kumar
இலங்கையின் புகழ்பெற்ற வர்த்தக நிறுவனமான Lanka Spice (Pvt) Ltd, Senehase Dath (அன்பின் கரங்கள்) எனும் திட்டத்தை அறிமுகப்படுத்தியதன் மூலம் சமூகப் பொறுப்புணர்வை நோக்கி ஒரு குறிப்பிடத்தக்க படியை எடுத்துள்ளது.
கல்வியை ஆதரிப்பதில் விசேட கவனம் செலுத்தி, சமூகத்திற்கு அர்த்தமுள்ள வழிகளில் மீளக் கொடுப்பதில் நிறுவனத்தின் உறுதிப்பாட்டை இந்த திட்டம் பிரதிபலிக்கிறது.
Senehase Dath நிகழ்ச்சித் திட்டத்தின் ஆரம்ப நிகழ்வானது, அண்மையில் அத்துருகிரிய, மே.மா /ஜயா / மகாமத்திய வித்தியாலயத்தில் இடம்பெற்றது.
Mc Currie நிர்வாகம், பாடசாலை நிர்வாகத்துடன் இணைந்து, தரம் 6 முதல் 9 வரையிலான தகுதியான மாணவர்கள் குழுவை அடையாளம் கண்டு, இந்த மாணவர்களுக்கு அவர்களின் கற்றல் பயணத்தை எளிதாக்கும் வகையில், அத்தியாவசிய கற்கைக்கான பொருட்கள் அடங்கிய, தொகுக்கப்பட்ட பரிசுப் பொதிகளை வழங்கியது.
Lanka Spice நிறுவனத்தின் இந்த தாராளத் தன்மை கொண்ட செயலுக்கு நன்றி தெரிவித்த, அத்துருகிரிய மகாமத்திய வித்தியாலயத்தின் அதிபர் எச்.ஏ. காமினி ஜயரத்ன, Lanka Spice நிறுவனத்தின் இந்த ஆற்றல் மிக்க செயலை நான் மிகவும் நன்றியுணர்வோடு பாராட்டுகிறேன். கடுமையான நிதி நிலைமைகளுடன் போராடும் குடும்பங்களைச் சேர்ந்த எமது பாடசாலையைச் சேர்ந்த பல மாணவர்களின் கல்விக்கு இது உறுதுணையாக அமையும் என்பதில் எவ்வித ஐயமுமில்லை. எம்மைப் போன்ற பல பாடசாலைகள் மற்றும் சிறுவர்களுக்கு ஆதரவளித்து, இந்த சிறந்த பணியைத் தொடர Lanka Spice நிறுவனத்திற்கு அனைத்துத் வளமும், தைரியமும் கிடைக்க பிரார்த்திக்கிறோம். என்றார்.
Lanka Spice (Pvt) Ltd பணிப்பாளரும் அதன் பிரதம நிறைவேற்று அதிகாரியுமான மஞ்சு ஆரியரத்ன, Senehase Dath நிகழ்ச்சி தொடர்பில் பேசுகையில், Lanka Spice ஆகிய நாம், வாழ்க்கையை மாற்றும் கல்வியின் சக்தியை நம்புகிறோம். Senehase Dath திட்டம் இதற்கு ஒரு சான்றாகும். ஒவ்வொரு சிறுவருக்கும் தரமான கல்வி கிடைப்பதை உறுதி செய்வது தொடர்பான முக்கியத்துவத்துடன், எம்மைச் சூழவுள்ள சமூகங்களை ஆதரிப்பதிலான எமது அர்ப்பணிப்பை இது காட்டுகிறது. அடுத்த தலைமுறையின் வாழ்வில் சாதகமான தாக்கத்தை ஏற்படுத்த நாம் எம்மை அர்ப்பணித்துள்ளோம். என்றார்.
மாணவர்களின் வாழ்க்கையில் சாதகமான தாக்கத்தை ஏற்படுத்தி, அடுத்த தலைமுறைக்கு ஒளிமயமான எதிர்காலத்தை உண்டாக்குவதற்கும், இது அதிகமான பாடசாலைகள் மற்றும் சமூகங்களைச் சென்றடைவதற்கும் Senehase Dath திட்டத்தை விரிவுபடுத்த Lanka Spice எதிர்பார்க்கிறது. 1984 இல் பத்திகிரிகோரளே குடும்பத்தால் நிறுவப்பட்ட Lanka Spice (Pvt) Ltd நிறுவனமானது, Mc Currie வர்த்தக நாமத்தை அறிமுகப்படுத்தியது.
இது இலங்கையில் உண்மையான, உயர்தர மசாலாப் பொருட்கள் மற்றும் மூலிகைகளாக மாறியுள்ளது. சிறந்த சமையல் அனுபவங்களை வழங்குவதில் நிறுவனத்தின் அர்ப்பணிப்பை பிரதிபலிக்கும் வகையில், நாடு முழுவதும் உள்ள குடும்பங்கள் மத்தியில் இந்த வர்த்தகநா நமம் பரவலான பிரபலத்தைப் பெற்றுள்ளது.
ராஜபக்ச குடும்பத்தின் சகோதரர் ஒருவர் முழு ராஜபக்ஷ தலைமுறையையும் அழித்துவிடுவார் என பிரபல ஜோதிடர் ஒருவர் குறிப்பிட்டதாக முன்னாள் பாராளுமன்ற உறுப்பினர் சஜித் வாஸ் குணவர்தன குறிப்பிடுகின்றார்.
2001ஆம் ஆண்டு முன்னாள் ஜனாதிபதி மஹிந்த ராஜபக்ஷவுடன் இந்தியாவுக்குச் சென்று அந்த ஜோதிடரை சந்தித்த போது இந்த கணிப்பை தெரிவித்ததாகவும் அவர் கூறினார்.
கோட்டாபய ராஜபக்ச பற்றி தீர்க்கதரிசனம் கூறப்படவில்லை என்றும், பசில் ராஜபக்ச பற்றி கூறப்பட்டதாகவும் அவர் கூறினார்.
2015ஆம் ஆண்டுக்கு முன்னர் இருந்த மஹிந்த ராஜபக்ஷவின் அரசாங்கமும், 2019ஆம் ஆண்டு நிறுவப்பட்ட கோட்டாபய ராஜபக்சவின் அரசாங்கமும் பசில் ராஜபக்ஷவினால் அழிக்கப்பட்டதாக அந்த கணிப்பில் தெரிவிக்கப்பட்டுள்ளது.
இரண்டு ராஜபக்ச அரசாங்கங்களை அழித்த பசில் ராஜபக்ச, எஞ்சிய அரசாங்கங்களையும் அழிக்க முன்வர முயற்சிக்கிறார் என்றும் அவர் கூறினார்.
நிகழ்வொன்றில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.
நாளை(18) முதல் 05 நாட்களுக்கு நாடளாவிய ரீதியில் டெங்கு ஒழிப்பு வேலைத்திட்டம் முன்னெடுக்கப்படவுள்ளதாக தேசிய டெங்கு ஒழிப்புப்பிரிவு தெரிவித்துள்ளது.
பருவப்பெயர்ச்சி மழை தீவிரமடைந்துள்ள நிலையில், டெங்கு நோயாளர்களின் எண்ணிக்கை சடுதியாக அதிகரித்துள்ளதாக தேசிய டெங்கு ஒழிப்புப் பிரிவின் பணிப்பாளர் நளின் ஆரியரத்ன தெரிவித்துள்ளார்.
வடக்கு , கிழக்கு, மேல், தென், சப்ரகமுவ, மத்திய மாகாணங்களில் இந்த விசேட டெங்கு ஒழிப்பு வேலைத்திட்டம் முன்னெடுக்கப்படவுள்ளதாக அவர் கூறியுள்ளார்.
இதேவேளை, நாளை(18) மற்றும் நாளை மறுதினம்(19) விசேட பூச்சியியல் ஆய்வுகள் நடத்தப்படவுள்ளதாக அவர் குறிப்பிட்டுள்ளார்.
வருடத்தின் இதுவரையான காலப்பகுதியில் 82036 பேர் டெங்கு காய்ச்சலால் பீடிக்கப்பட்டுள்ளனர்.
இந்த வருடத்தில் 49 டெங்கு மரணங்கள் பதிவாகியுள்ளதாக தேசிய டெங்கு ஒழிப்புப்பிரிவு தெரிவித்துள்ளது.
எதிர்வரும் ஜனவரி மாதம் பாதுகாப்பு செயலாளர் பதவியில் மாற்றம் இடம்பெறவுள்ளதாக ஊடகங்கள் தெரிவிக்கின்றன.
அதன் படி, புதிய பாதுகாப்புச் செயலாளராக முன்னாள் இராணுவத் தளபதி ஜகத் ஜயசூரிய நியமிக்கப்படவுள்ளதாக கூறப்படுகிறது.
2019 ஆம் ஆண்டு முன்னாள் ஜனாதிபதி கோட்டாபய ராஜபக்ஷ பதவிக்கு வந்த போது தற்போதைய பாதுகாப்பு செயலாளர் கமல் குணரத்ன அந்த பதவிக்கு நியமிக்கப்பட்டார்.
இ-சிகரெட்டை தடை செய்யுமாறு உலக சுகாதார நிறுவனம் உலக நாடுகளுக்கு கோரிக்கை விடுத்துள்ளது.
புகையிலைக்கு நிகரானதாகவும், வித்தியாசமான சுவைகள் கொண்டதாகவும் கருதப்படும் இந்த எலக்ட்ரானிக் சிகரெட்டுகளை தடை செய்யுமாறு உலக நாடுகளை அந்த அமைப்பு கேட்டுக்கொள்கிறது.
13 முதல் 15 வயதுக்குட்பட்ட பெரும்பாலானோர் இ-சிகரெட்டைப் பயன்படுத்துகிறார்கள், அதன் விளைவாக, அவர்கள் நிகோடினுக்கு அடிமையாகலாம், எனவே கடுமையான சட்டங்களை அமல்படுத்த வேண்டும் என்றும் உலக சுகாதார அமைப்பு தெரிவிக்கிறது.
முன்னதாக ஆஸ்திரேலியாவிலும் இ-சிகரெட் தடை செய்யப்பட்டது.
பாராளுமன்றத்தில் நிறைவேற்றப்பட்ட VAT (திருத்தம்) சட்டம் ஜனவரி 1, 2024 முதல் அமல்படுத்த திட்டமிடப்பட்டுள்ளது.
இதன்படி 15 சதவீதமாக இருந்த VAT 18 சதவீதமாக அதிகரிக்கவுள்ளது.
பெட்ரோல், டீசல் உள்ளிட்ட பல அத்தியாவசியப் பொருட்களை வாட் வரி விலக்கு பட்டியலில் இருந்து நீக்க நடவடிக்கை எடுக்கப்பட்டுள்ளது.
வட் வரி விதிப்பு மற்றும் எரிபொருள் விலை உயர்வு தொடர்பிலும் பாராளுமன்றத்தில் விவாதம் இடம்பெற்றது.
பாராளுமன்ற உறுப்பினர்களான பாட்டலி சம்பிக்க ரணவக்க மற்றும் விஜித ஹேரத் ஆகியோர் அங்கு கருத்துக்களை வெளியிட்டனர்.
எரிபொருள் இறக்குமதி செலவு 11 வீதத்தால் அதிகரிக்கும் என பாடலி சம்பிக்க ரணவக்க தெரிவித்தார்.
அதன்படி, எரிபொருளின் விலை நிச்சயம் அதிகரிக்கும்.
இந்த விடயம் தொடர்பில் கருத்து தெரிவித்த பாராளுமன்ற உறுப்பினர் விஜித ஹேரத், டீசல் விலை நிச்சயமாக 63 ரூபாவினால் அதிகரிக்கப்படும் என வலியுறுத்தினார்.
தற்போது ஒரு லிட்டர் டீசல் விலை 346 ரூபாயாக உள்ளது.
பிஏஎல் ஒரு லிட்டர் டீசலுக்கு 7.5% வரியாக வசூலிக்கும் என்று கூறப்படுகிறது.
மேலும், ஒரு லிட்டருக்கு சாதாரண வரி 25 ரூபாய் மற்றும் SPD வரி 56 ரூபாய்.
வட் வரி 98 ரூபாவாக அதிகரிக்கும் என பொருளாதார ஆய்வாளர்கள் சுட்டிக்காட்டுகின்றனர்.
எவ்வாறாயினும், பாராளுமன்ற உறுப்பினர் விஜித ஹேரத்தின் கருத்துப்படி, டீசல் விலை 63 ரூபாவினால் அதிகரிக்கப்படாது.
18 சதவீத வாட் வரியை எம்.பி.யால் மாற்றியுள்ளதாகவும், அதற்கு பதிலாக மூன்று சதவீத வரி விதிக்கப்பட வேண்டும் எனவும் அவர்கள் கருத்து தெரிவித்துள்ளனர்.
எவ்வாறாயினும், உலக சந்தையில் கச்சா எண்ணெய்யின் விலை குறைவடைந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
அதன்படி VAT உயர்த்தப்பட்டாலும் இந்த நாட்டில் எரிபொருளின் விலை அதிகரிக்காது.
எரிபொருளுக்கு விதிக்கப்படும் வரிகளை குறைப்பதே அரசாங்கத்தின் நோக்கமாக உள்ளதாக நிதி அமைச்சு வட்டாரங்கள் தெரிவித்துள்ளன.
விலை திருத்தங்கள் ஜனவரி 1, 2024 அன்று செய்ய திட்டமிடப்பட்டுள்ளது.
போதைப்பொருள் தொடர்பான நடவடிக்கைகள் மற்றும் பாதாள உலகத்தை இலக்கு வைத்து விசேட நடவடிக்கையொன்று நாளை ஆரம்பிக்கப்படவுள்ளதாக பொது பாதுகாப்பு அமைச்சர் டிரன் அலஸ் தெரிவித்துள்ளார்.
போதைப்பொருள் கடத்தல் மற்றும் பாதாள உலக செயற்பாடுகளில் ஈடுபடும் நபர்களுக்கு எதிராக கடும் நடவடிக்கை எடுக்குமாறு பொலிஸாருக்கு அமைச்சர் அலஸ் பணிப்புரை விடுத்துள்ளார்.
இன்று காலை எல்பிட்டிய பிரதேசத்தில் இடம்பெற்ற சமூக பொலிஸ் குழு கூட்டத்தின் போதே அமைச்சர் இந்த பணிப்புரைகளை வழங்கினார். பதில் பொலிஸ் மா அதிபர் தேசபந்து தென்னகோன் உட்பட சிரேஷ்ட அதிகாரிகள் குழுவினர் இந்த சந்திப்பில் கலந்துகொண்டனர்.
போதைப்பொருள் தொடர்பான குற்றச் செயல்கள் மற்றும் பாதாள உலகச் செயற்பாடுகளை எதிர்த்துப் போராடும் பொலிஸ் முயற்சிகளுக்கு பொதுமக்கள் தீவிரமாக ஆதரவளிக்க வேண்டுமென அமைச்சர் அலஸ் கேட்டுக் கொண்டார்.
ஜூன் 30ஆம் திகதி வரை பொலிஸாருக்கு கால அவகாசம் வழங்கியுள்ளேன். ஜூன் 30ஆம் திகதிக்குள் இந்த நாட்டில் போதைப்பொருள் மற்றும் பாதாள உலக செயற்பாடுகளில் பூரண மாற்றம் ஏற்பட வேண்டும் எனவும் அவர் தெரிவித்துள்ளார்.
நானுஓயா ரதல்ல குறுக்கு வீதியில் பயணித்த சொகுசு கார் ஒன்று சாரதியின் கட்டுப்பாட்டை இழந்து பாதுகாப்பு வேலியில் மோதி கவிழ்ந்து இன்று காலை விபத்துக்குள்ளானது.
சொகுசு காரில் பயணித்த கணவன் , மனைவி இருவரும் மயிரிழையில் காயங்களின்றி உயிர்தப்பியுள்ளதாகவும் தெரிவிக்கப்படுகின்றது.
நுவரெலியாவில் இருந்து கொழும்பு நோக்கி நானுஓயா ரதல்ல குறுக்கு வீதியில் சென்ற சொகுசு கார் அதே வழியில் சென்ற வாகனம் ஒன்றில் ஓயில் சிந்தி காணப்பட்டமையினாலும் சீரற்ற காலநிலை காரணமாகவும் மிகவும் செங்குத்தான இவ்வீதில் ஓயில் வழுக்கியமையால் குறித்த சொகுசு கார் சாரதியின் கட்டுப்பாட்டை இழந்து வீதியின் இடது பக்கமாக இழுத்துச் செல்லப்பட்டு பாதுகாப்பு வேலியில் மோதி விபத்துள்குள்ளானது.
சம்பவ இடத்திற்கு விரைந்த நானுஓயா போக்குவரத்து பொலிஸார் விபத்து தொடர்பான மேலதிக விசாரணைகளை முன்னெடுத்து வருகின்றனர்.
நாட்டு மக்கள் தம்மை ஜனாதிபதி தேர்தலில் போட்டியிடுமாறு கேட்டால் அந்த கோரிக்கையை நிராகரிக்கப் போவதில்லை என முன்னாள் விளையாட்டுத்துறை அமைச்சரும் நாடாளுமன்ற உறுப்பினருமான ரொஷான் ரணசிங்க தெரிவித்துள்ளார்.
கண்டியில் நேற்று (15) மல்வத்து அஸ்கிரி நா தேரர்களை வணங்கி ஆசி பெற்றதன் பின்னர் அவர் மேற்கண்டவாறு தெரிவித்தார்.
முன்னாள் அமைச்சர் முதலில் மல்வத்து மகா விகாரையின் மகாநாயக்கர் திப்பட்டுவே ஸ்ரீ சுமங்கல தேரர் மற்றும் திம்புல்கும்பூர் விமலதம்ம நஹிமி ஆகியோரை நேரில் சந்தித்து ஆசி பெற்றார்.
இன்று எங்கும் மோசடியும், ஊழலும் காணப்படுவதாக இரு பீடாதிபதிகளுக்கும் தெரிவித்துள்ளார்.
அதன் பின்னர் அஸ்கிரி மகாநாயக்கர் அதி வணக்கத்திற்குரிய வரகாகொட ஸ்ரீ ஞானரதன தேரரை சந்தித்து ஆசிகளைப் பெற்றுக் கொண்டார்.
இன்று இந்த நாட்டின் மூலை முடுக்கெல்லாம் மோசடியும், ஊழலும் அதிகமாகவோ அல்லது குறைவாகவோ நடைபெறுவதாகவும், மோசடி மற்றும் ஊழல்களை சுட்டிக்காட்டும் அனைவரின் கழுத்தையும் துண்டிக்கப்படும் நிலை உள்ளதாகவும் அவர் குறிப்பிட்டுள்ளார்.
ஆனால் அடுத்த ஜனாதிபதித் தேர்தலில் மக்களுக்கான தனது போராட்டத்தை தொடரவும், கிரிக்கெட் ஊழல்வாதிகளிடம் இருந்து நாட்டை காப்பாற்றவும், இந்த நாட்டில் மோசடி மற்றும் ஊழலை இல்லாதொழிக்க முடியும் என்றும் அவர் மேலும் கூறினார்.
ஸ்ரீலங்கா பொதுஜன பெரமுனவின் தலைவராக மீண்டும் முன்னாள் ஜனாதிபதி மஹிந்த ராஜபக்ஷவை நியமிக்க கட்சியின் தேசிய மாநாடு தீர்மானித்துள்ளது.
முன்னாள் அமைச்சர் காமினி லொகுகேவை அக்கட்சியின் இறைமை மிக்க தலைவராக மஹிந்த ராஜபக்சவை முன்மொழிந்தார். முன்னாள் அமைச்சர் ஜோன்ஸ்டன் பெர்னாண்டோ அந்த பிரேரணையை உறுதிப்படுத்தினார்.
ஸ்ரீலங்கா பொதுஜன பெரமுனவின் விசேட தேசிய மாநாடு முன்னாள் ஜனாதிபதி மஹிந்த ராஜபக்ஷ தலைமையில் கொழும்பு சுகததாச விளையாட்டரங்கில் ஆரம்பமானது.
ஸ்ரீலங்கா பொதுஜன பெரமுனவின் ஸ்தாபகர், முன்னாள் அமைச்சர் பசில் ராஜபக்ஷ மற்றும் அக்கட்சியை பிரதிநிதித்துவப்படுத்தும் பெருமளவான அமைச்சர்கள் இந்த மாநாட்டில் கலந்துகொண்டுள்ளனர்.
அக்கட்சியின் சுமார் 5000 பிரதிநிதிகள் இந்த மாநாட்டில் இணைந்துள்ளனர்.