எதிர்வரும் ஜனாதிபதித் தேர்தலையும் பொதுத் தேர்தலையும் இரண்டு வருடங்களுக்கு ஒத்திவைக்க வேண்டும் என ஐக்கிய தேசியக் கட்சியின் பொதுச் செயலாளர் பாலித ரங்கே பண்டார தெரிவித்த கருத்தை வன்மையாகக் கண்டிப்பதாக ஐக்கிய குடியரசு முன்னணி தெரிவித்துள்ளது.

இந்த அறிக்கை அரசாங்கத்தின் உத்தியோகபூர்வ அறிக்கையா, அல்லது ஐக்கிய தேசியக் கட்சியின் கருத்தா அல்லது ரங்கே பண்டாரவின் தனிப்பட்ட கருத்தா என்பது தெரியவில்லை, ஆனால் அந்த அறிக்கையின் மூலம் முன்வைக்கப்பட்ட பிரேரணையை தாம் கண்டிப்பதாக ஐக்கிய குடியரசு முன்னணி தெரிவித்துள்ளது.

 ஜனாதிபதி தேர்தலையும், பொதுத் தேர்தல் உள்ளிட்ட பிற தேர்தல்களையும் சரியான நேரத்தில் நடத்த தேர்தல் ஆணையம் உள்ளிட்ட கட்சிகள் நடவடிக்கை எடுக்கும் என்று எதிர்பார்க்கப்படுவதாகவும் ஐக்கிய குடியரசு முன்னணி கூறுகிறது.

முன்னாள் இராஜாங்க அமைச்சர் டயானா கமகேவை சமகி ஜன பலவேக கட்சி உறுப்புரிமையிலிருந்து நீக்கியமைக்கு எதிராக தாக்கல் செய்யப்பட்ட மனுவை தொடர்ந்து விசாரிப்பதா அல்லது வாபஸ் பெறுவதா என்பதை முடிவு செய்ய ஜூலை (07) வரை கால அவகாசம் வழங்கப்பட்டுள்ளது.

டயானா கமகே சார்பில் ஆஜரான ஜனாதிபதி சட்டத்தரணி பைசர் முஸ்தபாவின் கோரிக்கையை ஏற்று, இந்த மனு தொடர்பில் தீர்மானம் எடுப்பதற்கு மனுதாரருக்கு கால அவகாசம் வழங்கி உச்ச நீதிமன்றம் உத்தரவிட்டுள்ளது.

விவசாயம் மற்றும் பெருந்தோட்ட கைத்தொழில் அமைச்சர் மகிந்த அமரவீர, பிரான்ஸ் சென்றுள்ளார்.

இலங்கையை பிரதிநிதித்துவப்படுத்தி, உலக கால்நடை சுகாதார அமைப்பின் 100வது ஆண்டு மாநாட்டில் கலந்து கொண்டுள்ளார். 

விலங்கு உற்பத்தி மற்றும் சுகாதார திணைக்களத்தின் பணிப்பாளர் நாயகம் டொக்டர் ஹேமலி கொத்தலாவல ஆகியோர் இந்த குழுவில் இடம்பெற்றுள்ளனர்.

பிரான்ஸ் தலைநகர் பாரிஸில் இடம்பெற்ற இந்த மாநாட்டில் அமைச்சர் மஹிந்த அமரவீரவின் மகன் பசன் அமரவீரவும் இணைந்து கொண்டுள்ளார். 

வளிமண்டலவியல் திணைக்களத்தின் படி, தென்மேற்கு பருவமழை செயலில் உள்ள நிலை காரணமாக, தற்போதுள்ள மழை மற்றும் காற்றின் நிலை மேலும் எதிர்பார்க்கப்படலாம்.

மேல், சப்ரகமுவ, மத்திய, வடமேல் மற்றும் தென் மாகாணங்களில் அவ்வப்போது மழை பெய்யக் கூடும் என திணைக்களம் தெரிவித்துள்ளது.

மேல் மற்றும் சப்ரகமுவ மாகாணங்களிலும் நுவரெலியா மாவட்டத்திலும் சில இடங்களில் மி.மீ. 100க்கும் மேற்பட்ட கனமழை பெய்யும்.

ஊவா மாகாணம், அம்பாறை மற்றும் மட்டக்களப்பு மாவட்டங்களில் பகல் காலங்களில் அல்லது இரவு நேரங்களில் மழை அல்லது இடியுடன் கூடிய மழை பெய்யும்.

மத்திய மலைநாட்டின் மேற்கு எல்லைகளில் வடக்கு, வடமத்திய, மேல், தெற்கு மற்றும் வடமேல் மாகாணங்களிலும் திருகோணமலை மற்றும் மொனராகலை மாவட்டங்களிலும் கி.மீ. (50-60) வரை பலத்த காற்று வீசக்கூடும் என வளிமண்டலவியல் திணைக்களம் விடுத்துள்ள அறிக்கையில் மேலும் தெரிவிக்கப்பட்டுள்ளது.

தென்மேற்கு பருவமழை காரணமாக வங்காள விரிகுடா மற்றும் அரபிக்கடலில் காற்றின் வேகம் அவ்வப்போது மணித்தியாலத்துக்கு 60-70 கிலோ மீற்றர் வரை அதிகரிக்க கூடும் என கடற்றொழில் திணைக்களம் தெரிவித்துள்ளது.

இந்நிலைமை காரணமாக, நாட்டைச் சூழவுள்ள கடற்பரப்புகள் கொந்தளிப்பாகக் காணப்படக் கூடும் என்பதால், மீள் அறிவித்தல் வரை கடற்றொழில் மற்றும் கடற்கரை நடவடிக்கைகளைத் தவிர்க்குமாறு கடற்றொழில் திணைக்களம் அறிவித்துள்ளது.

மறு அறிவித்தல் வரை, நாட்டை சூழவுள்ள கடற்பரப்புகளில் மீன்பிடி மற்றும் கடல்சார் நடவடிக்கைகளில் ஈடுபடும் மக்களை, மழையுடன் கூடிய அனர்த்த நிலைமை ஏற்பட்டால், கூடிய விரைவில் பாதுகாப்பான இடங்களுக்கு செல்லுமாறு கடற்றொழில் திணைக்களம் அறிவித்துள்ளது. அனர்த்த முகாமைத்துவ மையத்தின் தொலைபேசி எண் 117 ஊடாக உதவிகளைப் பெறலாம் .

இலங்கைத் தொழிலாளர் காங்கிரஸை சரியான பாதையில் வழிநடத்தி அதற்கு மகுடம் சூடியவரே அமரர் ஆறுமுகன் தொண்டமான் என இ.தொ.காவின் தலைவரும் கிழக்கு மாகாண ஆளுநருமான செந்தில் தொண்டமான் விடுத்துள்ள சிரார்த்த தின செய்தியில் தெரிவித்துள்ளார். 

அமரர் ஆறுமுகன் தொண்டமானின் 4ஆவது சிரார்த்த தினத்தை முன்னிட்டு செந்தில் தொண்டமான் விடுத்துள்ள சிரார்த்த தின செய்தியில் மேலும் கூறியுள்ளதாவது, 

அமரர் ஆறுமுகன் தொண்டமான் மலையக மக்களுக்கும் முழு மலையகத்துக்கும் பாதுகாப்பாக திகழ்ந்தவர். சமரசமின்றி மலையக மக்களிக்களின் உரிமைகளுக்காக குரல் கொடுத்த மகத்தான தலைவர்.

சம்பள பேச்சுவார்த்தை முதல் மக்களின் உரிமைகளை வென்றுக்கொடுப்பதில் ஆளும் அரசாங்கங்களுக்கும் கம்பனிகளுக்கும் கடுமையான அழுத்தங்களை கொடுத்ததுடன், அடிப்பணியாது செயல்பட்டார். 

அவரது இழப்பை எவராலும் ஈடுசெய்ய முடியாது. அமரர் ஆறுமுகன் தொண்டமான் காட்டிய வழியில் இ.தொ.கா தமது பயணத்தை தொடரும் என்றும் செந்தில் தொண்டமான் தமது சிரார்த்ததின செய்தியில் கூறியுள்ளார்.

ஸ்ரீலங்கா சுதந்திரக் கட்சி மற்றும் ஜனதா விமுக்தி பெரமுனவின் பல பிராந்திய அமைப்பாளர்கள் எதிர்க்கட்சித் தலைவர் சஜித் பிரேமதாசவைச் சந்தித்து சமகி ஜன பலவேகயவில் இணைந்துகொண்டனர்.

சமகி ஜன பலவேகவினால் அமுல்படுத்தப்படும் மக்கள் சக்தி வேலைத்திட்டத்தின் பொலன்னறுவை மாவட்டக் கூட்டம் இடம்பெற்ற   போது அமைச்சராக இருந்த நந்தசேன ஹேரத், எதிர்க்கட்சித் தலைவர் சஜித் பிரேமதாசவுக்கு ஆதரவளிக்கும் நோக்கில் சமகி ஜன பலவேகயவில் இணைந்துள்ளார்.

மேலும் ஸ்ரீலங்கா சுதந்திரக் கட்சியின் முன்னாள் நாடாளுமன்ற உறுப்பினரும் மகாவலி அபிவிருத்தி அதிகார சபையின் பணிப்பாளருமான திலக், இது தவிர, மக்கள் விடுதலை முன்னணியின் பொலன்னறுவை நகர சபையின் வேட்பாளராக இருந்த எச். சமந்த பண்டாரவும் எதிர்க்கட்சித் தலைவர் சஜித் பிரேமதாசவுடன் இணைந்துள்ளார்.