இலங்கையின் 9வது நிறைவேற்று அதிகாரம் கொண்ட ஜனாதிபதியாக அநுரகுமார திசாநாயக்க ஜனாதிபதியின் செயலகத்தில் பிரதம நீதியரசர் முன்னிலையில் சத்தியப்பிரமாணம் செய்தார்.

ஜனாதிபதி அநுரகுமார திஸாநாயக்கவுக்கு இந்திய பிரதமர் நரேந்திர மோடி தனது டுவிட்டர் தளத்தில் வாழ்த்துக்கள் தெரிவித்துள்ளார். 

ஜனாதிபதியாகத் தெரிவு செய்யப்பட்டுள்ள அனுர குமார திசாநாயக்க அவர்களைச் இந்திய உயர் ஸ்தானிகர் சந்தித்தார். 

இந்தியத் தலைமைத்துவத்தின் நல்வாழ்த்துகளைத் தெரிவித்ததுடன், மக்களின் ஆணையினை வென்றமைக்காக பாராட்டுகளையும் தெரிவித்திருந்தார்.

இலங்கையின் நாகரிக இரட்டையராக இந்தியா, நமது இரு நாடுகளினதும் மக்களது செழுமைக்காக உறவுகளை மேலும் வலுவாக்க உறுதிபூண்டுள்ளது என மேலும் தெரிவித்துள்ளது.

2024 ஜனாதிபதி தேர்தல் முடிவுகளுக்கு அமைய இந்நாட்டின் 9 ஆவது நிறைவேற்று அதிகாரம் கொண்ட ஜனாதிபதியாக அனுர குமார திஸாநாயக்க அதிகாரபூர்வமாக அறிவிக்கப்பட்டுள்ளார்.

தேர்தல்கள் ஆணைக்குழுவின் தலைவர் ஆர்.எம்.ஏ.எல்.ரத்நாயக்க சற்றுமுன்னர் இதனை அறிவித்தார்.

தேர்தல் ஆணைக்குழுவில் சற்றுமுன்னர் இடம்பெற்ற 2024 ஜனாதிபதி தேர்தலின் இறுதி முடிவுகளை அறிவிக்கும் ஊடக சந்திப்பில் கலந்து கொண்டு அவர் இதனை தெரிவித்தார்.

2024 தேர்தல் முடிவுகளுக்கு அமைய முதலாம் கட்ட வாக்கு எண்ணிக்கையில் அநுர குமார திஸாநாயக்க 5,634,915 (42.31%) வாக்குகளையும், சஜித் பிரேமதாக 4,363,035 (32.76%) வாக்குகளையும் பெற்றுக் கொண்டனர்.

இதற்கமைய, அநுர குமார திஸாநாயக்க வாக்கு எண்ணிக்கையில் வெற்றிப் பெற்ற போதும் 50 சதவீத வாக்கினை பெறாத காரணத்தினால் இரண்டாம் கட்ட விருப்பு வாக்கு எண்ணிக்கை இன்று பிற்பகல் ஆரம்பிக்கப்பட்டது.

விருப்பு வாக்கு எண்ணிக்கைக்கு அமைய சஜித் பிரேமதாச 167,867 விருப்பு வாக்குகளையும், அநுர குமார திஸாநாயக்க 105,264 விருப்பு வாக்குகளையும் பெற்றுக்கொண்டனர்.

இதற்கமைய, மொத்த வாக்குகளாக அநுர குமார திஸாநாயக்க 5,740,179 வாக்குகளை பெற்று இந்நாட்டின் 9 ஆவது நிறைவேற்று அதிகாரம் கொண்ட ஜனாதிபதியாக தெரிவு செய்யப்பட்டுள்ளார்.

இவரை எதிர்த்து போட்டியிட்ட சஜித் பிரேமதாச மொத்தமாக 4,530,902 வாக்குகளை பெற்றுக் கொண்டமை குறிப்பிடத்தக்கது.

நடந்து முடிந்த ஜனாதிபதி தேர்தலில் போட்டியிட்ட வேட்பாளர்கள் எவருக்கும் 50 சதவீத பெரும்பான்மை கிடைக்காத காரணத்தால் தற்போது இரண்டாம் விருப்பு வாக்கு எண்ணப்படுகிறது விரைவில் இறுதி முடிவு அறிவிக்கப்படும்.

ஜனாதிபதி வேட்பாளர்கள் பெற்ற வாக்குகள்

1. அநுரகுமார திஸாநாயக்க – 5,634,915 (42.31%)

2.சஜித் பிரேமதாச 43,63,035 (32.76%)

3.ரணில் விக்கிரமசிங்க – 2,299,767 (17.27%)

4. நாமல் ராஜபக்ச – 342,781 (2.57%)

5. அரியநேத்திரன் - 226,343 (1.70%)

6. திலித் ஜயவீர – 122,396 (0.92%)

7. கே.கே. பியதாச 47,543 (0.36%)

எந்தவொரு வேட்பாளரும் 50 சதவீதத்துக்கு மேல் வாக்கு பெறாததால் 2 ஆம் சுற்று வாக்கு எண்ணும் பணி இடம்பெற்றுவருகின்றது.

ஜனாதிபதித் தேர்தலின் முதல் வாக்களிப்பு முடிவுகள் இன்று (21) இரவு 11.00 மணிக்குள் வெளியாகலாம் என நம்புவதாக தேர்தல்கள் ஆணைக்குழு வட்டாரங்கள் தெரிவிக்கின்றன.

இதன்படி முல்லைத்தீவு மாவட்ட தபால் மூல வாக்கு முடிவுகள் விரைவில் வெளியாகும் என தெரிவிக்கப்பட்டுள்ளது.

தேர்தல் முடிவுகளை விரைவாக வெளியிட சிறப்பு திட்டம் பயன்படுத்தப்பட்டுள்ளது.

தபால் வாக்குகள் எண்ணும் பணி வரும் 21ம் திகதி மாலை 4.15 மணிக்கு தொடங்க உள்ளது.

இவ்வருட ஜனாதிபதித் தேர்தலில் கிட்டத்தட்ட 07 இலட்சம் அரச ஊழியர்கள் தபால் மூல வாக்களிப்பை பயன்படுத்தியிருந்தனர்.

இதற்கிடையில், வாக்குகளை எண்ணும் பணியை அரசு ஊழியர்கள் கைமுறையாக மேற்கொள்ளும் என தேர்தல் ஆணையம் அறிவித்துள்ளது.

ஸ்ரீலங்கா பொதுஜன பெரமுனவின் ஸ்தாபகர் முன்னாள் அமைச்சர் பசில் ராஜபக்ஷ கட்டுநாயக்க விமான நிலையத்திலிருந்து இன்று (20) அதிகாலை டுபாய் நோக்கிப் புறப்பட்டதாக விமான நிலையத்திற்குப் பொறுப்பான அதிகாரி உறுதிப்படுத்தினார்.

பசில் ராஜபக்ஷ இன்று (20) அதிகாலை 03.05 மணியளவில் எமிரேட்ஸ் விமானமான EK-649 இல் டுபாய்க்கு சென்றுள்ளார்.

கட்டுநாயக்க விமான நிலையத்தில் உள்ள "கோல்ட் ரூட்" முனையத்தில் 206 அமெரிக்க டொலர்களை செலுத்தி இந்த விமானத்தை அணுகுவதற்கான வசதியையும் அவர் பெற்றிருந்தார்.

இந்த வசதியின் கீழ், அனைத்து விமான நிலைய அனுமதி நடவடிக்கைகள், அதாவது சுங்கம், குடியேற்றம், முதலியன அதிகாரிகள் முனையத்திற்கு வந்து அதைச் செய்கிறார்கள்.

பசில் ராஜபக்ச டுபாய் சென்று அங்கிருந்து அமெரிக்கா செல்வார் என்றும், அமெரிக்கா செல்வதற்கு அவர் எப்போதும் இந்த விமானப் பாதையையே பயன்படுத்துவார் என்றும் கட்டுநாயக்க விமான நிலைய வட்டாரங்கள் தெரிவித்தன.

எதிர்வரும் 21ஆம் திகதி நடைபெறவுள்ள ஜனாதிபதித் தேர்தலை முன்னிட்டு நாடளாவிய ரீதியில் உள்ள அனைத்து பாடசாலைகளும் நாளை (20) மூடப்படும் என கல்வி அமைச்சு தெரிவித்துள்ளது.

மேலும், வாக்குச் சாவடியாகப் பயன்படுத்தப்படும் பாடசாலைகளை செப்டம்பர் 19-ஆம் திகதி பாடசாலை நேரம் முடிந்த பிறகு கிராம அலுவலர்களுக்குத் தேவைக்கேற்ப வழங்க வேண்டும்.

மேலும், வாக்கு எண்ணும் மையங்களாகப் பயன்படுத்தப்படும் பாடசாலைகள் ஒவ்வொரு பாடசாலைக்கும் தொடர்புடைய காலத்தில் மட்டுமே மூடப்படும். 

ஜனாதிபதி தேர்தல் பிரச்சாரங்கள் நள்ளிரவுடன் நிறைவுக்கு வந்துள்ளது.

இலங்கையின் அடுத்த ஜனாதிபதி யார் எனும் கேள்விக்கான பதிலை அறிய இன்னும் மூன்று நாட்களே எஞ்சி உள்ள நிலையில், தற்போதைய ஜனாதிபதி தேர்தல் களமானது இலங்கை வரலாற்றில் மிகவும் முக்கியத்துவம் வாய்ந்ததாகவும் நாட்டினுடைய எதிர்காலத்தின் நிலையினை தீர்மானிக்கின்ற பெரும் பொறுப்பு நாட்டு மக்களிடம் ஒப்படைக்கப்பட்டுள்ளது.

அந்தவகையில் இம்முறை ஜனாதிபதி தேர்தல் களத்தில் 39 ஜனாதிபதி வேட்பாளர்கள் போட்டியிடுவதற்கான வேட்பு மனுக்களை வழங்கியிருந்தனர்.

இந்நிலையில், ஐக்கிய மக்கள் சக்தியின் சார்பில் சஜித் பிரேமதாசவும் தேசிய மக்கள் சக்தியின் சார்பில் அனுரகுமார திசநாயக்கவும் சிறிலங்கா பொதுஜன பெரமுன சார்பில் நாமல் ராஜபக்சவும் ஐக்கிய தேசிய கூட்டணி சார்பில் சுயேட்சை வேட்பாளராக ரணில் விக்கிரமசிங்கவும் பிரதான வேட்பாளர்கள் என்ற வரிசையில் முக்கிய இடத்தை வகித்து வருகின்றனர்.

அதேவேளை தமிழ் மக்களை பிரதிநிதித்துவப்படுத்தி இம்முறை தமிழ் தேசிய பொதுக் கட்டமைப்பினரால் தமிழ் பொதுவேட்பாளராக பா.அரியநேந்திரன் போட்டியிடுகின்றார்.

இவ்வாறானதொரு நிலையில் கடந்த சில வாரங்களாக இடம்பெற்ற தேர்தல் பரப்புரை கூட்டங்கள் நள்ளிரவுடன் நிறைவுக்கு வந்துள்ளது.