kumar
லிபர்ட்டி சுற்றுவட்டத்திற்கு அருகில் பஸ் மீது மரம் விழுந்து விபத்துக்குள்ளானதில் பேருந்தில் பயணித்த ஐவர் உயிரிழந்துள்ளதாக கொழும்பு தேசிய வைத்தியசாலையின் பேச்சாளர் தெரிவித்துள்ளார்.
இறந்தவர்கள் அனைவரும் ஆண்கள் என்று பொலிசார் கூறுகின்றனர்.
மத்துகம டிப்போவிற்கு சொந்தமான இந்த பஸ் தெனியாவில் இருந்து கொழும்பு வந்து மீண்டும் தெனியாவிற்கு வந்த போது இந்த விபத்து ஏற்பட்டுள்ளது.
விபத்தை அடுத்து, பொலிஸார், ராணுவம் மற்றும் மீட்புப் பணி அதிகாரிகள் இணைந்து பேருந்தில் சிக்கியவர்களை மீட்டு வைத்தியசாலைக்கு கொண்டு சென்றனர்.
காயடைந்த மேலும் நால்வர் சிகிச்சைப் பெற்று வருகின்றனர்.
பாராளுமன்றத்தில் இன்று (06) காலை வேளையில் ஏற்பட்ட கடும் அமளி துமளி காரணமாக சபை நடவடிக்கைகளை 10 நிமிடங்கள் ஒத்திவைக்கப்பட்டுள்ளது.
கொள்ளுப்பிட்டி லிபர்ட்டி சுற்றுவட்டத்திற்கு அருகில் பயணிகள் பேருந்தின் மீது மரம் ஒன்று வீழ்ந்துள்ளது.
இந்த விபத்து இன்று (06) காலை 6.00 மணியளவில் இடம்பெற்றுள்ளதாக பொலிஸார் தெரிவித்தனர்.
இந்த விபத்தில் 17 பேர் காயமடைந்து மருத்துவமனையில் அனுமதிக்கப்பட்டுள்ளனர்.
லிபர்ட்டி சுற்றுவட்டத்தில் இருந்து பம்பலப்பிட்டி நோக்கி சுமார் 100 மீற்றர் தொலைவில் இந்த விபத்து இடம்பெற்றுள்ளதுடன், குறித்த பேரூந்து கொழும்பு-தெனியாய பேருந்து ஆகும்.
விபத்து காரணமாக வீதி தடைப்பட்டுள்ளதாக பொலிஸார் தெரிவித்தனர்.
ஜனசக்தி இன்சூரன்ஸ் குழுமத்தின் முன்னாள் பணிப்பாளர் தினேஷ் ஷாப்டரிடம் இருந்து சுமார் 144 கோடி ரூபாவை மோசடி செய்ததாக பிரபல கிரிக்கெட் வர்ணனையாளர் பிரையன் தோமஸ் மீது 10 குற்றச்சாட்டுகளின் கீழ் குற்றப் புலனாய்வுத் திணைக்களம் கொழும்பு பிரதான நீதவான் பிரசன்ன அல்விஸ் முன்னிலையில் 07 வழக்குகளை தாக்கல் செய்துள்ளது.
இந்த சம்பவம் தொடர்பில் குற்றம் சாட்டப்பட்டவர்களுக்கு எதிராக குற்றப்பத்திரிகை தாக்கல் செய்யுமாறு சட்டமா அதிபரிடமிருந்து கிடைக்கப்பெற்ற பணிப்புரைக்கு அமைவாக குற்றப் புலனாய்வுத் திணைக்களம் நீதிமன்றத்திற்கு அறிவித்தது.
நேற்று (05) திறந்த நீதிமன்றத்தில் ஆஜராகிய குற்றஞ்சாட்டப்பட்ட பிரையன் தோமஸ், அந்தக் குற்றச்சாட்டுகளுக்கு தாம் நிரபராதி எனத் தெரிவித்ததையடுத்து, வழக்கை விசாரணைக்கு எடுத்துக் கொள்ள நீதிமன்றம் தீர்மானித்தது.
குற்றப் புலனாய்வுத் திணைக்களத்தின் நிதிக் குற்றப் புலனாய்வுப் பிரிவினர் வழக்குத் தொடர்ந்தனர். கொழும்பு பல்மைரா அவென்யூ 25 இல் வசிக்கும் பிரையன் தோமஸ் மீது இவ்வாறு வழக்கு பதிவு செய்யப்பட்டது.
2017 முதல் 20 முறை, நூற்று நாற்பத்து மூன்று கோடி எழுபத்து மூன்று லட்சத்து ஐம்பத்து எட்டாயிரத்து அறுநூற்று அறுபத்து ஐந்து (ரூ. 1,437, 358, 665/) ரூபாவை 39, மல்பாறை, கொழும்பு 07 என்ற முகவரியில் வசிக்கும் தினேஷ் ஷாப்டரிடம் இருந்து 20 காசோலைகளில் பெறப்பட்ட பணத்தை குற்றம் சாட்டப்பட்டவர் திருப்பித் தராமல் மோசடி செய்துள்ளதாக குற்றப் புலனாய்வுத் திணைக்களம் நீதிமன்றில் அறிக்கை தாக்கல் செய்துள்ளது.
இந்த நாட்டில் வறுமை சுமார் 25 வீதத்தால் அதிகரித்துள்ளதாக இலங்கை மத்திய வங்கி தெரிவித்துள்ளது.
பணவீக்கம் அதிகரிப்பு மற்றும் பொருளாதார நடவடிக்கைகளில் ஏற்பட்டுள்ள வீழ்ச்சியே இதற்குக் காரணம் என அதன் தலைவர் கலாநிதி நந்தலால் வீரசிங்க தெரிவித்துள்ளார்.
ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அவர் இதனை கூறியுள்ளார்.
எதிர்பார்க்கப்படும் பணவீக்கம் வரும் மாதங்களில் அதைவிட ஐந்து சதவிகிதம் உயரும்.
மூன்றாவது மற்றும் நான்காவது காலாண்டுகளில் பொருளாதார வளர்ச்சி எதிர்பார்க்கப்படுகிறது.
நேற்று (05) மத்திய வங்கி தனது கொள்கை வட்டி வீதத்தை மேலும் குறைக்க நடவடிக்கை எடுத்துள்ளது.
அதன்படி, வழக்கமான வைப்பு விகிதம் 11-ல் இருந்து 10 சதவீதமாகவும், வழக்கமான கடன் வசதி விகிதம் 12 சதவீதத்தில் இருந்து 11 சதவீதமாகவும் குறைக்கப்படும்.
எதிர்காலத்தில் சந்தை வட்டி வீதமும் குறையும் என மத்திய வங்கியின் ஆளுநர் நந்தலால் வீரசிங்க மேலும் தெரிவித்தார்.
ஆசிய விளையாட்டுப் போட்டிகளில் பெண்களுக்கான 800 மீற்றர் ஓட்டப் போட்டியில் தங்கப் பதக்கம் வென்ற தருஷி கருணாரத்னவுக்கு ஜனாதிபதி ரணில் விக்கிரமசிங்க தொலைபேசி மூலம் அழைப்பு விடுத்துள்ளார்.
ஜனாதிபதி ரணில் விக்ரமசிங்க தனது வாழ்த்துக்களை தெரிவித்ததுடன், சர்வதேச மட்டத்தில் இலங்கை சார்பாக அடைந்துள்ள தனித்துவமான சாதனையையிட்டு நாடு மிகவும் பெருமைப்படுவதாகவும் ஜனாதிபதி ஊடகப் பிரிவு அறிவித்துள்ளது.
அவரது எதிர்கால விளையாட்டு நடவடிக்கைகளுக்கு ஜனாதிபதி தனது ஆசிகளையும் தெரிவித்துள்ளதாகவும், அவர் நாட்டிற்கு வந்த பின்னர் அவரை சந்திப்பார் என எதிர்பார்ப்பதாகவும் ஜனாதிபதி ஊடகப் பிரிவு தெரிவித்துள்ளது.
எரிவாயுவின் விலை அதிகரிப்பு காரணமாக கொத்து, சோறு மற்றும் தேநீர் விலைகள் அதிகரிக்கப்பட்டுள்ளதாக அகில இலங்கை சிற்றுண்டிச்சாலை உரிமையாளர்கள் சங்கம் தெரிவித்துள்ளது.
ஒரு தேநீர் விலை 10 ரூபாவினாலும், கொத்து ஒன்றின் விலை 20 ரூபாவினாலும், சோறு பார்சல் ஒன்றின் விலை 50 ரூபாவினாலும் அதிகரிக்கப்பட்டுள்ளதாக சங்கம் மேலும் குறிப்பிடுகிறது.
எவ்வாறாயினும், எரிவாயுவின் விலை அதிகரித்துள்ள போதிலும், வழமையாக உட்கொள்ளும் உணவின் விலையை அதிகரிப்பதை ஏற்றுக்கொள்ள முடியாது எனவும், அவ்வாறான விலைகளை கட்டுப்படுத்த அரசாங்கம் செயற்பட வேண்டும் எனவும் தேசிய நுகர்வோர் முன்னணியின் உறுப்பினர் அசேல சம்பத் தெரிவித்தார்.
உயர்தரப் பரீட்சை எதிர்வரும் ஜனவரி மாதம் வரை ஒத்திவைக்கப்பட்டுள்ளமையினால் இவ்வருட பாடசாலை விடுமுறைகள் பிற்போடப்படவுள்ளதாக தெரிவிக்கப்படுகின்றது.
எதிர்வரும் டிசம்பர் மாதம் 22 ஆம் திகதி வரை பாடசாலை விடுமுறைகள் நீடிக்கப்படுவதாக கல்வி அமைச்சர் சுசில் பிரேமஜயந்த இன்று (05) பாராளுமன்றத்தில் அறிவித்துள்ளார்.
இது தொடர்பான உத்தியோகபூர்வ அறிவிப்பை இன்னும் சில தினங்களில் கல்வி அமைச்சு வெளியிடும் எனவும் அமைச்சர் மேலும் தெரிவித்துள்ளார்.
இராஜாங்க அமைச்சர் லசந்த அழகியவண்ணவுடனான கலந்துரையாடல் வெற்றியீட்டியதையடுத்து புகையிரத உப கட்டுப்பாட்டாளர் சங்கம் பணிப்புறக்கணிப்பை கைவிட்டுள்ளது.
மனிதர்களை நடைபிணங்களாக மாற்றும் 'ஸோம்பி போதைப்பொருள்' இலங்கைக்கு வந்துள்ளதாகவும் அவை ஹெரோயினை விட 50 மடங்கு ஆபத்தானவை எனவும் டாக்டர் விராஜ் பெரேரா கூறுகிறார்.
இணைய சேனலொன்றில் இடம்பெற்ற கலந்துரையாடலில் கலந்துகொண்டு கருத்து தெரிவிக்கும் போதே அவர் இவ்வாறு தெரிவித்துள்ளார்.
'ஜோம்பி போதைப்பொருள்' என்பது விலங்குகளுக்கு மயக்க மருந்து கொடுக்கப் பயன்படும் மருந்துகள் என்றும் அவர் குறிப்பிடுகிறார்.
சமூக வலைத்தளங்களில் பகிரப்பட்ட காணொளியில் ஒருவரே காட்டப்பட்டிருந்தாலும், அது சமூகத்தில் எவ்வளவு பரவலாக உள்ளது என்பது யாருக்கும் தெரியாது என்றார்.
அவர் மேலும் தெரிவிக்கையில், நாட்டை ஆள்பவர்களும், சட்டத்தை நிலைநாட்டுபவர்களும் போதைப்பொருளில் இலாபம் அடைவதால் போதைப்பொருள் ஒழிப்பில் உரிய தீர்வைக் கொண்டுவருவதில் அக்கறை காட்டுவதில்லை என்று குற்றம் சுமத்தியுள்ளார்.
