2024ஆம் ஆண்டு இறுதிக்குள் துறைமுக அதிகார சபையுடன் தொடர்புடைய சுமார் 20,000 வேலைவாய்ப்புகள் உருவாக்கப்படும் என துறைமுகங்கள், கப்பல் மற்றும் விமானப் போக்குவரத்து அமைச்சர் நிமல் சிறிபால டி சில்வா தெரிவித்தார்.

அத்துடன் கொழும்பு துறைமுக ஜெட்டியின் பணிகளையும் அதானி நிறுவனம் பூர்த்தி செய்து வருவதாகவும், 580 மில்லியன் அமெரிக்க டொலர் செலவில் ஜெட்டி நிர்மாணிக்கப்படவுள்ளதாகவும் அவர் சுட்டிக்காட்டியுள்ளார்.

இப்பணிகள் நிறைவடைந்த பின்னர், துறைமுகத்திலேயே சுமார் 5,000 வேலை வாய்ப்புகள் உருவாக்கப்படும் என்றும், அது தொடர்பாக சுமார் 15,000 நேரடி வேலைவாய்ப்புகள் உருவாக்கப்படும் என்றும் சுட்டிக்காட்டிய அமைச்சர், அந்த வேலைவாய்ப்புகள் அனைத்தும் தனியார் துறை மூலம் அதிக அளவில் உருவாக்கப்படும் என்றும் கூறினார். 

குறிப்பாக, துறைமுக அதிகாரசபை கடந்த வருடம் 90 பில்லியன் ரூபா வருமானத்தை ஈட்டியுள்ளதாகவும், அதிலிருந்து ஊழியர் சம்பளம், அரச வரிகள் மற்றும் செயற்பாடுகள் என சகல செலவுகளையும் தவிர்த்து 23 பில்லியன் ரூபா அல்லது 2300 கோடி நிகர இலாபம் ஈட்டப்பட்டுள்ளதாக அமைச்சர் தெரிவித்தார்.

தனியார் துறையினூடாக தொழில் உருவாக்கம் அடையும் போது பணியாளர்கள் அதிகளவு பயனடைவார்கள் எனவும் சுட்டிக்காட்டப்படுகிறது.

முச்சக்கர வண்டியொன்று லொறியுடன் மோதிய விபத்தில் மூவர் உயிரிழந்துள்ளனர்.

நாரம்மல கிரிஉல்ல வீதியில் கிவுல்கஹா பிரதேசத்தில் இந்த விபத்து இடம்பெற்றுள்ளது.

இந்த விபத்தில் முச்சக்கரவண்டியில் பயணித்த ஒருவரும் உயிரிழந்துள்ளதாக பொலிஸார் தெரிவித்துள்ளனர்.

தமது பெயரில் பதிவு செய்யாமல் வாகனங்களை வாங்கி பயன்படுத்துபவர்களுக்கு மோட்டார் வாகன திணைக்களம் விசேட அறிவிப்பு ஒன்றை வெளியிட்டுள்ளது.

அவற்றை விரைவில் தங்கள் பெயரில் பதிவு செய்யுமாறு கேட்டுக் கொண்டனர்.

தற்போது சிசிடிவி கேமரா மூலம் போக்குவரத்து விதிமீறல்களை கண்காணித்து வாகன உரிமையாளர்களுக்கு அபராதம் கடிதம் அனுப்பும் திட்டத்தை காவல்துறை செயல்படுத்தி வருகிறது.

அதன் காரணமாக, வாகனத்தின் தற்போதைய உரிமையாளர் மோட்டார் போக்குவரத்துத் துறையில் பதிவு செய்திருப்பது முக்கியம்.

இவ்வாறு பதிவு செய்வதன் மூலம் வாகனத்தின் புதிய உரிமையாளர் மற்றும் பழைய உரிமையாளர் இருவரும் சிரமத்தைத் தவிர்க்கலாம்.

இதன்படி, வாகனத்தை விரைவில் தமது பெயரில் பதிவு செய்து கொள்ளுமாறும், வாகனத்தை வாங்கிய 14 நாட்களுக்குள் பதிவு செய்து கொள்ளுமாறும் மோட்டார் வாகனத் திணைக்களம் மேலும் கோரியுள்ளது.

விவசாய திணைக்களம், விவசாய சேவைகள் திணைக்களம் மற்றும் கால்நடை அபிவிருத்தி அமைச்சு இணைந்து வீட்டு தோட்ட  விவசாய வேலைத்திட்டத்தை ஆரம்பிக்க திட்டமிட்டுள்ளன.

இராஜாங்க கால்நடை மேம்பாட்டுத் துறை அமைச்சர் டி. பி.ஹேரத் மரக்கறிகளின் விலை அதிகரிப்பு மற்றும் பயிர்களின் நஷ்டத்திற்கு தீர்வாக இது முன்வைக்கப்பட்டுள்ளதாக தெரிவித்தார்.

இந்த நாட்களில் விதை பொதிகள் விநியோகிக்கப்படுவதாக கூறினார். 

ஒவ்வொரு மாகாணத்திற்கும் ஏற்ற மரக்கறிகள் பயிரிடப்படும் என்றும் இராஜாங்க அமைச்சர் தெரிவித்தார்.

இதனிடையே ஈர வலயத்தில் விவசாயம் செய்யப்படாத வயல் நிலங்களில் மற்ற பயிர்களை பயிரிட அனுமதிக்க முடிவு செய்யப்பட்டுள்ளது.

இது தொடர்பில் விவசாய சேவைகள் திணைக்களம் எதிர்காலத்தில் மக்களுக்கு அறிவிக்கவுள்ளது.

எதிர்காலத்தில் அதற்கான முன் அனுமதி வழங்கப்படும் என விவசாய மற்றும் பெருந்தோட்ட கைத்தொழில் அமைச்சின் செயலாளர் ஜனக தர்மகீர்த்தி தெரிவித்தார்.

நாட்டில் 84,000 ஹெக்டேர் சாகுபடி செய்யப்படாத நெல் நிலம் இருப்பதாக கூறப்படுகிறது. 

ஈர வலயத்திலுள்ள பல நெற்களஞ்சியங்கள் நீடிக்க முடியாத நிலையில் காணப்படுவதாகவும் செயலாளர் தெரிவித்தார்.

ஜனாதிபதி ரணில் விக்ரமசிங்கவினால் பாராளுமன்ற கூட்டத்தொடர் முடிவுக்குக் கொண்டு வரப்பட்டுள்ளது. 

இன்று (26) நள்ளிரவு முதல் அமுலாகும் வகையில், இந்த தீர்மானம் எடுக்கப்பட்டுள்ளது. 

ஜனாதிபதியின் செயலாளரினால் வௌியிடப்பட்டுள்ள அதிவிசேட வர்த்தமானியில் இந்த அறிவிப்பு விடுக்கப்பட்டுள்ளது. 

புதிய பாராளுமன்ற கூட்டத்தொடர் பெப்ரவரி 7 ஆம் திகதி காலை 10.30 மணிக்கு ஆரம்பமாகவுள்ளது. 

அரசியலமைப்பின் 70 (1) ஏற்பாட்டுக்கு அமைய, இரண்டு மாதங்களுக்கு மேற்படாத காலத்திற்காக அறிவிப்பொன்றின் ஊடாக பாராளுமன்றக் கூட்டத்தொடரை முடிவுக்கு கொண்டு வருவதற்கான அதிகாரம் அரசியலமைப்பின் ஊடாக ஜனாதிபதிக்கு வழங்கப்பட்டுள்ளது. 

பாராளுமன்ற கூட்டத்தொடர் முடிவுக்கு கொண்டு வரப்பட்டுள்ளமையால், அரச நிதி தொடர்பான தெரிவுக்குழு, பாராளுமன்ற பொது முயற்சியாண்மைக்கான குழு உள்ளிட்ட விசேட குழுக்களின் பதவிக் காலமும் நிறைவுக்கு கொண்டு வரப்பட்டுள்ளது. 

புதிய கூட்டத்தொடர் ஆரம்பிக்கப்பட்டதன் பின்னர் இந்த குழுக்களுக்கு புதிய உறுப்பினர்கள் பெயரிடப்படுவர். 

இசைஞானி இளையராஜாவின் மகள் பவதாரணி காலமானார்.

எதிர்வரும் சனிக்கிழமை மற்றும் ஞாயிற்றுக்கிழமைகளில் இசைக்கச்சேரி நடத்துவதற்காக இலங்கை வந்துள்ள இசைஞானி இளையராஜாவின் மகள் பவதாரணி உடல்நிலை காரணமாக இறந்துள்ளதாக தகவல்கள் தெரிவிக்கப்படுகின்றன.

மேலும் இளையராஜா அவர்களின் மகள் பவதாரணி இரண்டு வாரங்களுக்கு முன்னதாக இலங்கையில் சிகிச்சை பெறுவதற்காக தனியார் மருத்துவமனையில் அனுமதிக்கப்பட்டிருந்தார் என்பதும் குறிப்பிடத்தக்கது.

எனவே சிகிச்சை பலனின்றி அவர் இறைவனடி சேர்ந்துள்ளதால் இலங்கை வாழ் தமிழ் பேசும் மக்கள் அல்லாது ஒட்டுமொத்த உலக தமிழ் பேசும் மக்களும் இளையராஜாவின் அனைத்து ரசிகர்களும் மிக வேதனையுடன் தங்களது ஆழ்ந்த இரங்கலை தெரிவித்து வருகின்றனர்.