சுற்றுலா மற்றும் காணி அமைச்சர் ஹரின் பெர்னாண்டோ கொழும்பில் உள்ள தனியார் வைத்தியசாலையில் அவசர சத்திரசிகிச்சைக்கு உட்படுத்தப்பட்டுள்ளார்.

காலில் ஏற்பட்ட காயத்தில் இந்த அறுவை சிகிச்சை செய்யப்பட்டுள்ளது.

ஐக்கிய நாடுகளின் உணவு மற்றும் விவசாய அமைப்பின் வழிகாட்டுதலின் கீழ் 16 நிபுணர்கள் தயாரித்த அறிக்கை கொழும்பு மாநகரில் 10 இலட்சத்திற்கும் அதிகமான மக்கள் அன்றாட பாவனைக்காக பயன்படுத்தும் பெரும்பாலான உணவுப் பொருட்களை வீணடிப்பதாக தெரியவந்துள்ளது.

கொழும்பு நகரில் ஆறு இலட்சம் மக்கள் வசிக்கும் அதேவேளையில் நாளாந்தம் ஐந்து இலட்சத்திற்கும் அதிகமான மக்கள் வெளியூர்களில் இருந்து கொழும்புக்கு வருவதாகவும் இந்த மக்கள் உட்கொள்ளும் பெரும்பாலான உணவுகள் வீணடிக்கப்படுவதாகவும் இந்த அறிக்கையில் குறிப்பிடப்பட்டுள்ளது.

உணவுத் தட்டுப்பாடு மற்றும் எந்தவொரு உணவுப் பொருளும் கொழும்பை அடையும் தூரம் ஆகியவை உணவுப் பொருட்களின் விலை உயர்வை எவ்வாறு பாதிக்கின்றன என்பதை இந்த அறிக்கை காட்டுகிறது.

இந்த ஆய்வின்படி, கொழும்பு மாவட்டத்தில் உணவு வீணாக்கப்படுவது தேசிய அளவில் உணவுப் பொருட்களின் விலை உயர்வை எவ்வாறு பாதிக்கிறது என்பது விளக்கப்பட்டுள்ளது.

வெலிவேரிய நகரிலிருந்து குறுக்கு வீதியில் பயணித்த நபர் ஒருவரை மோட்டார் சைக்கிளில் வந்த இனந்தெரியாத இருவர் துப்பாக்கியால் சுட்டுவிட்டு தப்பிச் சென்றுள்ளனர்.

காரில் பயணித்த 24 வயதுடைய நபர் மீது துப்பாக்கிப் பிரயோகம் மேற்கொள்ளப்பட்டுள்ளதுடன், வலது கையில் துப்பாக்கிச் சூட்டுக்கு இலக்காகி காயமடைந்த நபர் கம்பஹா மாவட்ட பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவிக்கின்றனர்.

சம்பவம் தொடர்பான மேலதிக விசாரணைகளை வெலவேரிய பொலிஸார் ஆரம்பித்துள்ளனர்.

புதிய கூட்டணியின் எதிர்கால விவகாரங்கள் குறித்து கலந்துரையாடும் விசேட கூட்டம் நேற்று பிற்பகல் கொழும்பு மஹகம சேகர மாவத்தையிலுள்ள அமைச்சர் மஹிந்த அமரவீரவின் இல்லத்தில் நடைபெற்றது.

நிமல் சிறிபால, ஜோன் சேனவிரத்ன, அனுர யாப்பா, சுசில் பிரேமஜயந்த், நிமல் லான்சா, நளின் பெர்னாண்டோ, லசந்த அழகியவன்ன, பியங்கர ஜயரத்ன, துமிந்த திஸாநாயக்க உள்ளிட்டோர் கலந்துகொண்டனர்.

"இப்போது மொட்டு கட்சியினர் மிகவும் பயந்துவிட்டனர். அதனால் தான் இதை நிறுத்துமாறு ஜனாதிபதி பசிலிடம் கூறுகிறார்" என பிரியங்கர கூறினார்.

அதற்கு நாம் சளைத்திருக்கக் கூடாது என அனுர யாப்பா தெரிவித்துள்ளார்.

லான்சா களத்தில் இறங்கினால் என்ன நடக்கும் என்று பசிலுக்கு தெரியும், அதற்குத்தான் பயந்து இருக்கிறது” என்று லான்சாவைப் பார்த்து பிரியங்கர கூறினார்.

இதேவேளை, தற்போதைய மொட்டு பாராளுமன்ற உறுப்பினர்களின் வாய்மொழி வார்த்தைகள் தொடர்பிலும் பாராளுமன்ற உறுப்பினர்கள் கலந்துரையாடியுள்ளனர்.

“இப்போது மொட்டு கட்சியினர் வாய்சவடால் விடுகின்றனர். ஆரம்பத்தில் இருந்த நிலை இந்த பிசாசுகளுக்கு நினைவில் இல்லை” என்றான் ஜோன்.

ஆம், வெளியில், வீதியில் இறங்கவோ கூட முடியாமல் இவர்கள் இருந்தார்கள் என நிமல் சிறிபால டி சில்வா தெரிவித்தார்.

“ஜனாதிபதி தலையிட்டு இந்த நாட்டை அமைதிப்படுத்தினார். நாம் சுதந்திரமாக வாழக்கூடிய நாட்டை உருவாக்கினார். அதை நினைத்துக்கூட பார்க்காமல் ஜனாதிபதியை தாக்குகிறார்கள்” என்று கூட்டத்தை பார்த்து லன்சா கூறினார்.

இதற்கிடையில் அமைச்சர் அமரவீர வந்திருந்த மக்களுக்கு இரவு உணவை தயார் செய்திருந்தார்.

“அமரே வீட்டில் ஆப்பம் பிழைக்காது அதனால் சாப்பிட பயமா இருக்கு” ​​என்று சிரித்துக் கொண்டே சுசில் கூறினார். அந்த விருந்து அமைச்சர் அமரவீரவின் மனைவி தான் தயாரித்தது என்றும் குழுவினர் பேசினர். அரசியல் கதைகள் தவிர, சுவாரசியமான கதைகளுக்கு இங்கு பஞ்சமிருக்கல்லை.

இளம் பெண் ஒருவருடன் காதல் உறவில் ஈடுபட்டு அவரது நிர்வாணப் படங்களை சமூக ஊடகங்களில் பரப்பிய துறவி ஒருவருக்கு நீதிமன்றம் தண்டனை விதித்துள்ளது.

காலி பிரதேசத்தில் வசிக்கும் 18 வயது யுவதியின் நிர்வாண படங்களை விநியோகித்த குற்றச்சாட்டின் பேரில் களுத்துறை பயாகல மலேகொட விகாரை ஒன்றில் வசிக்கும் 26 வயதான  தேரருக்கு தண்டனை விதிக்கப்பட்டுள்ளது.

அவருக்கு விதிக்கப்பட்ட தண்டனையை ஐந்தாண்டுகளுக்கு ஒத்திவைத்த நீதிமன்றம், அவருக்கு 6 மாத கடுங்காவல் சிறைத்தண்டனை விதித்து தீர்ப்பளித்துள்ளது.

குறித்த சிறுமி இரகசிய பொலிஸில் முறைப்பாடு செய்து, சமூக வலைத்தளங்கள் மூலம் இந்த பிக்கு அடையாளம் காணப்பட்டதாகவும், தன்னை துறவி போன்று பாவனை செய்து அணுகியதாகவும் குறிப்பிட்டுள்ளார்.