kumar
மக்களுக்கே சொந்தம் எனும் உறுதியான நிலைப்பாட்டில் மாறி மாறி வந்த அரசுகளுடன் பேச்சுக்களை நடத்தி படையினர் வசமிருக்கும் மக்களின் காணிகளை விடுவிக்கும் அமைச்சர் டக்ளஸ் தேவானந்தாவின் தொடர் முயற்சியின் பலனாக பெரும்பாலான காணிகள் இதுவரை படையினரால் விடுவிக்கப்பட்டுள்ளது.
இதன் தொடர்ச்சியாக இன்றும் ஒரு தொகுதி காணிகள் படையினரால் விடுவிக்கப்பட்டு ஜனாதிபதியால் அதிகாரிகளிடம் ஒப்படைக்கப்பட்டது.
ஜனாதிபதி ரணில் விக்ரமசிங்க மற்றும் அமைச்சர் டக்ளஸ் தேவானந்தா முன்னிலையில் குறித்த காணிகளின் விபரங்கள் அதிகாரிகளிடம் கையளிக்கப்பட்டது.
சபாநாயகர் மஹிந்த யாப்பா அபேவர்தனவிற்கு எதிரான நம்பிக்கையில்லா பிரேரணை மீதான வாக்கெடுப்பு பாராளுமன்றத்தில் இன்று (21) இடம்பெற்றது.
இதன்போது, நம்பிக்கையில்லா பிரேரணைக்கு ஆதரவாக 75 வாக்குகளும் எதிராக 117 வாக்குகளும் அளிக்கப்பட்டன.
இதனையடுத்து, சபாநாயகருக்கு எதிரான நம்பிக்கையில்லா பிரேரணை தோல்வியடைந்துள்ளது.
முன்னாள் சுகாதார அமைச்சர் கெஹலிய ரம்புக்வெல்லவை இன்று பாராளுமன்றத்திற்கு அழைத்து வருமாறு சிறைச்சாலைகள் ஆணையாளர் நாயகத்திற்கு பிரதம சார்ஜன்ட் குஷான் ஜயரத்ன அறிவித்துள்ளார்.
அதுவும் ரம்புக்வெல்ல விரும்பினால் மட்டுமே.
சபாநாயகர் மஹிந்த யாப்பா அபேவர்தனவுக்கு எதிரான நம்பிக்கையில்லாப் பிரேரணை மீதான இறுதி வாக்கெடுப்பு இன்று பிற்பகல் நடைபெறவுள்ளமையினால், இந்த அறிவித்தலை விடுத்துள்ளதாகவும் தெரிவிக்கப்படுகின்றது.
சபாநாயகர் மஹிந்த யாப்பா அபேவர்தனவின் பணிப்புரையின் பிரகாரம் இந்த அறிவித்தல் விடுக்கப்பட்டுள்ளதாகவும் நாடாளுமன்ற தகவல்கள் தெரிவிக்கின்றன.
தெளிவான மற்றும் நியாயமான தீர்வு கிடைக்கும் வரை சம்பள அதிகரிப்பை ஒத்திவைக்குமாறு அரசாங்க நிதி தொடர்பான பாராளுமன்ற குழு இலங்கை மத்திய வங்கிக்கு இன்று பரிந்துரை செய்துள்ளது.
இலங்கை மத்திய வங்கியின் சம்பள அதிகரிப்பு தொடர்பான அரசாங்க நிதி தொடர்பான பாராளுமன்றக் குழுவின் அறிக்கை அதன் தலைவர் கலாநிதி ஹர்ஷத சில்வாவினால் பாராளுமன்றத்தில் சமர்ப்பிக்கப்பட்டது.
அந்த அறிக்கையில் இந்த பரிந்துரை குறிப்பிடப்பட்டுள்ளது.
பாராளுமன்றத் தேர்தலைப் பொறுத்தமட்டில் தற்போதுள்ள தேர்தல் முறைமையில் திருத்தம் செய்வதற்கு அமைச்சரவை அனுமதி வழங்குவது குறித்து கவலைகளை எழுப்பிய சுதந்திரமான மற்றும் நியாயமான தேர்தலுக்கான மக்கள் நடவடிக்கை இயக்கமான பெப்ரல் (PAFFREL), இந்த நடவடிக்கையானது தேர்தலை ஒத்திவைக்கக் கூடும் என குற்றம் சுமத்தியுள்ளது.
அமைச்சரவையால் அங்கீகரிக்கப்பட்ட முன்மொழியப்பட்ட திருத்தங்களின் கீழ், 160 பாராளுமன்ற உறுப்பினர்கள் நேரடியாக தொகுதிகளில் இருந்து தேர்ந்தெடுக்கப்படுவார்கள், மீதமுள்ள 65 ஆசனங்கள் தேசிய அல்லது மாகாண மட்டத்தில் விகிதாசார வாக்களிப்பு முறையின் மூலம் ஒதுக்கப்படும்.
இது குறித்து தனது கவலைகளை வெளிப்படுத்திய PAFFREL நிறைவேற்றுப் பணிப்பாளர் ரோஹன ஹெட்டியாராச்சி, தேர்தல் முறைமை திருத்தங்களுடன் இலங்கையின் முன்னைய சந்திப்புகள் தேர்தல் செயற்பாடுகளை ஆபத்தில் ஆழ்த்தியதாகவும், இதனால் தாமதங்கள் ஏற்பட்டதாகவும் தெரிவித்தார்.
“இரண்டு வருடங்கள் ஒத்திவைக்கப்பட்ட உள்ளூராட்சி மற்றும் மாகாண சபைத் தேர்தல்கள் இதற்கு ஒரு உதாரணம். எனவே, தேர்தல் முறையைத் திருத்துவதற்கான உத்தேச நடவடிக்கையானது தேர்தலை தாமதப்படுத்துவதற்கு வழிவகுக்கும் என எமக்கு சந்தேகம் உள்ளது” என்று அவர் குறிப்பிட்டார்.
மேலும், தேர்தல் முறைமையில் எந்த மாற்றத்திலும் எல்லை நிர்ணய செயல்முறையின் முக்கிய பங்கை ஹெட்டியாராச்சி வலியுறுத்தினார், எல்லை நிர்ணய செயல்முறையை இறுதி செய்வதில் ஏற்பட்ட தாமதம் காரணமாக தேர்தல் அதிகாரிகள் தேர்தலை ஒத்திவைக்க வேண்டிய கட்டாயத்திற்கு உள்ளான கடந்த நிகழ்வுகள் குறித்து கவனத்தை ஈர்த்தார்.
இந்தக் கருத்தாய்வுகளின் படி, எல்லை நிர்ணய செயல்முறை தொடர்பாக அரசியல் கட்சிகளிடையே ஒருமித்த கருத்து ஏற்படாத பட்சத்தில், முன்மொழியப்பட்ட திருத்தங்கள் தேர்தல்களில் தாமதத்தை ஏற்படுத்தக்கூடும் என்று PAFFREL எச்சரித்துள்ளது.
“இந்தப் பிரச்சினையை உடனடியாகத் தீர்க்கத் தவறினால், திட்டமிட்டபடி தேர்தல் காலக்கெடுவைத் தடுக்கலாம்,” என்று அவர் மேலும் கூறினார்.
வெப்பச் சுட்டெண், அதாவது மனித உடலால் உணரப்படும் வெப்பம், இன்று (20) முழுவதும் நாடளாவிய ரீதியில் பல மாகாணங்களில் சில இடங்களில் அவதானத்திற்கு உரிய மட்டத்தில் இருக்கும் என வளிமண்டலவியல் திணைக்களம் தெரிவித்துள்ளது.
இதன்படி, வடமேற்கு, வடமத்திய, கிழக்கு மாகாணங்களுக்கும் மன்னார், வவுனியா, முல்லைத்தீவு, மொனராகலை, ஹம்பாந்தோட்டை, இரத்தினபுரி, கொழும்பு மற்றும் கம்பஹா மாவட்டங்களுக்கும் வளிமண்டலவியல் திணைக்களம் இந்த எச்சரிக்கையை விடுத்துள்ளது.
வவுனியா வெடுக்குநாறிமலை ஆதிசிவன் ஆலயத்தில் மகா சிவராத்திரி பூஜையின் போது கைது செய்யப்பட்ட பூசகர் உள்ளிட்ட 8 பேர் வவுனியா நீதவான் நீதிமன்றத்தினால் இன்று(19) விடுவிக்கப்பட்டுள்ளனர்.
வெடுக்குநாறிமலை ஆதிசிவன் ஆலயத்தில் சிவராத்திரி பூஜை வழிபாடுகளில் ஈடுபட்ட 8 பேர் கடந்த 8ஆம் திகதி கைது செய்யப்பட்டனர்.
குறித்த வழக்கு வவுனியா நீதவான் நீதிமன்றத்தில் இன்று விசாரணைக்கு எடுத்துக்கொள்ளப்பட்டது.
இதன்போது வெடுக்குநாறிமலை வழக்கில் கைது செய்யப்பட்ட 08 பேரும் நீதிமன்றத்தினால் விடுவிக்கப்பட்டனர்.
இந்த வழக்கில் ஆலய நிர்வாகம் சார்பில் சிரேஷ்ட சட்டத்தரணிகளான N.சிறிகாந்தா, அன்டன் புனிதநாயகம் மற்றும் அருள், க.சுகாஸ் உள்ளிட்டோர் முன்னிலையாகியிருந்தனர்.
முதலில் பொதுத் தேர்தலா அல்லது ஜனாதிபதித் தேர்தலா நடத்தப்படும் என்ற வதந்திக்கு முற்றுப்புள்ளி வைத்து, ஜனாதிபதித் தேர்தலே முதலில் நடத்தப்படும் என ஜனாதிபதி ரணில் விக்கிரமசிங்க நேற்று (18) அமைச்சரவைக் கூட்டத்தில் அறிவித்துள்ளார்.
எனவே ஜனாதிபதி தேர்தலுக்கு முதலில் தயாராகுமாறு நேற்று கூடிய அமைச்சரவைக்கு ஜனாதிபதி பணிப்புரை விடுத்துள்ளதாக தகவலறிந்த வட்டாரங்கள் தெரிவிக்கின்றன.
நாட்டின் அரசியலமைப்பின் பிரகாரம் ஜனாதிபதித் தேர்தலை முதலில் நடத்த வேண்டும் எனவும், அதற்கான ஏற்பாடுகள் மேற்கொள்ளப்படும் எனவும் ஜனாதிபதி கூறியதாக தகவல்கள் தெரிவிக்கின்றன.
வடக்கில் உள்ள அரச பாடசாலை ஒன்றின் இல்ல விளையாட்டுப் போட்டிகளில் ஈழ மாநிலத்தின் வரைபடம் பயன்படுத்தப்பட்டுள்ளதாக தெரிவிக்கப்படுகிறது.
பாடசாலையின் இல்லங்களுக்கிடையிலான விளையாட்டு விழாவில் வீடு வடிவமைக்க ஈழத்தின் வரைபடம் பயன்படுத்தப்பட்டுள்ளது.
விடுதலைப் புலிகளால் பயன்படுத்தப்பட்ட இந்த ஈழ வரைபடத்தை அரசுப் பாடசாலைகளில் பயன்படுத்துவது சமூக வலைதளங்களில் பெரும் சர்ச்சையை ஏற்படுத்தியுள்ளது.
ஆனால், இதற்கு அரசோ, கல்வித்துறை அதிகாரிகளோ இதுவரை பதில் அளிக்கவில்லை.
கோப் குழுவின் தலைவர் பதவி தொடர்பில் சர்வதேச நாணய நிதியத்தின் பிரதிநிதிகளிடம் தெரிவித்த கருத்து தொடர்பில் பாராளுமன்ற உறுப்பினர் விஜித ஹேரத்துக்கு எதிராக சட்ட நடவடிக்கை எடுக்கப்படும் என கோப் குழுவின் புதிய தலைவர் ரோஹித அபேகுணவர்தன தெரிவித்துள்ளார்.
அபேகுணவர்தன ஊடகவியலாளர் சந்திப்பில் இந்தக் கருத்துக்களைத் தெரிவித்தார்.
“ஜனதா விமுக்தி பெரமுனவை பிரதிநிதித்துவப்படுத்தும் பாராளுமன்ற உறுப்பினர் விஜித ஹேரத் என்னை திருடன் என்கிறார். அவர் அந்தக் குற்றச்சாட்டுகளை நீதிமன்றத்தில் முன்வைக்கலாம். எனவே, அடுத்த வாரம் எனது வழக்கறிஞர்கள் மூலம் நோட்டிஸ் அனுப்ப உள்ளேன். இவர் மீது கார் விபத்து தொடர்பான வழக்கு உள்ளது. அவர் குடிபோதையில் இருந்தாரா இல்லையா என்பது எனக்குத் தெரியாது. அவருக்கு டிராபிக் கேஸ் இருக்கு, எனக்கு டிராபிக் கேஸ் இல்லை.
ஜனதா விமுக்தி பெரமுனா, வெறுப்பு, கோபம், பொறாமை ஆகியவற்றால் உருவானது. அது பிறவியாக இருக்க வேண்டும் என்று நினைக்கிறேன். இதை மாற்ற முடியாது. எனவே எவ்வளவு வேண்டுமானாலும் அவதூறு செய்யுங்கள், ஆனால் இந்த எம்.பி. தொடர்பாக கண்டிப்பாக சட்ட நடவடிக்கை எடுப்போம். வெறுப்பை அதிகரிக்காதே, அது அசிங்கமாகிவிடும், அசிங்கமாகிவிடும், ஆயுளைக் குறைக்கும்” என்று கூறினார்.