பாரிய அரிசி ஆலை உரிமையாளர்கள் அரிசியின் விலையை உயர்த்திய நிலையில், இலங்கையில் உள்ள சிறிய மற்றும் நடுத்தர அளவிலான அரிசி ஆலை உரிமையாளர்களும் அரிசியின் விலையை அதிகரித்துள்ளதாக தெரியவந்துள்ளது.

மேலும், சந்தையில் கீரி சம்பா தவிர மற்ற அரிசி வகைகளுக்கும் தட்டுப்பாடு ஏற்பட்டுள்ளது. ரூ.400 ஆக இருந்த ஒரு கிலோ கீரி சம்பா அரிசியின் விலை ரூ. 250-270 வரை விலை குறைக்கப்பட்டுள்ளது.

பாரிய அரிசி ஆலைகளின் உரிமையாளர்கள் அரிசியின் விலையை குறைப்பதாக கூறினாலும் சந்தையில் ஒரு கிலோ அரிசி 210-230 ரூபா வரை அதிக விலையில் உள்ளது. 

இலங்கை தனது வெளிநாட்டுக் கடனைச் செலுத்தத் தொடங்கும் 2027ஆம் ஆண்டுக்குள் மொத்த உள்நாட்டு உற்பத்தியில் அரச வருமானத்தை 15% ஆக்கும் சவாலை புதிய அரசாங்கம் எதிர்கொள்ளும் என முன்னாள் ஜனாதிபதியும் ஐக்கிய தேசியக் கட்சியின் தலைவருமான ரணில் விக்கிரமசிங்க இன்று தெரிவித்துள்ளார்.

அந்த இலக்கை எட்டுவதற்கு ஒவ்வொரு வருடமும் ஒரு வீத பொருளாதார வளர்ச்சியை எட்ட வேண்டும் என தெரிவித்துள்ள ரணில் விக்கிரமசிங்க, பொறுப்புகளில் இருந்து தட்டிக்கழிக்காத அனுபவமிக்க அணியே அடுத்த பாராளுமன்றத்திற்கு தேவை எனவும் வலியுள்ளார்.

உங்கள் எதிர்காலத்தை புதிய பாராளுமன்றம் தீர்மானிக்கும். இந்தப் பணியை வெற்றிகரமாகச் செய்தால் நாடாக மீண்டு வரலாம்.

தவறினால் நாடு மீண்டும் அழியும். மீண்டும் வரிசையில் நிற்கும் காலத்திற்கு நகரும். அதனால் கேஸ் சிலிண்டர் சின்னத்திற்கு வாக்களிக்க வேண்டும் என்று அவர் சுட்டிக்காட்டி உள்ளார்.

நாடு தற்போது கடனில் இயங்குவதாக அமைச்சரவை ஊடகப் பேச்சாளர் அமைச்சர் விஜித ஹேரத் தெரிவித்துள்ளார்.

தனது அரசாங்கம் நியமிக்கப்பட்டதன் காரணமாக இருபத்தி நான்கு மணித்தியாலங்களுக்குள் நாட்டுக்கு புதிய வருமானம் கிடைக்காது எனவும் அமைச்சர் குறிப்பிடுகின்றார்.

எனவே, உள்நாட்டிலேயே கடன் வாங்க வேண்டியுள்ளது என அவர் சுட்டிக்காட்டினார்.

அரச ஊழியர்களின் சம்பளத்தை அதிகரிப்பதற்கு நிதியமைச்சு அனுமதி வழங்காத பின்னணியிலேயே முன்னாள் ஜனாதிபதி இதனைத் தீர்மானித்துள்ளதாகவும் அமைச்சர் விஜித ஹேரத் சுட்டிக்காட்டினார்.

17.01.2025 இல் முடிவடையவிருந்த 2024 ஆம் கல்வியாண்டின் மூன்றாம் பாடசாலை தவணை மேலும் ஒரு வாரத்திற்கு ஒத்திவைக்கப்பட்டுள்ளதாக கல்வி அமைச்சு தெரிவித்துள்ளது.

இதனால் மூன்றாம் தவணை மற்றும் 2024 கல்வியாண்டு 24.01.2025 அன்று முடிவடையும்.

இது தொடர்பில் அதிபர்கள் மற்றும் கல்வி அதிகாரிகளுக்கு அறிவித்து கல்வி அமைச்சின் செயலாளர் திலகா ஜயசுந்தர விடுத்துள்ள கடிதத்தில், மூன்றாம் தவணை பரீட்சையை நடத்துமாறு அதிபர்கள் விடுத்த கோரிக்கைகளை கருத்திற் கொண்டு மூன்றாம் தவணை பாடசாலை ஒத்திவைக்கப்பட்டுள்ளதாக தெரிவிக்கப்பட்டுள்ளது. முன்னேற்ற அறிக்கைகளை வழங்க மாணவர்களுக்கு போதுமான அவகாசம் கொடுக்க அறிவிக்கப்பட்டுள்ளது. 

மூன்றாம் தவணை முடிவடையும் 24 ஆம் திகதிக்குள் மூன்றாம் தவணைப் பரீட்சையை நடத்தி முன்னேற்ற அறிக்கைகளை பூர்த்தி செய்ய வேண்டும் என கல்வி அமைச்சு கடிதத்தில் வலியுறுத்தியுள்ளது.

அதிக ஆண்டு பட்ஜெட் பற்றாக்குறை ஏற்படும் போது, அதை ஈடுகட்ட புதிய பணத்தை அச்சிட முடியாது, எனவே உள்ளூர் சந்தையில் கடன் வாங்குவதைத் தவிர அரசுக்கு வேறு வழியில்லை என்று நிதி அமைச்சகம் வலியுறுத்துகிறது.

புதிய ஜனாதிபதியாக நியமிக்கப்பட்ட அனுரகுமார திஸாநாயக்கவின் ஆட்சிக்காலத்தில் உள்நாட்டு மற்றும் வெளிநாட்டு சந்தையில் பெருமளவிலான கடன் பணம் எடுக்கப்பட்டுள்ளதாக சிலர் முன்வைக்கும் குற்றச்சாட்டுக்கள் தொடர்பில் நாம் எழுப்பிய கேள்விக்கு பதிலளித்த நிதியமைச்சின் செயலாளர் கே.எம். மஹிந்த சிறிவர்தன இதனைக் குறிப்பிட்டுள்ளார்.

ஏற்கனவே ஐக்கிய மக்கள் சக்தி மற்றும் தேசிய மக்கள் சக்தி போன்றவற்றில் பல்வேறு நெருக்கடிகள் ஏற்பட்டுள்ளதாக முன்னாள் பாராளுமன்ற உறுப்பினர் ராஜித சேனாரத்ன தெரிவித்துள்ளார்.

“உள்ளே இருக்கும்போது ஐக்கிய மக்கள் சக்தியில் பல நெருக்கடியைப் பார்த்தேன். கட்சித் தலைமை கடும் அதிருப்தியில் உள்ளது. திசைகாட்டியிலும் நெருக்கடிகள் உள்ளன. சர்வதேச நாணய நிதியத்தின் விதிமுறைகளை அவர்கள் ஒப்புக் கொள்ளும்போது, அவர்களின் தலைவர்கள் அவற்றை முத்திரை குத்தி, அவற்றை மிகவும் பெருமையாக மக்களுக்குக் காட்டும்போது அவர்கள் மிகவும் எரிச்சலடைகிறார்கள். அதனால் தான் திசைகாட்டியும் நகர்ந்துள்ளது. வரும் ஏப்ரல் மாதத்திற்குள், இந்த நெருக்கடி தீவிரத்திற்கு வரும். இந்த அரசாங்கத்தால் சலிப்படைந்தவுடன் மக்கள் மீண்டும் ரணிலைக் கேட்பார்கள்” என்றார்.

நேற்று (13) இடம்பெற்ற புதிய ஜனநாயக முன்னணியின் கட்சி உறுப்பினர்களின் கூட்டத்தின் பின்னர் ஊடகங்களுக்கு கருத்து தெரிவிக்கும் போதே ராஜித சேனாரத்ன மேற்கண்டவாறு தெரிவித்தார்.