இஸ்ரேல் மற்றும் ஈரான் இடையில் ஏற்பட்டுள்ள போரை உடனடியாக முடிவுக்கு கொண்டுவந்து வளைகுடா நாடுகள் மற்றும் மேற்காசிய பிராந்தியத்தில் ஏற்பட்டுள்ள பதட்டமான சூழல் மற்றும் அமைதியின்மையை போக்க ஐநாவும் உலக நாடுகள் தலையிட வேண்டும் என இலங்கைத் தொழிலாளர் காங்கிரஸின் தலைவர் செந்தில் தொண்டமான் வலியுறுத்தியுள்ளார். 

இஸ்ரேல் - ஈரான் போரால் பல மில்லியன் கணக்கான மக்கள் மேற்காசிய பிராந்தியத்தில் பாதிக்கப்பட்டுள்ளனர். குறிப்பாக ஈரான், இஸ்ரேல், பலஸ்தீனம் ஏமன் போன்ற நாடுகளில் தினமும் பல நூறு பேர் இறக்கின்றனர். ஈரானிலிருந்து பல இலட்சக்கணக்கான மக்கள் வெளியேறி வருகின்றனர். 

மனிதகுலம் தோன்றி பலாயிரம் ஆண்டுகளை கடந்து இன்று நாகரீகமான மற்றும் நவீன தொழில்நுட்ப உலகில் வாழ்ந்துக்கொண்டிருகிறது. உலகம் முழுவதும் சமாதானம் மற்றும் ஒற்றுமையை பேண சகல நாடுகளும் செயல்படுகின்றன. அதற்காகவே ஐக்கிய நாடுகள் சபை உட்பட பல்வேறு உகலாவிய அமைப்புகளும் உருவாக்கப்பட்டுள்ளன. 

இஸ்ரேல் - ஈரான் போர் அந்த இரு நாடுகளில் மாத்திரம் தாக்கத்தை ஏற்படுத்தக் கூடியதல்ல. அது ஒட்டுமொத்த உலக பொருளாதாரத்திலும் பெரும் தாக்கத்தை ஏற்படுத்தக் கூடியது.

மேலும் இஸ்ரேல் மற்றும் ஈரானில் உள்ள இலங்கை மக்களின் பாதுகாப்பு உறுதிப்படுத்தப்பட வேண்டும் எனவும் இ.தொ.காவின் தலைவர் செந்தில் தொண்டமான் தெரிவித்துள்ளார்.

சமகால அரசாங்கத்தால் பொதுமக்களுக்கு முன்வைத்துள்ள 'வளமான நாடு – அழகான வாழ்வு' கொள்கைப் பிரகடனத்தின் பிரகாரம், முன்னாள் ஜனாதிபதிமாருக்கும் மற்றும் அவர்களின் குடும்பங்களுக்கும் வழங்கப்பட்டுள்ள விசேட சிறப்புரிமைளை இரத்துச் செய்வதற்காகவும், பாராளுமன்ற உறுப்பினர்களுக்கு 05 வருடங்களுக்குப் பின்னர் வழங்கப்படும் ஓய்வூதியத்தை இரத்துச் செய்வதற்கு மக்கள் ஆணை வழங்கியுள்ளனர்.

அதற்கமைய, முன்னாள் ஜனாதிபதிமாருக்கும் மற்றும் அவர்களின் குடும்பங்களுக்கும் வழங்கப்பட்டுள்ள விசேட சிறப்புரிமைளை இரத்துச் செய்வதற்காகவும், பாராளுமன்ற உறுப்பினர்களுக்கு வழங்கப்படும் ஓய்வூதியத்தை இரத்துச் செய்வதற்கும் இயலுமாகும் வகையில், 1986 ஆம் ஆண்டின் 04 ஆம் இலக்க ஜனாதிபதியின் உரித்துக்கள் சட்டம் மற்றும் 1977 ஆம் ஆண்டின் 01 ஆம் இலக்க பாராளுமன்ற ஓய்வூதியச் சட்டங்களை இரத்துச் செய்வதற்காக 02 சட்டமூலங்களைத் தயாரிப்பதற்கு சட்டவரைஞருக்கு ஆலோசனை வழங்குவதற்காக நீதி மற்றும் தேசிய ஒருமைப்பாட்டு அமைச்சர் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளது.

இன்றையதினம் (17) நாட்டின் மேல், சப்ரகமுவ மாகாணங்களிலும் நுவரெலியா, கண்டி, காலி, மாத்தறை மாவட்டங்களிலும் அவ்வப்போது மழை பெய்யும் என எதிர்பார்க்கப்படுவதாக, வளிமண்டலவியல் திணைக்களம் எதிர்வுகூறியுள்ளது.

சில இடங்களில் 50 மி.மீ. அளவான மிதமான மற்றும் ஓரளவு பலத்த மழை பெய்யக்கூடும்.

வடமேல் மாகாணத்திலும் மாத்தளை மாவட்டத்திலும் அவ்வப்போது மழை பெய்யக்கூடும்.

ஊவா மாகாணம் மற்றும் அம்பாறை, மட்டக்களப்பு மாவட்டங்களின் சில இடங்களில் மாலை அல்லது இரவில் மழை அல்லது இடியுடன் கூடிய மழை பெய்யக்கூடும்.

மத்திய மலைநாட்டின் மேற்கு சரிவுகளிலும் வடக்கு, வடமத்திய, வடமேல், மேல், சப்ரகமுவ, தென் மாகாணங்களிலும் திருகோணமலை மாவட்டத்திலும் அவ்வப்போது மணிக்கு 30-40 கி.மீ வேகத்தில் பலத்த காற்று வீசக்கூடும்.

பலத்த காற்றினால் ஏற்படும் ஆபத்துகளைக் குறைக்க தேவையான நடவடிக்கைகளை எடுக்குமாறு பொதுமக்கள் கேட்டுக்கொள்ளப்படுகிறார்கள்.

உயிர்த்த ஞாயிறு  தாக்குதல்கள் தொடர்பான விசாரணைகள் ஏற்கனவே முறையாக முன்னெடுக்கப்பட்டிருப்பதாக தொழில் பிரதி அமைச்சர் மஹிந்த ஜெயசிங்க தெரிவித்தார்.

உயிர்த்த ஞாயிறு தாக்குதலுக்கு நீதி வழங்குவதற்காக வழங்கிய வாக்குறுதியை அரசாங்கம் மறந்துவிட்டதாக பேராயர் கர்தினால் மல்கம் ரஞ்சித் ஆண்டகை கவலை தெரிவித்திருந்தமைக்கு பதிலளிக்கும் வகையிலேயே பிரதி அமைச்சர் இவ்வாறு தெரிவித்துள்ளார்.

உயிர்த்த ஞாயிறு தாக்குதல்கள் தொடர்பாக இதுபோன்ற அறிக்கையை வெளியிட பேராயர் கார்டினல் மெல்கம் ரஞ்சித் ஆண்டகைக்கு உரிமை உண்டு என்றும் பிரதி அமைச்சர்  தமது பதிலில்  தெரிவித்துள்ளமை குறிப்பிடத்தக்கது.

இதுபற்றி மேலும் தெரிழவித்த பிரதியமைச்சர்:

உயிர்த்த ஞாயிறு தாக்குதலுக்கு பொறுப்பானவர்கள் யார் என்பதை வெளிப்படுத்துவது அரசாங்கம் என்ற ரீதியில் எமக்குப் பொறுப்புள்ளது.  குறிப்பிட்ட இலக்கை எம்மால் எட்ட முடிவதில் பின்னடைவு இருந்த போதிலும்  உரிய இலக்கை நோக்கி நாம் செயற்பட்டு வருகிறோம். இதில் தாமதம் ஏற்படுவதில்  எமக்கும் கவலைதான்.  இதுதொடர்பில் பேராயர்  தெரிவித்திருக்கும் கருத்தினால் நாம் மனம் தளரவில்லை. அவர் தெரிவித்துள்ள கருத்தில் தவறு இல்லை. உயிர்த்த ஞாயிறு தாக்குதல்களுக்கு பொறுப்பானவர்கள் தண்டிக்கப்பட வேண்டும். இதுவே அரசாங்கத்தின் நிலைப்பாடு. இதற்காகவே இதுதொடர்பான விசாரணைகளை அரசாங்கம் சிறப்பாக முன்னெடுத்து வருகிறது.

இஸ்ரேல் மற்றும் ஈரான் ஆகியவற்றுக்கு இடையிலான பதற்ற நிலையை தணிப்பதற்கு இரு நாடுகளும் இராஜதந்திர முயற்சிகளில் ஈடுபடுமாறு இலங்கை அரசு கோரிக்கை விடுத்துள்ளது.

வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத் துறை அமைச்சு அறிக்கை ஒன்றை வௌியிட்டு இதனை தெரிவித்துள்ளது.

இரு நாடுகளிலும் உள்ள இலங்கைத் தூதரகங்கள் நிலைமையை உன்னிப்பாகக் கண்காணித்து வருகின்ற நிலையில், அங்கு உள்ள இலங்கைப் பிரஜைகளுடன் தொடர்பில் உள்ளன.

அவர்களை மிகுந்த எச்சரிக்கையுடனும், விழிப்புடனும் இருக்குமாறு அறிவுறுத்தப்பட்டுள்ளதாகவும் வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத் துறை அமைச்சு மேலும் தெரிவித்துள்ளது.

"May Day" மேடே' என கூறினால் கதை முடிந்தது... பைலட்கள் பேசும் ரகசிய வார்த்தைகளின் அர்த்தம்... இதை யாரும் சொல்ல மாட்டாங்க.

விமானங்களின் பைலட்கள் பயன்படுத்தி வரும் ரகசிய வார்த்தைகள் குறித்தும், அவற்றின் அர்த்தங்கள் குறித்தும் இந்த செய்தியில் பார்க்கலாம்.

டெட்ஹெட் (Deadhead) என்றால் உங்களுக்கு என்னவென்று தெரியுமா? அல்லது பேன்-பேன் (Pan-pan) என்ற வார்த்தைக்கான அர்த்தம் தெரியுமா? இந்த வார்த்தைகளுக்கான விளக்கங்களை நீங்கள் தெரிந்து வைத்திருப்பதற்கான வாய்ப்புகள் மிகவும் குறைவு. இவை எல்லாம் விமானங்களின் பைலட்கள் பேசும் ரகசிய மொழியின் சில வார்த்தைகள்.

பைலட்கள் எந்த நாட்டை சேர்ந்தவர்களாக இருந்தாலும், இந்த ரகசிய மொழியை தெரிந்து வைத்திருப்பது மிகவும் அவசியம். பைலட்களும், விமான போக்குவரத்து கட்டுப்பாட்டு அறை ஊழியர்களும் ஒருபோதும் வார்த்தைகளை தவறாக புரிந்து கொள்ளக்கூடாது என்பதற்காக பொதுவான ஒரு ரகசிய மொழி உருவாக்கப்பட்டுள்ளது.

விபத்துக்களை தவிர்ப்பதுதான் இதன் அடிப்படை நோக்கம். ஏனெனில் பைலட்களும், விமான போக்குவரத்து கட்டுப்பாட்டு அறை ஊழியர்களும் வார்த்தைகளை தவறாக புரிந்து கொண்டால், பயங்கரமான விபத்துக்கள் நடைபெறுவதற்கான வாய்ப்புகள் மிகவும் அதிகம். வார்த்தைகளை புரிந்து கொள்வதில் ஏற்பட்ட பிரச்னை காரணமாக கடந்த காலங்களில் மோசமான விமான விபத்துக்கள் அரங்கேறியுள்ளன.

எனவேதான் பைலட்களும், விமான போக்குவரத்து கட்டுப்பாட்டு அறை ஊழியர்களும், எளிதாக புரிந்து கொள்ளும் வகையில் ரகசிய மொழி ஒன்று உருவாக்கப்பட்டுள்ளது. அந்த மொழில் உள்ள முக்கியமான வார்த்தைகளுக்கான அர்த்தம் என்ன? என்பதை இந்த செய்தியில் வழங்கியுள்ளோம். ஒவ்வொரு வார்த்தைக்கான அர்த்தத்தையும் ஒன்றன்பின் ஒன்றாக பார்க்கலாம்.

மேடே (Mayday): விமான பயணங்களின்போது நீங்கள் ஒருபோதும் கேட்கவே கூடாத வார்த்தை இதுதான். இன்ஜின் முழுமையாக செயலிழப்பு போன்ற உயிருக்கே ஆபத்தான மிகவும் அவசர சூழல்களில், பைலட்கள் இந்த வார்த்தையை பயன்படுத்துவார்கள். m'aidez என்ற பிரெஞ்சு வார்த்தையில் இருந்து மேடே என்ற வார்த்தை உருவானது.

'உதவி செய்யுங்கள்' என்பதுதான் இந்த வார்த்தைக்கான அர்த்தம் ஆகும். உயிருக்கு ஆபத்தான அவசர சூழல் என்றால், ரேடியோ கால் தொடங்கும்போது, பைலட்கள் இந்த வார்த்தையை கண்டிப்பாக மூன்று முறை கூற வேண்டும். இப்படி ஒரு சூழல் ஏற்படக்கூடாது என்பதை குறிக்கும் விதமாகதான், இதனை நீங்கள் ஒருபோதும் கேட்க கூடாத வார்த்தை என தொடக்கத்தில் கூறினோம்.

பேன்-பேன் (Pan-pan): இதுவும் அவசர சூழ்நிலையை குறிக்க கூடிய ஒரு வார்த்தைதான். எனினும் மேடே அளவிற்கான அவசர சூழல் கிடையாது. அதற்கு கீழ் நிலையில் உள்ள அவசர சூழல் என்று வேண்டுமானால் சொல்லலாம். தீவிரமான ஒரு பிரச்னைதான். ஆனால் உயிருக்கு அச்சுறுத்தல் இல்லை என்பது போன்ற சமயங்களில் பைலட்களில் இந்த வார்த்தையை பயன்படுத்துவார்கள்.

panne என்ற பிரெஞ்சு வார்த்தையில் இருந்து பேன்-பேன் என்ற வார்த்தை உருவானது. இதற்கு செயலிழப்பு என்று பொருள். இந்த வார்த்தையை உபயோகிக்க வேண்டிய சூழல் ஏற்பட்டால், பேன்-பேன், பேன்-பேன், பேன்-பேன் என விமானங்களின் பைலட்கள் மூன்று முறை கூறுவார்கள். எனவே விமான போக்குவரத்து கட்டுப்பாட்டு அறை ஊழியர்கள் புரிந்து கொள்ள ஏதுவாக இருக்கும்.

வில்கோ (Wilco): will comply என்பதன் சுருக்கம்தான் Wilco. எங்களுக்கு தகவல் கிடைத்து விட்டது. அதற்கு இணங்குகிறோம் என்பதுதான் இதற்கு அர்த்தம். தகவல் கிடைத்தவுடன், அதனை செய்கிறோம் என்பதை தெரிவிப்பதற்கு விமானங்களின் பைலட்கள் வில்கோ என்ற வார்த்தையை பயன்படுத்தி வருகின்றனர்.

ஸ்டாண்ட்பை (Standby): தயவு செய்து காத்திருங்கள் என்பதுதான் இதன் அர்த்தம் ஆகும். பொதுவாக விமான போக்குவரத்து கட்டுப்பாட்டு அறை ஊழியர்களோ அல்லது பைலட்களோ, மெசேஜ்களுக்கு எதிர்வினையாற்ற முடியாத அளவிற்கு மிகவும் பிஸியாக இருக்கும் சமயங்களில், ஸ்டாண்ட்பை வார்த்தையை பயன்படுத்துவார்கள்.

டெட்ஹெட் (Deadhead): விமானத்தின் ஊழியர்களில் யாராவது ஒருவர், பயணிகளின் இருக்கையில் அமர்ந்து பயணம் செய்து கொண்டிருந்தால், அதை குறிப்பதற்கு இந்த வார்த்தையை பயன்படுத்தி வருகின்றனர். பைலட்களும், விமான போக்குவரத்து கட்டுப்பாட்டு அறை ஊழியர்களும் இதுபோல் ஏராளமான ரகசிய வார்த்தைகளை பயன்படுத்தி வருகின்றனர்.

Source : Tamil One India

உள்ளாட்சித் தேர்தலில் போட்டியிட்ட அரசியல் கட்சிகளைச் சேர்ந்த 2,433 வேட்பாளர்கள் இன்னும் தங்கள் வருமானம் மற்றும் செலவு அறிக்கைகளை தேர்தல் ஆணையத்திடம் சமர்ப்பிக்கவில்லை என்று தேர்தல் ஆணையம் தெரிவித்துள்ளது.

சம்பந்தப்பட்ட நபர்கள் குறித்து காவல்துறைக்கு தகவல் தெரிவிக்கப்பட்டு, எதிர்காலத்தில் சட்ட நடவடிக்கை எடுக்கப்படும் என்று அதன் தலைவர் ஆர்.எம்.ஏ.எல். ரத்நாயக்க கூறினார்.

உள்ளூராட்சி மன்றங்களுக்குத் தேர்ந்தெடுக்கப்பட்ட 330 உறுப்பினர்களின் பெயர்களை சில அரசியல் கட்சிகள் இன்னும் பரிந்துரைக்கவில்லை என்று தேர்தல் ஆணையத்தின் தலைவர் மேலும் தெரிவித்தார்.