உயிர்த்த ஞாயிறு தாக்குதல் தொடர்பில் Channel 4 தொலைக்காட்சி வௌியிட்டுள்ள ஆவணப்படம் குறித்து முன்னாள் ஜனாதிபதி கோட்டாபய ராஜபக்ஸ அறிக்கை ஒன்றை வௌியிட்டுள்ளார். 

“இலங்கை தொடர்பான Channel 4 அலைவரிசையின் புதிய திரைப்படம்” எனும் தொனிப்பொருளில் 4 பக்க நீண்ட அறிக்கை அமைந்துள்ளது. 

முன்னாள் ஜனாதிபதி கோட்டாபய ராஜபக்ஸ பதவி நீக்கம் செய்யப்பட்ட பின்னர் வௌியிட்டுள்ள முதல் அறிக்கை இதுவென்பது குறிப்பிடத்தக்கது. இந்த அறிக்கையில் தம் மீதான குற்றச்சாட்டுகளுக்கு அவர் பதில் அளித்துள்ளார். 

Channel 4 இன் சமீபத்திய திரைப்படமானது அது முன்னர் வௌியிட்ட படங்களைப் போலவே பொய்களின் திணிவு என்றும் 2005 ஆம் ஆண்டு முதலே ராஜபக்ஸ பாரம்பரியத்தை இருட்டடிப்பு செய்யும் நோக்கில் Channel 4 செயற்பட்டு வருவதாகவும் முன்னாள் ஜனாதிபதி தனது அறிக்கையில் குறிப்பிட்டுள்ளார். 

தன்னை ஜனாதிபதியாக்குவதற்காக இஸ்லாமிய தீவிரவாதிகள் குழு தற்கொலை தாக்குதல்களை நடத்தியதாகக் கூறுவது அபத்தமானது என அவர் கூறியுள்ளார். 

"எனக்கு எதிராக சில அரசியல் உள்நோக்கம் கொண்ட குற்றச்சாட்டுகள் சுமத்தப்பட்ட போதிலும், நான் பதவியில் இருந்தபோது ரோமன் கத்தோலிக்க சமூகத்திற்கு தனிப்பட்ட முறையில் என்னால் முடிந்த அனைத்தையும் செய்துள்ளேன். போர் முடிவுக்கு வந்த பின்னர், மடு தேவாலயத்தின் மறுசீரமைப்பிற்கும் முள்ளிக்குளம் தேவாலயத்தின் புனரமைப்பிற்கும் நான் உதவினேன். புனித பாப்பரசரை இலங்கைக்கு அழைத்து வருவதற்கான ஏற்பாடுகளுக்கு நான் உதவியதுடன், விஜயத்தின் ஒருங்கமைப்பு குழுவிற்கும் தலைமை தாங்கினேன். பொலவலனையில் 16 ஆவது ஆசிர்வாதப்பர் கத்தோலிக்க உயர் கல்வி நிறுவனத்தின் கட்டுமானப் பணிகளிலும் நான் முக்கிய பங்காற்றினேன். அக்காலப் பகுதியில் பேரருட்திரு கர்தினாலுடன் நெருக்கமாக இணைந்து பணியாற்றியுள்ளேன்'' 

என கோட்டாபய ராஜபக்ஸ தனது அறிக்கையில் தெரிவித்துள்ளார். 

மேஜர் ஜெனரல் சுரேஷ் சாலேயை ராஜபக்ஸ விசுவாசி என கூறப்படும் கூற்றுகள் குறித்து கருத்து தெரிவித்துள்ள கோட்டாபய ராஜபக்ஸ, மேஜர் ஜெனரல் சாலே பல ஜனாதிபதிகளின் கீழ் சேவையாற்றிய ஒரு தொழில்முறை இராணுவ அதிகாரி என்றும் அனைத்து இராணுவ அதிகாரிகளுமே அரசுக்கு விசுவாசமானவர்கள் என்றும் தனிப்பட்ட நபர்களுக்கு அல்ல என்றும் கோட்டாபய ராஜபக்ஸ சுட்டிக்காட்டியுள்ளார். 

தாம் 2015 இல் பாதுகாப்புச் செயலாளர் பதவியை விட்டு விலகிய பின்னர் 2019 இல் ஜனாதிபதியாகத் தேர்ந்தெடுக்கப்படும் வரை மேஜர் ஜெனரல் சுரேஷ் சாலேயுடன் தனக்கு எந்தத் தொடர்பும் இருக்கவில்லை எனவும் அவர் கூறியுள்ளார்.  

"நானும் ஒரு முன்னாள் இராணுவ அதிகாரி, அவரைப் போலவே நானும் பல்வேறு அரசாங்கங்களின் கீழ் பணியாற்றினேன். 2015 இல் பாதுகாப்பு செயலாளர் பதவியை விட்டு விலகி, நான் ஜனாதிபதியாக தேர்ந்தெடுக்கப்படும் வரை, மேஜர் ஜெனரல் சாலேக்கும் எனக்கும் எந்த தொடர்பும் இல்லை," 

என்று அவர் தனது அறிக்கையில் குறிப்பிட்டுள்ளார். 

2016 இல் இராணுவப் புலனாய்வுப் பிரிவில் இருந்து மேஜர் ஜெனரல் சலே நீக்கப்பட்ட பின்னர், அவர் மீண்டும் அப்பிரிவில் பணியாற்றவில்லை என்றும் ராஜபக்ஸ சுட்டிக்காட்டியுள்ளார். 

"நான் ஜனாதிபதியான பிறகுதான் அவர் 2019 டிசம்பரில் இருந்து புலனாய்வு சேவையின் தலைவராக உளவுத்துறை பிரிவில் அவர் மீண்டும் இணைந்தார். எனவே மேஜர் ஜெனரல் சாலே 2018 பெப்ரவரியில் தற்கொலை குண்டுதாரிகளை சந்தித்ததாகக் கூறப்படுவது ஒரு கட்டுக்கதை என்பது தெளிவாகிறது," 

என்று அவர் மேலும் குறிப்பிட்டுள்ளார். 

வவுணதீவில் இரண்டு பொலிஸ் உத்தியோகத்தர்கள் கொலை செய்யப்பட்டமை மற்றும் வணாத்திவில்லு சம்பவத்தை சுட்டிக்காட்டி, தற்கொலை குண்டுதாரிகளுடன் இராணுவ புலனாய்வு பிரிவினர் தொடர்புபட்டுள்ளதாக சுமத்தப்படும் குற்றச்சாட்டுக்களையும் முன்னாள் ஜனாதிபதி கோட்டாபய ராஜபக்ஸ நிராகரித்துள்ளார்.

இராணுவ புலனாய்வுப் பிரிவின் குறிப்பிடத்தக்க உறுப்பினர்கள் நல்லாட்சி அரசாங்க காலத்தில் பல மாதங்கள் விளக்கமறியலில் வைக்கப்பட்டமை மற்றும் பொலிஸாரால் கைது செய்யப்பட்டு தடுத்து வைக்கப்பட்டமையை முழு நாட்டு மக்களும் அறிந்திருந்ததாகவும் கோட்டாபய ராஜபக்ஸ குறிப்பிட்டுள்ளார்.

அதிகளவிலான புலனாய்வுப் பிரிவினரையும் முப்படை உறுப்பினர்களையும் போன்று, தாமும் அப்போதைய அரசாங்கத்தின் வேட்டைக்கு உள்ளாகியதாகவும், 2015 ஆம் ஆண்டிலிருந்து 2019 நவம்பர் மாதம் ஜனாதிபதியாகும் வரை, ஒரு பொலிஸ் பிரிவிலிருந்து மற்றுமொரு பொலிஸ் பிரிவிற்கும், ஒரு நீதிமன்றத்திலிருந்து மற்றுமொரு நீதிமன்றத்திற்கும் சென்று கொண்டிருந்ததாகவும் கோட்டாபய ராஜபக்ஸ குறிப்பிட்டுள்ளார்.

உயிர்த்த ஞாயிறு தாக்குதல் தொடர்பில் விசாரண மேற்கொண்ட ஜனாதிபதி ஆணைக்குழுவின் அறிக்கையை பகிரங்கப்படுத்துவதை நிராகரித்ததாக Channel 4 அலைவரிசை சுமத்தும் குற்றச்சாட்டு முற்றிலும் பொய்யான விடயம் என தெரிவித்துள்ள முன்னாள் ஜனாதிபதி கோட்டாபய ராஜபக்ஸ, தாம் அந்த அறிக்கையை பாராளுமன்றத்திற்கு கூட சமர்ப்பித்ததாகவும் தெரிவித்துள்ளார்.

சுகாதார அமைச்சர் கெஹலிய ரம்புக்வெல்லவுக்கு எதிரான நம்பிக்கையில்லாப் பிரேரணைக்கு ஆதரவாக வாக்களிக்க பொஹொட்டுவவைச் சேர்ந்த நாடாளுமன்ற உறுப்பினர்கள் குழுவொன்று செயற்பட்டு வருவதாக நாடாளுமன்றத் தகவல்கள் தெரிவிக்கின்றன.

கடந்த இரண்டு நாட்களாக நாடாளுமன்ற வளாகத்தில் கூடி இது குறித்து விவாதித்தனர்.

கிராமப்புற மருத்துவமனைகளில் நெருக்கடியான பிரச்னைகள் அதிகம் உள்ளதால், எப்படியாவது தீர்வு காண வேண்டும் என்றும், நம்பிக்கை வாக்கெடுப்பை எதிர்த்து, ஜனாதிபதி அல்லது பிரதமரை சந்தித்து பிரச்னைகளுக்கு தீர்வு காண வேண்டும் என்றும் அவர்கள் ஆலோசித்தனர்.

இந்த அரசு ரத்தத்தால் வந்தது, இந்த அரசு மக்களை கொன்று வந்தது என பாராளுமன்ற உறுப்பினர் எஸ்.எம்.மரிக்கார் இன்று (06) பாராளுமன்றத்தில் ஆளும் கட்சி மீது குற்றம் சுமத்தியுள்ளார்.

ஆளுங்கட்சிக்கு கொலை, திருட்டு மட்டும்தான் தெரியும் என்கிறார்.

அவர்களே இந்த நாட்டில் இனவாதத்தையும் மதவெறியையும் தூண்டிவிடுகின்றனர் எனவும் பாராளுமன்ற உறுப்பினர் மேலும் குற்றம் சுமத்தியுள்ளார்.

யுத்தம் முடிவடைந்த பின்னர் அடுத்த தாக்குதல் முஸ்லிம் மக்கள் மீதுதான் என்பதை தாம் அறிந்திருப்பதாகவும், அவர்களால் தான் நாட்டின் அப்பாவி முஸ்லிம் மக்கள் வாழ முடியாத நிலை ஏற்பட்டதாகவும் மேர்கார் மேலும் தெரிவித்தார்.

கொழும்பு டாலி வீதியிலுள்ள ஸ்ரீலங்கா சுதந்திரக் கட்சியின் தலைமை அலுவலகம் மூடப்பட்டுள்ளது.

தயாசிறி ஜயசேகரவை அப்பதவியில் இருந்து நீக்கியதால் அவருக்கு விசுவாசமான தரப்பினர் வந்து சில குழப்பங்களை ஏற்படுத்துவார்கள் எனவும், ஆவணங்கள் வெளியே செல்வதை தடுக்கும் வகையில் இந்த நடவடிக்கை எடுக்கப்பட்டுள்ளதாகவும் தெரிவிக்கப்படுகின்றது.

எவ்வாறாயினும் கட்சித் தலைவரின் தீர்மானத்தை சவாலுக்குட்படுத்தி இன்று (06) பிற்பகல் சட்டத்தரணி ஊடாக நீதிமன்றில் மனுவொன்றை சமர்ப்பிக்கவுள்ளதாக தயாசிறி ஜயசேகர தெரிவித்தார்.

2019 ஆம் ஆண்டு ஏப்ரல் மாதம் 21 ஆம் திகதி இடம்பெற்ற தாக்குதல் சம்பவம் தொடர்பில் சனல் 4 வெளியிட்ட தகவல்களை தாம் பெரிதும் ஏற்றுக்கொள்வதாக முன்னாள் பாராளுமன்ற உறுப்பினர் மேர்வின் சில்வா தெரிவித்துள்ளார்.

நேற்று (05) இடம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவித்த அவர், ஈஸ்டர் தின தாக்குதலுக்கு ராஜபக்சவே காரணம் எனத் தெரிவித்தார்.

அங்கும் அவர் பின்வருமாறு கருத்துத் தெரிவித்தார்.

“ஈஸ்டர் தாக்குதல் குறித்து புலனாய்வுப் பிரிவினரால் அறிவிப்பு வெளியிடப்பட்டது.. இந்தியாவும் இதுபற்றி டிப்ஸ் கொடுத்தது.. அது கொடுக்கப்பட்டபோது, நாட்டின் அரச தலைவர் மைத்திரிபால சிறிசேனவுக்கு இது தெரிந்திருக்க வேண்டும்.. அவர் தெரிந்துகொள்ள வேண்டும்.. முன்னாள் எதிர்க்கட்சியான ராஜபக்சே தெரிந்திருக்க வேண்டும்.. மேல்மட்ட அரசியல்வாதிகள் தெரிந்திருக்க வேண்டும்.. அந்த சதி தான், இந்த பெரிய அழிவு. ஒரு கோமாளித்தனமாக நசுக்கப்பட்டது, இது நடக்காது என்பதில் சந்தேகம் இருக்கிறது.. இது ஒரு பெரிய சதி. மைத்ரிபால சிறிசேனாவுக்கு முதுகெலும்பில்லாததால் நடந்த சதி.. ராஜபக்சே ஆட்சியை பிடிக்கும் அவசியத்துக்காக நடந்த சதி.. கர்தினால் சொல்வது சரிதான்.. நான் அவரை மதிக்கிறேன்.. இதற்கு முக்கிய அரசியல் வாதிகளுடன் பெரிய தொடர்பு உள்ளது. இந்த அதிகாரத்தை கைப்பற்ற ராஜபக்சக்கள் தெரிந்தே இந்த அழிவை செய்தார்களா? மற்றவர்கள் தூண்டினார்களா? யாரும் இல்லை என்று சொல்ல முடியாது.

சனல் 4 ஐ உயர்வாக ஏற்றுக்கொள்கிறேன்.. சில ஊடகங்கள் இதை சாதாரணமாக எடுத்துக் கொள்கின்றன.. இது ஒரு பெரிய பிரச்சனை.. இரண்டு அப்பாக்களையும், சாலி என்ற பாதுகாப்புத் தலைவரையும் நான் டிவியில் பார்த்தேன். தவறு செய்திருந்தால் ஏற்றுக்கொள்ளுங்கள். தவறு.. இதற்கு அஞ்சும் ஆள் நான் இல்லை.. அன்றைய அரச தலைவர்கள் ராஜபக்சே தான் இதற்கு பொறுப்பு.. என்றார்.