சொத்துக்கள் மற்றும் பொறுப்புகள் குறித்து அறிவிப்புகளை சமர்ப்பிக்காத அரச அதிகாரிகளிடமிருந்து அபராதம் அறவிடப்படவுள்ளதாக இலஞ்ச ஊழல் விசாரணை ஆணைக்குழு தெரிவித்துள்ளது. 

சொத்துக்கள் மற்றும் பொறுப்புகள் குறித்த அறிவிப்புகளை ஏராளமானோர் சமர்ப்பிக்க உள்ளதாகவும், நாளைய தினத்திற்கு பிறகு அறிவிப்புகளை சமர்ப்பிக்கும் அரச அதிகாரிகளிடமிருந்து அபராதம் அறிவிடுவதற்கு நடவடிக்கை எடுக்கப்படவுள்ளதாக ஆணைக்குழு குறிப்பிட்டுள்ளது. 

இது தொடர்பில் அனைத்து அரச நிறுவனங்களின் தலைவர்களுக்கும் இலஞ்ச ஊழல் ஆணைக்குழு அறிவித்துள்ளதுடன், அபராதம் விதிப்பது தொடர்பான இறுதி முடிவு இன்று பிற்பகல் மேற்கொள்ளப்படவுள்ளதாகவும் ஆணைக்குழு தெரிவித்துள்ளது. 

அதன்படி, சொத்து மற்றும் பொறுப்பு அறிவிப்புகளை சமர்ப்பிக்காத அரச அதிகாரிகளின் ஊதியத்திலிருந்து நாளை முதல் தாமதமான நாட்களுக்கான அபராதம் அறவிடப்படும். 

2023 ஆம் ஆண்டு 09 ஆம் இலக்க ஊழல் தடுப்புச் சட்டத்தின்படி, 2025ஆம் ஆண்டுக்கான சொத்துக்கள் மற்றும் பொறுப்புக்கள் பற்றிய அறிவிப்புகளை மின்னணு சமர்ப்பிப்பு முறை நடைமுறைக்கு வரும் வரை எழுத்துப்பூர்வமாக சமர்ப்பிக்க வாய்ப்பு வழங்கப்பட்டுள்ளது. 

ஜூன் 30 ஆம் திகதிக்குள் சொத்துக்கள் மற்றும் பொறுப்புகள் குறித்து அறிவிப்புகளை சமர்ப்பிக்காத அரச அதிகாரிகள் தங்கள் அறிவிப்புகளைச் சமர்ப்பிக்க மேலும் இரண்டு வாரங்கள் அவகாசம் வழங்கப்பட்டுள்ளதாகவும், மேற்படி காலகட்டத்தில் சொத்து மற்றும் பொறுப்பு அறிவிப்புகளைச் சமர்ப்பிக்கும் அதிகாரிகளுக்கு எச்சரிக்கை கடிதங்கள் வழங்கப்படும் என்றும் ஆணைக்குழு குறிப்பிட்டுள்ளது. 

அதற்கான சலுகைக் காலம் இன்றுடன் நிறைவடைகிறது. மேலும், சொத்துக்கள் மற்றும் பொறுப்புகள் குறித்து அறிவிப்புகளை இன்னும் சமர்ப்பிக்காத அதிகாரிகளின் பெயர்ப் பட்டியலை நிறுவனத் தலைவர்கள் எதிர்வரும் நாட்களில் இலஞ்ச ஊழல் விசாரணை ஆணைக்குழுவிற்கு அனுப்ப வேண்டும். 

அதன்படி, புதிய ஊழல் தடுப்புச் சட்டத்தின்படி அந்த அதிகாரிகளிடமிருந்து அபராதம் அறவிடப்படும் என்று இலஞ்ச ஊழல் விசாரணை ஆணைக்குழு தெரிவித்துள்ளது.

பழம்பெரும் நடிகர் சரோஜா தேவி உடல்நலக்குறைவால் பெங்களூருவில் உள்ள மருத்துவமனையில். இன்று (ஜூலை 14) காலையில் காலமானார்.

இறக்கும் போது அவருக்கு  87 வயதாகும்.

மூச்சுத்திணறல் காரணமாக பெங்களூரு கொலம்பியா ஏசியா மருத்துவமனையில் அனுமதிக்கப்பட்டிருந்த சரோஜா தேவி   சிகிச்சை பலனின்றி உயிரிழந்தார்.

அவரது மறைவுக்கு ரசிகர்கள் மற்றும் திரையுலகினர் இரங்கல் தெரிவித்து வருகின்றனர்.

சரோஜாதேவி தமிழ், தெலுங்கு மொழித் திரைப்படங்களில் நடித்து முன்னணி நடிகராக வலம் வந்தவர்.

இவர் ஐம்பதாண்டு காலமாக திரைப்படத் துறையில் உள்ள இவர், 200 படங்களுக்கு மேல் நடித்துள்ளார்.

திரைப்படத்துறையினரால் 'கன்னடத்துப் பைங்கிளி', 'அபிநய சரசுவதி' போன்ற அடைமொழிகளால் அழைக்கப்படுகிறார்.

இவர் பல திரைப்பட விருதுகளையும், இந்திய அரசின் பத்மபூஷன், பத்மஸ்ரீ விருதுகளையும் வென்றுள்ளார்.

அதேபோல, வாழ்நாள் சாதனையாளர்களுக்கான இந்திய அரசின் தேசிய விருதும் இவருக்கு வழங்கப்பட்டது.

தமிழ்த் திரையில் 25 ஆண்டுகள் முன்னணி நட்சத்திரமாக ஜொலித்த
பி.சரோஜாதேவி சினிமாவில் நுழைந்ததே ஒரு விபத்து என்றுதான் சொல்ல வேண்டும்.

சரோஜாதேவியின் தந்தை பைரவப்பா காவல் அதிகாரி. தாய் ருத்ரம்மா குடும்பத் தலைவி. இவர்களுக்கு நான்காவது மகளாகப் பிறந்த சரோஜாதேவி,

ஹொன்னப்ப பாகவதர் கவி காளிதாஸாக நடித்து, தயாரித்த 'மகாகவி காளிதாஸா' என்ற கன்னடப் படத்தில் 1955ஆம் ஆண்டு அறிமுகமானார் சரோஜாதேவி.

படம் மிகப் பெரிய வெற்றி. அதற்குத் தேசிய விருதும் கிடைத்தது.

தமிழில் உடனடியாக நடிக்க முடியாதபடி கன்னடப் படங்கள் அவருக்குக் குவிந்தன.

‘இல்லறமே நல்லறம்’ என்ற படத்தில் சின்ன வேடத்தில் தமிழில் அறிமுகமானார் சரோஜாதேவி. அதன் பின்னர் 2ஆவது கதாநாயகி வேடங்கள் கிடைக்கத் தொடங்கின.

அதே ஆண்டில் எம்.ஜி.ஆர். சொந்தப்பட நிறுவனம் தொடங்கி இயக்கித் தயாரித்து நடித்த ‘நாடோடி மன்னன்’ படத்தில் ‘ரத்னா’வாக வந்து அலங்கரித்த சரோஜாதேவி, தமிழ் ரசிகர்கள் மனதிலும் ஊடுருவினார்.

எம்.ஜி.ஆருடன், 'நாடோடி மன்னன்' தொடங்கித் 'திருடாதே', 'தாய் சொல்லைத் தட்டாதே', 'படகோட்டி', 'எங்க வீட்டுப் பிள்ளை', 'பெற்றால்தான் பிள்ளையா', 'அன்பே வா' உட்பட அவர் நடித்த அத்தனை படங்களும் வெற்றி பெற்றன.

சரோஜாதேவின் தமிழ்த் திரைப் பயணத்தில் மறக்க முடியாத பரிசென்றே 'கல்யாணப் பரிசு' என்ற திரைப்படத்தைக் கூறிவிடலாம்.

ஸ்ரீதர் இயக்குநராக அறிமுகமான இந்தப் படத்தில் நடித்ததன் மூலமாகவே பெரும் நட்சத்திர அந்தஸ்து பெற்றார் சரோஜாதேவி.

சிவாஜி கணேசனுடன், 'பாகப்பிரிவினை', 'பாவமன்னிப்பு', 'பார்த்தால் பசி தீரும்' என்று தொடங்கி ‘புதிய பறவை’யாகக் காதலித்து அவரைக் கைது செய்ய வரும் இரகசிய ஏஜெண்டாகப் பிரமாதப்படுத்தினார்.

மாயையை உடைத்தவர்: படப்பிடிப்பில் ஒழுங்கு, காலம் தவறாமை ஆகியவற்றுக்குப் புகழ்பெற்ற சரோஜாதேவி அன்றைய நாயகியரில் அதிக சம்பளம் வாங்கியவர் என்ற பெருமையும் கொண்டவர்.

சரோஜாதேவி திருமணத்துக்குப் பிறகும் கணவர் பி.கே.ஸ்ரீ ஹர்ஷாவின் அனுமதியுடன் படங்களில் கதாநாயகியாக நடித்தார்.

திருமணம் செய்து கொண்டால் வாய்ப்புகள் குறைந்துவிடும் என்ற மாயையை முதலில் உடைத்தெறிந்தவர்.

சரோஜா தேவி, எம்ஜிஆருடன் 26 படங்களிலும, சிவாஜி கணேசனுடன் 22 படங்களிலும் ஜோடியாக நடித்துள்ளார்.

தற்போது காவலில் உள்ள பிள்ளையான் எனப்படும் சிவநேசதுரை சந்திரகாந்தன், ஈஸ்டர் தாக்குதல்கள் தொடர்பாக பல தகவல்களை வெளிப்படுத்தி வருவதாக பிரதி அமைச்சர் பி. சரத் குமார குறிப்பிடுகிறார்.

தற்கொலை ஈஸ்டர் தாக்குதல்களின் மூளையாக செயல்பட்டவர்கள் விரைவில் நாட்டிற்கு வெளிப்படுவார்கள் என்று பிரதி அமைச்சர் டி. பி. சரத் குமார குறிப்பிடுகிறார்.

பிரதி அமைச்சர் டி. பி. சரத் குமார கூறுகையில்,

"நாம் ஒரு கொலைகார சகாப்தத்தைக் கடந்துவிட்டோம். இந்த சகாப்தத்தின் புள்ளிவிவரங்களை இப்போது நாம் காண்கிறோம். சில  குண்டுகள் ஆட்சியாளர்களின் அறிவோடு வெடிக்கப்பட்டுள்ளன. குண்டுகளை வெடித்த ஆட்சியாளர்கள் அங்கு சென்று வலி, கண்ணீர், அழுகையைப் பார்க்கிறார்கள்.

ஷானி அபேசேகர வந்தபோது, தவறு செய்தவர்கள்தான் பயத்தில் அதிகம் கத்தினர். சில நாட்களில் அறிக்கைகள் வெளியிடப்படும் என்பது அவர்களுக்குத் தெரியும், அவர்கள் அவ்வாறு செய்யும்போது, நம்மில் யாரும் கற்பனை செய்து பார்க்க முடியாத விஷயங்களைச் செய்த ஆட்சியாளர்களைப் பற்றிய துல்லியமான தகவல்களும் தரவுகளும் வெளியிடப்படும்.

பிள்ளையான்கள் மட்டுமல்ல, பிள்ளையானின் ஆதரவாளர்களும் பிடிபடுகிறார்கள். சில நாட்களில், ஈஸ்டர் தாக்குதல்களின் கொலையாளிகள் நாட்டிற்கு கொண்டு வரப்படுவார்கள். ஏற்கனவே வெளிநாட்டில் இருந்தவர்கள் கைது செய்யப்பட்டுள்ளனர்."

பொலன்னறுவையில் நடைபெற்ற நிகழ்ச்சி ஒன்றில் பங்கேற்ற பிரதி அமைச்சர் டி.பி. சரத் குமார இதனைக் கூறுகிறார்.

இலங்கை பெட்ரோலியக் கூட்டுத்தாபனம் 35 ஆண்டுகளுக்குப் பிறகு முதல் முறையாக அதன் பணியாளர் ஆட்சேர்ப்பு செயல்பாட்டில் குறிப்பிடத்தக்க சீர்திருத்தங்களைச் செயல்படுத்தி வருகிறது.

மாநகராட்சியில் உள்ள முறைகேடுகள் தொடர்பான நீண்டகாலப் பிரச்சினைகளைத் தீர்க்க இந்த நடவடிக்கை எடுக்கப்பட்டுள்ளது.

இது குறித்து கருத்து தெரிவித்த அதன் நிர்வாக இயக்குநர் டாக்டர் மயூரா நெத்திகுமார, இந்த சீர்திருத்தங்களின் ஒரு முக்கிய பகுதியாக பணியாளர்களில் குறிப்பிடத்தக்க குறைப்பு அடங்கும் என்று கூறினார்.

2012 முதல் பணியமர்த்தப்பட்ட சுமார் 3,000 ஊழியர்களின் பதவிகள் மதிப்பாய்வு செய்யப்படும் என்றும், பணியாளர்கள் எண்ணிக்கை 2,031 "அத்தியாவசிய ஊழியர்களாக" குறைக்கப்படும் என்றும் அவர் குறிப்பிட்டார்.

இந்த மறுசீரமைப்பு நிறுவனத்தின் செயல்பாட்டுத் திறன் மற்றும் மனிதவள உத்தியை மறுவடிவமைக்கும் என்று எதிர்பார்க்கப்படுகிறது.

பிரித்தானிய (UK) அரசாங்கம் செம்மணி மனித புதைகுழி   விடயம் குறித்து இலங்கை அரசாங்கத்துடன் பேச்சுகளை மேற்கொண்டுள்ளதா என பிரித்தானிய நாடாளுமன்ற உறுப்பினர் உமாகுமரன் (Uma Kumaran) கேள்வி எழுப்பியுள்ளார்.

வெளிவிவகார குழுவின் கூட்டத்தில் பிரித்தானிய நாடாளுமன்ற உறுப்பினர் உமா குமரன் இது குறித்து கேள்வி எழுப்பியுள்ளார்.

அவர் மேலும் தெரிவித்துள்ளதாவது, நீங்கள் இறுதியாக இந்தக் குழுவின் முன்னிலையில் 2024 நவம்பரில் தோன்றிய போது நான் தமிழ் மக்களிற்கான நீதி குறித்து உங்களிடம் கேள்வி எழுப்பியிருந்தேன்.

இந்த விடயம் குறித்து நீங்கள் கொண்டிருக்கும் தனிப்பட்ட அர்ப்பணிப்பிற்காகவும் கடந்த ஒரு தசாப்தத்திற்கு மேலாக தமிழ் சமூகத்திற்கு நீங்கள் வெளிப்படுத்திய ஆதரவிற்கும் எனது நன்றி என வெளிவிவகார அமைச்சர் டேவிட்லமியிடம் தெரிவித்துள்ளார்.

உங்களுக்கு இது தொடர்பிலான எனது குடும்பத்தின் கதை தெரியும், இலங்கையில் மோதலின் போது பாரதூரமான மனித உரிமை மீறல்கள் துஷ்பிரயோகங்களில் ஈடுபட்டவர்களுக்கு எதிராக மார்ச் மாதம் பிரித்தானிய தடைகளை அறிவித்தமை குறித்து நான் திருப்தி அடைகிறேன். 

சித்திரவதைகள், பாலியல் வன்முறைகள் சட்டத்திற்கு புறம்பான கொலைகளில் ஈடுபட்டவர்களுக்கு எதிராக. இது அந்த சமூகத்திற்கு இந்த தருணத்தில் மிகவும் முக்கியமான விடயம்.

ஆனால் கவலை அளிக்கும் விதத்தில் கடந்த மாதம் இலங்கையின் வடபகுதி யாழ்ப்பாணத்தில் செம்மணியில் மற்றொரு மனித புதைகுழியை கண்டுபிடித்துள்ளனர்.

அந்த புதைகுழியில் மூன்று குழந்தைகளின் உடல்களையும் கண்டுபிடித்துள்ளனர். புதிதாக அடையாளம் காணப்பட்டுள்ள மனித புதைகுழிகளை  சர்வதேச தராதரத்தின் கீழ் அகழ்வு செய்வதற்கான போதிய வளங்கள் இலங்கையில் இல்லை என ஐக்கிய நாடுகள் மனித உரிமை ஆணையாளர் அலுவலகம் கரிசனை வெளியிட்டுள்ளது.

பிரித்தானிய அரசாங்கம் இந்த விடயம் குறித்து இலங்கை அரசாங்கத்துடன் பேச்சுவார்த்தைகளை மேற்கொண்டுள்ளதா? மனித புதைகுழிகளை அகழும் நடவடிக்கைகளிற்கு பிரித்தானிய ஏதாவது உதவிகளை வழங்குகின்றதா என பிரித்தானிய நாடாளுமன்ற உறுப்பினர் உமாகுமரன் (Uma Kumaran) கேள்வி எழுப்பியுள்ளார்.

2024 ஆம் ஆண்டுக்கான சாதாரண தரப் பரீட்சைப் பெறுபேறுகள் வெளியிடப்பட்டுள்ளன.

பரீட்சையில் தோற்றிய பரீட்சார்த்திகள் http://www.doenets.lk மற்றும்  http://www.results.exams.gov.lk தளத்தில் சுட்டெண் உள்ளிட்ட விவரங்களை உள்ளீடு செய்வதன் மூலம் பெறுபேறுகளை அறிந்துகொள்ள முடியும்.

கடந்த மார்ச் மாதம் நடைபெற்ற சாதாரண தரப் பரீட்சைக்கு மொத்தம் 4 இலட்சத்து 78 ஆயிரத்து 182 பரீட்சார்த்திகள் தோற்றியிருந்தனர். அவர்களில் 3 இலட்சத்து 98 ஆயிரத்து 182 பேர் பாடசாலை பரீட்சார்த்திகளாவர்.

யாழ்ப்பாணம் – செம்மணி மனிதப் புதைகுழியின் நேற்று முன்தினம் அகழ்வின் போது 7 என்புத் தொகுதிகள் புதிதாக அடையாளம் காணப்பட்டுள்ளன.

இதன்படி செம்மணி மனிதப் புதைகுழியில் அடையாளம் காணப்பட்ட என்புத் தொகுதிகளின் மொத்த எண்ணிக்கை 63ஆக அதிகரித்துள்ளது.

யாழ்ப்பாணம் – செம்மணி சித்துப்பாத்தி இந்து மயானத்தில் அடையாளம் காணப்பட்ட செம்மணி மனிதப் புதைகுழி தொடர்பான இரண்டாம் கட்ட அகழ்வுப் பணிகளின் 14 ஆம் நாள் அகழ்வு நேற்றைய தினம் இடம்பெற்றது.

இலங்கையின் முதல்தர தன்னியக்க சுத்திகரிப்பு நிறப்பூச்சு கம்பெனியான ஏசியன் பெயிண்ட்ஸ் கோஸ்வேயானது, பெரிதும் எதிர்பார்க்கப்பட்ட வளவை சுபர்க்ரோஸ் 2025இற்கான பிரதான அனுசரனையாளர் எனும் அதன் வகிபாகத்தை அறிவிப்பதில் பெருமைக்கொள்கின்றது.

இந்நிகழ்வானது, உத்தியோகப்பூர்வமாக ஏசியன் பெயின்ட்ஸ் கோஸ்வே வளவை சுபர்க்ரோஸ் 2025 என மகுடமிடப்பட்டுள்ளமையானது, 2019 ஆம் ஆண்டிலிருந்தான 5வருட இடைவெளிக்குப் பின்னரான அதிமுக்கிய மோட்டார்பந்தய வர்த்தகநாமத்தின் மீள்வருகையை குறிப்பதுடன்-  ஏசியன் பெயின்ட்ஸ் மற்றும் இலங்கை மோட்டார் பந்தய சமுதாயத்திற்கு முக்கியமான கணமாகவும் விளங்குகின்றது.

இவ்வறிவித்தலானது இந்நிகழ்வின் உப-ஏற்பாட்டாளர்களான, இலங்கை இராணுவத்தின் மின் மற்றும் இயந்திர பொறியிலாளர்களினால் (SLEME) நடாத்தப்பட்ட ஊடக சந்திப்பில் மேற்கொள்ளப்பட்டது.

செவனகலயின் கிராப்ட்ஸ்மேன் ஒட்டோட்ரோமில் ஜுலை 12மற்றும் 13 ஆம் திகதிகளில் திட்டமிடப்பட்டுள்ள, வளவை சுபர்க்ரோஸின் 10வது பதிப்பானது புதுப்பிக்கப்பட்ட சக்தி மற்றும் உணர்வுகளுடன் மீளவருகின்றது. மோட்டார்கார் மற்றும் மோட்டார் சைக்கிள்களின் 21 போட்டி பிரிவுகளினை உள்ளடக்கியுள்ள, இந்நிகழ்வானது 50,000 இற்கும் மேற்பட்ட பார்வையாளர்களை ஈர்க்குமென எதிர்பார்க்கப்படுகின்றது.

மயிர்கூச்செரியும் பந்தயங்களிற்கும் அப்பால், வளவை சுபர்க்ரோஸானது, இலங்கை சமுதாயத்துடனான அதனது ஆழமான பிணைப்பினை வெளிப்படுத்தும்விதமாக, .இராணுவ நலன்புரி மற்றும் சமுதாய செயற்றிட்டங்களுக்கான ஆதரவுடன், தொண்டு நோக்குடைய துவக்கமாகவும் காணப்படுகின்றது.  

இலங்கையின் அதிகமாக கொண்டாடப்பட்ட மோட்டார் பந்தய வெற்றியாளர்களில் ஒருவரும் ஏசியன் பெயிண்ட்ஸ் கோஸ்வேயின் வர்த்தகநாம தூதுவராக கடந்த பத்தாண்டுகளுக்கும் மேலாக காணப்படுபவருமான, அஷான் சில்வா அவர்கள் வர்த்தகநாம தூதுவராக போட்டியாளர்கனை உற்சாகப்படுத்துவதற்காக இந்நிகழ்வில் பங்கேற்பார் என எதிர்பார்க்கப்படுகின்றது. SL-GT

பந்தயத்திலான சில்வாவின் ஆகர்ஸமிக்க வரலாறுகளும் பல்வேறு வெற்றிக்கிண்ணங்களும் உற்பத்தியின் அதியுன்னதத்திற்கான நீண்டகால நோக்கம் மற்றும் தொழில்முனைப்பினை கட்டமைந்ததாக காணப்படுகின்றது.

ஏசியன் பெயிண்ட்ஸ் கோஸ்வே - இலங்கைக்கான தலைவர், திரு. வைத்தியலிங்கம் கிரிதரன் அவர்கள் கருத்துரைக்கையில், “வளவை சுபர்க்ரோஸ் உடனான எமது நீண்டகால பங்குடைமையானது பரஸ்பர மதிப்பு மற்றும் பகிரப்பட்ட பெறுதிகளின் மீது கட்டமைக்கப்பட்டுள்ளது.

ஐந்தாண்டு கால இடைவெளிக்குப் பின், இலங்கையின் மோட்டார் பந்தயம் மற்றும் வாகன உற்பத்தி துறைகளின் வளர்ச்சிக்கு ஆதரவளிப்பதில், மீண்டும் பிரதான அனுசரனையாளராவதனில் நாம் பெருமையடைகின்றோம். இளைஞர் திறன்களிலான மூலோபாய கூட்டிணைவு மற்றும் முதலீடுகளின் வாயிலாக, இத்துறையினை உயர்த்துவதற்கும் தேசிய கட்டமைப்பிற்கு பங்களிப்பதற்கும் நாம் அர்ப்பணிப்புடையவர்களாக காணப்படுகின்றோம். இந்நிகழ்வின் வெற்றியினையும் வருகின்ற ஆண்டுகளிலும் நம்பிக்கைமிக்க இப்பங்குடைமையை தொடர்வதனையும் நாம் எதிர்பார்த்துள்ளோம்.

இலங்கையின் தன்னியக்க சுத்திகரிப்பு துறையின் நம்பிக்கைமிகு பெயராக விளங்கும் ஏசியன் பெயிண்ட்ஸ் கோஸ்வேயானது, உலகத்தரம் வாய்ந்த நிறப்பூச்சுக்களின் வகைகளை வழங்கின்றது.  வளவை சுபர்க்ரோசிலான இதனது ஈடுபாடானது மூலோபாயமானது என்பதுடன், உற்பத்திகளின் சிறப்பினை மாத்திரமின்றி உள்ளுர் வாகன உற்பத்தி துறையிலான அபிவிருத்திக்குமான அர்ப்பணிப்பினை பிரதிபலிக்கின்றது.

வாகன உதிரிபாக துறையில் திறனுடைய தொழிலாளர்களது அடுத்து தலைமுறையினை வளர்த்தெடுக்கும் தொழிற்பயிற்சி அதிகாரசபையுடனான வர்த்தக நாம பங்குடைமையானது, இத்துறை குறித்த இதனது அர்ப்பணிப்பிற்கான மற்றொரு உதாரணமாகும்.

வளவை சுபர்க்ரோஸ் 2025 ஆனது 30 உயர் பரிணாமமுடைய ஊஊவுஏ கமராக்கள், அலார்ம் முறைமைகள் மற்றும் மத்தியமயப்படுத்தப்பட்ட கட்டுப்பாட்டு நிலையத்துடன் இணைந்த விரைவு-மீட்பு மார்சல்கள் உள்ளடங்கலாக, அதனது வரலாற்றிலேயே பாதுகாப்பு மற்றும் கண்காணிப்பு உட்கட்டுமானத்தில் அதிநவீனமான அம்சங்களுடன் காணப்படுகின்றது.

இந்நடவடிக்கைகளானவை துல்லியம், தயார்ப்படுத்தல் மற்றும் பாதுகாப்பு எனும் - ஒவ்வொரு உற்பத்தி மற்றும் பங்குடைமையுடன் ஒன்றிணைந்த- ஏசியன் பெயிண்ட்ஸ் கோஸ்வேயயின் சுயமதிப்புடன் மிகநெருக்கமாக இணைந்ததாக காணப்படுகின்றது.

வளவை சுபர்க்ரோஸ் 2025 வார இறுதியானது விறுவிறுப்பான பந்தயங்கள், பங்கேற்புடைய திருவிழா சூழல், மற்றும் செவனகலையிற்கு வேகம் மற்றும் சமுதாய உணர்வு என்பன மீளவரும் வரலாற்று நிகழ்வு என்பனவற்றை உறுதிப்படுத்துகின்றது. மோட்டார்பந்தய ஆர்வலர்கள்,. குடும்பங்கள், மற்றும் விறுவிறுப்பினை எதிர்ப்பார்ப்பவர்கள் என அனைவரையும் இலங்கை மோட்டார் பந்தயத்தின் ஆர்வமிகு இப்புதிய அத்தியாயத்தினை கண்டுகளிக்க அழைக்கின்றோம்.