சுற்றுலாத்துறை இராஜாங்க அமைச்சர் டயானா கமகே இலங்கை நாடாளுமன்றத்தில் அமர்வதற்கு தகுதியற்றவர் என கோரிய மனுவை மேன்முறையீட்டு நீதிமன்றம் நிராகரித்துள்ளது.

எனினும், அந்த தீர்ப்பை எதிர்த்து தாக்கல் செய்யப்பட்ட மேன்முறையீட்டு மனுவை விசாரிக்க உச்ச நீதிமன்றம் இன்று (19) அனுமதி அளித்துள்ளது.

மேன்முறையீட்டு நீதிமன்றத்தின் தீர்ப்புக்கு எதிராக சமூக ஆர்வலர் ஓஷல ஹேரத் தாக்கல் செய்த மேன்முறையீட்டு மனுவை பரிசீலித்த பிரிதி பத்மன் சூரசேன தலைமையிலான மூவரடங்கிய உச்ச நீதிமன்ற அமர்வு இந்த உத்தரவை பிறப்பித்துள்ளது.

அனுபவமற்ற ஜனாதிபதியை நியமித்து நாட்டை மீண்டும் ஆபத்தில் தள்ள முடியாது என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தெரிவித்துள்ளார்.

பொருளாதார நெருக்கடியை தீர்த்து நாட்டை ஸ்திரப்படுத்துவதற்கு ரணில் விக்கிரமசிங்கவுக்கு இன்னொரு சந்தர்ப்பம் வழங்கப்பட வேண்டும் என தனிப்பட்ட முறையில் தாம் நம்புவதாகவும் அமைச்சர் கூறினார்.

இன்று (18) மாத்தறை மாவட்ட ஒருங்கிணைப்புக் குழுக் கூட்டத்தில் பங்கேற்ற பின்னர் ஊடகவியலாளர்கள் எழுப்பிய கேள்விகளுக்கு பதிலளிக்கும் போதே அமைச்சர் இதனைத் தெரிவித்தார்.

தொழிலதிபர் தம்மிக்க பெரேரா, பொஹொட்டுவவில் இருந்து ஜனாதிபதி தேர்தலில் போட்டியிடுவார் என அறிவித்துள்ளதாக ஊடகவியலாளர் ஒருவர் தெரிவித்ததுடன், அதற்கு பதிலளித்த பிரசன்ன ரணதுங்க, ஜனாதிபதித் தேர்தல் வேட்புமனு தொடர்பில் தம்மிக்க பெரேராவுடன் பொஹொட்டுவா உடன்படிக்கைக்கு வரவில்லை எனவும் அமைச்சர் தெரிவித்தார். 

எதிர்வரும் ஜனாதிபதித் தேர்தலில் நாமல் ராஜபக்சவை வேட்பாளராக முன்னிறுத்துமாறு பொஹொட்டுவ தலைவர்களிடம் கோரிக்கை விடுக்கும் வகையில் இளம் பாராளுமன்ற உறுப்பினர்கள் குழுவொன்று செயற்பட்டு வருவதாக நம்பகமான தகவல்கள் தெரிவிக்கின்றன.

கிராம மட்டத்தில் உள்ள கட்சி செயற்பாட்டாளர்கள் விருப்பத்தின் பேரில் இந்த கோரிக்கை விடுக்கப்படவுள்ளது.

பொஹொட்டுவவில் ஜனாதிபதி வேட்பாளராக தம்மிக்க பெரேரா முன்னிறுத்தப்படவுள்ளதாக தகவல்கள் வெளியாகியுள்ளமையினால் கட்சியினரிடையே கடும் எதிர்ப்பு கிளம்பும் என பொஹொட்டுவவை சேர்ந்த இளம் பாராளுமன்ற உறுப்பினர் ஒருவர் தெரிவித்தார்.

தம்மிக்க பெரேரா முன்வந்தால் எதிர்க்கட்சிகள் வலுவடையும் என சுட்டிக்காட்டிய பாராளுமன்ற உறுப்பினர், பொஹொட்டுவ தலைவர்களுடன் இது தொடர்பில் கலந்துரையாடவுள்ளதாகவும் தெரிவித்தார்.

எவ்வாறாயினும், பொஹொட்டுவவில் ஜனாதிபதித் தேர்தலுக்கான வேட்பாளராக தம்மிக்க பெரேராவை முன்னிறுத்துவதற்கு கட்சி கொள்கை ரீதியான தீர்மானத்தை எடுக்கவில்லை என மேற்கண்ட வட்டாரங்கள் மேலும் தெரிவித்தன.

இலங்கையில் உள்ள அமெரிக்க தூதரக காற்றின் தர சுட்டெண் தரவுகளின்படி, நேற்று (17) காலை கொழும்பு நகரில் காற்று மாசுபாடு கடுமையாக அதிகரித்துள்ளது.

சுட்டெண்ணின் படி, கொழும்பு நகரின் கொள்ளுப்பிட்டி பகுதியைச் சூழவுள்ள காற்றில் உள்ள தூசித் துகள்களின் அளவு (Pm 2.5) நேற்று காலை 163 ஆக அதிகரித்துள்ளது.

கொழும்பு 07 பகுதியில் இந்த எண்ணிக்கை 141 ஆக பதிவாகியுள்ளது. எவ்வாறாயினும், தேசிய கட்டிட ஆராய்ச்சி அமைப்பின் தரவுகளின்படி, அதே எண்ணிக்கை கொழும்பிலும் 78 ஆக பதிவாகியுள்ளது.

மேலும், பதுளை, குருநாகல் மற்றும் கண்டி ஆகிய நகரங்களைச் சுற்றி வளிமண்டலத்தில் தூசி துகள்களின் சதவீதம் அதிகரித்துள்ளது.

இந்தியாவில் இருந்து வீசும் காற்றின் தாக்கம் காரணமாக இந்த நாட்டில் காற்றின் தரம் குறைந்துள்ளதாக மத்திய சுற்றாடல் அதிகார சபையின் ஊடகப் பேச்சாளர், கழிவு முகாமைத்துவ பிரதி பணிப்பாளர் நாயகம் அஜித் வீரசுந்தர தெரிவித்துள்ளார்.

இதன் காரணமாக சுவாசக் கோளாறு உள்ளவர்கள் முகக்கவசம் அணிவது சிறந்தது என்றார். 

முன்னாள் நாடாளுமன்ற உறுப்பினர் துமிந்த சில்வாவுக்கு ஜனாதிபதி பொதுமன்னிப்பு வழங்கிய முன்னாள் ஜனாதிபதி கோட்டாபய ராஜபக்ஷவின் தீர்மானம் சட்டப்பூர்வமானது அல்ல என உச்ச நீதிமன்றம் இன்று தீர்ப்பளித்துள்ளது.

துமிந்த சில்வாவுக்கு வழங்கப்பட்ட ஜனாதிபதி பொது மன்னிப்பை இரத்துச் செய்ய மூவரடங்கிய உச்ச நீதிமன்ற குழு மேலும் உத்தரவிட்டுள்ளது.

துமிந்த சில்வாவுக்கு வழங்கப்பட்ட ஜனாதிபதி பொது மன்னிப்பு சட்டவிரோதமானது என்பதை சவாலுக்கு உட்படுத்தி தாக்கல் செய்யப்பட்ட மூன்று அடிப்படை உரிமை மீறல் மனுக்களை பரிசீலனை செய்தபோதே உச்ச நீதிமன்றம் இன்று இந்த தீர்ப்பை வழங்கியுள்ளது.

பரத லக்ஷ்மன் பிரேமச்சந்திர உள்ளிட்ட நால்வர் கொல்லப்பட்ட சம்பவம் தொடர்பில் துமிந்த சில்வா உட்பட ஐந்து பிரதிவாதிகளுக்கு கொழும்பு மேல் நீதிமன்றத்தினால் 2016 ஆம் ஆண்டு செப்டெம்பர் மாதம் 8 ஆம் திகதி மரண தண்டனை விதிக்கப்பட்டதுடன், தண்டனை நிறைவேற்றப்படும் வரை சிறையில் அடைக்கப்பட்டிருந்தனர்.