பெண் ஒருவர் தனியாக பயணிக்க மிகவும் பொருத்தமான இடங்களில் இலங்கைக்கு முதல் இடம் கிடைத்துள்ளது.

பிரபல 'டைம்அவுட்' இதழ் சமீபத்தில் நடத்திய ஆய்வில் இது தெரியவந்துள்ளது.

இரண்டாம் இடம் போர்த்துக்கலுக்கும், மூன்றாவது இடம் செக் குடியரசுக்கும், நான்காவது இடம் ஜப்பானுக்கும் வழங்கப்பட்டுள்ளது. 

இலங்கையில் பொது காப்புறுதித் தீர்வுகளை வழங்கும் முன்னணி நிறுவனமான HNB General Insurance, WTW இனை முக்கிய ஆலோசகராக செயற்படுத்துவதன் மூலம், WTW இன் ResQ Financial Reporter (FR) தீர்வை நடைமுறைப்படுத்திய முதல் உள்ளூர் பொதுக் காப்புறுதி நிறுவனம் எனும் பெயரை பெற்று, சர்வதேச நிதி அறிக்கை தரநிலை (IFRS) 17 இற்கு இணங்குவதற்கான தனது பயணத்தில் முக்கிய மைல்கல்லை அடைந்துள்ளது.

WTW இன் ResQFR ஆனது, IFRS17 நிதிநிலை அறிக்கைகளை தயாரிப்பதற்கான, திறனான, நெகிழ்வான கட்டமைப்பை வழங்குகின்ற ஒரு தீர்வாகும் என்பதுடன், வெளிப்படுத்துகை தேவைகளையும் அது ஆதரிக்கிறது. ஒரு முனையிலிருந்து மறு முனைக்கு அறிக்கை செயன்முறைகளை மேற்கொள்ளும்போது காப்புறுதி வழங்குனர்களுக்கு நேரத்தையும் வேலையையும் மீதப்படுத்துகிறது. IFRS 17 தரநிலையானது, 2026 ஆம் ஆண்டளவில் இலங்கையில் உள்ள காப்புறுதி நிறுவனங்களுக்கு கட்டாயமாக்கப்பட்டுள்ள ஒன்றாகும்.

இந்த புதிய தரநிலையானது, காப்புறுதிப் பொறுப்புகளை அளவிடுவதற்கும், நிதி அறிக்கையிடலில் அதிக வெளிப்படைத்தன்மை மற்றும் ஒப்பீட்டுத் தன்மையை ஏற்படுத்துவதற்கும் நியாயமான மதிப்பீட்டு அணுகுமுறையைப் பின்பற்றுவதற்கு காப்புறுதி வழங்குனர்களை கட்டாயப்படுத்துகிறது. HNB பொதுக் காப்புறுதியின், ResQFR புத்தாக்க தழுவலானது, சர்வதேச ரீதியான சிறந்த நடைமுறைகளை முன்கூட்டியே ஏற்றுக்கொள்வதற்கான அதன் சிறந்த உறுதிப்பாட்டை எடுத்துக் காட்டுகிறது. இந்த தொகுதியானது, IFRS 17 இன் கீழ் அதன் நிதி செயற்றிறனைத் துல்லியமாக மதிப்பிடுவதற்கும் வெளிப்படுத்துவதற்கும் தேவையான கருவிகள் மற்றும் திறன்கள் மூலம் நிறுவனத்தை நிலைநிறுத்துகிறது.

HNB General Insurance Limited இன் பிரதம நிறைவேற்று அதிகாரி, சித்துமின ஜயசுந்தர இது குறித்து தெரிவிக்கையில், “WTW இன் ResQFR தீர்வை தழுவுவதில், இலங்கையில் உள்ள பொதுக் காப்புறுதி நிறுவனங்களுக்கிடையில் முன்னோடியாக இருப்பதானது, எமது அர்ப்பணிப்பிற்கு ஒரு சான்றாகும். இந்த மூலோபாய முதலீடானது, IFRS 17 இன் இணக்கத்திற்கான எமது உறுதிப்பாட்டை மீண்டும் உறுதிப்படுத்துவதோடு, எமது நிதி வெளிப்பாடுகளில் துல்லியம் மற்றும் திறந்த தன்மையை உறுதி செய்கிறது. அதிகரித்து வரும் ஒழுங்குமுறைப்படுத்தல் பிரிவில் வழிநடத்துவதற்கும் எமது மூலோபாய நோக்கங்களை நிறைவேற்றுவதற்குI ம் ஒரு முக்கியமான சொத்தாக ResQFR இருக்கும் என நாம் உறுதியாக நம்புகிறோம்" என்றார். 

நிதி அறிக்கைக்கான புதிய தேவைகளை அறிமுகப்படுத்துவதன் மூலம், காப்புறுதித் துறையில் ஒரு முக்கிய மாற்றத்தை IFRS 17 ஏற்படுத்துகிறது. HNB பொதுக் காப்புறுதியானது, ResQFR இனை ஒருங்கிணைப்பதன் மூலம், பல பலன்களைப் பெறும். மிகவும் வலுவான மற்றும் திறனான நிதி அறிக்கை, மேம்படுத்தப்பட்ட தரவு முகாமைத்துவம், பகுப்பாய்வு திறன்கள், நிதி வெளிப்பாடுகளில் அதிக வெளிப்படைத்தன்மை, நிலையானதன்மை மற்றும் சந்தையில் போட்டித்தன்மை ஆகியன இவற்றில் அடங்குகின்றன.

HNB பொதுக் காப்புறுதி பிரதம செயற்படுத்தல் அதிகாரி நளின் சுபசிங்க இது பற்றி தெரிவிக்கையில், "WTW இன் ResQFR இனை நடைமுறைப்படுத்துவதானது, HNB பொதுக் காப்புறுதியின் குறிப்பிடத்தக்க முன்னேற்றத்தைக் குறிக்கிறது. IFRS 17 இன் கீழ் துல்லியமான நிதி அறிக்கையிடலுக்கான சிறந்த தீர்வுகளை தழுவுவதில் நாம் கொண்டுள்ள உறுதிப்பாட்டை இந்த முயற்சி எடுத்துக் காட்டுகிறது. ResQFR மூலம் புதிய ஒழுங்குமுறை கட்டமைப்பு சிக்கல்களைத் தீர்க்க நாம் நன்கு தயார் நிலையில் உள்ளதோடு, எமது செயற்பாடுகளில் வெளிப்படைத்தன்மை மற்றும் செயற்றிறனையும் பேணுகின்றோம்." என்றார்.

WTW இந்தியா மற்றும் இலங்கையின் காப்புறுதி ஆலோசனை மற்றும் தொழில்நுட்ப தலைவர் விவேக் ஜலான் இது பற்றி தெரிவிக்கையில், "ResQFR ஆனது, கணிப்பீடு மற்றும் தரவு முகாமைத்துவ தீர்வாகும். இது IFRS 17 இன் சிக்கலான தன்மையை பொறுப்பேற்று பேணுவதால், காப்புறுதி நிறுவனங்கள் தமது வணிகத்தின் முக்கிய செயற்பாடுகளில் கவனம் செலுத்த முடியும். இது P&C காப்புறுதி வழங்குனர்களுக்கு IFRS 17 ஐ விரைவாக செயற்படுத்தும் வகையில் வடிவமைக்கப்பட்டுள்ளது. HNB பொதுக் காப்புறுதியானது, WTW இனை தெரிவு செய்ததிலும், IFRS 17 இணக்கத்தை நோக்கிய அவர்களது பயணத்தில் அவர்களுக்கு ஆதரவளிப்பதற்காக எமது தீர்வைத் தேர்ந்தெடுத்துள்ளமை தொடர்பிலும் நாம் மகிழ்ச்சியடைகிறோம். எமது ஆலோசகர்களுடன் இணைந்து பணியாற்றுவதன் மூலம், HNB பொதுக் காப்புறுதி அதன் நிதி அறிக்கையிடல் நோக்கங்களை திறம்பட அடைய முடியும் என நாம் நம்புகிறோம்." என்றார். 

HNB General Insurance பற்றி

HNB பொதுக் காப்புறுதியானது, இலங்கை முழுவதிலும் உள்ள தனிநபர்கள் மற்றும் வர்த்தக நிறுவனங்களுக்கு வாகனம் முதல் வாகனம் அல்லாத மற்றும் தக்காபுல் தீர்வுகள் வரை பல்வேறு வகையான காப்புறுதித் தேவைகளை பூர்த்தி செய்கின்ற அர்ப்பணிப்புள்ள பங்காளியாகும். HNB Assurance PLC இன் துணை நிறுவனமமும், HNB குழுமத்தின் ஒரு அங்கத்தவருமான, HNB General Insurance ஆனது, பரந்த அளவிலான கிளை வலையமைப்பின் மூலம் செயற்படுவதன் மூலம், நாடு முழுவதும் விரிவான சேவை வழங்கலை உறுதி செய்கிறது. Fitch Ratings Lanka Limited இன் ‘A- (lka)’ இன் காப்புறுதி நிதி வலிமை மதிப்பீட்டின் மூலம், புத்தாக்கம், சிறந்த உபசரிப்புடன், பங்குதாரர்களுக்கு நிலைபேறான மதிப்பை உருவாக்க HNB General Insurance உறுதி பூண்டுள்ளது.

WTW பற்றி

WTW இன் காப்புறுதி ஆலோசனை மற்றும் தொழில்நுட்ப பிரிவானது, உலகளாவிய ரீதியில் 35 சந்தைகளில் 1,600 ஊழியர்களைக் கொண்டு இயங்குகின்றது. இது முதன்மையாக காப்புறுதித் துறைக்கு ஆலோசனை, தீர்வுகள், மென்பொருள் உள்ளிட்டவற்றை வழங்குவதில் முன்னணியில் திகழ்கின்றது. நிதி மற்றும் ஒழுங்குபடுத்தல் அறிக்கையிடல், நிறுவன இடர் மற்றும் மூலதன முகாமைத்துவம், M&A மற்றும் நிறுவன மறுசீரமைப்பு, தயாரிப்புகள், விலை நிர்ணயம், வணிக முகாமைத்துவம் மற்றும் மூலோபாயம் ஆகியவற்றில் கவனம் செலுத்துவதன் மூலம், அதன் வாடிக்கையாளர்களுக்கு இடர் மற்றும் மூலதனத்தை நிர்வகிக்கவும், வணிக செயற்றிறனை மேம்படுத்தவும் போட்டி மிக்க நன்மைகளை உருவாக்கவும் அதன் ஆலோசனை சேவைகள் உதவுகின்றன.

தொழிலதிபரான தேசமான்ய ஹரி ஜயவர்தனவின் தலைமையின் கீழ் இயங்கும் இலங்கையின் மிகப்பெரும் பல்துறை கூட்டு நிறுவனங்களில் ஒன்றான Melstacorp PLC நிறுவனம், Ragama Melsta Hospital இலுள்ள சிறுநீரகவியல் மற்றும் சிறுநீரக மாற்று சத்திரசிகிச்சை மையத்தின் மூலம், மிகச் சிறந்த பெருநிறுவன சமூகப் பொறுப்பு (CSR) திட்டத்தை அறிமுகப்படுத்தியுள்ளது. Ragama Melsta Hospital இல், சிறுநீரக மாற்று அறுவை சிகிச்சைக்கு உட்படும், தகுதியான சிறுநீரக நோயாளிக்கு மாதாந்தம் ரூ. 10 இலட்சம் (ரூ. 1,000,000) நிதியுதவியை வழங்கவுள்ளது.

ஒவ்வொரு மாதமும் தெரிவு செய்யப்படும் தகுதியுள்ள நோயாளிக்கு வழங்கப்படும் ரூ. 10 இலட்சம் பெறுமதியான அனுசரணையானது, குறித்த அறுவை சிகிச்சை மற்றும் அது தொடர்பான செலவுகளில் 30% தொடக்கம் 35% வரையான செலவை ஈடுசெய்யும். ஒரு தனிநபர் மற்றும் அவரது குடும்பத்தின் நிதிப் பின்னணியில், குறித்த அறுவை சிகிச்சைக்கு ஏற்படும் தாக்கத்தின் அடிப்படையில், ஒரு சுயாதீனக் குழுவொன்று ஒவ்வொரு மாதமும், மிகவும் தகுதியான நோயாளியை உன்னிப்பாக மதிப்பீடு செய்து தெரிவு செய்யும். அரசாங்கத்தினால் அங்கீகரிக்கப்பட்ட நெறிமுறைகளுக்கமைய, சுகாதார அமைச்சின் அனுமதியைத் தொடர்ந்து, சிறுநீரக மாற்று அறுவை சிகிச்சையை மேற்கொள்வதற்கான அனுசரணையை இவ்வாறு தெரிவு செய்யப்பட்ட நோயாளி பெறுவார்.

அண்மைக் காலமாக, இலங்கையில் சிறுநீரகம் தொடர்பான உடல்நலப் பிரச்சினைகள் அதிகரித்து வருவதால், சிறுநீரக மாற்று சத்திரசிகிச்சைக்கான தேவை அதிகரித்துள்ளது. துரதிர்ஷ்டவசமாக, இந்த சிக்கலான நடைமுறையுடன் தொடர்புடைய நிதிச் சுமையானது, அரசாங்க சுகாதார சேவைகளைப் பாதித்துள்ள பொருளாதார நிலைமைகளால் மேலும் மோசமடைந்து, பெரும்பாலான நோயாளிகளுக்கு இந்த உயிர் காக்கும் சத்திரசிகிச்சையை மேற்கொள்வதை சவாலாக மாற்றியுள்ளது.

நாம் நேரடியாக அறிந்துள்ளோம். அதனாலேயே, Melstacorp PLC இன் தலைமைத்துவம் அதன் நிபுணத்துவம் மற்றும் வளங்களைப் பயன்படுத்த முடிவு செய்து, தகுதியான நபர்கள் மற்றும் அவர்களது குடும்பங்களுக்கு உதவுவதற்கான இந்த தனித்துவமான திட்டத்தை ஆரம்பித்துள்ளது. இது Melstacorp PLC நிறுவனத்தின் ‘Responsible Diversity’ (பொறுப்பான பன்முகத்தன்மை) எனும் பரந்த தூர நோக்குடன் ஒன்றிணைவதோடு, Melsta Health உருவாக்கப்பட்டதன் நோக்கத்தை அது எதிரொலிக்கிறது." என்றார்.

Ragama Melsta Hospital நிறைவேற்றுப் பணிப்பாளரும் Melsta Health நிறுவனத்தின் பணிப்பாளரும் அதன் பிரதம நிறைவேற்று அதிகாரியுமான வைத்தியர் கே. தியாகராஜா இறைவன் இது பற்றி தெரிவிக்கையில், "இத்திட்டத்தின் தனித்துவமான விடயம் யாதெனில், இது ஒரு குறித்த காலப் பகுதிக்கு உட்பட்டதல்ல என்பதாகும். Ragama Melsta Hospital தனது சிறுநீரகவியல் மற்றும் சிறுநீரக மாற்று அறுவைசிகிச்சை மையத்தை முன்னெடுத்துச் செல்லும் வரை, தகுதியான நோயாளிகளுக்கும் அவர்களது குடும்பங்களுக்கும் இந்த உதவியை வழங்க நாம் உறுதியாக உள்ளோம். ஒவ்வொரு மாதமும் ஒரு தகுதியான நோயாளி மற்றும் அவரது குடும்பத்தின் மகிழ்ச்சியின் ஒரு பங்காளராக நாம் இருப்போம். சந்தேகத்திற்கு இடமின்றி, இது ஒரு நிறுவனத்திற்கு மிகப்பெரிய கௌரவமாகும்." என்றார்.

2020 இல் தனது வர்த்தகநாம பெயரை மீள் வடிவமைத்ததிலிருந்து, Melsta Health நிறுவனமானது, அதன் Ragama Melsta Hospital வைத்தியசாலையை மேம்படுத்துவதற்கு அதிகளவான முதலீட்டை மேற்கொண்டுள்ளது. இந்த முயற்சியின் ஒரு பகுதியாக ஆரம்பிக்கப்பட்ட சிறுநீரகவியல் மற்றும் சிறுநீரக மாற்று அறுவை சிகிச்சை மையம், அதன் மேம்பட்ட வசதிகள், அனுபவம் வாய்ந்த மருத்துவ ஊழியர்கள் மற்றும் சிறுநீரக அறுவை சிகிச்சைகளில் 100% வெற்றி விகிதம் ஆகியவற்றிற்காக பாராட்டுகளைப் பெற்றுள்ளது.

இது தொடர்பில் Ragama Melsta Hospital பொது முகாமையாளர் திருமதி றொஷிற்றா நிரோஷன் தெரிவிக்கையில், "Melsta Hospitals உள்ள சிறுநீரகவியல் மற்றும் சிறுநீரக மாற்று அறுவைசிகிச்சை மையமானது, நாட்டில் காணப்படும் இவ்வாறான மையங்களில் மிகவும் மேம்பட்ட மற்றும் புகழ் பெற்ற மையங்களில் ஒன்றாக விளங்குகின்றது. ஒரு பிராந்திய வைத்தியசாலையாக இருந்த போதிலும், யாழ்ப்பாணம் முதல் மாத்தறை வரை நாடளாவிய ரீதியில் ஆயிரக்கணக்கான நோயாளர்கள் எமது வைத்தியசாலையின் மருத்துவ உதவியை நாடுவது, எமது வெற்றிக்கு மிகப் பெரும் சான்றாகும். மிக வெற்றிகரமான சிறுநீரக சத்திரசிகிச்சைகளுக்கு அப்பால், நோயாளிகளுக்கு

மிகவும் கட்டுப்படியான விலையிலான dialysis (குருதி சுத்திகரிப்பு) சேவையை வழங்குவதன் மூலம் சிறந்த சேவை மையமாகவும் புகழ் பெற்றுள்ளது. இந்த புதிய சமூகப் பொறுப்பு (CSR) முயற்சியைத் தொடர்ச்சியாக முன்னெடுப்பதில் நாம் மிகவும் மகிழ்ச்சியடைவதோடு, தகுதியுள்ள இலங்கையர்களின் சுகவாழ்வுக்கான எமது பணி நோக்கத்தை மேலும் வலுப்படுத்துகிறோம்." என்றார்.

சிறுநீரக மாற்று அறுவை சிகிச்சைக்கான அனுசரணை தொடர்பான விபரங்களை அறிந்து கொள்வதை எளிதாக்க, 0776 137 142 எனும் பிரத்தியேக தொலைபேசி இலக்கத்தை Ragama Melsta Hospital அறிமுகப்படுத்தியுள்ளது. இது பற்றி அறிந்து கொள்ள, அலுவலக நேரத்தில் (வேலை நாட்களில் மு.ப. 9.00 - பி.ப. 5.00) Melsta Hospitals மருத்துவமனையை தொடர்பு கொள்ளலாம் அல்லது மருத்துவமனைக்கு நேரடியாக விஜயம் செய்யலாம்.

Melsta Health பற்றி: 

2017இல் நிறுவப்பட்ட இலங்கையின் பெருமைக்குரிய வணிக நிறுவனமான Melstacorp PLC நிறுவனத்தின் மூலோபாய விரிவாக்கமான Melsta Health, இலங்கையின் சுகாதாரத் துறையில் புரட்சியை ஏற்படுத்த உறுதி பூண்டுள்ளது. இந்நிறுவனம் தற்போது Melsta Hospitals, Melsta Laboratories, Melsta Pharmacy என 3 முக்கிய சுகாதாரப் பிரிவுகளில் செயற்பட்டு வருகிறது. அதி நவீன மருத்துவ வசதிகள், அதி நவீன தொழில்நுட்பம், நோயாளிகளை மையமாகக் கொண்ட அணுகுமுறை மூலம், சர்வதேச தரத்துடன் இணைந்த உயர்தர சுகாதார சேவைகளை வழங்குவதை Melsta Hospitals நோக்கமாகக் கொண்டுள்ளது. இலங்கையின் பிரத்தியேகமான ஆய்வுகூட வலையமைப்பான Melsta Laboratories, மேம்பட்ட நோய் கண்டறியும் தொழில்நுட்பங்களைப் பயன்படுத்துவதன் மூலம், துல்லியமான மற்றும் சரியான நேரத்திலான அறிக்கைகளை வழங்குகின்றது. இதன் மூலம், நோயாளிகள் சிறந்த முடிவை பெற உதவுகிறது. சுகாதாரம் மற்றும் சுகவாழ்வு தொடர்பான இக்குழுமத்தின் விரிவான அணுகுமுறையை முழுமைப்படுத்தப்படுத்தியவாறு, இலங்கையர்களுக்கு உயர் தர மருந்துகள் மற்றும் அத்தியாவசிய மருத்துவ பொருட்களை கட்டுப்படியான விலையில் Melsta Pharmacy வழங்குகின்றது.

இந்த வணிகங்களின் ஒருங்கிணைந்த முயற்சிகள் மூலம், உலகத் தரம் வாய்ந்த சுகாதார சேவைகளை இலங்கையர்கள் தங்குதடையின்றி பெறுவதை உறுதி செய்வதற்கான தனது நோக்கத்தை நிறைவேற்ற Melsta Health தன்னை அர்ப்பணித்துள்ளமை குறிப்பிடத்தக்கது.

நான்கு வருடங்களாக கடுங்காவல் சிறையில் உள்ள பொதுபல சேனா அமைப்பின் பொதுச் செயலாளர் வணக்கத்திற்குரிய கலகொட அத்தே ஞானசார தேரரை பிணையில் விடுவிக்குமாறு விடுத்த கோரிக்கையை கொழும்பு மேல் நீதிமன்றம் இன்று நிராகரித்துள்ளது.

இந்தக் கோரிக்கையை நிராகரித்த நீதிபதி ஆதித்ய பட்டபெதிகே, ஞானசார தேரரை பிணையில் விடுவிப்பதற்கான விசேட உண்மைகள் எவையும் நீதிமன்றில் வெளிப்படுத்தப்படவில்லை எனத் தெரிவித்தார்.

ஞானசார தேரரின் உடல்நிலை மற்றும் மேன்முறையீட்டு நீதிமன்றத்தில் மேன்முறையீட்டு மனுவை விசாரிப்பதில் தாமதம் ஏற்பட்டுள்ளதை கருத்திற்கொண்டு, அவரை பிணையில் விடுவிக்குமாறு சட்டத்தரணிகள் ஞானசார தேரரிடமிருந்து இந்த பிணை விண்ணப்பத்தை சமர்ப்பித்திருந்தனர்.

தேசபந்து தென்னகோன் தலைமையில் பல மாதங்களாக தொடர்ச்சியாக இடம்பெற்று வரும் நீதி நடவடிக்கையானது பாதாள உலகமும் போதைப்பொருளும் நாட்டிலிருந்து முற்றாக அழிக்கப்பட்ட பின்னரே முடிவுக்கு வரும் என பொலிஸ் மா அதிபர் குறிப்பிட்டார்.

திட்டமிட்ட குற்றக் கும்பலுடன் தொடர்பில் இருக்கும் பொலிஸ் உத்தியோகத்தர்கள் மீது கடும் நடவடிக்கை எடுக்கப்படும் என அவர் மேலும் தெரிவித்தார்.

ஊடகங்களுக்கு கருத்து தெரிவித்த பொலிஸ் மா அதிபர், இந்த நடவடிக்கையை பாதியில் நிறுத்தினால் நாடு மீண்டும் பழைய நிலைக்கு திரும்பலாம் எனவே சரியான புரிதலுடன் இதனை கையாள்வோம் என்றார்.