மஹிந்த ராஜபக்‌ஷவின் குடியுரிமையை பல சந்தர்ப்பங்களில் பறிக்க புலி ஆதரவாளர்கள் உட்பட பல்வேறு குழுக்கள் முயற்சித்ததாக ஹம்பாந்தோட்டை மாவட்ட பாராளுமன்ற உறுப்பினர் நாமல் ராஜபக்‌ஷ தெரிவித்தார்.

மஹிந்த ராஜபக்‌ஷவின் குடியுரிமை இல்லாதொழிக்கப்பட வேண்டும் என எதிர்க்கட்சித் தலைவர் சஜித் பிரேமதாசவின் கையொப்ப சேகரிப்பு பிரசாரம் தொடர்பில் ஊடகங்களுக்கு பதிலளிக்கும் போதே நாமல் ராஜபக்‌ஷ மேற்கண்டவாறு தெரிவித்தார்.

புலிப் பயங்கரவாதிகளைத் தோற்கடித்து யுத்தத்தை முடிவுக்குக் கொண்டு வந்த முன்னாள் ஜனாதிபதி மஹிந்த ராஜபக்‌ஷவை இராணுவ நீதிமன்றத்திற்கு அழைத்துச் சென்ற பின்னர் விடுதலைப் புலிகளின் அனுதாபிகள், சிவில் உரிமைகளை இல்லாதொழிக்க முயன்றனர் என்றார்.

அரகலயவின் போது மஹிந்த ராஜபக்‌ஷவை கொல்ல முயற்சித்தார்கள், தற்போது வரியை குறைத்து மக்களுக்கு நிவாரணம் வழங்கி பொருளாதாரத்தை வங்குரோத்து செய்ததாக கூறி குடியுரிமையை இல்லாதொழிக்க முயல்வதாகவும், இவை வெறும் பிரபலம் அடைவதற்காக எதிர்க்கட்சிகளின் நாடகங்கள் எனவும் நாமல் ராஜபக்‌ஷ தெரிவித்துள்ளார்.

முல்லைத்தீவு - கொக்குத்தொடுவாய் மனிதப் புதைகுழியில் நேற்று இடம்பெற்ற அகழ்வின்போது 5 மனித எலும்புக்கூட்டுத் தொகுதிகள் மீட்கப்பட்டுள்ளன.

துப்பாக்கிச் சன்னங்களும் இதன்போது மீட்கப்பட்டுள்ளன. அத்துடன் கையில் அணியப்படும் இலக்கத் தகடு ஒன்றும், மணிக்கூடு ஒன்றும் மீட்கப்பட்டுள்ளன.

இதேவேளை, அகழ்வுப் பணி ஞாயிற்றுக்கிழமை இடம்பெறாது என்று முல்லைத்தீவு மாவட்ட மருத்துவமனை சட்ட வைத்திய அதிகாரி க.வசுதேவா தெரிவித்துள்ளார். 

எதிர்காலத்தில் எந்த நேரத்திலும் தேர்தலுக்கு கட்சியை உடனடியாக தயார்படுத்துமாறு ஜனாதிபதி ரணில் விக்கிரமசிங்க ஐக்கிய தேசியக் கட்சியின் அதிகாரிகளுக்கு அறிவித்துள்ளதாக தெரிவிக்கப்படுகின்றது. 

அண்மையில் நடைபெற்ற ஐக்கிய தேசியக் கட்சியின் முகாமைத்துவக் குழுவில் உரையாற்றும் போதே அவர் இதனை வலியுறுத்தியுள்ளார்.

இதன்படி எதிர்வரும் காலங்களில் கட்சி உறுப்பினர் குழுக்களை அமைத்து தொகுதி நிர்வாக சபை கூட்டங்களை நடத்த தீர்மானிக்கப்பட்டுள்ளது.

இதேவேளை, ஜனாதிபதி வரவு செலவுத் திட்ட விவாதத்தில் கலந்துகொண்டு உரையாற்றும் போதே ரணில் விக்கிரமசிங்க அண்மையில் பாராளுமன்றத்தில் பொதுத் தேர்தல் இவ்வருடத்தில் நடைபெறும் எனத் தெரிவித்தார்.

பொலிஸ் மா அதிபர் சி.டி.விக்கிரமரத்னவுக்கு மூன்றாவது முறையாக வழங்கப்பட்ட சேவை நீடிப்பு நேற்றுடன் (24ஆம் திகதி) முடிவடைந்த போதிலும், புதிய பொலிஸ் மா அதிபர் ஒருவரை நியமிக்க அரசாங்கம் நடவடிக்கை எடுக்கவில்லை.

சில அரசியலமைப்பு சபை உறுப்பினர்களின் சீர்குலைவு காரணமாக புதிய பொலிஸ் மா அதிபர் ஒருவரை நியமிக்க முடியாத நிலை ஏற்பட்டுள்ளதாக ஜனாதிபதி ரணில் விக்கிரமசிங்க பாராளுமன்றத்தில் தெரிவித்திருந்தார்.

எனினும் புதிய பொலிஸ் மா அதிபர் நியமிக்கப்படாமையால் பொலிஸ் திணைக்களத்தின் பணிகள் நெருக்கடியான நிலையில் உள்ளதாக பொலிஸ் வட்டாரங்கள் தெரிவிக்கின்றன.

புதிய கூட்டணிக்கு ஆதரவளிக்கும் தொழிற்சங்க தலைவர்களின் விசேட கூட்டம் ராஜகிரியவில் உள்ள கட்சி தலைமையகத்தில் அண்மையில் நடைபெற்றது.

நெட்வொர்க்கிங், போக்குவரத்து, கல்வி, வெகுஜன ஊடகம், தொழில் பயிற்சி மற்றும் மீன்பிடி துறைகளை பிரதிநிதித்துவப்படுத்தும் சுமார் 50 தொழில் சங்கத் தலைவர்கள் கலந்து கொண்டனர்.

கட்சி அலுவலகத்தை பிரதிநிதித்துவப்படுத்தி சுகீஸ்வர பண்டார, சிறிபால அமரசிங்க, அசங்க ஸ்ரீநாத் மற்றும் சட்டத்தரணிகள் குழுவும் இணைந்துகொண்டனர்.

நிமல் லான்சா மற்றும் அரசியல் பிரேரணையின் பிரகாரம் நடைமுறைப்படுத்தப்படவுள்ள கட்சி தொழிற்சங்கங்களை பிரதிநிதித்துவப்படுத்தும் போது கட்சிக்கு வழங்கிய பணத்தை புதிய கூட்டமைப்பு பெற்றுக்கொள்ளாது தீர்மானித்துள்ளதாக சிறிபால அமரசிங்க தொழிற்சங்க தலைவர்களுக்கு விளக்கமளித்தார். 

தொழிற்சங்க பிரதிநிதிகள் அந்த முன்மொழிவுக்கு ஆரவாரம் செய்தனர்.

இலங்கை வரலாற்றில் முதன்முறையாக தொழிற்சங்க இயக்கம் ஒன்றின் கட்சி அங்கத்துவ நிதியை நிராகரித்து இவ்வாறானதொரு அணி கட்டமைக்கப்பட்டுள்ளமையும் விசேட அம்சமாகும்.

மொட்டு நிதியில் எமது அப்பாவி ஊழியர்களின் அங்கத்துவக் கட்டணம் கோடிக்கணக்கில் உள்ளது, இதையெல்லாம் கடிதம் மூலம் தொழிற்சங்கங்கள் எடுக்க சகார தடை விதித்துள்ளார். இதற்காக விரைவில் நீதிமன்றம் செல்வோம் என தொழிற்சங்க தலைவர் ஒருவர் தெரிவித்தார்.

நாங்கள் தொழிற்சங்கங்களிடம் இருந்து ஐந்து காசுகளை எமது கூட்டணிக்காக எடுக்கவில்லை, அந்த பணத்தை உங்களது பணிக்காக வைத்துக்கொள்ளுங்கள், எங்களின் வித்தியாசம் ஒன்றுதான் என சிறிபால அமரசிங்க தெரிவித்தார்.

அப்போது, வரவிருக்கும் அரசியல் விவகாரங்கள் மற்றும் தற்போதைய அரசியல் விவகாரங்கள் குறித்து விவாதித்த அவர்கள், இனி வரும் தேர்தல்களில் புதிய கூட்டணிக்கு ஆதரவு அளிப்பதாக வலியுறுத்தினர்.