று காலை ஆறு மணி முதல் திறக்கப்பட்டுள்ளது.

அதன்படி யாழ்ப்பாணம் பலாலி வீதியில், வயாவிளான் மத்திய கல்லூரியில் இருந்து வயாவிளான் சந்தியிலிருந்து அச்சுவேலி வீதியில் தோலகட்டி வரையிலான சுமார் 1.250 கிலோமீட்டர் வீதி மக்கள் போக்குவரத்திற்கு அனுமதிக்கப்பட்டுள்ளது.

இராணுவத்தின் கட்டுப்பாட்டில் இருந்த குறித்த பகுதி வடக்கு மாகாண ஆளுநர் நாகலிங்கம் வேதநாயகனின் அனுமதிக்கமைய மக்கள் பாவனைக்கு அனுமதிக்கப்பட்டுள்ளது.

குறித்த வீதியில் காணப்பட்ட வீதித்தடைகள் இன்று காலை முதல் இராணுவத்தினரால் விலக்கப்பட்டுள்ளமையும் குறிப்பிடத்தக்கது

பதுளை – மஹியங்கனை வீதி 4 ஆவது மைல் கல் பகுதியில் பஸ் ஒன்று வீதியில் கவிழ்ந்து விபத்துக்குள்ளானதில் 3 மாணவிகள் உயிரிழந்துள்ளதாகவும் 35 பேர் காயமடைந்துள்ளதாக பதுளை பொலிஸார் தெரிவித்தனர்.

இதேவேளை, காயமடைந்தவர்களில் 6 பேர் அதிதீவிர சிகிச்சைப் பிரிவில் அனுமதிக்கப்பட்டுள்ளனர்.

கொத்தலாவல பாதுகாப்பு பல்கலைக்கழகத்தில் உள்ள மாணவர்கள் மஹியங்கனை பக்கமாக சுற்றுலா சென்ற போதே இவ்விபத்து இடம்பெற்றுள்ளது.

குறித்த விபத்து இடம்பெறும் போது பஸ்ஸில் 36 மாணவர்களும் விரிவுரையாளர்கள் இருவரும், இராணுவ அதிகாரிகள் இருவரும் சாரதி உட்பட 41பேர் இருந்ததாகவும் பொலிஸார் தெரிவித்தனர்.

இதில் காயமடைந்த 39 பேர் வரை பதுளை வைத்தியசாலைக்குக் கொண்டு செல்லப்பட்டு சிகிச்சை அளிக்கப்பட்டு வருவதாக பொலிஸார் தெரிவித்தனர்.

அதி தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வருவோரின் நிலை கவலைக்கிடமாக உள்ளதாகவும் வைத்தியசாலையின் அதிகாரி ஒருவர் தெரிவித்தார்.

முட்டையின் அதிகபட்ச சில்லறை விலையான 37 ரூபாயை நிலைநிறுத்துவதற்கு முட்டை உற்பத்தியாளர்கள் சங்கம் மற்றும் மொத்த வியாபாரிகள் இணக்கம் தெரிவித்துள்ளனர்.

வர்த்தக அமைச்சின் செயலாளர் எம். எம். நைமுதீனுடன் நடந்த விவாதத்தின் விளைவாக இந்த முடிவு எடுக்கப்பட்டுள்ளது. 

இதன்படி, எதிர்காலத்தில் அந்த விலைக்கு மேல் முட்டைகளை விற்பனை செய்ய வேண்டாம் என அறிவுறுத்தல் வழங்கப்பட்டுள்ளதாக அமைச்சின் செயலாளர் குறிப்பிட்டார்.

நேற்று நள்ளிரவு முதல் அமுலுக்கு வரும் வகையில் எரிபொருட்களின் விலைகளில் திருத்தம் மேற்கொள்ளப்பட்டுள்ளது.

இதற்கமைய ஒக்டேன் 95 ரக பெட்ரோல் லீற்றரின் விலை 6 ரூபாவினால் குறைக்கப்பட்டுள்ளது.

அதன் புதிய விலை 371 ரூபாவாகும்.

சுப்பர் டீசல் லீற்றரின் விலை 6 ரூபாவினால் குறைக்கப்படுவதுடன் அதன் புதிய விலை 313 ரூபாவாகும்.

ஏனைய எரிபொருட்களின் விலைகளில் மாற்றம் இல்லை என பெற்றொலிய கூட்டுத்தாபனம் அறிவித்துள்ளது.

விளக்கமறியலில் வைக்கப்பட்டிருந்த முன்னாள் அமைச்சர் ஜோன்ஸ்டன் பெர்னாண்டோவை பிணையில் விடுவிக்க கோட்டை நீதவான் நீதிமன்றம் இன்று(30) உத்தரவிட்டது.

தலா 5 மில்லியன் ரூபா பெறுமதியான 5 சரீரப்பிணைகளில் முன்னாள் அமைச்சரை விடுவிக்க நீதிமன்றம் உத்தரவு பிறப்பித்தது.

பதிவு செய்யப்படாத அதிசொகுசு காரொன்று கொழும்பிலுள்ள ஹோட்டலொன்றில் இருந்து கண்டுபிடிக்கப்பட்டமை தொடர்பில் முன்னாள் அமைச்சர் ஜோன்ஸ்டன் பெர்னாண்டோ கடந்த 23ஆம் திகதி கைது செய்யப்பட்டிருந்தார்.

மத்திய மற்றும் ஊவா மாகாணங்களில் உள்ள அனைத்து அரச தமிழ் பாடசாலைகளுக்கும் நவம்பர் 1 ஆம் திகதி விடுமுறை வழங்கப்பட்டுள்ளது.

நவம்பர் 31ஆம் திகதி தீபாவளியை முன்னிட்டு அந்தந்த மாகாணங்களில் உள்ள தமிழ்ப் பாடசாலைகளுக்கு விடுமுறை அளிக்கப்பட்டுள்ளது.

மேலும், அந்தந்த பாடசாலைகளுக்கு நவம்பர் 9ஆம் திகதி சனிக்கிழமை பாடசாலை நடத்த முடிவு செய்துள்ளதாக வட்டாரக் கல்வி இயக்குநர்கள் தெரிவித்துள்ளனர்.