பெருந்தோட்ட நிறுவன சீர்திருத்தங்கள் தொடர்பில் தொகுக்கப்பட்ட குழு அறிக்கை இன்று வியாழக்கிழமை (04) ஜனாதிபதியிடம் கையளிக்கப்படவுள்ளது.

நிதி இராஜாங்க அமைச்சர் ரஞ்சித் சியம்பலாபிட்டிய தலைமையிலான குழு ஜனாதிபதியினால் நியமிக்கப்பட்டுள்ளது.

பொருத்தமான அமைச்சரவைப் பத்திரத்தை சமர்ப்பித்ததன் பின்னர் பெருந்தோட்ட நிறுவன மறுசீரமைப்பு வேலைத்திட்டத்தை ஆரம்பிக்க எதிர்பார்த்துள்ளதாக இராஜாங்க அமைச்சர் கூறினார்.

தலவாக்கலை, லிந்துல பெரிய ராணிவத்தை தோட்டத்திலுள்ள லயன் வீடுகளில் இன்று (04) அதிகாலை தீ பரவியுள்ளதாக லிந்துலை பொலிஸார் தெரிவித்தனர்.

லயன் வீடொன்றில் ஏற்பட்ட தீயை அணைக்க தோட்ட பணியாளர்கள் வீட்டின் இருபுறமும் இருந்த இரண்டு வீடுகளின் கூரைகளை விரைவாக அகற்றியதால் பெரும் சேதம் தவிர்க்கப்பட்டது.

இந்த தீயினால் தோட்ட வீடு ஒன்று முற்றாக எரிந்து நாசமாகியுள்ளதாகவும், அங்கிருந்த சொத்துக்கள் சேதமடைந்துள்ளதாகவும், உயிர்ச்சேதம் ஏற்படவில்லை எனவும் பொலிஸார் தெரிவித்தனர்.

இதன் காரணமாக குறித்த மூன்று லயன் வீடுகளிலும் வசித்து வந்த சுமார் 10 பேர் இடம்பெயர்ந்துள்ளதுடன், அவர்களை தற்காலிக இடத்தில் தங்க வைக்க தோட்ட முகாமைத்துவம் நடவடிக்கை எடுத்துள்ளது. 

பல்வேறு சேவைகளை அத்தியாவசிய சேவைகளாக பிரகடனப்படுத்தி அதிவிசேட வர்த்தமானி வெளியிடப்பட்டுள்ளது.

ஜனாதிபதி ரணில் விக்கிரமசிங்கவின் பணிப்புரைக்கு அமைய, ஜனாதிபதியின் செயலாளர் E.M.S.B.ஏக்கநாயக்கவின் கையொப்பத்துடன் வர்த்தமானி வௌியாகியுள்ளது.

மின்சார விநியோகம் தொடர்பான அனைத்து சேவைகள், பெட்ரோலிய பொருட்கள் மற்றும் எரிபொருள் வழங்கல் மற்றும் விநியோகம், தீர்வை வரி கட்டளை சட்டத்தின் நோக்கத்தின் பிரகாரம் ஒரு துறைமுகத்திற்குள் பிரவேசிக்கும் கப்பல்களில் இருந்து உணவு அல்லது பானம், எண்ணெய் அல்லது எரிபொருட்களை கொண்டு செல்லல், இறக்குதல், களஞ்சியபபடுத்தல், ஒப்படைத்தல் மற்றும் வெளியேற்றல் தொடர்பான சேவைகள் என்பன அத்தியாவசிய சேவைகளாக அறிவிக்கப்பட்டுள்ளன.

அத்துடன், விமான நிலையங்கள், துறைமுகங்கள் உள்ளிட்ட விமான போக்குவரத்து சேவைகளை வழங்குதல் மற்றும் பராமரித்தல் தொடர்பான சேவைகள் அத்தியாவசிய சேவைகளாக வர்த்தமானி அறிவித்தல் மூலம் அறிவிக்கப்பட்டுள்ளது.

சமகி ஜன பலவேகயவின் கொழும்பு மாவட்ட அமைப்பாளர், கொழும்பு மாவட்ட முன்னாள் நாடாளுமன்ற உறுப்பினர் நிமல்.ஆர் பீர்ஸ் ஐக்கிய தேசியக் கட்சியின் உறுப்புரிமையைப் பெற்றுள்ளார்.

ஜனாதிபதியின் தேசிய பாதுகாப்பு தொடர்பான சிரேஷ்ட ஆலோசகரும் ஐக்கிய தேசியக் கட்சியின் தேசிய அமைப்பாளருமான சாகல ரத்நாயக்க, ஐக்கிய தேசியக் கட்சியின் கொழும்பு மாவட்ட அமைப்பாளர் லசந்த குணவர்தன ஆகியோரை சந்தித்த நிமல் ஆர்.பீரிஸ், ஜனாதிபதிக்கு ஆதரவளிப்பதாகத் தெரிவித்தார். 

ஒரு மாதத்துக்கும் மேலாக விளக்கமறியலில் வைக்கப்பட்டிருந்த போதகர் ஜெரோம் பெர்னாண்டோவுக்கு கடுமையான நிபந்தனைகளுடன் பிணை வழங்கப்பட்டுள்ளது.

ஐந்து இலட்சம் ரூபா ரொக்கப் பிணையிலும் தலா பத்து மில்லியன் ரூபா பெறுமதியான இரண்டு சரீரப் பிணைகளிலும் கோட்டை நீதவான் நீதிமன்றம் அவருக்கு பிணை வழங்கியுள்ளது.

மேலும் அவர் வெளிநாடு செல்லவும் தடை விதிக்கப்பட்டுள்ளது.

மத மோதல்களை ஏற்படுத்தும் வகையில் கருத்து தெரிவித்த குற்றச்சாட்டின் பேரில் அவர் கைது செய்யப்பட்டு நீதிமன்றத்தினால் விளக்கமறியலில் வைக்கப்பட்டார்.

எரிபொருள் விலை அதிகரிக்கப்பட்ட போதிலும் தனியார் பஸ் கட்டணம் சற்றும் அதிகரிக்காது என மேல்மாகாண வீதி பயணிகள் போக்குவரத்து அதிகார சபையின் தலைவர் டபிள்யூ. பிரசன்ன சஞ்சீவ தெரிவித்தார்.

நடத்துனர்கள் அதிக கட்டணம் வசூலித்தால், பேருந்து தொடர்பில் 0112-860860 என்ற எண்ணில் போக்குவரத்து அதிகாரசபையின் புகார் திணைக்களத்திற்கு தெரிவிக்குமாறும் தலைவர் கேட்டுக்கொண்டார்.

மேலும், பேருந்து நடத்துனர்கள் செல்லும் இடம் தொடர்பான பயணச்சீட்டை வழங்காவிட்டால், பணம் செலுத்தாமல் பேருந்தில் பயணிக்குமாறும் தலைவர் பயணிகளை கேட்டுக்கொள்கிறார்.

பேரூந்துகளில் பணியாளர்கள் மிகவும் அநாகரீகமாக திட்டினால், மிகவும் கவனக்குறைவாக பேருந்துகளை ஓட்டினால், மீதி பணத்தை தராவிட்டால், அதிக கட்டணம் வசூலித்தால், உடனடியாக புகார் தெரிவிக்குமாறும் தலைவர் கேட்டுக்கொள்கிறார்.

நாட்டை அழித்த கேடுகெட்ட அரசியல்வாதிகளிடமிருந்து இந்த வருடம் நாடு நிச்சயம் காப்பாற்றப்படும் என வர்த்தகர் டட்லி சிறிசேன தெரிவித்துள்ளார்.

எதிர்காலத்தில் இவ்வாறான செயற்பாடுகளில் ஈடுபட எவருக்கும் இடமளிக்கப்பட மாட்டாது எனவும் அவர் வலியுறுத்தியுள்ளார்.

நாடு, சம்பா, கிரி சம்பா அரிசிகளுக்கு ஒரே விலை நிர்ணயம் செய்யப்படுவதால், விவசாயிகள் நாட்டுப் பயிர்ச்செய்கையில் ஈடுபடுவதால் நாட்டில் கீரி சம்பாவுக்கு தட்டுப்பாடு ஏற்பட்டுள்ளதாகவும் அவர் குறிப்பிட்டார்.

இதுபோன்ற விஷயங்களைக் கட்டுப்படுத்த முடியாத 225  அரசியல்வாதிகளின் ஆடைகளை அவிழ்க்க தன்னிடம் போதுமான ஆதாரங்கள் இருப்பதாகவும் டட்லி சிறிசேன அறிவித்தார்.

இந்த நாட்டில் உள்ள பெரிய வர்த்தகர்களை கூட மக்களை ஏமாற்றுவதற்கு இடமளிக்கப் போவதில்லை எனவும் அதற்கு எதிராக தலைமை தாங்கத் தயாராக இருப்பதாகவும் டட்லி சிறிசேன வலியுறுத்துகின்றார்.

குறைந்த வருமானம் பெறும் குடும்பங்களைச் சேர்ந்த சிறார்களுக்கான பாடசாலை உபகரணங்கள் வழங்கும் நிகழ்வில் கலந்துகொண்டு கருத்துத் தெரிவிக்கையிலேயே அவர் மேற்கண்டவாறு தெரிவித்தார்.