ஈரான் அதிபர் இப்ராஹிம் ரைசி விபத்தில் உயிரிழந்ததாக அதிகாரப்பூர்வமாக அறிவிக்கப்பட்டுள்ளது.

அதிபர் இப்ராஹிம் ரைசியுடன் ஹெலிகாப்டரில் பயணித்த வெளியுறவு அமைச்சர் உட்பட 8 பேரும் விபத்தில் உயிரிழந்தனர்.

ஈரான் அதிபர் இப்ராஹின் ரெய்சி பயணித்த ஹெலிகாப்டர் கடும் பனிமூட்டம் காரணமாக ஈரானின் ஜல்பா பகுதியில் மலையில் மோதி விபத்தில் சிக்கியதால் பரபரப்பு ஏற்பட்டது.

அஜர்பைஜானில் நடந்த நிகழ்ச்சி ஒன்றில் பங்கேற்றுவிட்டு திரும்பியபோது இச்சம்பவம் நடந்துள்ளது.

ஹெலிகாப்டரில் ஈரான் வெளியுறவுத்துறை அமைச்சரும் பயணித்துள்ளார். ஈரான் அதிபர் இப்ராஹிம் ரைசி பயணித்த ஹெலிகாப்டர் விபத்தில் சிக்கிய சம்பவத்தில் விபத்து நடந்ததாக கூறப்படும் இடத்தை டிரோன் உறுதி செய்தது. டிரோன் உறுதி செய்த இடத்தை நோக்கி மீட்புக்குழு விரைந்தனர்.

இந்நிலையில், ஈரான் அதிபர் இப்ராஹிம் ரைசி ஹெலிகாப்டர் விபத்தில் உயிரிழந்ததாக அதிகாரப்பூர்வமாக அறிவித்துள்ளார். விபத்து நடந்து 17 மணி நேரத்திற்கு பிறகு ஹெலிகாப்டரின் உடைந்த பாகங்கள் கண்டறியப்பட்டன.

ஹெலிகாப்டர் விபத்தில் யாரும் உயிர் பிழைத்திருக்க வாய்ப்பில்லை என ஈரான் ஊடகங்கள் தகவல் தெரிவித்துள்ளது. அதிபர் இப்ராஹிம் ரைசியுடன் ஹெலிகாப்டரில் பயணித்த வெளியுறவு அமைச்சர் உட்பட 8 பேரும் விபத்தில் உயிரிழந்தனர். அண்டை நாடான அஜர்பைஜானில் நிகழ்ச்சி ஒன்றில் பங்கேற்ற பிறகு டெக்ரானுக்கு திரும்பும் வழியில் ஹெலிகாப்டர் விபத்துக்குள்ளானது.

பிரபல நடிகர் கவிங்க பெரேரா ஐக்கிய தேசியக் கட்சியில் இணைந்துள்ளார்.

சிறிகொத்த கட்சித் தலைமையகத்தில் நடைபெற்ற ஐக்கிய தேசியக் கட்சியின் இளைஞர் தொழிற்சங்க சங்கத்தின் பொதுக் கூட்டத்தில் கலந்துகொண்டு கருத்துத் தெரிவிக்கையிலேயே இவ்வாறு கூறினார்.

எவ்வாறாயினும், அடுத்த தேர்தலில் போட்டியிடுவாரா இல்லையா என்பதை கவிங்க பெரேரா இதுவரை குறிப்பிடவில்லை.

ஸ்ரீலங்கா பொதுஜன பெரமுனவில் இருந்து அண்மையில் ஐக்கிய தேசியக் கட்சியில் இணைந்து கொண்ட நாடாளுமன்ற உறுப்பினர் கயாஷான் நவநந்தன, ஐக்கிய தேசியக் கட்சியின் செயலாளர் நாயகம் பாலித ரங்கே பண்டார ஆகியோரும் இந்நிகழ்வில் கலந்துகொண்டனர்.

ஐக்கிய தேசியக் கட்சியின் இளம் தொழில் வல்லுநர்கள் ஒன்றியம் எதிர்வரும் தேர்தல்களை எவ்வாறு எதிர்கொள்வது என்பதும், கட்சி அமைப்பின் முன்னேற்றம் தொடர்பான மீளாய்வு, கட்சியின் புதிய உறுப்பினர்களுக்கு உறுப்புரிமை வழங்கும் நிகழ்வும் இங்கு இடம்பெற்றுள்ளது.

நாகப்பட்டினம், இலங்கை இடையேயான கப்பல் போக்குவரத்து நாளை துவங்கும் என அறிவிக்கப்பட்டிருந்த நிலையில், மீண்டும் பயணத்திட்டம் தற்காலிமாக ரத்து செய்யப்படுவதாக அறிவிக்கப்பட்டுள்ளது.

நாகையில் இருந்து இலங்கை காங்கேசன் துறைக்கு பிரதமர் நரேந்திர மோடி கடந்த ஆண்டு அக்டோபர் மாதம் கப்பல் போக்குவரத்தை துவங்கி வைத்தார்.

செரியாபாணி எனப் பெயரிடப்பட்டுள்ள இந்த கப்பல் சேவை வடகிழக்கு பருவமழை காரணமாக போக்குவரத்து சேவை ஒத்தி வைப்பதாக அறிவிக்கப்பட்டது.

அதனைத் தொடர்ந்து மீண்டும் கப்பல் போக்குவரத்தினை Indsri ferry private limited என்ற தனியார் நிறுவனத்திடம் மத்திய அரசு ஒப்படைத்தது. கடந்த 13ம் திகதி கப்பல் சேவை தொடங்கும் என அந்த தனியார் நிறுவனம் அறிவித்தது.

சிவகங்கை என்ற கப்பல் அந்தமானில் இருந்து கொண்டுவரப்பட்டு சென்னை துறைமுகத்தில் நிறுத்தப்பட்டுள்ளது. இந்நிலையில் சில சட்டரீதியான அனுமதிகள் கிடைக்காத காரணத்தால் 13ம் திகதி துவங்க இருந்த கப்பல் போக்குவரத்து சேவை, 19ம் திகதி தொடங்கும் என அறிவிக்கப்பட்டது.

இந்திய எல்லைக்குள் இயக்கும் அனுமதி மட்டுமே பெற்றிருந்த சிவகங்கை கப்பலுக்கு, வணிகக் கடல் துறையின் சர்வதேச பதிவு எண் கிடைக்காத காரணத்தால் கப்பல் போக்குவரத்து தொடங்குவதில் சிரமம் ஏற்பட்டிருந்தது.

இந்நிலையில், நாளை (19ம் திகதி) நாகப்பட்டினம் - காங்கேசன் துறை இடையிலான கப்பல் போக்குவரத்து சேவை தொடங்கும் என அறிவிக்கப்பட்டிருந்த நிலையில் மீண்டும் போக்குவரத்து சேவை திகதி குறிப்பிடப்படாமல் ஒத்திவைக்கப்பட்டுள்ளது.

இது தொடர்பாக அந்த கப்பல் நிறுவனம் வெளியிட்டுள்ள செய்தி குறிப்பில்,

’தவிர்க்க முடியாத கடல் போக்குவரத்து விதி மற்றும் காலநிலை மாற்றம் காரணமாக திட்டமிட்ட கப்பல் போக்குவரத்தை தொடங்க முடியவில்லை. கப்பல் இயக்கப்படும் திகதி விரைவில் அறிவிக்கப்படும். முன்பதிவு செய்துள்ள பயணிகள் தங்களது பயணத் தொகையை திரும்ப பெற்றுக் கொள்ள வசதி ஏற்படுத்தப்பட்டுள்ளது.பொதுமக்கள் சிரமத்திற்கு மன்னிக்க வேண்டும்’ என தெரிவிக்கப்பட்டுள்ளது.

கப்பல் போக்குவரத்து சேவை தொடர்ந்து ஒத்திவைக்கப்பட்டு வருவதால், டிக்கெட் முன்பதிவு செய்துள்ள பயணிகள் ஏமாற்றம் அடைந்துள்ளனர்.

வெலிவேரிய நகரின் ரத்துபஸ்வல பிரதேச மக்கள் நடத்திய ஆர்ப்பாட்டத்தின் போது மூவர் சுட்டுக் கொல்லப்பட்ட சம்பவம் தொடர்பான வழக்கில் சந்தேகநபர்கள் நால்வரையும் விடுதலை செய்து கம்பஹா மேல் நீதிமன்றம் உத்தரவிட்டுள்ளது.

முன்னாள் இராணுவ மேஜர் உட்பட நான்கு சந்தேகநபர்கள் விடுதலை செய்யப்பட்டுள்ளனர்.

2013 ஓகஸ்ட் முதலாம் திகதி, கம்பஹா வெலிவேரி, ரத்துபஸ்வலவை மையமாகக் கொண்ட தனியார் வர்த்தகக் குழுவொன்றின் தொழிற்சாலையொன்றில் இருந்து வெளியேறும் கழிவுகளால் குடிநீரில் விஷம் கலந்துள்ளதாகக் கூறி, சுத்தமான நீரைக் கோரி முன்னெடுக்கப்பட்ட ஆர்ப்பாட்டத்தின் போது இந்த இராணுவ துப்பாக்கிச் சூடு நடத்தப்பட்டது.

சம்பவம் நடந்து 11 வருடங்கள் ஆகிறது.

அப்போது, மகிந்த ராஜபக்ச ஜனாதிபதியாகவும், கோத்தபாய ராஜபக்ச பாதுகாப்பு அமைச்சின் செயலாளராகவும் பதவி வகித்தனர்.

அந்த தாக்குதலில் இரண்டு மாணவர்கள் உட்பட 3 பேர் கொல்லப்பட்டனர் மற்றும் கிட்டத்தட்ட 10 மாணவர்கள் உட்பட சுமார் 50 பேர் காயமடைந்தனர்.

சம்பவம் தொடர்பில் ஓய்வுபெற்ற மேஜர் ஜெனரல் அருண தேசப்பிரிய குணவர்தன உள்ளிட்ட நால்வருக்கு எதிராக சுமத்தப்பட்ட குற்றச்சாட்டை சட்டமா அதிபர் நிரூபிக்கத் தவறியதாக உயர்நீதிமன்றத்தின் மூவரடங்கிய நீதிபதிகள் குழாம் தீர்ப்பளித்ததுடன், குற்றம்சாட்டப்பட்டவர்களை விடுதலை செய்து உத்தரவிட்டது.

கம்பஹா மேல் நீதிமன்ற நீதிபதி நிமல் ரணவீர, நிஷாந்த ஹப்புஆராச்சி மற்றும் சஹான் மாபா பண்டார ஆகிய மூவரடங்கிய மேல் நீதிமன்ற நீதிபதிகள் குழாமினால் இன்று காலை 9.30 மணியளவில் இந்த உத்தரவு பிறப்பிக்கப்பட்டுள்ளது.

கட்டுநாயக்க விமான நிலையத்தில் இடம்பெற்ற சம்பவம் தொடர்பில் கருத்து தெரிவித்த இராஜாங்க அமைச்சர் பிரசன்ன ரணவீர, பயணப் பொதிகளை ஏற்றிச் சென்ற நபரின் காதில் குத்தியதாக தெரிவித்துள்ளார்.

“நான் உண்மையில் என் மனைவியை வெளிநாட்டிற்குச் செல்வதற்காக விமான நிலையத்தில் இறக்கிவிடச் சென்றேன், என் மனைவி அவளிடம் இரண்டு பைகளை வைத்திருந்தார், ஒரு போர்ட்டர் அங்கு வந்த பிறகு, நான் இரண்டு பைகளையும் தள்ளுவண்டியில் வைத்தேன்.

700 ரூபாய் கொடுத்த பிறகு, அந்த பணம் போதாது என்று சொல்ல, அப்போது எனக்கு கோபம் வந்தது.

எங்களைப் போன்ற உயரதிகாரிகளை கூட இப்படித்தான் நடத்துகிறார்கள், அப்பாவி ஏழைகள் எப்படி நடத்தப்படுகிறார்கள் என்பதை நான்  புரிந்துகொண்டு ஒரு புறம் அழைத்துச் சென்று காதில் அறைந்தேன், உண்மைதான். அப்போதுதான் அந்த மனிதர் என்னை அடையாளம் கண்டுகொண்டார்.

ஆனால், விமான நிலையத்தில் பயணிகளின் பொருட்களை ஏற்றிச் செல்வதற்கு ஒரு போர்ட்டர் ஆயிரம் ரூபாய் கட்டணம் வசூலிப்பதாக விமான நிலையத்தில் விளம்பரப் பலகைகள் மூலம் காட்சிப்படுத்தப்பட்டுள்ளது.

அமைச்சரால் தாக்கப்பட்ட போர்ட்டருக்கு எழுநூறு ரூபாவை வழங்கியதாகத் தெரிவிக்கப்படுகிறது.

அடுத்த தேர்தலுக்கு முன், புதிய கூட்டணி மற்றும் ஏனைய கட்சிகளுடன் வரவிருக்கும் பரந்த கூட்டணியின் பணிகள் முடிக்க திட்டமிடப்பட்டுள்ளது.

அதன்படி, ஜூலை மாத நடு வாரத்திற்குள் பணிகளை முடிக்க நேற்று கூடிய கூட்டணியின் நிர்வாகிகள் குழு முடிவு செய்தது.

இந்த கூட்டணியில் சேர்வது குறித்து ஏற்கனவே 15 எஸ்ஜேபி உறுப்பினர்கள் ஆலோசித்துள்ளதாகவும் கட்சியின் மூத்த செய்தி தொடர்பாளர் தெரிவித்தார்.

எதிர்வரும் 8ஆம் திகதி ஹம்பாந்தோட்டையில் நடைபெறவுள்ள புதிய கூட்டணியின் முதலாவது தேர்தல் பிரசாரக் கூட்டத்தில் இணக்கப்பாடு எட்டப்பட்டுள்ள ஏறக்குறைய 40 நாடாளுமன்ற உறுப்பினர்கள் கலந்துகொள்ளவுள்ளதாக பேச்சாளர் மேலும் குறிப்பிட்டுள்ளார்.