இராஜாங்க அமைச்சர் டயானா கமகே மற்றும்  பாராளுமன்ற உறுப்பினர்களான சுஜித் சஞ்சய் பெரேரா மற்றும் ரோஹன பண்டார ஆகியோருக்கு இடையில் பாராளுமன்றத்தில் இடம்பெற்ற வாக்குவாதங்கள் தொடர்பான குழு அறிக்கை தயாரிக்கப்பட்டு குழு உறுப்பினர்களின் கையொப்பமிட்ட பின்னர் சபாநாயகரிடம் கையளிக்கப்படவுள்ளது.

குழு உறுப்பினர்கள் இன்று இறுதி அறிக்கையில் கையொப்பமிடுவார்கள் என்று குழுவின் தலைவர் பிரதி சபாநாயகர் அஜித் ராஜபக்ஷ "ஏசியன் மிரருக்கு" தெரிவித்தார்.

இதேவேளை, குழுவில் அங்கம் வகிக்கும் முன்னாள் சபாநாயகர் சமல் ராஜபக்ஷ உடல்நிலை சரியில்லாத காரணத்தினால் இன்றைய பாராளுமன்றத்தில் கலந்து கொள்ளாமல் போகலாம் எனவும் அவ்வாறு இருந்தால் எதிர்வரும் திங்கட்கிழமை சபாநாயகரிடம் கையளிப்பதாகவும் பிரதி சபாநாயகர் தெரிவித்துள்ளார்.

இந்த சம்பவத்தில் சகல பாராளுமன்ற உறுப்பினர்களும் கூடவோ அல்லது குறைவாகவோ ஒழுக்கமின்மையுடன் நடந்து கொண்டதாகவே தோன்றுகின்றது எனவும் அஜித் ராஜபக்ச மேலும் குறிப்பிட்டுள்ளார்.

இலங்கை கிரிக்கெட் நிறுவன அதிகாரிகள் பதவி விலக வேண்டும் என எதிர்க்கட்சியினால் முன்வைக்கப்பட்ட பிரேரணையை ஆளுங்கட்சி வழிமொழிந்ததையடுத்து, அப்பிரேரணை வாக்கெடுப்பு இன்றி ஏகமனதாக நிறைவேற்றப்பட்டுள்ளது.

விளையாட்டுத்துறை அமைச்சர் ரொஷான் ரணசிங்க நேற்று (08) ஆற்றிய உரையைத் தொடர்ந்து, எதிர்க்கட்சித் தலைவர் சஜித் பிரேமதாச இன்று இந்த பிரேரணையை முன்வைத்தார்.

இலங்கை கிரிக்கெட் நிறுவனத்தின் தற்போதைய தலைவர் உள்ளிட்ட சபை உறுப்பினர்கள் உடனடியாக பதவி விலக வேண்டும் என இந்த பிரேரணையில் குறிப்பிடப்பட்டிருந்தது.

கிரிக்கெட் நிர்வாகத்திற்கான புதிய ஏற்பாடுகள் அடங்கிய சட்டமூலம் பாராளுமன்றத்தில் நிறைவேற்றப்பட வேண்டும் எனவும் அதில் சுட்டிக்காட்டப்பட்டிருந்தது.

அமைச்சர் நிமல் சிறிபால டி சில்வா இது தொடர்பான பிரேரணையை உறுதிப்படுத்தினார்.

இதனிடையே, இலங்கை கிரிக்கெட் நிறுவனம், சர்வதேச கிரிக்கெட் பேரவையுடன் கலந்துரையாடியதாக தகவல் கிடைத்துள்ளதால், அதற்கு முரணாக செயற்படக்கூடாது என ஜனாதிபதி ரணில் விக்ரசிங்க தெரிவித்துள்ளார்.

கிரிக்கெட் தொடர்பாக பாராளுமன்றத்தில் இன்று நடைபெற்ற கூட்டத்தின் போது ஜனாதிபதி தமது நிலைப்பாடு தொடர்பில் தௌிவுபடுத்தினார்.

சித்ரசிறி அறிக்கையை நடைமுறைப்படுத்தி புதிய சட்டங்களை கொண்டுவர வேண்டும் எனவும் ஜனாதிபதி இதன்போது தெரிவித்துள்ளார்.

ஸ்ரீலங்கா கிரிக்கட் தொடர்பில் ஏற்பட்டுள்ள சிக்கல் நிலைமையை கருத்திற் கொண்டு அமைச்சர் ரொஷான் ரணசிங்கவிற்கும் முன்னாள் அமைச்சர் சாகல ரத்நாயக்கவிற்கும் இடையில் பாரிய கருத்து மோதல்கள் ஏற்பட்டுள்ளதாக தெரிவிக்கப்படுகின்றது.

கிரிக்கெட் தொடர்பான தீர்மானங்களில் சாகல ரத்நாயக்கவின் தேவையற்ற தலையீடுகளினால் பிரச்சினைக்கு தீர்வுகாண தாம் பெரும் முயற்சிகளை மேற்கொள்ள நேரிட்டதாக விளையாட்டுத்துறை அமைச்சர் நேற்று பாராளுமன்றத்தில் அமைச்சர்கள் குழுவிடம் தெரிவித்ததை அறியலாம்.

“சகல அமைச்சரவைக்கு மேலே செல்ல வருகிறார்” என அமைச்சர் குறிப்பிட்டதாக நாடாளுமன்றத்தின் பேச்சாளர் ஒருவர் தெரிவித்தார்.

எவ்வாறாயினும், இதன் காரணமாக கிரிக்கெட் தொடர்பான தீர்மானங்களை மேற்கொள்ளும் போது அமைச்சர் ஜனாதிபதியுடன் கூட முரண்பட்டுள்ளதாகவும் அந்த அறிக்கையில் தெரிவிக்கப்பட்டுள்ளது. 

வரவு செலவுத் திட்டத்தை பாராளுமன்றத்தில் சமர்ப்பிப்பதற்கு முன்னர் பொஹொட்டுவ தலைமையிலான குழு ஜனாதிபதி ரணில் விக்கிரமசிங்கவை சந்திக்கவுள்ளது.

அதாவது, முன்மொழிவுகள் பற்றி விவாதிப்பதற்கு இந்த சந்திப்பு கோரப்பட்டுள்ளது. 

எதிர்வரும் மூன்று நாட்களுக்குள் இந்த விசேட கூட்டத்தை நடத்துவதற்கு ஏற்பாடுகள் செய்யப்பட்டுள்ளன.

வரவு செலவுத் திட்டத்தில் தமது ஆதரவு தேவைப்படுமாயின் அதற்கான முன்மொழிவுகளை வரவு செலவுத் திட்டத்தில் மக்களுக்கு வழங்குமாறு பொஹொட்டுவ பின்வரிசை பாராளுமன்ற உறுப்பினர்கள் குழுவும் ஜனாதிபதியிடம் கோரிக்கை விடுத்துள்ளதாக தெரிவிக்கப்படுகின்றது.

இதேவேளை, எதிர்வரும் திங்கட்கிழமை வரவு செலவுத் திட்டம் பாராளுமன்றத்தில் சமர்ப்பிக்கப்படுவதற்கு முன்னதாக விசேட அமைச்சரவைக் கூட்டமொன்று காலை நடைபெறவுள்ளது.

இடைக்கால கிரிக்கெட் குழுவை நியமிக்கும் வர்த்தமானி அறிவித்தலை உடனடியாக வாபஸ் பெறுமாறு ஜனாதிபதி ரணில் விக்கிரமசிங்க நேற்று பிற்பகல் இடம்பெற்ற அமைச்சரவை கூட்டத்தில் விளையாட்டுத்துறை அமைச்சர் ரொஷான் ரணசிங்கவிடம் வலியுறுத்தியுள்ளார். 

இதன்காரணமாக சர்வதேச கிரிக்கட் பேரவையில் தாக்கம் கூட ஏற்படலாம் என ஜனாதிபதி அங்கு தெரிவித்துள்ளார்.

அங்கு விளையாட்டுத்துறை அமைச்சர் ரொஷான் ரணசிங்க, ஜனாதிபதி அவர்களே, என்னால் அதைச் செய்யவே முடியாது, நீங்கள் விரும்பினால் என்னை நீக்குங்கள் என்றார்.

பின்னர் இது தொடர்பில் ஆராய அமைச்சரவை உபகுழுவை நியமிப்பதற்கு ஜனாதிபதி ஏற்பாடு செய்தார்.