சற்று முன்னர் பாராளுமன்றத்தில் நடைபெற்ற ஜனாதிபதி தேர்தலில் பதில் ஜனாதிபதி ரணில் விக்கிரமசிங்க வெற்றி பெற்றுள்ளதாக சபாநாயகர் அறிவித்துள்ளார்.

ரணில் விக்கிரமசிங்க 134 வாக்குகளையும் டலஸ் அழகப்பெருமே 82 வாக்குகளையும் அனுரகுமார திஸாநாயக்க 3 வாக்குகளையும் பெற்றுள்ளனர்.

ஜனாதிபதி தேர்வு செய்வதற்கான தேர்தலில் 225 பாராளுமன்ற உறுப்பினர்களில் 223 பாராளுமன்ற உறுப்பினர்கள் வாக்களித்துள்ளனர்.

இரண்டு தமிழ் பாராளுமன்ற உறுப்பினர்கள் இருவர் வாக்களிப்பில் கலந்து கொள்ளவில்லை.

அளிக்கப்பட்ட 223 வாக்குகளில்  நான்கு வாக்குகள் நிராகரிக்கப்பட்ட வாக்குகளாக கருதப்பட்டுள்ளன 

அதன்படி மொத்தம் 219 வாக்குகள் செல்லுபடியான வாக்குகளாக காணப்படுகின்றன.

எனவே இதில் அதிக வாக்குகளை பெரும் நபர் வெற்றியாளராக அறிவிக்கப்படுவார். 

ஜனாதிபதி தேர்தல் வாக்கெடுப்பு நிறைவு பெற்று தற்சமயம் வாக்கு எண்ணம் பணிகள் ஆரம்பிக்கப்பட்டுள்ளன. 

நேற்றிரவு (19) பதில் ஜனாதிபதி திரு.ரணில் விக்கிரமசிங்கவுடன் இந்திய அரசாங்கத்தின் சக்திவாய்ந்த அரசியல்வாதி ஒருவர் தொலைபேசியில் உரையாடியதாக உள்ளக வட்டாரங்கள் தெரிவிக்கின்றன.

இலங்கையில் உள்ள அனைத்து தமிழ் அரசியல் கட்சிகளும் ரணில் விக்கிரமசிங்கவிற்கு ஆதரவளிப்பதாக அவர் வாக்குறுதி அளித்துள்ளதாக தகவல்கள் தெரிவிக்கின்றன.

நடைபெற்ற அதிபர் தேர்தலில் சீனாவின் தலையீட்டை கருத்தில் கொண்டு இந்தியா இந்த நடவடிக்கையை எடுத்துள்ளதாகவும் கூறப்படுகிறது.

இலங்கையின் 8வது நிறைவேற்று ஜனாதிபதியை தெரிவு செய்வதற்கான பாராளுமன்ற தேர்தல் இன்று நடைபெறவுள்ளது.இதற்கு 225 நாடாளுமன்ற உறுப்பினர்களும் வாக்களிக்க உள்ளனர்.கோட்டாபய ராஜபக்ச தனது பதவியை இராஜினாமா செய்ததையடுத்து, எஞ்சியிருக்கும் வெற்றிடத்திற்கு நாட்டை ஆட்சி செய்வதற்காக  ஜனாதிபதி இன்று தெரிவு செய்யப்படவுள்ளார்.

இதன் காரணமாக பாராளுமன்றம் மற்றும் அனைத்து நுழைவு சாலைகளிலும் பலத்த போலீஸ் பாதுகாப்பு போடப்பட்டுள்ளது.இன்று போராட்டங்களுக்கு தடை விதிக்கப்பட்டுள்ளது

ஜனாதிபதித் தேர்தலில் .ரணில் விக்கிரமசிங்கவுக்கு ஆதரவளிப்பது குறித்து ஆலோசிப்பதற்காக தமிழ்த் தேசியக் கூட்டமைப்பின் உறுப்பினர்கள் குழுவொன்று நேற்று (19) இரவு ஐக்கிய தேசியக் கட்சியின் தலைவர் வஜிர அபேவர்தனவின் வீட்டுக்குச் சென்றதாக தகவல்கள் தெரிவிக்கின்றன.அந்த வீட்டில் 6 எம்.பி.க்கள் திரண்டுள்ளதாக கூறப்படுகிறது.

எவ்வாறாயினும், டலஸ் அழகப்பெருமவுக்கு ஆதரவளிக்க தமது கட்சி தீர்மானித்துள்ளதாக தமிழ்த் தேசியக் கூட்டமைப்பு அறிவித்திருந்தது.

ரணில் விக்கிரமசிங்க ஜனாதிபதியாவதற்கு தேவையான வாக்குகளை பெற்றுக்கொள்ளும் நோக்கில் பாராளுமன்ற உறுப்பினர்களை விலைக்கு வாங்கும் நடவடிக்கை ஆரம்பிக்கப்பட்டுள்ளதாக முன்னணி சோசலிச கட்சி தெரிவிக்கின்றது.

ஏற்கனவே 104 பாராளுமன்ற உறுப்பினர்களுக்கு தலா ஒரு கோடி ரூபா முன்பணம் வழங்கப்பட்டுள்ளதாக கட்சியின் கல்விச் செயலாளர் புபுது ஜயகொட தெரிவித்தார்.

கடந்த மே மாதம் 9ஆம் திகதி இடம்பெற்ற குழப்பமான சூழ்நிலையில் வீடுகள் இழந்த உறுப்பினர்களுக்கு தளபாடங்களுடன் கூடிய அடுக்குமாடி குடியிருப்புகள் வழங்கப்பட்டுள்ளதாகவும் அவர் குறிப்பிட்டுள்ளார்.

முன்னிலை சோசலிசக் கட்சி நடத்திய ஊடகவியலாளர் சந்திப்பிலேயே அவர் மேற்கண்டவாறு தெரிவித்தார்.

பாராளுமன்றத்தில் நாளை நடைபெறவுள்ள ஜனாதிபதி தேர்தலில் ரணில் விக்ரமசிங்கவிற்கு வாக்களித்தால், மோசமான விளைவுகளை சந்திக்க நேரிடும் என சமூக வலைத்தளங்கள் ஊடாக அழுத்தம் கொடுப்பதாக பாராளுமன்ற உறுப்பினர்கள் குழு சபாநாயகரிடம் முறைப்பாடு செய்துள்ளது.

இதன் காரணமாக, சபாநாயகர் மஹிந்த யாப்பா அபேவர்தன, இது தொடர்பான நிகழ்வுகள் மற்றும் சமூக ஊடகங்களில் வெளியிடப்பட்ட பதிவுகள் தொடர்பில் விசாரணை நடத்துமாறு பொலிஸ் மா அதிபரிடம் எழுத்து மூலம் முறைப்பாடு ஒன்றை சமர்ப்பித்துள்ளார்.

எம்.பி.க்களுக்கு அழுத்தம் கொடுப்பது தவறு என்றும், சமூக வலைதளங்களில் மிரட்டல் கட்டுரைகள் வெளியிடப்படுவதைக் கண்காணித்து வருவதாகவும் காவல்துறை தெரிவித்துள்ளது.

பாராளுமன்றத்தில் நாளை நடைபெறவுள்ள ஜனாதிபதித் தேர்தலில் ரணில் விக்கிரமசிங்கவுக்கு ஆதரவளிக்க சமகி ஜன பலவேகயவின் 17 உறுப்பினர்கள் இணக்கம் எட்டியுள்ளதாக தெரிவிக்கப்படுகின்றது.

ஸ்ரீலங்கா சுதந்திரக் கட்சியை பிரதிநிதித்துவப்படுத்தும் 14 பாராளுமன்ற உறுப்பினர்களில் பதினோரு பேர் ரணில் விக்கிரமசிங்கவிற்கு ஆதரவளிக்கவுள்ளதாக தெரிவிக்கப்படுகின்றது.

தமிழ்த் தேசியக் கூட்டமைப்பில் உள்ள பெரும்பான்மையான பாராளுமன்ற உறுப்பினர்கள் ரணில் விக்கிரமசிங்கவிற்கு ஆதரவளிக்க ஏற்கனவே இணக்கம் தெரிவித்துள்ளனர்.

சமகி ஜன பலவேகவின் எம்.பி.க்களுடன் மேலும் கலந்துரையாடல் இடம்பெற்று வருகின்றதுடன், விக்கிரமசிங்கவுக்கான ஆதரவின் அளவு மேலும் அதிகரிக்கலாம் எனவும் அறியமுடிகின்றது.

ரணில் விக்கிரமசிங்க, டலஸ் அழகபெரும, அனுர குமார திசாநாயக்க  ஆகியோரின் வேட்பு மனுக்கள் ஏற்றுக் கொள்ளப்பட்டதை அடுத்து நாளை காலை 10 மணிக்கு வாக்கெடுப்பு இடம்பெறும் என பாராளுமன்ற செயலாளர் நாயகம் அறிவித்துள்ளார்.

டலஸ் அழகப்பெருமவின் பெயரை சஜித் பிரேமதாச முன்மொழிய அதனை ஜி.எல்.பீரிஸ் வழிமொழிந்தார். 

ரணில் விக்கிரமசிங்கவின் பெயரை தினேஷ் குணவர்தன முன்மொழிய மனுஷ நாணயக்கார அதனை வழிமொழிந்தார்.

விஜித ஹேரத் முன்மொழிந்த அனுர குமார திசாநாயக்கவின் பெயரை ஹரிணி வழிமொழிந்தார்.