kumar
தியத்தலாவ மோட்டார் பந்தயத் தொடரில் இடம்பெற்ற விபத்தில் 5 பேர் உயிரிழந்துள்ளனர்.
21 பேர் காயமடைந்து மருத்துவமனையில் அனுமதிக்கப்பட்டுள்ளதாக பொலிஸ் ஊடகப் பேச்சாளர் தெரிவித்துள்ளார்.
பந்தயத்தில் ஓடிய கார் மக்கள் மீது மோதி கவிழ்ந்ததில் இந்த விபத்து இடம்பெற்றுள்ளது.
நீதி மற்றும் சிறைச்சாலைகள் மற்றும் அரசியலமைப்பு மறுசீரமைப்பு அமைச்சர் விஜேதாச ரபக்ஷ ஸ்ரீலங்கா சுதந்திரக் கட்சியின் பதில் தலைவராக நியமிக்கப்பட்டுள்ளார்.
ஸ்ரீலங்கா சுதந்திரக் கட்சியின் நிறைவேற்று சபைக் கூட்டம் இன்று (21) காலை கோட்டேயிலுள்ள தனியார் ஹோட்டலில் முன்னாள் ஜனாதிபதி மைத்திரிபால சிறிசேன பங்கேற்பில் நீதியமைச்சர் விஜேதாச ராஜபக்ஷ தலைமையில் இடம்பெற்றது.
இதேவேளை, முன்னாள் ஜனாதிபதி சந்திரிக்கா பண்டாரநாயக்கவுடன் இணைந்து செயற்படும் குழுவொன்று, கட்சியின் பதில் பொதுச் செயலாளரினால் நேற்றைய தினம் அழைப்பு விடுக்கப்பட்ட பொலிட்பீரோ கூட்டம் தொடர்பிலான அடுத்தகட்ட நடவடிக்கைகள் குறித்து கலந்துரையாடி வருவதாகத் தெரிவிக்கப்படுகிறது.
ஸ்ரீலங்கா சுதந்திரக் கட்சியின் சட்டவிரோத அரசியல் பீடக் கூட்டம் நேற்று இடம்பெற்றதாக தெரிவிக்கப்பட்டுள்ளது.
நாளாந்த சம்பளத்தை அதிகரிக்குமாறு கோரி, தோட்டத் தொழிலாளர்கள் நாளை (22) முதல் வேலை நிறுத்தப் போராட்டத்தை ஆரம்பிக்க தீர்மானித்துள்ளனர்.
நாளாந்த சம்பளத்தை 1700 ரூபாவாக அதிகரிக்குமாறு பெருந்தோட்ட கம்பனிகளுக்கு ஜனாதிபதி பணிப்புரை விடுத்த போதிலும் தோட்ட கம்பனிகள் சம்பளத்தை வழங்க இணங்காததற்கு எதிராக தோட்ட தொழிலாளர்கள் நாளை முதல் பணிப்புறக்கணிப்பில் ஈடுபட தீர்மானித்துள்ளனர்.
இந்த பணிப்புறக்கணிப்பு போராட்டத்திற்கு பூரண ஆதரவளிக்கப்படும் என தமிழ் முற்போக்கு கூட்டணியின் பாராளுமன்ற உறுப்பினர் பழனி திகாம்பரம் தெரிவித்தார்.
இலங்கை தொழிலாளர் காங்கிரஸ் இந்த போராட்டத்திற்கான அழைப்பை விடுத்துள்ளது. ண
இந்திய நாடாளுமன்றத் தேர்தலில் முதன் முறையாக இலங்கை மறுவாழ்வு முகாமைச் சேர்ந்த நளினி என்ற பெண் வாக்களித்துள்ளார்.
இவர் திருச்சி மாவட்டம் கொட்டப்பட்டு பகுதியில் உள்ள மறுவாழ்வு முகாமைச் சேர்ந்தவர்.
கடந்த 1986ஆம் ஆண்டு இராமேஸ்வரத்திலுள்ள மண்டபம் இலங்கைத் தமிழர் முகாமில் இந்திய வம்சாவளியைச் சேர்ந்த தமிழ்ப் பெற்றோருக்கு பிறந்தார் நளினி.
அவர் பிறந்த ஆண்டை கணக்கில் கொண்டு இந்திய குடியுரிமைச் சட்டத்தின் கீழ் இந்தியராக கருதப்படுகிறார். இந்த அடிப்படையில் அவருக்கு வாக்குரிமை அளிக்கப்பட்டுள்ளது.
இதைப் பயன்படுத்தி வெள்ளிக்கிழமை நடைபெற்ற மக்களவைத் தேர்தலில் அவர் வாக்களித்துள்ளார்.
இலங்கை முழுவதிலும் உள்ள 354 சிறுவர் இல்லங்களில் தற்போது 9,147 சிறுவர்கள் இருப்பதாக நன்னடத்தை மற்றும் சிறுவர் பராமரிப்பு சேவைகள் திணைக்களம் தெரிவித்துள்ளது.
எவ்வாறாயினும், ஏனைய வருடங்களுடன் ஒப்பிடுகையில் சிறுவர் இல்லங்களில் சிறுவர்கள் சேர்க்கப்படுவது குறைந்துள்ளதாக திணைக்களம் குறிப்பிடுகிறது.
மாற்று பராமரிப்புக் கொள்கையின் கீழ், கடைசி விருப்பமாக ஒரு குழந்தை அனாதை இல்லத்தில் சேர்க்கப்படுவதுடன், ஒரு குழந்தையை குடும்பத்தில் வளர்ப்பது அவசியம் என்று நன்னடத்தை மற்றும் குழந்தைகள் பாதுகாப்பு சேவைகள் திணைக்களம் கூறுகிறது.
எனவே, இயலுமான போதெல்லாம், குழந்தையின் இயல்பான குடும்பத்தில் அல்லது பொருத்தமான வேறு பாதுகாவலரின் கீழ் குழந்தை வளர வாய்ப்பை வழங்குவதற்கு நன்னடத்தை அதிகாரிகள் செயல்படுவார்கள் என்றும் திணைக்களம் சுட்டிக்காட்டுகிறது.
சர்வதேச தொழிலாளர் தினமான மே 1ஆம் திகதி நடைபெறவுள்ள மே தின பேரணிகளில் தமது பலத்தை வெளிப்படுத்தவும், பாராளுமன்றத்தில் ஆசன மாற்றம் செய்யவும் பிரதான அரசியல் கட்சிகள் மக்களை ஒன்று திரட்டி விசேட வேலைத்திட்டத்தை நடைமுறைப்படுத்தவுள்ளதாக தெரிவிக்கப்படுகின்றது.
இதன்படி, எதிர்க்கட்சிகளின் மே பேரணிகளுக்கு அரசாங்க அமைச்சர்களை சேகரிக்கவும், அரசாங்கத்தின் மே பேரணிகளுக்கு எதிர்க்கட்சிகளின் எம்.பி.க்களை சேகரிக்கவும் இந்த நடவடிக்கைகள் முன்னெடுக்கப்படுகின்றன.
எவ்வாறாயினும், இந்த பேரணிகளுக்கு திரளும் மக்கள் தொடர்பில் இதுவரை எந்த தகவலும் தெரிவிக்கப்படவில்லை என்பதுடன், பல்வேறு அரசியல் கட்சிகளின் பலமான அரசியல் பிரமுகர்கள் தற்போது இரகசிய இடங்களில் இது தொடர்பான கலந்துரையாடல்களை மேற்கொண்டு வருவதாகவும் செய்திகள் வெளியாகியுள்ளன.
கடந்த மூன்று வருடங்களில், இலங்கையில் சுமார் 1700 STDகள் இனங்காணப்பட்டுள்ளதாக, STD மற்றும் AIDS கட்டுப்பாட்டுத் திட்டத்தின் பதில் பணிப்பாளர் டாக்டர் ஜானக வேரகொட தெரிவித்துள்ளார்.
இந்நாட்டில் காணப்படும் எச்.ஐ.வி. தேசிய STD மற்றும் எய்ட்ஸ் கட்டுப்பாட்டுத் திட்டமும் ஆண்டுதோறும் பாதிக்கப்பட்டவர்களின் எண்ணிக்கை அதிகரித்து வருவதாகக் குறிப்பிடுகிறது.
15 முதல் 29 வயதுக்குட்பட்ட இளைஞர்கள் STD மற்றும் AIDS தொடர்பான நோயாளிகளில் மூன்றில் ஒரு பகுதியினர் என விசேட வைத்திய நிபுணர் டாக்டர் ஜானக வேரகொட மேலும் தெரிவிக்கின்றார்.
இராணுவ சேவையில் இருந்து சட்டரீதியாக வெளியேற இராணுவ உறுப்பினர்களுக்கு பொது மன்னிப்பு காலம் அறிவிக்கப்பட்டுள்ளதாக இலங்கை இராணுவம் அறிக்கையொன்றை வெளியிட்டுள்ளது.
நீண்ட காலமாக விடுப்பு இன்றி பணிக்கு வருகை தராத உறுப்பினர்களுக்கு 2024 ஏப்ரல் 20 முதல் மே 20 வரை பொது மன்னிப்பு காலம் அறிவிக்கப்பட்டுள்ளது.
அதன்படி, ஏப்ரல் 2, 2024 அன்று அல்லது அதற்கு முன் விடுமுறை இல்லாமல் பணிக்கு வராத அதிகாரிகள் மற்றும் பிற அதிகாரிகள் பின்வரும் ஆவணங்களுடன் அந்தந்த படைப்பிரிவு மையத்திற்கு முறைப்பாடு செய்ய வேண்டும்.
ஏனைய ஒழுக்காற்று நடவடிக்கைகளில் ஈடுபடாத மற்றும் சட்டப்பூர்வமாக இராணுவ சேவையை விட்டு வெளியேறாமல் வெளிநாட்டில் இருக்கும் இராணுவ உறுப்பினர்கள் மீள் வருகை இன்றி இந்த பொது மன்னிப்புக் காலத்தில் சட்டப்பூர்வமாக சேவையை விட்டு வெளியேறுவதற்கு வசதி செய்யப்பட்டுள்ளது.
1. இராணுவ அடையாள அட்டை (இராணுவ அடையாள அட்டையில் சமீபத்திய பொலிஸ் அறிக்கையின் நகல் இல்லை என்றால்)
2. தேசிய அடையாள அட்டை அல்லது ஓட்டுநர் உரிமத்தின் நகல்.
3. சம்பளம் மற்றும் கொடுப்பனவுகள் வரவு வைக்கப்பட்டுள்ள வங்கி புத்தகத்தின் நகல்.
4. கடைசியாக பெறப்பட்ட சம்பளம் மற்றும் கொடுப்பனவுகளின் ஊதியச் சீட்டின் நகல் (ஏதேனும் இருந்தால்) சமர்ப்பிக்க வேண்டும் என கேட்டுக் கொள்ளப்பட்டுள்ளது.
வடமேல் மாகாண ஆளுநர் லக்ஷ்மன் யாப்பா அபேவர்தனவை தென் மாகாணத்திற்கு இடமாற்றம் செய்வதை நிறுத்துமாறு ஜனாதிபதியிடம் கோரிக்கை விடுக்க அந்த மாகாண மகாசங்கரத்னம் தீர்மானித்துள்ளதாக தெரிவிக்கப்படுகின்றது.
அதன்படி எதிர்வரும் நாட்களில் எழுத்து மூலமும், வாய்மொழி மூலமும் இந்தக் கோரிக்கையை விடுக்க உள்ளதாக ஆளுநர் அலுவலக பேச்சாளர் தெரிவித்துள்ளார்.
லக்ஷ்மன் யாப்பா அபேவர்தன அந்த மாகாணத்தில் மிகச் சிறப்பாகச் செயற்படுவதால், அவர் தொடர்ந்தும் அந்த மாகாணத்தில் சேவையாற்ற அனுமதிக்கப்பட வேண்டும் என்பது மகா சங்கரத்னவின் கருத்தாகும்.
எனினும் இதுவரையில் இடமாற்றம் குறித்து இறுதி உடன்பாடு எட்டப்படவில்லை என தெரிவிக்கப்படுகிறது.
பெருந்தோட்டத் தொழிலாளர்களுக்கு நாளாந்த அடிப்படை வேதனமாக 1,700 ரூபாவினை வழங்குமாறு வலியுறுத்தி, இலங்கைத் தொழிலாளர் காங்கிரஸின் தேசிய அமைப்பாளர் சக்திவேல் ஏற்பாட்டில் கொழும்பில் மாபெரும் அறவழி போராட்டமொன்று நாளை நடைபெற உள்ளது.
கொழும்பு கோட்டை புகையிரத நிலையத்துக்கு முன்பாக நாளை காலை 10 மணி முதல் அறவழி ஆர்ப்பாட்டம் முன்னெடுக்கப்படவுள்ளது.
ஒரு வருடத்திற்கு மேலாக தோட்ட தொழிலாளர்களுக்கு சம்பளம் உயர்வு வழங்காது அலட்சிய போக்கை கடைப்பிடிக்கும் கம்பனிக்கு எதிராக கண்டனம் தெரிவித்தும், தோட்டத் தொழிலாளர்களின் 1700 ரூபாய் சம்பளத்தை வழங்க மறுத்த முதலாளிமார் சம்மேளனத்திற்கு எதிராக இந்த அறவழி ஆர்ப்பாட்டம் முன்னெடுக்கப்படவுள்ளது.