உலகில் அதிக மாதச் சம்பளம் வழங்கப்படும் நாடுகளின் பட்டியலில் இடம்பெற்றுள்ள 130 நாடுகளில் இலங்கை 120ஆவது இடத்தைப் பெற்றுள்ளது.
சர்வதேச தொழிலாளர் அமைப்பின் 2024ஆம் ஆண்டு தரவுகளை அடிப்படையாகக் கொண்டு மேற்கொள்ளப்பட்ட இந்த ஆய்வின்படி, தெற்காசிய பிராந்தியத்தில் இலங்கைக்கு பின்னால் பூட்டான் மாத்திரமே இடம்பெற்றுள்ளது.
ஒவ்வொரு நாட்டிலும் தொழிலாளர்கள் பெறும் சம்பளம் மற்றும் அந்தச் சம்பளத்தின் மூலம் அவர்களால் பெறக்கூடிய கொள்வனவு சக்தி ஆகியவற்றை ஒப்பிட்டு இந்த அறிக்கை தயாரிக்கப்பட்டுள்ளது.
இந்தப் பட்டியலில் முதலிடத்தில் உள்ள சுவிட்சர்லாந்தின் சராசரி மாதச் சம்பளம் 3,804 அமெரிக்க டொலர்களாகும்.
ஜெர்மனி 2,928 அமெரிக்க டொலர்களுடனும், ஐக்கிய இராச்சியம் 2,902 அமெரிக்க டொலர்களுடனும் முறையே இரண்டாவது மற்றும் மூன்றாவது இடங்களைப் பெற்றுள்ளன.
ஹெய்ட்டி, கினியா, சியரா லியோன், காம்பியா, கினி-பிசாவ் மற்றும் நைஜர் உள்ளிட்ட நாடுகள் இலங்கையை விட கீழ் நிலையில் இடம்பெற்றுள்ளன.
