பாரிய நிதி மோசடியில் ஈடுபட்டு விளக்கமறியலில் வைக்கப்பட்டுள்ள திகோ குழும உரிமையாளர் திலினி பிரியமாலியின் வீட்டில் மின்சாரம் துண்டிக்கப்பட்டுள்ளதாக மின்சாரத் தகவல்கள் தெரிவிக்கின்றன.

4 மாதங்களாக நிலுவையில் உள்ள மின்கட்டணத்தை செலுத்தாததால் மின்சாரம் துண்டிக்கப்பட்டுள்ளதாக தகவல்கள் தெரிவிக்கின்றன.

இதனால் வத்தளை அவெரிவத்தை எட்வர்ட் பதுமவில் திலினி பிரியமாலி மற்றும் அவரது குடும்பத்தினர் வாடகை அடிப்படையில் வசித்து வந்த வீட்டில் மின்சாரம் துண்டிக்கப்பட்டது.

பொதுப் பயன்பாடுகள் ஆணைக்குழுவிடம் கோரிக்கை விடுக்காமல் மின் கட்டணத்தை அதிகரிக்க கூடிய வாய்ப்பு ஒன்று உள்ளதாக மின்சார சபை தெரிவித்துள்ளது.

மின் கட்டணத்தை அதிகரிப்பதற்கு அமைச்சரவை அங்கீகாரம் வழங்கியுள்ள நிலையில், பொதுப் பயன்பாட்டு ஆணைக்குழுவை நாட வேண்டிய அவசியமில்லை என மின்சார சபை தெரிவித்துள்ளது.

அதிகரிக்கப்படவுள்ள மின்சாரக் கட்டணங்களின் கணக்கீடுகள் தற்போது மேற்கொள்ளப்பட்டு வருவதாகவும் மின்சார சபை குறிப்பிட்டுள்ளது.

எவ்வாறாயினும், இடம்பெற்ற ஊடகவியலாளர் சந்திப்பில் பொதுப் பயன்பாடுகள் ஆணைக்குழுவின் தலைவர் ஜனக ரத்நாயக்க, அமைச்சரவையின் தீர்மானங்கள் மின்சார சட்டத்திற்கு அமைவாக அமையுமாயின் ஆணைக்குழுவிற்கு அதில் எவ்வித பிரச்சினையும் இல்லை என தெரிவித்தார்.

அடுத்த ஆண்டு ஜனவரி மற்றும் ஜூன் மாதங்களில் இரண்டு கட்டங்களாக மின் கட்டணத்தை உயர்த்த அமைச்சரவை சமீபத்தில் ஒப்புதல் அளித்திருந்தமை குறிப்பிடத்தக்கது.

2021 உயர்கல்வி பரீட்சை தொடர்பான பல்கலைக்கழக அனுமதிக்கான வெட்டுப்புள்ளிகள் சற்றுமுன் வெளியாகியுள்ளது என பல்கலைக்கழக மானியங்கள் ஆணைக்குழு தெரிவித்துள்ளது.

இதன்படி, 2021 உயர்தரப் பரீட்சைக்குத் தோற்றிய மாணவர்கள் WWW.ugc.ac.lk இணையத்தளத்தின் ஊடாக இது தொடர்பான தகவல்களைப் பெற்றுக்கொள்ள முடியும்.

பல்கலைக்கழகங்களுக்கு மாணவர்களை இணைத்துக் கொள்வதற்காக வரலாற்றிலேயே முதற்தடவையாக விண்ணப்பபடிவங்கள் கோரப்பட்டு மிகவும் குறுகிய காலத்துக்குள் பல்கலைக்கழகத்துக்கு மாணவர்களை அனுமதிக்கும் வெட்டுப் புள்ளிகள் வெளியிடப்படவுள்ளமை விசேட அம்சமாகும்.

இதன்படி பல்கலைக்கழக அனுமதிக்காக விண்ணப்பங்கள் கோரப்பட்டு இரண்டு மாதம் ஒரு வாரத்துக்குள் வெட்டுப்புள்ளிகளை வெளியிட பரீட்சைகள் திணைக்களம் நடவடிக்கை எடுத்துள்ளது.

இந்தப் பரீட்சைக்குரிய பல்கலைக்கழக வெட்டுப் புள்ளிகள் நவம்பர் மாத இறுதியில் வெளியிடப்படவுள்ள தாக கல்வி அமைச்சர் கலாநிதி சுசில் பிரேம ஜயந்த இதற்கு முன்னர் தெரிவித்திருந்தார். 

க.பொ. த உயர் தர 2021(2022) பரீட்சைக்காக பாடசாலை விண்ணப்பதாரிகள் 2,36,035 பேரும், தனியார் பரிட்சார்த்திகள் 36,647 பேருமென மொத்தம் 2,72,682 பேரும் தோற்றி இருந்தனர். இதில் 1,71,497 பேர் பல்கலைக்கழக அனுமதிக்காக குறைந்த பட்ச தகுதிகளை பெற்றிருந்தனர்.

அவ்வாறு பல்கலைக்கழக அனுமதிக்காக குறைந்தபட்ச தகுதியைப் பெற்றுக் கொண்டவர்களில்1,49,946 பேர் பாடசாலை மாணவர்களாவர்.

இவர்களில் 21,551 தனியார் பரீட் சார்த்திகள் என்றும் தெரிவிக்கப்படுகிறது. இப்பரீட்சை முடிவுகளின் படி அரசாங்க பல்கலைக்கழகங்களுக்கு அனுமதி பெறவுள்ள மாணவர்களின் எண்ணிக்கை 42, 519 மாணவர்களென தெரிவிக்கப்பட்டுள்ளது.

இவ்வருடம் இரண்டாம் தவணை மற்றும் மூன்றாம் தவணைக்கான பாடசாலைகளுக்கு விடுமுறை அளிக்கும் விதத்தை கல்வி அமைச்சு அறிவித்துள்ளது.

2022 ஆம் ஆண்டின் இரண்டாம் பாடசாலை தவணை நேற்றுடன் நிறைவடைவதாக கல்வி அமைச்சு அறிவித்துள்ளது.

மூன்றாவது தவணை வரும் 5ம் திகதி துவங்கி மூன்று கட்டங்களாக செயல்படுத்தப்படும்.

அதன்படி, முதற்கட்டமாக பாடசாலை வரும் 5ம் திகதி முதல் 22ம் திகதி வரை நடக்கிறது.

அடுத்த ஆண்டு (2023) 23ஆம் திகதி முதல் ஜனவரி 1ஆம் திகதி வரை பாடசாலைகளுக்கு விடுமுறை அளிக்கப்பட்டு இரண்டாம் கட்டமாக ஜனவரி 2ஆம் திகதி முதல் 20ஆம் திகதி வரை மீண்டும் பாடசாலைகள் நடத்தப்படும்.

கல்விப் பொதுத்தராதர உயர்தரப் பரீட்சை காரணமாக மூன்றாம் தவணைக்காக ஜனவரி 21ஆம் திகதி மூடப்படும் பாடசாலைகள் பெப்ரவரி 19ஆம் திகதி வரை மூடப்படும் என கல்வி அமைச்சு அறிவித்துள்ளது.

மூன்றாம் கட்டத்தின் கீழ், பிப்ரவரி 20 அன்று பாடசாலைகள் மீண்டும் தொடங்கும்.

பாரிய நிதி மோசடி சம்பவம் தொடர்பில் விளக்கமறியலில் வைக்கப்பட்டுள்ள திலினி பிரியமாலி என்ற சந்தேகநபர் துபாய் இராஜியத்தில் தொழில் ஒன்றை ஆரம்பித்துள்ளதுடன், குறித்த வர்த்தகம் அவரது பெயரில் பதிவு செய்யப்பட்டுள்ளது.

கோடீஸ்வர வர்த்தகர்களிடம் மோசடி செய்த பணத்தை சந்தேகநபர் டுபாய் நாட்டில் வர்த்தகம் ஒன்றில் முதலீடு செய்துள்ளதாகவும், இது தொடர்பில் ஏற்கனவே விசாரணைகள் ஆரம்பிக்கப்பட்டுள்ளதாகவும் குற்றப்புலனாய்வு திணைக்களம் நீதிமன்றத்தில் தெரிவித்துள்ளது.

இது தொடர்பில் குற்றப்புலனாய்வு திணைக்களம், சர்வதேச பொலிஸ் மற்றும் மத்திய வங்கி ஊடாக தகவல் கோரப்பட்டுள்ளதாகவும், விசாரணையின் முன்னேற்றம் குறித்து எதிர்காலத்தில் குறிப்பிடப்படும் எனவும், குற்றப்புலனாய்வு திணைக்களம், நீதவானிடம் சுருக்கமான ஆதார அறிக்கையை தாக்கல் செய்தது.

முன்னாள் நாடாளுமன்ற உறுப்பினர் அமரகீர்த்தி அத்துகோரள மற்றும் அவரது பாதுகாப்பு பொலிஸ் சார்ஜன்ட் கொலை வழக்கில் தடுத்து வைக்கப்பட்டிருந்த சந்தேக நபரின் மரணம் தொடர்பான வெலிசர நீதவான் நீதிமன்ற அறிக்கை மற்றும் சிறைச்சாலை அறிக்கையை நீதிமன்றில் சமர்பிக்குமாறு அத்தனகல்ல இலக்கம் 02 நீதவான் மஹர சிறைச்சாலை அத்தியட்சகருக்கு உத்தரவிட்டுள்ளார்.

இந்தக் கொலைச் சம்பவம் தொடர்பில் குற்றப் புலனாய்வுப் பிரிவின் கொலை மற்றும் ஒழுங்கமைக்கப்பட்ட குற்றப் புலனாய்வுப் பிரிவினர் விசாரணைகளை மேற்கொண்டு 40 சந்தேக நபர்களை அவ்வப்போது கைது செய்து வருகின்றனர்.

கைது செய்யப்பட்ட சந்தேக நபர்களில் 04 பேர் பிணையில் விடுவிக்கப்பட்டுள்ளனர்.

ஏனைய 36 சந்தேகநபர்களும் விளக்கமறியலில் வைக்கப்பட்டுள்ளனர்.

இதன்படி, இது தொடர்பான வழக்கு நேற்று விசாரிக்கப்பட்ட போது, ​​பிணையில் விடுவிக்கப்பட்ட சந்தேகநபர்கள் திறந்த நீதிமன்றில் முன்னிலையாகியதுடன், விளக்கமறியலில் வைக்கப்பட்டிருந்த 35 சந்தேகநபர்கள் மஹர சிறைச்சாலையில் இருந்து ஸ்கைப் ஊடாக நீதிமன்றில் முன்னிலையாகினர்.

இங்கு மஹர சிறைச்சாலையின் சிறைச்சாலை அதிகாரி ஒருவர் திறந்த நீதிமன்றில் ஆஜராகி விளக்கமறியலில் வைக்கப்பட்டிருந்த அன்டன் கிராப்ரியல் என்ற சந்தேக நபர் உடல் நிலை மோசம் காரணமாக உயிரிழந்துள்ளதாக தெரிவித்தார்.

இங்கு சட்டத்தரணி பிரியங்கர மாரசிங்க வாதங்களை முன்வைத்து, விளக்கமறியலில் வைக்கப்பட்டுள்ள சந்தேகநபர்களில் ஒருவருக்கு திறந்த பல்கலைக்கழகத்திற்குச் செல்ல வேண்டியிருப்பதால் பரீட்சைக்குத் தோற்றுவதற்கான சந்தர்ப்பம் வழங்கப்பட வேண்டுமென கோரிக்கை விடுத்தார்.

குற்றப் புலனாய்வுத் திணைக்களத்தின் கொலை மற்றும் ஒழுங்கமைக்கப்பட்ட குற்ற விசாரணை பிரிவின் இரகசிய பொலிஸ் சார்ஜன்ட் ரஞ்சித், வழக்குப் பொருட்கள் சிலவற்றை விசாரணைகள் நிறைவடைந்த நீதிமன்றில் ஒப்படைப்பதற்கு அனுமதி கோரினார்.

இரு தரப்பினரின் சமர்ப்பிப்புகளுக்குப் பிறகு, இந்த நிலையில் இருந்தால், அது அழிக்கப்பட வாய்ப்புள்ளது என்பதால், வழக்குக் கோப்பை மூன்று பகுதிகளாகப் பிரிக்க விரும்புகிறீர்களா என்று நீதவான் இரு தரப்பையும் கேட்டார். இங்கு அரசு தரப்பு வழக்கறிஞர்கள் மற்றும் எதிர்தரப்பு வழக்கறிஞர்கள் தங்கள் சம்மதத்தை தெரிவித்தனர்.

மஹர சிறைச்சாலையில் மரணமடைந்ததாக கூறப்படும் சந்தேக நபர் தொடர்பில் வெலிசர நீதவான் நீதிமன்றத்தின் அறிக்கை மற்றும் சிறைச்சாலை அறிக்கையை சமர்ப்பிக்குமாறு மஹர சிறைச்சாலை அத்தியட்சகருக்கு நீதவான் உத்தரவிட்டுள்ளார்.

சட்ட விசாரணைக்கு ஆஜராகவுள்ள சந்தேகநபர் சார்பில் முறையான கோரிக்கையை சமர்ப்பித்த நீதவான், அது தொடர்பான உத்தரவை வழங்குவதாக அறிவித்ததோடு, வழக்குப் பொருட்களை விசாரணைகள் நிறைவடைந்த நீதிமன்றில் ஒப்படைக்குமாறும் உத்தரவிட்டார்.

சந்தேகநபர்கள் அனைவரிடமும் விசாரணைகளை முடித்து நீதிமன்றில் அறிக்கை சமர்ப்பிக்குமாறும், 35 சந்தேக நபர்களையும் தொடர்ந்தும் விளக்கமறியலில் வைக்குமாறும் நீதவான் உத்தரவிட்டார்.

இது தொடர்பான வழக்கின் விசாரணை டிசம்பர் 12ம் திகதிக்கு ஒத்திவைக்கப்பட்டது.

நாடளாவிய ரீதியில் டிசம்பர் 1 மற்றும் 2 ஆம் திகதிகளில் 2 மணித்தியாலங்களும் 20 நிமிடங்களும் மின்வெட்டு அமுல்படுத்தப்படும் என பொதுப்பயன்பாடுகள் ஆணைக்குழு தெரிவித்துள்ளது.

அதன்படி, டிசம்பர் 1 மற்றும் 2 ஆம் திகதிகளில் A, B, C, D, E, F, G, H, I, J, K, L, P, Q, R, S, T, U, V, W ஆகிய வலயங்களுக்கு காலை வேளையில் 1 மணித்தியாலமும் 20 நிமிடங்களும் மின்வெட்டு அமுல்ப்படுத்தப்படவுள்ளது.

மேலும், A, B, C, D, E, F, G, H, I, J, K, L, P, Q, R, S, T, U, V, W ஆகிய வலயங்களுக்கு இரவு வேளையில் 1 மணித்தியாலமும் 20 நிமிடங்களும் மின்வெட்டு அமுல்ப்படுத்தப்படவுள்ளது.

இதேவேளை, டிசம்பர் மாதம் 15 ஆம் திகதி வரை மின் வெட்டு தொடரும் என மின்சாரம் மற்றும் எரிசக்தி அமைச்சர் கஞ்சன விஜேசேகர தெரிவித்திருந்தார்.

தெற்கு மற்றும் எல்ல சுற்றுலா வலயங்களுக்கு டிசம்பர் 1 ஆம் திகதி முதல் 1 மணித்தியால இரவு நேர மின்வெட்டில் இருந்து விலக்கு அளிக்கப்படும் எனவும் அமைச்சர் கஞ்சன விஜேசேகர தெரிவித்துள்ளார்.

டிசம்பர் 15 ஆம் திகதி நுரைச்சோலை நிலக்கரி அனல்மின் நிலையத்தின் 3 வது மின்பிறப்பாக்கியை தேசிய மின்வட்டத்துடன் இணைத்துக் கொள்வதன் மூலம் அனைத்து சுற்றுலா வலயங்களுக்கும், இரவு வேளைகளில் மின்வெட்டில் இருந்து விலக்கு அளிக்கப்படும் எனவும் தெரிவிக்கப்படுகின்றது.

மேலும், நாடளாவிய ரீதியில் இரவு நேர மின்வெட்டு 1 மணி நேரம் குறைக்கப்படும் என்றும் தெரவிக்கப்படுகின்றது.

இதேவேளை, கிறிஸ்மஸ் மற்றும் புத்தாண்டு காலங்களில் மின்வெட்டு அமுல்படுத்தப்பட மாட்டாது எனவும் அமைச்சர் கஞ்சன விஜேசேகர மேலும் தெரிவித்துள்ளார்.