2025ஆம் ஆண்டு ஜனவரி மாதம் முதல் அனைத்து அரச ஊழியர்களின் அடிப்படை சம்பளத்தை தகுதிகள், அனுபவம் மற்றும் தற்போதைய பொறுப்புகள் அடிப்படையில் சம்பளத்தை உயர்த்த அமைச்சரவை அங்கீகாரம் வழங்கியுள்ளது.

குறைந்த தரங்களுக்கு 24% மற்றும் உயர் பதவிகளுக்கு 24% முதல் 35% வரையிலான அடிப்படை சம்பள அதிகரிப்புக்கு அமைச்சரவை அங்கீகாரம் வழங்கியுள்ளதாக 

அரச சேவை சம்பள முரண்பாடுகள் தொடர்பான நிபுணர் குழுவின் தலைவர் உதய செனவிரத்ன அறிவித்தார்.

எதிர்வரும் ஜனாதிபதித் தேர்தலில் ஜனாதிபதி ரணில் விக்கிரமசிங்கவுக்கு ஆதரவளிக்க தேசிய மக்கள் சக்தியின் கண்டி மாவட்ட செயற்குழு உறுப்பினரும் கம்பளை தொகுதி அமைப்பாளருமான அனுஷா விமலவீர தீர்மானித்துள்ளார்.

நீதி மற்றும் சிறைச்சாலைகள் இராஜாங்க அமைச்சர் சட்டத்தரணி அனுராத ஜயரத்ன மற்றும் கம்பளை ஐக்கிய தேசியக் கட்சியின் பிரதம அமைப்பாளர் சமந்த அருண குமார ஆகியோரைச் சந்தித்து தமது தீர்மானத்தை அனுஷா விமலவீர அறிவித்தார்.

ரணில் விக்கிரமசிங்கவுக்கு ஆதரவளிக்கும் நோக்கில் ரணில் விக்கிரமசிங்க அழைப்பு விடுத்த ஸ்ரீலங்கா பொதுஜன பெரமுனவின் கம்பளை தொகுதிக் குழுக் கூட்டத்தில் அனுராத ஜயரத்னவும் கலந்துகொண்டார்.

அங்கு உரையாற்றிய அனுஷ விமலவீர, நாட்டைக் கட்டியெழுப்புவதற்கு தேசிய மக்கள் சக்தியிடம் எந்த வேலைத்திட்டமும் இல்லை என்பதாலேயே இந்தத் தீர்மானத்தை எடுத்ததாகத் தெரிவித்தார்.

காலையில் பால் அருந்துபவர்களை கஹட்ட குடிக்கத் தயாராகுங்கள் என்று கூறும் அரசியல் முகாமில் இருந்து பயனில்லை என அவர் மேலும் தெரிவித்தார்.

இலங்கை மின்சார சபை இந்த வருடத்தின் முதல் ஆறு மாதங்களில் (2024) ரூ. 11,920 கோடி நிகர லாபம் ஈட்டியுள்ளது.

இந்த ஆண்டின் முதல் காலாண்டில் ரூ. 84.67 கோடி நிகர லாபமும், இரண்டாவது காலாண்டில் ரூ. இந்த ஆண்டின் முதல் 6 மாதங்களில் 3,453 கோடி நிகர லாபம் ஈட்டியுள்ளதாக மின்சார வாரியம் தெரிவித்துள்ளது.

இலங்கை மின்சார சபை கடந்த வருடம் (2023) இரண்டாம் காலாண்டில் ரூ. 2,065 கோடி லாபம் ரூ. 3,453 கோடி லாபம், 67.2 சதவீதம் வளர்ச்சி.

பாராளுமன்ற உறுப்பினர் அலி ஸாஹிர் மெளலானா அபிவிருத்தி திட்டங்களுக்கான அமைச்சரவை அந்தஸ்து அற்ற அமைச்சராகவும் பாராளுமன்ற உறுப்பினர் வடிவேல் சுரேஷ் தொழில் இராஜாங்க அமைச்சராகவும் நியமிக்கப்பட்டுள்ளார்கள். 

பாராளுமன்ற உறுப்பினர் மனுஷ நாணயக்கார நீக்கப்பட்டதையடுத்து ஏற்பட்ட வெற்றிடத்துக்காக SJB காலி மாவட்ட உறுப்பினர் பந்துல லால் பண்டாரிகொட இலங்கை நாடாளுமன்ற உறுப்பினராக இன்று சத்தியப்பிரமாணம் செய்துகொண்டார்.

இலங்கையின் தென் மேற்கு பகுதியில் நிலவும் மழையுடனான வானிலை இன்றும் தொடரும் என எதிர்பார்க்கப்படுகிறது.
 
இதற்கமைய மேல் மற்றும் சபரகமுவ மாகாணங்களிலும் காலி மற்றும் மாத்தறை மாவட்டங்களின் சில இடங்களில் 100 மில்லி மீற்றருக்கும் அதிகமான பலத்த மழை பெய்யக்கூடுமென வளிமண்டலவியல் திணைக்களம் எதிர்வு கூறியுள்ளது. 
 
அத்துடன், வடமேல் மாகாணத்திலும், கண்டி மற்றும் நுவரெலியா ஆகிய மாவட்டங்களிலும் இடைக்கிடையே மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.

மதிப்புமிக்க தேசிய வணிக விசேடத்துவ விருதுகள் (NBEA) 2024 இல் பொதுக் காப்புறுதி (General Insurance) பிரிவில் HNB பொதுக் காப்புறுதி (HNBGI) நிறுவனம் இரண்டாம் இடத்தைப் பிடித்துள்ளது. இலங்கையின் தேசிய வர்த்தக சம்மேளனத்தினால் ஏற்பாடு செய்யப்படும் NBEA விருது நிகழ்வானது, பெருநிறுவனங்களின் ஆளுகை, அவற்றின் செயற்றிறன் முகாமைத்துவம், சந்தை அணுகல், பெருநிறுவன சமூகப் பொறுப்பு (CSR), நிதி பெறுபேறுகள் உள்ளிட்ட
விடயங்களில் ஒப்பிட முடியாத சாதனைகளை வெளிப்படுத்தும் நிறுவனங்களைக் கௌரவித்து கொண்டாடுகிறது.

HNB பொதுக் காப்புறுதி, பிரதம நிறைவேற்று அதிகாரி (CEO) சித்துமின ஜயசுந்தர இது தொடர்பில் தெரிவிக்கையில், "NBEA விருது நிகழ்வில் எமக்குக் கிடைத்த அங்கீகாரமானது, புத்தாக்கம் மற்றும் வாடிக்கையாளர்களை மையமாகக் கொண்ட எமது அர்ப்பணிப்பை எடுத்துக் கூறுகின்றது. தொழில்நுட்பத்தை மேம்படுத்துவதற்கும், சிறந்த காப்புறுதித் தீர்வுகளை வழங்குவதற்கான தொடர்ச்சியான முன்னேற்றத்தின் கலாசாரத்தை வளர்ப்பதற்கும் நாம் உறுதி
பூண்டுள்ளோம். எமது சமீபத்திய முதலீடுகள், நிர்வாகத்தில் புரட்சியை ஏற்படுத்துவதிலும், தொழில்துறையின் முன்னணியில் எமது நிலையைத் தக்கவைப்பதிலும் நாம் கொண்டுள்ள கவனத்தை எடுத்துக் காட்டுகின்றது." என்றார்.

தனது 19ஆவது ஆண்டைக் கொண்டாடும் NBEA வழங்கியுள்ள இந்த அங்கீகாரமானது, HNBGI இன் சிறந்த அர்ப்பணிப்பு மற்றும் இலங்கையின் சமூகப் பொருளாதார துறையில் அதன் முக்கிய பங்களிப்புகளை எடுத்துக் கூறுகின்றது. புத்தாக்கம், வாடிக்கையாளரை மையப்படுத்திய செயற்பாடுகள், செயற்பாட்டில் விசேடத்துவம் ஆகியவற்றினால் இயங்கும் காப்புறுதித் துறையில் HNBGI நிறுவனத்தின் முன்னணி நிலையை இந்த கௌரவம் மீண்டும் உறுதிப்படுத்துகிறது.

சமீபத்திய வருடங்களில் HNBGI நிறுவனம், புத்தாக்கமான சேவை வழங்கல் மற்றும் செயற்பாட்டுத் திறனை மேம்படுத்துவதில் முக்கியமான முன்னேற்றங்களை அடைந்துள்ளது. டிஜிட்டல் கொள்கை வெளியீடு, மேம்படுத்தப்பட்ட கட்டணத் தளங்கள் மற்றும் கையடக்கத் தொலைபேசி மூலம் செயற்படும் காப்புறுதி உரிமை கோரலுக்கான மதிப்பீடுகள் போன்ற அதிநவீன டிஜிட்டல் தொழில்நுட்பங்களில் நிறுவனம் முதலீடு செய்துள்ளது. இந்த திட்டங்கள் யாவும், நெறிப்படுத்தப்பட்ட செயன்முறைகள் மற்றும் சிறந்த வாடிக்கையாளர் அனுபவங்களை உறுதி செய்து, போட்டிமிக்க காப்புறுதிச் சந்தையில் HNBGI நிறுவனத்தை தனித்துவமாக
எடுத்துக் காட்டுகிறது.

Azentio Software நிறுவனத்துடன் இணைந்து முன்னெடுக்கப்பட்ட Project Phoenix எனும் தனித்துவமான திட்டமானது, டிஜிட்டல் மாற்றத்திற்கான HNBGI இன் அர்ப்பணிப்பை
எடுத்துக்காட்டுகிறது. இந்த மாற்றத்தை வெளிப்படுத்தும் திட்டமானது, துல்லியம் மற்றும் செயற்பாட்டு செயல்திறனை மேம்படுத்தப்படுத்தும் அதிநவீன Core Insurance System கட்டமைப்பை செயற்படுத்துவதை நோக்கமாகக் கொண்டுள்ளது. அது மாத்திரமன்றி, புதிய Claimee Health திட்டத்தின் அறிமுகமானது, மருத்துவ காப்புறுதி உரிமைகோரலுக்கான முகாமைத்துவத்தில் புரட்சியை ஏற்படுத்துகிறது. இது வாடிக்கையாளர்களுக்கு தங்கு தடையற்ற மற்றும் திறனான காப்புறுதி உரிமைகோரல் செயற்பாட்டு அனுபவத்தை வழங்குகிறது. வாடிக்கையாளர் அழைப்பு மையம் மற்றும் காப்புறுதி உரிமைகோரல் செயலாக்க சேவைகள் போன்ற முக்கிய செயற்பாட்டு நிலையங்கள் தொடர்பான இறுக்கமான கருத்துக் கணிப்புகளை முன்னெடுத்து, வாடிக்கையாளர் திருப்தி தொடர்பில் வலுவான முக்கியத்துவத்தை HNBGI
வழங்குகிறது. இந்த முயற்சிகள் வாடிக்கையாளர் கேள்விகளுக்கு உடனடியான மற்றும் பயனுள்ள தீர்வை வழங்குவதோடு மாத்திரமன்றி, HNBGI இன் நம்பகத்தன்மை மற்றும் வாடிக்கையாளரை மையமாகக் கொண்ட நற்பெயரை வலுப்படுத்துகிறது.

HNB General Insurance பற்றி:

HNB பொதுக் காப்புறுதியானது, இலங்கை முழுவதிலும் உள்ள தனிநபர்கள் மற்றும் வர்த்தக நிறுவனங்களுக்கு வாகனம் முதல் வாகனம் அல்லாத மற்றும் தக்காபுல் தீர்வுகள் வரை பல்வேறு வகையான காப்புறுதித் தேவைகளை பூர்த்தி செய்கின்ற அர்ப்பணிப்புள்ள பங்காளியாகும். HNB Assurance PLC இன் துணை நிறுவனமமும், HNB குழுமத்தின் ஒரு அங்கத்தவருமான HNB General Insurance ஆனது, பரந்த அளவிலான கிளை வலையமைப்பின் மூலம் செயற்படுவதன்
மூலம், நாடு முழுவதும் விரிவான சேவை வழங்கலை உறுதி செய்கிறது. Fitch Ratings Lanka Limited இன் ‘A- (lka)’ இன் காப்புறுதி நிதி வலிமை மதிப்பீட்டின் மூலம், புத்தாக்கம், சிறந்த உபசரிப்புடன், பங்குதாரர்களுக்கு நிலைபேறான மதிப்பை உருவாக்க HNB General Insurance உறுதி பூண்டுள்ளது.