மின்சாரக் கட்டணங்கள் அதிகரிக்கப்பட்டாலும் நாட்டில் மீண்டும் மின்வெட்டு ஏற்படும் என இலங்கை மின்சார சபை மற்றும் மின் பொறியியலாளர் சங்கம் தெரிவித்துள்ளது.

நாளாந்தம் இரண்டு மணித்தியால மின்வெட்டு தொடர்ந்தும் அமுல்படுத்தப்படாவிட்டால் நிலைமையை கட்டுக்குள் கொண்டு வர முடியாது என சங்கத்தின் தலைவர் நிஹால் வீரரத்ன தெரிவித்தார்.

மின்வெட்டை நிறுத்துவதன் விளைவு எதிர்காலத்தில் தெரியும் என்றார்.

தொடர்ந்து மக்களுக்கு மின்சாரம் வழங்கப்பட்டாலும் சிக்கனமாக பயன்படுத்துமாறு அறிவுறுத்தல் கிடைக்காததால் மக்கள் வழமையான முறையில் மின்சாரத்தை பயன்படுத்த பழகி வருவதாகவும் அவர் தெரிவித்தார்.

இசுருபாவிற்குள் பலவந்தமாக பிரவேசித்த குற்றத்திற்காக கைது செய்யப்பட்ட வசந்த முதலிகே மற்றும் 62 பேருக்கு நீதிமன்றம் பிணை வழங்கியுள்ளது.

விளக்கமறியலில் வைக்கப்பட்ட குழு இன்று (27) கடுவெல நீதவான் நீதிமன்றில் முன்னிலைப்படுத்தப்பட்டது.

எதிர்வரும் இரண்டு வாரங்களுக்கு பின் பல ஐக்கிய மக்கள் சக்தி பாராளுமன்ற உறுப்பினர்களுடன் ஐக்கிய தேசியக் கட்சியின் தலைமையில் புதிய கூட்டணி அமைக்கப்படும் என அமைச்சர் ஹரின் பெர்னாண்டோ குறிப்பிட்டுள்ளார்.

ஐக்கிய தேசியக் கட்சியின் பதுளை மாவட்ட உள்ளூராட்சி மன்ற வேட்பாளருடனான கலந்துரையாடலின் போதே அவர் மேற்கண்டவாறு தெரிவித்தார்.

ஐக்கிய மக்கள் சக்தியின் தற்போதைய செயல்பாடுகளையும் அவர் விமர்சித்தார்.

இந்தியாவில் நிலநடுக்கம் ஏற்பட்டால் அது இலங்கையை பாதிக்கலாம் என அனர்த்த முகாமைத்துவ நிலையத்திற்கு நேற்று (26) வரை இந்தியா அறிவிக்கவில்லை என அனர்த்த முகாமைத்துவ நிலையத்தின் உதவிப் பணிப்பாளர் பிரதீப் கொடிப்பிலி தெரிவித்தார்.

உலகில் தற்போதுள்ள தொழில்நுட்பத்தின் படி, குறித்த தினத்தன்று ஒரு இடத்தில் நிலநடுக்கம் ஏற்படும் என முன்கூட்டியே அறிவிக்கப்படவில்லை என்றும், ஜப்பான், துருக்கி அல்லது உயர் தொழில்நுட்பம் கொண்ட மற்ற நாடுகளால் கூட திகதிகளை அறிவிக்க முடியாது என்றும் அவர் குறிப்பிட்டுள்ளார். 

புவியியல் மற்றும் சுரங்கப் பணியகத்தைச் சேர்ந்த மூத்த புவியியலாளர் ஒருவர் கூறுகையில், நமது நாடு அமைந்திருப்பதால் நாட்டில் வலுவான நிலநடுக்கங்கள் ஏற்படுவதற்கான வாய்ப்பு மிகவும் குறைவு.

சமீபத்தில் ஏற்பட்ட நிலநடுக்கங்களைப் பார்க்கும் போது, ​​ரிக்டர் அளவுகோலில் மூன்று மற்றும் ஐந்து பத்தில் குறைவானது என்றும், பல்லேகலே, புத்தல, ஹக்மான, மஹகனதரவ ஆகிய நில அதிர்வு பதிவேடுகளில் அந்த நிலநடுக்கங்கள் பதிவாகியுள்ளதாகவும் அவர் கூறினார். 

போர்த்துகீசிய ஆட்சியின் போது 1615 இல் நாட்டில் ஒரு வலுவான நிலநடுக்கம் ஏற்பட்டதாக ஆவணங்கள் குறிப்பிடப்பட்டுள்ளன, ஆனால் அது பற்றிய கூடுதல் விவரங்கள் இல்லை என்றும் அவர் கூறினார்.

இரக்குவானை சிறுவர் இல்லத்திலுள்ள யுவதிகள், இளைஞர்களை மற்றும் சிறுவர்களை அவ்வப்போது பாலியல் துன்புறுத்தலுக்கு உள்ளாக்கிய குற்றச்சாட்டில் குறித்த சிறுவர் இல்லத்தின் நிர்வாகியின் கணவர் கைது செய்யப்பட்டுள்ளார்.

கடந்த 22 ஆம் திகதி இரக்குவானை பொலிஸாரால் குறித்த நபர் கைது செய்யப்பட்டுள்ளார்.

பாலியல் துன்புறுத்தலுக்கு உள்ளானதாக கூறப்படும் யுவதிகள், இளைஞர்களை மற்றும் சிறுவர்கள் வைத்திய பரிசோதனைக்கு உட்படுத்தப்படவுள்ளனர்.

சிறுவர் இல்லத்திலுள்ள சிறுவர்கள் வயது பூர்த்தியடைந்தவுட நிர்வாகியின் வீட்டுக்கு அழைத்துச்சென்று பாடசாலைக்கு அனுப்பப்படுபவர்களே இவ்வாறு பாலியல் துன்புறுத்தலுக்கு உள்ளாக்கப்பட்டுள்ளனர். 

குறித்த சிறுவர் இல்லத்தின் நிர்வாகி வீட்டில் இல்லாத சந்தர்ப்பத்திலேயே இவ்வாறான பாலியல் துன்புறுத்தல்கள் இடம்பெற்றுள்ளன. 

இந்தியாவில் இருந்து இறக்குமதி செய்யப்படும் முட்டைகளை 30 ரூபா விலையில் உணவு உற்பத்தியாளர்களுக்கு வழங்க முடியும் என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

அரச வர்த்தக கூட்டுத்தாபனத்தினால் இறக்குமதி செய்யப்படும் முட்டைகள் சந்தைக்கு விடப்படுவதில்லை என அவர் சுட்டிக்காட்டியுள்ளார்.

இந்த நாட்டில் முட்டையின் விலையை கட்டுப்படுத்தும் நோக்கில் முட்டைகளை இறக்குமதி செய்ய அமைச்சரவை அண்மையில் தீர்மானித்ததுடன், அதன்படி 02 மில்லியன் முட்டைகளை இந்தியாவில் இருந்து இறக்குமதி செய்ய அரசாங்கம் நடவடிக்கை எடுத்தது.

அரசாங்க பல்வேறு சட்டப்பூர்வ கூட்டுத்தாபனங்களுக்கு மாத்திரம் முட்டைகளை இறக்குமதி செய்வதற்கு அனுமதி வழங்கப்பட்டுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய மேலும் தெரிவித்தார்.